ما اعرف ايش فيه موقع امارة مكة من الصباح متعطل ومو قادرة اشيك ع المعاملة ويجيني هذا المسج

This page http://www.makkah.gov.sa/) is currently offline. However, because

مسا الخير
ي جماعه انا خطيبي فلسطيني بوثيقه طلبو منا صحفية سوابق وجاب لهم من السفارة الفلسطينيه المشكله انهم يبغو من نفس البلد فلسطين وهو عمره بحياتو مادخلها ولا عندو احد من اهلو هناك فهل صحيح لازم من هناك ولا دي بس مماطله من الشرطه لانهم رافضين يحولو المعامله للاماره طالما انه صحفية السوابق ماهي من فلسطين صادرة
والمعامله منتهيه تقريبا وتم توقيعها من جميع الادارات بالامارة فقط كانو محتاجين صحفية السوابق وللعلم معاملتي لها 3 سنوات وهاذي الرابعه مابين اوراق وتجلس بالشهور حتي تتحول للاماره وترجع وكل مرا يطلبو طلب طفشونا الله يسامحهم
ياليت تفيدوني

طيب صدقها من الخارجيه السعوديه هنا ولالا؟؟
اذا لا خليه يصدقها

مصدقه من الخارجيه السعوديه .. ايش يبغو بالضبط ماني عارفه ورافضين نهائي تحويلها للأمارة

حسبي الله عليهم ونعم الوكيل

طيب اكيد في شي ناقص
حاولو ترجعو تسألو او تشوفو احد
نفس وضعكم كيف ختمها حتى لو من اي جنسيه تانيه
البلدان الي فيها نزاعات زي اليمن او سوريا
اكيد بنفس الطريقه..

لاحول ولاقوة الا بالله
طيب بعد ماصدقتوها من الخارجيه ايش قالوا لكم قبلوها او لا ؟
يمكن لان اوراق المعامله تاريخها قديم حاولوا تجددو الورق والله يعينك ويساعدك
انا قبل شهر تقدم لي فلسطيني مواليد مارضيت لانها من الجنسيات المعقده وانا مافيه انتظر واضيع عمري واتعب نفسيتي غير ماهي تعبانه خصوصا اني شايفه معاناه صحبتي
مثلك لها سنوات الله يسهل لها ولك يارب

صباحك ورد وتسهيل من رب العباد
في الخارجيه صدقوها من غير مايقولو له شئ المشكله عندنا بالشرطه تعقيد مو طبيعي علي ماحولو المعامله للاماره قبل شهر اخذو شهرين بعد تحليل السموم جلست عندهم شهرين كامله وكل شوي يقولو تعديل في الخطاب الين ما طلعت من عندهم علي الاماره طفشونا والله
وبعدها رجعت علي اساس ناقصه توقيعات وتم توقيعها من ادارة الوكاله المساعدة وخلصت ووقفت علي صحيفة السوابق الا يبغوها من فلسطين صادره
اذا عمرو ما دخل بلده و وثيقه مصريه كيف يجيب لهم الصحيفه مو عارفه والله قهرونا
ما نقول غير حسبي الله ونعم الوكيل

السلام عليكم ..

ماشاء الله تبارك الرحمن على التفاعل في المنتدى

حبيت استفسر .. أنا شخص باكستاني من أوصول برماوية "مواليد السعودية" ..
وكل الإثباتات باكستانية تماماً ماعادا شهادة ميلادي السعودية مكتوب جنسية الأب برماوي
عندي جواز باكستاني .. وفي الإقامة باكستاني

عمري 25 سنة .. من جدة

وراح أتقدم لإمرأة سعودية عمرها 30 سنة "مطلقة" ، مكان إقامتها الرياض .


تتوقعو تمشي المعاملة ؟! ..

والله هما مرررا مشددين على الجنسيه البرماويه او
اذا كانت عندك اصول برماويه..
قدم وحاول وان شاء الله تمشي وادا ما مشيت شفلك
معقب

طيب جربي قدمي معامله من مكه عسى الشرطه ماتدقق عندهم
او خليه يصدقها من مصر دام وثيقته مصريه
هو خطيبك مواليد او لا ؟
الله يعينك ماعرف ليش مشددين على الفلسطيني

وعليكم السلام الجنسيه الباكستانيه من اصور برماويه ممنوعه للاسف بس اذا تبي تجرب حظك جرب
بس اذا رفضو من البدايه لاتحاول

مواليد السعوديه ومايعرف لفلسطين طريق كيف يبغوه يجيب لهم صحفية سوابق منها مو عارفه مو علي اساس السفاره في اي دولة تقدم خدمات ومعترف فيها ايش التعقيد دا لكن ما نقول غير ربنا علي كل شي قدير

ولو ابغا اقدم من جديد لازم كم يمر ع المعامله القديمه وهل اقدر اقدم في المنطقه الشرقيه وايش المطلوب عشان اقدر اقدم فيها لازم اثبات السكن ولا الرجال يقدر يقدم لانه من ساكت المنطقه هناك ؟؟؟

طيب انتم لما قدمتو وضحتو انه مواليد ؟؟
غريب امرهم مواليد كيف يبغوه يجيب ورقه من بلده
انا حاسه ان معاملتك فيها شي غير هالوررقه طيب انتي شفتي احد ثاني نفس مشكلتك ومارضيو يحولوا معاملتهم ؟؟
بخصوص سؤالك ماعندي اجابه اكيد
بس شفت بنات معاملاتهم مامشيت بجده وحاولوا كثير وسبحان الله قدمو بمكه ومشيت الحمدلله

خليه يصدقها من السفاره السعوديه بمصر
و السفاره الفلسطينيه كمان هناك
حتى لو قدمتو من منطقة تانيه الاجراءات نفسها
هما يبغو ختم القنصلية السعوديه فخليه يختمها
من مكان تاني !
اعرف ناس يمنيين ختموها من مكان ثاني ومشيت