|
انت وأنا
مالك ومال وجع الراس يعني الأمارة والوزارة تدور أعذار وأساليب تطفيش من تحت الأرض وانتِ بتقدمين لهم هالفرصة إذا خليتي خطيبك ينقل كفالته سواق لأن الأمارات تشدد على مسألة المهنة وتعريف الراتب طيب بالله إذا كان سواق .. كم بيكون راتبه ؟! لأن الأفضل مايقل عن 3500 يعني أنا أشوف إنكم على مهلكم تشوفون نقل كفالة بأي مهنة بعدين تقدمون ولا إنكم تحطونها سواق وتدبسون فيها سنتين ويمكن ماتتعدل من سواق لمهنة أخرى وعلى فكرة حتى الطالب تنرفض المعاملة |
السلام عليكم
حبايبي الله يسهلكم جميعا ونفرح فيكم انا سجلت وحابه انكم تساعدوني انا حللت من شهرين والحمدلله النتيجه طلعت ايجابيه حابه اعرف كم وقت تاخد بعد التحللبل عشان يحددو العقد |
السلام عليكم كيفكم ياحلوات
بنات سؤالي للي جاتهم الموافقة و تحولت معاملتهم للمحكمة عشان عقد القران كم اخذت يوم وتحولت أنا جاتني الموافقة من السبت اللي راح و الين دحين يقولوا ماوصلت المحكمة مرة شايلة هم طمنوني أناا من جدة |
شجن يا قلبي بعد ماتخلص التحاليل تتحول على البحث الجنائي و تجلس اسبوعين و بعدها تتحول على الأمارة و تجلس من اسبوعين لشهر و يردوا عليكي بالموافقة باذن الّلہٌ إذا خطيبك من مواليد السعودية. لكن لو مو مولود هنا راح تتحول بعد الأمارة لوزارة الداخلية و تجلس اسبوع او 10 ايام و بعدها ترجع للأمارة مرة ثانية.
ان شاءالله أكون ساعدتك حاسة فيكي والله دعواتك ليا ربي يتمملي على خير |
الواثقه بربها
انا راحت البحث الجنائي لانو قريبي راحت قبل التحليل وهوا الطرف السعودي مو انا انا محتارة انو الحين اكتتتتتر من شهرين وكل مااراجع في الموقع يطلع لي تحت الاجراء وكل الاجراءات خلصصت |
والله ما اأعرف ياقلبي
خلي خطيبك يراجعهم و يسأل ايش صار على المعاملة |
تسسلمي الواثقة بربها
والله يسهلك اموررك |
السلام عليكم كيفكم حبيباتي
ابشركم اليوم تم عقد قراني في المحكمة الساعة 10 و نص الحمدلله الحمدلله الحمدلله الّلہٌ يفرح قلوبكم زي مني فرحانة دحين و يسعدكم و يتمملكم على خير ربي ماراح يخذلكم بإذن الّلہٌ احبكم * |
الف الف الف مبروووووووووووووووك
والله فرحتلك من كل قلبي الله يتمم على خير ياعمري وربي مرا انبسطت وامين يارب يسهل امورنا وانا احوووبك ياعسل دعواتك |
لولو حياتي الّلہٌ يبارك في عمرك و يفرح قلبك قريب ان شاءالله
ان شاءالله تبشرينا بالموافقة قريب عليكي بالدعاء في كل صلاة و ف آخر الليل و باذن الّلہٌ راح تتحقق امانيكي و تتسهل أمورك |
اقتباس:
مبرووووووووووووووووك يا قلبي اللهم لك الحمد.. الله يسعدك و يوفقك ويتمم زواجك على خير وتعيشوا في سعادة وراحة بال ادعي لي يا الواثقة الله ييسر لي أمري و يجمعني بخطيبي على خير عاجلُا غير آجل |
اللهم اميييييييين
يارب يحقق امانينا ويسهل امورنا ويفتحها في وجهنا ويارب يكون شهر خير نسمع فيه كل الاخبار الحلوه والموافقه لكل وحده يارب يفرجها من عنده |
بنات انا معاكم والله قصتي قصه انا
الحين انا الطرف السعودي هو فلسطيني .. ابوه واخوانه في السعوديه لكن هو على حظه انولد وتخرج من ثانوي من السعوديه لكن بعد الثانويه رجع على (غزه ) عشان يدرس جامعه وتقوم الحرب وتتسكر عليه الابواب كلها واقامته انتهت ولا قدر ابوه يجددها :( الان هو طلع وعايش في مصر تخرج من جامعه كويسه وحصل اكثر من عرض وضيفي في السعوديه بس عشان جوازه فلسطيني يقولو لنا مالهم تفييز :( انا وهو نبغى بعض لكن كيف السواه .. ؟ يعني لو تخطيت عقبت ابوي .. ووافق عليه والرجال مو في البلد ولا يعرفه كيف اسوي الاجراءات انا وهو كبرنا .. والعمر يمشي والله احس بقهر وخوف |
صباح الخير ..،
انا سعودية 33 سنة .. خطيبي أجنبي مقيم 40 سنة .. مضى على معاملة الزواج أربعة أشهر .. وهي الآن في الأمارة بانتظار ارسالها الى وزارة الداخلية .. كم من الوقت ستستغرق هذه الخطوة ؟ وهل يتطلب منا مراجعة الداخلية أم نكتفي بمراجعة أمارة المدينة المنورة ؟؟ موفقين |
صباح الخير
اخواتي اتمنا تساعدوني كيف اكتب خطاب للاماره للزواج من اجنبي غير مقيم |
| الساعة الآن 01:34 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا