|
|
اقتباس:
وش هانم ذي بعد😅 انا مو هانم على احد !! بالنسبه للموسيقى ماشاء الله عليك احييك ونادر اللي مثلك بهالزمن الله يزيد ثباتك👍 تبين الجد الان ماعاد فيه اغاني زينه الا القديمه بس وكلماتها حلوه |
|
|
عفريتة و انا اقلب في جهازي القديم طبيت في ذي الصورة ، الصورة لها قصة
و هي إن قبل أربع سنوات في عز أيام القيظ طلبت مني وحدة من صديقاتي ارافقها لسوق شعبي اسمه سوق الشاطئ شمال جدة ، و اثناء التسوق طبينا في إثنين قطط رضيعة مرميين في كرتون يصايحون و حلوقهم جفت من الجوع و الصراخ ، و كان بالضبط نفس أيام القيظ هذي و فوقها كان في شهر أغسطس يعني النار و الشرار ، أنا وقتها تشتت قامت اقترحت علي صديقتي تاخذهم توديهم لأحد اقاربها رجل كبير عنده حوش يجمع فيه القطط المريضة و طول اليوم يطعم و يعالج الله يجزاه خير و ما له دخل مادي غير من الرسم ، يرسم لوحات زيتية و يبيعها في المعارض حتى يستطيع إطعام و علاج الضعوف مع إنه متعلم تعليم عالي في الخارج ، و بالفعل ودتهم له و عطاهم إحدى الامهات المرضعات القابعات في أحد زوايا الحوش و الحمدلله تقبلتهم و ارضعتهم ، و انا ادوشتها كل فترة اقلها خليه يصورهم عشان أطمئن ، و بالفعل صورهم و هم يرضعون من الأم البديلة سبحان الله ، و الحين مرت أربع سنين يا ترى وش صار عليهم الآن http://a.up-00.com/2018/07/153209836699351.jpg |
عساكم دعيتوا في ساعة الإجابة ربي يتقبل من الجميع
عسى قمركم ما يغيب عسى لياليكم تطيب سبحان الله عوينات الأم البديلة تنطق بالبراءة ، بالله مين بصدق ان الرضيعين ما هم من احشائها هذي جزء من واحد من مية رحمة جعلها الله بين عباده يتراحمون بها في الأرض كيف رحمته الكاملة سبحانه سبحان الله الصغار الاخوان اللي لونها غامق انثى و الابيض و المشمشي ذكر أذكر تعلقت فيهم مجرد مسافة الطريق شلتهم و حطيتهم داخل غطاء وجهي قعدت اقبلهم و امرر أفواههم و هم يصارخون على وجهي حتى اسكتهم و آكل كفوفهم الطرية الصغيرة الله يجزاه خير حاط كرتون تحتهم مع ان نظافة الحوش لا تعليق ، بحكم الله يعينه عزوبي مطلق زوجته من مدة طويلة و عياله ماشاء الله متزوجين كلن في ديرة ، تقول قريبته يشيل معه شنطة اسعافات اولية للقطط في سيارته بها مراهم عيون و قطن و شاش عشان الاصابات و مراهم جروح ، غير ماشاء الله يمر على المطاعم ياخذ الدجاج الزايد و يوزعه على حاويات الحواري ، تقول كل قطط الشوارع يعرفونه ، حتى يوم يعرض لوحاته في المعارض الشهيرة تقول سبحان الله القطط تسبقه على باب المعرض تنتظره يطعمها ، تقول سبحان الله مدري وش يدريهم إنه جاي ، تقول لدرجة قعد يطعم قطة مصكوك عليها باب حوش مهجور حاول يوصل لصاحبه ما قدر و قعد يحط لها الماء و الطعام يوميا من تحت الباب لمدة شهور طويلة لين اختفت مع انها في حارة بعيدة عن بيته . سبحان الله الرحمة حيث يضعها الله ما تعرف كبير او صغير ، قبل فترة تعرفت على طفل عمره اربعطعش سنة بالانستجرام معلن عن احدى القطط الصغيرة اللي متولي رعايتها مع اخوانها حيث ما عندهم أم ، و ارضعهم و اعتنى فيهم حتى كبروا شوي و اهله ما هم مساعدينه على هذا العمل النبيل و الرحمة ، و كان واضع القطط الصغيرة في مكان قريب من بيته و كل ما راح يصلي مر عليهم الله يجزاه خير ، و فيه وحدة من الصغار عمياء اصدمتها سيارة و صارت تنزف مع كل مكان و صورها و أعلن حتى يلقى أحد يتكفل بعلاجها الله يعافيها و يسعده سبحان الله كنت اتمنى يكون عندي ولد مثل رحمته و حنانه و احطه في عيوني و افخر به و اشجعه اعوذ بالله فيه اهل شياطين ما يعينون عيالهم على الخير و الرحمة لا المسوا فيهم بادرة خير مضيقين عليه حبيبي ضعيف مع انه يقول لي طول عمره يعالج فيهم و ينقذ لين صار عنده خبرة في امراضهم و ادويتهم ماشاء الله تبارك الله عليه ضحكني حبيبي يوم يقول طول عمري اعالجهم ، وش عمره غير اربعطعش ربيع ربي يجعل له طول العمر في صحة و طاعة و أمثاله من الرحماء عندي قصص من رحمتهم ببعضهم الكثير حصلت قدامي ، لذلك ما تعلقت في هؤلاء الضعوف من قليل و تركت وحوش البشر |
الله يعينك على فعل الخير ويرحمك ربي بهم
معبرة صورة القطوة الام وجميلة بس انا ما اتخيل نفسي وجها لوجه مع قطو ابدا العله فيني عادي اتفرج عليها واشوفها من بعيد بس اقولك شي بس ماتضحكين علي الحشرات ما اخاف منها ابدا لانها صغيره واقدر اهج ببساطه اما القطو اذا طلع لي اخاف افقد تركيزي ولاعاد ادري وش اسوي تطير شوشتي من الخوف في حالة استنفار و هو بعد يخاف ما الومه ولا اعرف انحاش في الاخير نتصادم قد صار لي موقف كذا وانا امشي وضحكو علي البزارين اللي في الطريق وافشلتاه موقف ما انساه وبعض القطاوه الكبيره لما تطالع بتحديق تخوف. كأنها انسان يقولون سمعت لما بعض القطط تحدق فيك بشكل غريب يصير فيك مس صحيح هالكلام ؟ لا يكون فيني مس بس ههههههه ! هو بس بعض القطاوه مثلا خروف العيد اذا جبناه في الحوش لما يطالع عادي ما اخاف منه احسه دلخ يمكن لانه ياكل عشب بسعاده ههههههه مايدري اننا بنفترسه وهذي اخر وجبه له والله مدري وش السبب شي نفسي انا عجزت افهم نفسي بس الأكيد العله والبلا فيني مو بالقطاوه |
الاعمال هذي البسيطه مثل تجميع الاكل واطعام القطط او العصافير عند ربي كبيره ❤
ممكن ربي يدفع بلاء ويستجيب لدعاء بسبب عمل بسيط ماياخذ وقت انتي بتاخذين اجري ياعيون لانك ذكرتيني بهالنقطه تجميع باقي الاكل بحط علب تونه عند زباله الشارع اللي عندها قطاوه وبنحاش |
عيون اعرف لك ولد صغير كان يتعلم السواقه
صدم قطوه بسيارته بالغلط اظنه مسرع او ماانتبه المهم لما نزل من السياره يشوف اظن لقى عيالها مجتمعين حولها وهي شكلها ماتت الولد الصغير هذا كبر ومرت سنوات تخيلي للحين مايسوق. يقول المشهد براسي الى الان مانسيته |
تدرين ان القطط كمان في الدلاخة و البراءة و إحسان الظن بالآخرين شي عجيب
هم صحيح خوافين مرة و على طول مرعوبين حبايبي ، بس إذا اطمأنوا لبني آدم سلموه الخيط و المخيط ضعوف أما بالنسبة لخوفك منهم طبيعي قلبي لأنك ما عاشرتيهم لدرجة ينامون معك في لحافك لا يضيق صدرك ترى كثير اللي يخافون منهم لأنهم ماهم متعودين يكفي رحمتك بهم حبيبتي و إنك ما تؤذينهم ، هذا عند ربي ما هو بسيط ربي يسعدك و يحقق أمانيك بس من جد افتقد العضيد لو كان طفل يساعدني على هذا العمل النبيل ، ساعات اقول لو عندي طفلة عمرها عشر سنوات تصير عيني عليهم فقط و تتفقدهم ساعة نومي او انشغالي الحين لو لا قدر الله لو اروح في غيبوبة ما احد يبي يصب لهم شربة ماء من الجالون اللي وسطهم ، تخيلي ممكن يموتون ظمأ و الجالون جنبهم عندي في البيت و لا أحد يبي يسأل ، مافي اهتمام و لا تشجيع مرات أقول الواحد لو معاشر طاولة طعام يعز عليه تبدليها ، و هؤلاء الأنفس يموتون احتار في دفنهم ، ساعة يسمع اخوي الصغير كلامي و نروح سوى و ساعات ياجل حتى كلمة مواساة بعد وفاة أحدهم ما ألقى لذلك الواحد لو عنده عضيد بشري يدعمه معنويا و يشاركه وجدانيا حتى لو كان طفل كانت الحياة غير اللي نبيه عيا البخت لا يجيبه .. شكلي إذا سقت ان شاء الله ابتبنى الصغار الناشئة القطهم بسيارتي ندور و نطعم هؤلاء الضعوف و اغرس فيهم مفهوم الرحمة و الرفق الديني و يطلع جيل جديد راحم بدال العنف اللي ملى الدنيا ، تلقين الأب يقضب و يرصع في الأم و هي ترصع في عيالها تحط حرة أبوهم فيهم ، و العيال يحطون حرتهم في هؤلاء الضعوف ثم ربي يطرح سخطه على العباد و البلاد |
اقتباس:
عفريت صغير شغليه اكرفيه عطيه اصعب المهام 😂😂 تكفين خذيه😂 فكينا منه بثر ومزعج يعاملونه معامله خاصه لانه اخر العنقود طيب واللي بنص العنقود ليه ضايعين مالهم رب 😅 هالولد توه صغير و نافش ريشه زي الديك خذيه ببلاش ومعه هديه الله الله بالاعمال الشاقه رجعيه لنا بعد ست شهور و نتفي ريشه 😅 |
لا تشتكي من جور الايام للناس
وادفن همومك في ثرى الصمت كله اسرار عمرك خلها تحت الانفاس لا صار هراج القفا فاطنن له هذاك يفرح لا لمس جرح الاحساس و هذا مناه لا لقى فيك عله اناااااا اشهد 👌 جو الربيع بعجة الصيف ينحاس لاجت هروج(ن) ما تجي في محله داعب هموم الليل لا هب نسناس وعطها الخبر من قلب خل(ن) لخله قله حبيبك ما وطى قلبه الياس حتى عذابك بالهوا جايز(ن) له ه تعيش بالوجدان ما عاش هالراس لولاك قلي وش انا عايش(ن) له إن زانت الايام يا شوق لاباس ولا صبرنا لين ربك يحله https://m.youtube.com/watch?v=NbP2sV2NvY0 |
الله يحفظه لكم عفريتة و يصلحه و يبارك فيه ، أهم شي يحن على الحيوانات و الضعوف بطبعه و ازهليه ما لك إلا اللي يسنعه
تدرين مدري ليش كذا آخر العنقود يعاملونه الله يصلح الوالدين كذا يخربونه ، الحين عندي آخر العنقود أخوي صحيح هو في العشرينات و لكن ربي يعافيه عنده إعاقة ذهنية غير شديدة بحيث تفكيره تفكير طفل عمره حول ثمان سنين ، و أنا أخاف عليه يخالط الغرباء ، و هو اجتماعي بالدرجة الأولى ، و من بعد وفاة الوالد الله يرحمه ما أحد يراقبه لدرجة السواق اللي قبل طيحه بالدخان لفترة و بصعوبة خليته يتركه ، و الحين الوالدة الله يحفظها ناشبة بيني و بينه أقلها ما يصير يطلع لحاله و يخالط الغرباء اللي ما ندري وش أخلاقهم و هي ناشبة لي و واقفة بصفه و انا خايفة عليه ، تدرين لو وضعه الذهني طبيعي ما بخاف عليه لكن هي مدري كيف ما تخاف عليه ، اقلك من بعد العيد اكتشفت ان معه دخان و سحبته منه و صرت اراقبه و ازعلت و صارت كل فترة تقلب علي ، آخرتها اليوم الجمعة الناس في المساجد تصلي و هي معصبة علي عشان سألته ليش تأخر بعد الصلاة و ما جاء على طول ، و الله إني أخشى إنه بيوم يجيب لنا مصيبة حنا في غنى عنها ، المشكلة مو في الدخان ، المشكلة ان ممكن أحد يطيحه في اللي أكبر من الدخان ، ما تتخيلين قد إيش انا على اعصابي ، و هي كل وظيفتها في الحياة إنها تحاسبني و تمنعني من الانتباه عليه ، لدرجة صرت أشك إني أنا قضيتها في الحياة مو المحافظة على ذي الأمانة اللي ربي ابتلانا فيها . |
فعلا
ليس الذي يبني كمن شأنه الهدم حتى هو مستغرب إنها ما تحاسبه على الخراب و تقف بيني و بينه لين صار مسكين متذبذب حاير ما هو داري اللي قاعد يسويه صح او غلط الحين لو جيتي سألتيه و قلت له هل اللي تسويه صح او غلط ، يبي يقول غلط ، طيب اللي يمنعك عن الغلط يحبك او يكرهك يبي يقول يحبني ، لكن يوم يلقاها تأيده و تحارب اللي يمنعه يبي يسوي الغلط لأن ما عنده استواء ذهني طبيعي ربي يعافيه و هذا اللي مقطع قلبي و في نفس الوقت مقلقني عليه هذه القصيدة للشاعر معن بن أوس المزني وذي رَحِمٍ قَـــلَّـــمتُ أظــــفـــارَ ضِــــــغْنِه بحـــلـــمــي عـــنه وهـــو لـــيس له حِــــلم * * يُحـــاولُ رَغــمـــي لا يحـــاولُ غــــــيـــره وكـــالمـــوت عـــندي أن يَحُلَّ به الرَّغْم * * فإن أعْـــفُ عـنه أُغــــضِ عَيْناً على قَذى وليس له بالصــفـــح عــن ذنــبـــــه عِلم * * وإن أنـــتـــصـــر مـــنه أكُنْ مثل رائشٍ ســهـــامَ عَــــدُوٍ يُــستهاض بها العَضم * * صـــبرتُ عــــلى مــــاكان بــينى وبينه وما تــســـتــوي حــــربُ الأقارب والسلمُ * * وبادرتُ مـــنه النـــأيَ والمــــرءُ قـــادر عـــــلى ســـهـمه مادام في كفهِ السهمُ * * ويَشْتمُ عـــرضِي فـي المُــغَــــيَّب جاهدا وليـــس له عـــنــدي هــــوانٌ ولا شَـــــتْمُ * * إذا ســــمــــتُه وَصْـــلَ القــرابة سامني قـــطـــيعــتها تلك الســفـــاهـةُ والإثمُ * * وإن أدَعُــهُ للنِّــصـــف يــــأبَ ويَعــصني ويـــدعُو لحُــــكْم جـــائــــر غَيْرهُ الحكم * * فلولا اتــــقــــاءُ الله والـــــرحـــــــمِ التي رِعــــايـــتُــها حـــقٌ وتَعـــطـــيلُـها ظُلمُ * * إذاً لعـــلاهُ بـــــارقــي وخَــطَـــمْـــتُــــــــهُ بـــوســـم شَــــــنَــــارٍ لا يشاكهُه وَسمُ * * ويــســـعــى إذا أبــنــي ليـهدم صالحي وليس الذي يبني كمـــن شأنه الهدمُ * * يـــودُ لو أنــي مُـــعْـــدِمٌ ذو خَـــصَـــــاصةٍ وأكــــــره جُـــــهــدي أن يُخالطه العُدْمُ * * ويَعـــتَدُّ غُـــنْــماً في الحوادث نَكبتي وما إن له فـــــيـــهــــا سَــــنَاءٌ ولا غُــنْمُ * * فــمــــا زلــــت فـــي لـــيني له وتعطفي عــــلــيه كــــما تـــحــــنو على الولد الأمُ * * وخـــفـــضٍ له مـــنـــي الجــــناح تــــــألفاً لتـــــدنــــيـــــه مني القـــــرابةُ والرِّحْمُ * * وقــــولي إذا أخــــشى عـــلــيه مـــصيبة ألا اســلم فـداك الخالُ ذو العَقْد والعَمُّ * * وصــبري على أشــــياءَ مــــنه تُـرِيبُني وكظمي على غيظي وقد ينفع الكَظمُ * * لأســـتل مـــنه الضِّــغــن حتى استللتُه وقـــد كــــــان ذا ضِغْنٍ يضيقُ به الجِرْمُ * * رأيتُ انْثلاماً بـــيـــنـــنا فـــرقـــعـــته بـــرفقي وإحــــيائي وقـــد يُـرقْعَ الثَلمُ * * وأبــــرأتُ غِلَّ الصَّـــــدْر مـــــنه تَوَسُّعـاً بحلـــمي كـــما يُــشفى بالادْوِيَة الكَلْمُ * * فـــــداويتـــــه حـــــتى ارْفَـــــأَنَّ نِـفاره فَــــعُــــدنا كأنا لم يــكن بيننا صَرْم * * وأطفـــأَ نــــار الحــــرب بـيـنـي وبينه فأصــبــح بــعــد الحـــرب وهـــو لنا سَلْمُ * |
مساء الخير على الجميع الله يحفظكم
اخوي ابو نجلا راسلتك على الخاص انتظر الرد منك . |
مساء المسك والعنبر
لأحلى ناس واحلى عفاريت ههههههههههه 😁😂 |
| الساعة الآن 05:16 AM |
|
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا