![]() |
السلام عليكم ورحمة الله وبركاته
اهلاً بالجميع ..أنا عضوة جديدة حبيت أشارككم ..وعسى الله ييسر ويسهل ويعجل ويكتب لنا ولكم كل اللي تتمنوه يارب.. حابة اسألكم ..أنا حضرمية ثلاثينية مولودة ومقيمة عمري كله هنا وخطيبي بمنتصف الثلاثين .. يارب انك تسهلها وتحقق لي حلم العمر..وللجميع يارب خطيبي مستوفي الشروط ولله الحمد..بس اللي معطلنا ..هي عدة طلاقه ..لأن لما قدم المعاملة ..قالوله لازم ينتظر اكتمال العدة وبصراحة الواحد من الآن وهو جالس على أعصابه..يعني مايدري ايش بيصير !..ينتظر ينتظر وهو بالأخير مو ضامن النتيجة ! مو خسارة غير أعمارنا اللي تروح الله المستعان يالله انك تعوضنا على صبرنا فحابة أسألكم يقدر يقدم المعاملة لأمير المحافظة ..ولا لازم يكون عنده عذر مثل انرفضت معاملته او عدم استيفاء الشروط..؟ لاني بصراحة ابغى اعجل بدون انتظار وتعقيدات .. الله وحده العالم بالحال ولو في احد يقدر يخدمني فيها بمعلومة أو يدلنا على شخص بأكون شاكرة له ..وله دعوة من القلب من بنت يتيمة .. اسأل ان يفرجها ويسهلها علينا وعلى الجميع |
اقتباس:
كيف مستوفي الشروط ومعطله بسبب عدة طلاقة !! اذا كان مطلق فمن الشروط مرور ست شهور على تاريخ الطلاق وليس تاريخ صك الطلاق |
هلا اخوي.. وجزاك الله خير،
بس ياخوي كان قصدي مستوفي الشروط ماعدا موضوع العدة هذي .. وقصدت لو في طريقة نمشي فيها المعاملة بدل انتظار العدة.. وكمان في شغلة.. استغربتها الآن.. اول مرة لما راح لهم.. قالوله يراجعهم بعد شهرين عشان العدة ومرت الشهرين وراجعهم تاني مرة فقالوله لا..لازم ينتظر كمان.. لانهم هم يحسبوا العدة مش من وقت تاريخ الطلاق بل من صك الطلاق!! لأن لو من وقت تاريخ الطلاق فمعناته العدة كملها ومن أول!! متأكد ياخوي من كلامك! وياليت لو في أحد يفيدنا بهذي النقطة.. |
اقتباس:
اول مرة لما راح لهم.. قالوله يراجعهم بعد شهرين عشان تكون العدة اكملت مدتها ومرت الشهرين ..وراجعهم تاني مرة فقالوله لا..لازم ينتظر كمان شهرين تانية.. لأن على حسب كلامهم بأخر مرة قالوله هم يحسبوا العدة من تاريخ صك الطلاق ومو من تاريخ الطلاق!! متأكد ياخوي من كلامك! وياليت لو في أحد يفيدنا بهذي النقطة.. وجزاكم الله خير |
اقتباس:
مرحبا .. لازم تتواصلي عشان تعرفي وين وجهتها القادمه وممكن تكون تحولت لجهه اخرى لجل كذا لازم تتواصلي معاهم لجل تتاكدي من سير المعامله ودامه مغلق يعني انتهوا منها باذن الله , والامور يارب لخير وتوفيق باذن الله نسمع خبر قريب وخبر يكون مفرح . بود دمتم |
اقتباس:
مرحبا .. اسعد الله مساكم طبعا ماحبيت اكون متواجد ومااضيف ولو الشيء القليل رغم عدم معرفتي بالكثير خصوصا بها الوضع , لكن الارجح تنتظروا لين يتم العده لجل ماتتلخبط اموركم مع الجهات الحكوميه لان اي خلل بتاريخ او ورقه بنص المعامله ترجع ويتعبكم الموضوع نفسيا , اسال الله لكم التوفيق الاجراءات من بعد ذلك بتكون روتينيه ويارب تتم لكم بسهاله دام الموضوع فيه صك طلاق اسال الله لا يعوق بشر لاي احد بتكون المعامله مسأله وقت قفط ( الاستغفار ) , وامشوا بمعاملتكم وان شاء الله قريب نسمع منكم خبر جميل يارب . دمتم بود |
اقتباس:
اللهم آمين يارب العالمين.. والله يسهلها علينا وعلى الجميع كلامك مريح.. وشكله كدا ما باليد حيلة سوى الإنتظار.. وجزاك الله خير.. على النصيحة بارك الله فيك وفعلاً الاستغفار دائم على لساني حتى عند دخولي الآن للموقع كنت أرددها وبإذن الله نسمع اخبار عاجلة وسعيدة من الجميع.. وسأحاول موافاتكم بكل جديد بإذن الله.. دمتم بود.. ودعواتكم |
اقتباس:
ممكن تتقدمون لوكيل الامارة بشكوى |
اقتباس:
إذا كانت هذه النقطة صحيحة.. فالله موجود وإذا على الشكوى.. فيكفي أن نشكوهم لله.. فحقنا محفوظ عنده ولن يضيع.. وحسبي الله ونعم الوكيل على كل ظالم ومتلاعب وفاسد..وكفى استفسار آخر.. لو حبينا نقدم المعاملة بإمارة مكة والطرفين من جدة.. ينفع؟! وممكن تسألوني ليش بإمارة مكة!.. لأن ممكن نجد شخص يمشيها لنا هناك بدون مماطلة بالإجراءات ..هذا طبعاً إذا ربنا أراد.. لاتنسوني من دعواتكم..ولكم بمثله بإذنه تعالى |
اخواني واخواتي مساء الخير عالجميع
انا قدمت معاملتي للزواج من اجنبي غير عربي (غير مقيم) مع انه مقيم بتأشيره يتم تجديدها كل 6 اشهر لكن الشرطة رفعو المعاملة على اساس انه غير مقيم وتم ارسالها للأمارة بتاريخ 27\5/1439 اتصلت عشان اتابع معاهم اليوم قالت لي انه مطلوب: 1- حضور ولي الأمر شخصياً 2- احضار شاهدين 3- حضور الخاطب شخصيا الصراحه استغربت الطلبات جداً والوالد مو حابب انه احد من معارفنا يعرف الين يتم الموضوع فسألني الشاهدين لأي غرض قالت لي الموظفة ما اقدر افيدك خليه يراجع قسم الرجال فإللي مر بوضعي ياريت يفيدني الشاهدين لأي غرض بالضبط وليش طلبو حضور الخاطب بما ان المعاملة زواج من غير مقيم ؟ |
اقتباس:
وعسى الله يبشرك بكل خير يارب يطلبونهم عشان يعبون أوراق ويوقعون عليها.. يعني موضوع روتيني والشاهدين يكونوا سعوديين.. مو متأكدة ولكن نقلتها لك مثل ما قريتها من تجربة شخص وان شاء الله احد يقدر يفيدك |
السلام عليكم ورحمة الله
انا عضوة جديدة ياريت أحد يقدر يفيدني اختي غير سعودية مقيمة نظامية وانخطبت على سعودي لكن في التحليل كان معاها حامل لفيروس بي وخطيبها سليم هل في امل تتم الموافقة ؟؟ اذا رفضوها ممكن تمشي بالواسطة ؟؟ كيف ممكن تتم الموافقة الله يسعدكم تساعدوني اللي عنده خلفية عن الموضوع |
اقتباس:
مساء الخير عليكم جميعا .. بخصوص هالوضع واللي اعرفه ان الطرف الغير سعودي اذا كان عليه اي شيء بالتحليل مايتم اعطاؤه ورقه التحليل ويتم ارسالها لقسم الشرطه برقم المعامله وتنرفض هذا الشيئ صار مع واحد اقاربي .. والله اعلم ان كان في اي شئ استجد اما بخصوص في امل اكيد الامل بالله اكبر من كل شيء ومو معناه هالشيء نهايه الموضوع بالعكس في ناس كثير امورهم مشيت بامر الله ثم باستخدام الواسطه من اشخاص لهم قدره على هالشيء اذا اوراق التحاليل اعطوكم اياها اتوقع الامور طيبه باذن الله واذا كان في مجال للعلاج من هالشيء والتقديم مره ثانيه بيكون هذا افضل حل واسلم لكم من وجع القلب . اتمنى من الله يتم امركم ويتسهل امر اختك بالخير وان الله يشافيها باسرع وقت لجل تتم فرحتكم اسال الله اني افدتك ولو بالقليل . كل التوفيق للجميع يارب دمتم بود .. |
اقتباس:
مساء الخير , ماراح اضيف اكثر على ماذكرت الاخت رغبه بالستر الشاهدين لجلكم ولجل المعامله يعني باذن الله مافي خوف من هالناحيه مجرد اجراءات روتينيه تكون للبعض وللبعض عكس مافي استغراب دام الكل اموره تمام والاوراق مستوفيه , اغلب طلباتهم للحضور تكون مبهمه وهذا الشيئ اللي يربك المتقدم على المعامله لكن الامور تكون مثل ماطلبوا او تكون اجراءات ورقيه روتينيه ما استكملت لازم تسابقوا الزمن لجل تعرفوا ايش المطلوب ,, لان مثل ماذكرتي انه غير مقيم كل التوفيق باذن الله , ونسمع الاخبار الطيبه دمتم بود |
السلام عليكم ورحمه الله وبركاته
حبيت اتطمن على الاعضاء الطيبين اللي كانوا مقدمين مااشوف احد بالمرة اتوقع الكل تمت الموافقه معاه باذن الله وخلصت اموركم يارب بالخير الله يوفقكم ويبارك حياتكم .. شاركونا سير معاملاتكم وفرحتكم نفرح معاكم الله يسعدكم جميعا ويسعد المتواجدين حاليا ومقدمين على المعامله يارب نسمع كمان اخبار حلوه بالموفقات للجميع والله يتمم لكم على خير ويجمع بينكم على خير ... دمتم بود |
الساعة الآن 03:20 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا