![]() |
سؤال الان لو رجعت لشرطة بعد ماوصلت في الصادر الخطي في الامارة ايش يعني ؟؟
|
اقتباس:
ياقلبي هذه اقسام الاماره وبعد الصادر الخطي ياحتروح الداخليه او المحكمه حسب اللي اشوفو والله اعلم |
اقتباس:
للاسف لا راحت هنا ولا هنا رجعت الشرطه مع انو كل شي مزبوط بس شكلو لان معقبنا مافي راس امه شي حسبي الله عليه واوراقنا من جدة ومقدمها لنا في مكه حسبي الله عليه الله يمرمطه زي مامرمطنا الله ينتقم منه |
اقتباس:
وترفقي صورة هويتك وهوية والدك وجواز الخاطب صور وترسليها عن طريق البريد الممتاز او عن طريق فرع الداخليه بطريق الملك عند دوار الكره الارضيه حتعرفي موافقه ولالا لمن ترجع المعامله للشرطه بعد ما ترسلها الداخليه للاماره |
اقتباس:
اذا سليمه يعني اكيد مو رفض ممكن في ورق ناقص |
اقتباس:
ايوا اصدرلنا تحاليل سليمه وارسلنا صوره لها زي ايش كل شي عطيناها هي يادوبك راحت الحقوق وبعدها لصادر وبعدها غلى طول بنفس اليوم تحولت لشرطة |
اقتباس:
بس كان العمر ناقص عشان كدا.. لكن انتو ايش السبب ؟ اسألو المعقب ايش صار وفين وصلت ؟ او روحو الشرطه اسألو ممكن ناقص ختم ناقص ورقه اي شي |
اقتباس:
مستوفين الشروط من ناحية العمر وكل شي وعطيناه كل الاوراق اساسا احنا رحنا للمعقب بسبب تحاليل .. كلمنا المفروض يرد علينا الان بس ما اظظن بيرد عبال ماتوصل المعامله الشرطة اكيد يبغالها للاحد عشان يعرف ايش فيها |
عرفنا سبب رجوعها لشرطة طلع عشان الشهادة هي مختمه لكن في رقم مدري تاريخ لازم ينكتب قام المعقب يقولنا خذوها حاولوو تخلصووها ونرجع ندخلها لكم
يعني بجد رافع ضغطي مدري ليش يبغى ياخذ فلوووس الله ينتقم منه وهو ماعمل ولا شي |
اقتباس:
يلا اهم شي مو رفض الحمدلله |
الله يسعدكم انا في كرب والله
الله يسعدكم اعطوني حلول انا اللي يبغا يخطبني سوري عايش بمصر دكتور عمرو 31 سنة بس مو عارف كيف يجي لهنا اوراقو واقفة ايش في طرق انو نتجوز ؟ يعني اطلع انا او كيف الوضع وايش في حلول تانية انو يجي الله يخليكم اقترحو عليا او ساعدوني الله يخليكم الله يسهل اموركم يارب ساعدوني |
اقتباس:
مو لازم يجي ترى انتي قدمي المعامله زواج من الخارج و ارفقي صورة جوازه و المعامله تاخد مجراها الين تخلص بعد كدا تتحول للسفاره السعوديه وتعقدو هناك وبعدين اذا تبغي تجيبيه هنا تجيبه عادي بفيزة زوج مواطنه . |
اقتباس:
يعني لازم انا اسافر لعندو ونقدم المعاملة ف مصر وبعدين هيا تتحول للسعودية وهوا يقدر يجي هنا ويتوظف وكل شي بفيزة زوج مواطنة ؟! ولا انا مايحتاج اسافر ولا كيف الوضع !! |
اقتباس:
تروحي عندهم تقولي ابغا اقدم طلب زواج من الخارج وهما يعطوكي الاوراق المطلوبه راح يطلبو جواز الخاطب فقط لانو مو مقيم هنا. بعد كدا المعامله تاخد اجراءها الين تطلع الموافقه تترسل على الخارجيه وبعدين على سفارة الدوله اللي مقيم فيها خطيبك وتعقدو هناك. وتجيبيه هنا بفيزة زوج مواطنه ويكون ع كفالتك ويشتغل . |
اقتباس:
|
الساعة الآن 03:41 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا