|
|
اقتباس:
بس يوم شفت ردك قلت برد عليها اول والله يستر من ردي وانا دايخه ومعصبه لاتشرهين علي 😅ولا تزعلين وتفهميني غلط اوكي ؟ ترى انا فيني نوم ومرهقه حبيبتي عيون متفائلة ماتلاحظين القطاوه اللي عندك مدري حظها مو زين ياتتسمم وتستفرغ ياتنحرق كلها اصابات ادري مو ذنبك ياعمري 🌹 بس والله مساكين دامك دخلتيهم بيتك هم بذمتك احرصي اكثر الله يجزاك خير انا ادري نيتك طيبه والله ياجرك يارب وقليل اللي زيك الله يكثر من امثالك بس النقطه اللي بوصلها انهم بذمتك دامك جبتيهم عندك (ومسؤوليه) وماودي تتحملين ذنب فوق طاقتك فاحرصي اكثر الله يجزاك خير او اتركيهم لاتحطينهم بمسؤوليتك عشان ماتتحملين ذنب ❤❤❤❤ وانا متفهمه شعورك انك ترحمينهم والله قليل اللي زيك الله يعطيك على نيتك ويرحمك زي ماترحمينهم بس اتمنى النقطه اللي بوصلها وصلتك صح وبس 🌹🌹🌹🌹 |
يشهد الله يا قلبي إني حريصة عليهم لدرجة الوسواس ، تدرين اليوم وحدة من صديقاتي قالت لي نفس كلامك ، قالت اعوذ بالله شكلك محسودة فيهم من القر و النق ، كل اللي حولنا كل ما كلموا الوالدة او زارونا يقولون : يوه للحين هم عندكم متى تطلعونهم
تدرين ان فيه واحد منهم اجتماعي حبيبي ملقوف يحب الناس و يطيح عليهم على نياته استقبل خالاتي عند الباب يوم العيد و بعدها ما عين خير اني من العيد للحين و انا اعالج في عويناته ، وديته العيادة مرتين ابر مضادات و قطرات عيون و مراهم و للحين ما طاب ، و المشكلة مرضه مفضي للعمى لحظة أجيب لك صورة من النت نفس الصورة اللي وصلت لها عويناته ، صديد يصب منها طوال الوقت ، اني ابكي عليه ليل و نهار اقول ليتها كانت عين وحدة حتى لو لا قدر الله راحت عنده الثانية ، تدرين انه ما يقدر حتى يفتح جفونه من الألم و الضوء يزعجه تكفين ادعي له ، ابراجع بوه بكرة ان شاء الله للمرة الثالثة و يارب خير |
لا لا لاتجيبين صور تضيق الصدر وانا بنام بخمد
وبعد عندك اصابات ب العمى لا تراجعين به للعياده انتي متأكده تودينهم لعياده والا مجزره كل اللي تودينهم للعياده يرجعون ميتين !! والله حرام انا اخاف عليك ماودي تتحملين ذنب ارواح ((وهم بذمتك بمسؤوليتك لانك جايبتهم عندك )) طيب دامك تقولين محسوده فيهم خلاص لاتجيبينهم عندك وتتحملين ذنبهم يختي لا تزعلين مني يعني لو انهم بالشارع ماجاهم كل هذا الله يعطيك على نيتك ويرحم حالك ويسعدك يارب🌹 الله يهديك كنت بنام وكلامك طير النوم ابي انام تعبت |
شوفي بالله هذا اسمه التهاب الملتحمة الفيروسي
فوق الشهر و انا اعالج فيه بدون فايدة ، و هذا المرض يؤدي للعمى لا قدر الله ما قدرت اصور عيونه ما يخليني أفتحها ، هذي الصورة من النت مسكين ما يقدر يفتحها على طول مغمض و الصديد ينزل منها ، و يوم بصعوبة انظفها و افتحها عشان احط له القطرة او المرهم يكون شكلها من الداخل زي الصورة الملتحمة اي الجفن الداخلي مغطي العين و البؤبؤ كلها من الداخل الشحمة الحمراء اللي شايفتها هي الملتحمة عشرات الدكاترة تواصلت معهم هذا الشهر بخصوصه واتس و فيس بوك و مواقع و اتصالات و غير بحثي في المواقع الأجنبية و ترجمتها بدون ما اتوصل للعلاج المناسب للحين و ما غير استخدم له الرقية الشرعية و النفث تعبت و مرضت ما اتخيل انه لا قدر الله ما عاد يشوف الصديد النازل من عيونه يصب على خدوده صب طوال الوقت ، و ما غير انظف له إياه كل ساعة حتى لا تسوء حالته زيادة انا ودي ابكي و افضفض لكم هنا كل يوم عن قلقي و اوجاعي بس اخاف اغثكم تخيلي طول عمري انقذ و أوي القطط ما عمره مر علي زي كذا واضح انها عين قوية ما صلت على النبي اقلك كانت تجيهم التهابات عادية في عيونهم ما تحتاج قطرات او علاج و تروح من حالها ماشاء الله تبارك الله ، و اذا ما راحت قطرة معمقة كم يوم و ينتهي امرها هذا حبيبي ما قط شفت حالة مثله اعوذ بالله صديد صمغي اصفر يلصق جفونه العلوي و السفلي سوا و يابس و ثقيل و على طول يصب و من شدة التصاق الجفنين ما اقدر أعزل بينهم غير بموية دافية و كومة قطن و عشر دقايق حتى يتباعدون و استطيع اضع القطرة و المرهم في كل مرة http://a.up-00.com/2018/07/153177894084751.jpg |
يا اختي و انا بكيفي اجيبهم
يعني يوم القى رضيع يصيح ميت جوع له فترة طويلة طايح بالسكة و امه ميتة او مدعوسة هل اتركه يموت و الا اخذه و ارضعه و يكبر عندي و يتعود على المكان و يصير صعب يفارقه او مصاب مصدوم او مريض هل أتركه ينزف و يموت و الا ازرق به على اقرب عيادة و اعالجه بالبيت لين يصير حالة خاصة ما يقدر يعيش بالشارع بسبب اعاقته كل اللي عندي بالطريقة ذي انا ما اتعمد اجمعهم من الشوارع انا ماشية على مبدأ من احياها فكأنما أحيا الناس جميعا و مبدأ أمم امثالكم انا لا ديني و لا مروءتي و لا ضميري يسمحون لي أتركهم كأني شايفة قرطاس مرمي و أمشي |
عيون حرام عليك انا ماقلت لك ابنام ابخمد
ليه تحطين ذا الصور وتشرحين بالتفصيل بعد ياربيييييه تدرين لي يوم ونص مانمت مدري وش فيني الساعه البيولوجيه مترخبطه مدري وش السالفه ولاجاني نوم خلاص لاتسولفين وتحطين ردود بنام بيت ابوي مو منتدى ههههههه |
مين قال ان كل اللي وديت لهم جزارين او كل العيادات جزارين
انا سبق قلت ان قليل جدا الأمين ، و الكثير المنتحل و اللي ما يخاف ربه ، هذا لا يعني إني كل ما أودي أحدهم أرجع به ميت ، و الا من البداية ما وديت و لا انتظرتك تقولين لا تودينهم يعني خلاص يا اطخه يا اكسر مخه ، يعني يا أتركهم في الشارع رضع او مصابين لين يموتون ، او اتركهم عندي بدون علاج عشان كم جزار ما يخاف ربه لا طبعا أحاول لين أجد الأمين اللي يخاف ربه ، مو شرط اطب فيه من خلال عيادة ، ممكن من خلال استشارة عبر أي وسيلة من وسائل التواصل ، اهم شي ما أفقد الأمل و أعلم و اوقن ان لكل داء دواء علمه من علمه و جهله من جهله و ابرئ ذمتي أمام الله . بعدين اللي ربي قدر لهم يروحون لجزارين اثمهم على الجزارين المرتزقة ، اهم شي النية مطية ، و قد وقع أجري الحين لو أدري من البداية إنه جزار حرامي ما يخاف ربه هل ابوديه حالي مثل حال الاب المكلوم اللي يجري بولده على اقرب مستشفى و يطب في طوارئ مهملين مستهترين قضوا على ابنه ، هل لو درى إنهم ما يخافون ربهم هل وداه لهم من البداية و خلاهم يوقعون على جثمانه |
الاقيها من اختي عقب ماخذت هالقصمنجي
صارت قرقاره صدعت براسي وتتكلم بسرعه كنها آله والا من اصابات قطاوتك 😭 خلاص لا تقرقرون 🙈 خلوني انام والله شكله هنا محد يبربر غيري 👀ههههههه لاتلوموني من قل النوم يوم ونص مانمت فصلت بتحول مدري وش بصير ياربي خلني انام بسرعه اول ما اغمض ولا تخليني احلم كوابيس ياااربي |
خلاص روحي نامي آسفة على ازعاجك
نوم العوافي يارب |
عيون الله يجزاك كل خير ويعينك
تصبحين على خير ❤❤❤ انا فصلت |
كيفكم جمعيا
هلا مستكفة الله يسلمك مشكورة على الدعم وين قطرااات مشتاقين لها |
عيون تعالي انا مانمت. ماجاني نوم
مدري وش فيني 😭😭😭😭😭 يعني وشلون منب نايمه للابد وش وضعي شكلي بكمل يومين شكلي بطور التحول لعفريته من الجن زي الاسم هههه والله اتكلم جد احس اني فصلت ويدي تنتفض وخفقان من كثر ما انا ماسكه الجوال احس تأثرت |
بدراني انت ماتكلمت الا يوم قلت انا تصبحون على خير
يعني وش هاه ؟ 😂😂 نتظر ني اخمد وتخلو الساحه ويعم الامن والامان حسيتني قنبله موقوته 😂 ماملينا عينك انا وعيون وقطاوتها ههههههه انا اصلا من كثر ما اقول بنام من كثر ماقول بنام هج النوم |
خلاص بطلع ان شاء الله ما ارجع واخمد
وان شاء الله انام نومه اهل الكهف 😂 خروووج نهائي 🖐🖐🖐🖐 لا اله الا انت استغفرك اللهم واتوب اليك 🙈 استودعناكم الله الذي لاتضيع ودائعه الوداع يا اخوتي في الله 🖐 |
|
| الساعة الآن 08:18 PM |
|
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا