قبل كم يوم قاعدة اقلب في نوتة قديمة أكل عليها الدهر و شرب ، و شفت رقم أخت لي في الله تعرفت عليها في أحد المنتديات النسائية قبل عشر سنوات و شهقت ماني مصدقة لأن جهاز الهاتف اللي كان مخزن فيه رقمها فقد ، و كان الوقت متأخر قلت اكلمها الصباح ، و تجدد الشوق كأني مفارقتها من فترة قصيرة و قاعدة أفكر قبل انام وش اقلها و وش سوت الدنيا بها و منتظرة الصباح على أحر من الجمر

و يوم جاء الصباح و اتصلت رد علي جهاز الرد الآلى ان الرقم غير صحيح يعني لغوه : (

حسيت بخيبة أمل فظيعة ، كان آخر مرة سمعت صوتها قبل أربع سنوات

الله يقلع الجوالات اللي تنفقد و ينفقد معها كل شي

يعني خلاص ما عاد ابسمع صوتها

و ان كان في الدنيا قد عز اللقاء بكم

في جنة الخلد ..... نلقاكم و تلقونا ..

بإذن الله



كانت الوالدة عندها ابنة خالة في عمرها مثل اليوم الأبيض على قولة أهل مكة ، يعني اليوم الجميل الخالي من المنغصات ، سبحان من خلقها و أبدع ، طيبة براءة حكمة اتزان صمت تبسم ، شيء فوق الخيال ، اذا هذي بشر كيف الملاك سبحان الله ؟

كانت معلمة و دايم منشغلة ، و كنت انتظر يوم اشوفها و نجتمع في بيت جدي الله يرحمه او إحدى اخواتها ، كانت جلستها لا تمل مع ان صمتها اكثر من كلامها ، يوم تغادر كأنه حلم جميل قصير ، و كنت اقول في نفسي متى تتقاعد حتى أحظى بوقت اطول اشوفها فيه ، عندها ماشاء الله بنات بس مو زيها ، أصلا ما شفت زيها الى الآن غير جدتي الله يرحمها و أمها اللي تصير اخت جدتي الله يرحمهم جميع

و من يوم تقاعدت اصابها المرض ما بقول خبيث لان الله ما يجيب الا طيب ، و لكنه ما امهلها غير اشهر و ودعتنا رحمها الله و رحم موتى المسلمين

سبحان الله كنت أظن الدنيا طويلة و فيه وقت و متسع حتى اشوفها وقت أطول لكن الملتقى الفردوس الاعلى لا حزن و لا وجع و لا فراق

زعلت اكثر ان بناتها خبوا ان مرضها مو بسيط ، ما كنت افكر انها بسرعة تبي تغادر ، لو كنت اعرف انه مو بسيط كان اغتمنت الوقت و جلست معها اكبر وقت ممكن ، احس بتقصير كبير تجاهها الله يرحمها و يرحم موتى المسلمين

حاسة بشجن لدرجة الاختناق عشان كذا هذرتي طالت تحملوني

أغيب أغيب لكن لا جيت أجيب العيد

بس من جد ما تحسون إن الطيبين أعمارهم قصيرة كأننا كنا معهم في حلم

الظاهر ان ربهم سبحانه ياخذهم بدري جنبه لسببين لأنه يحبهم فيشتاق لهم و عشان ما يذنبون اكثر و لا يتعذبون في الدنيا اكثر و أكثر

يارب اجمعنا بالرسول صلى الله عليه و سلم و الأنبياء و الصديقين و الشهداء و الأقارب و الأحباب في مستقر رحمتك تحت ظلال أشجار الفردوس الاعلى

اللهم آمين

هلا وغلا بالغالي الاصيل خالد

ابشرك بخير ونعمه

انت اخبارك

يا هلاااااااااا عيووووووون

الله يرحمها برحمته ويرحم اختي توفيت بسبب السرطان الله يرحمها

داااايم فرااااااق الاحباب صعب جدا وخاصة اذا كنا متعلقين فيهم

هلاااااااااا عبدو ارحب يا غاااالي كيف اخبااااارك


رابط رقية شرعية بصوت الشيخ ناصر الرميح

https://www.youtube.com/watch?v=QZfVX-NGSZQ

عيدٌ بِأَيَّةِ حالٍ عُدتَ يا عيدُ بِما مَضى أَم بِأَمرٍ فيكَ تَجديدُ

هلا عيووون كيفك وكيف قطاوتك
مايحلا سمر الحديث الا معك
انتي اول وحده بربرت معها بردود طويله غثيتك 🙈
لاني كنت في حاله مدري وش اسمها
اسلاكي مفصوله مانمت لي ايام مدري فرط حركه مدري وش كنت ماكله

القهوه التركيه بالذات لو اشرب فنجال واحد بس
عيوني تصير متفنجله

عيون ماشاء الله عليك يعجبني دينك الله يثبتك
وفيه مواضيع لك نفعتني بدون مااشكرك
بس دعيت لك

وصديقتك لا تتضايقين هذي حال الدنيا
ناس نحبهم ونفارقهم
انا لي صديقه من ايام الابتدائي اعرفها
متخيله يعني من ايام الطفوله
واستمرت صداقتنا الى مابعد
وكنت اساعدها بكل وقت واشاركها الفرح والحزن
ثم الدنيا ومشاغلها فرقتنا
ورجعت التقيت فيها بس تغيرت .. مو نفس الانسانه اللي اعرفها القلوب تغيرت
مدري يمكن الدنيا والظروف غيرتها .. اعذرها كل العذر
صارت صداقتها من بعيد لبعيد احلى وارقى

هذا المقطع اعجبني
‏https://m.youtube.com/watch?v=1ME-JTZwZ90

السلام عليكم كيف حالكم زمان عنكم
اليوم وصلني واء سيردولكت من مصر متفائل بالعلاج جدا وخايف منه نفس الوقت
فيه احد جربه او عنده معلومات عنه

اللهم ارحم موتي المؤمنين والمؤمنات يارب.... اللهم عوضهم عن معاناتهم في هذه الدنيا الدنيئة يا رب....

كل عام وانت بخير يالبدراني..... أخوك ابو صالح من الكويت..... اتعبتنا الأمراض المزمنة يا أخي.....

يا هلا اخوي اندرية لا علم لي بالدواء ولم استخدمه بالشفا ان شاء الله

===============


يا هلاااااااااااا وغلااااااااااا ابو صاااالح الغاااالي ارحب محلك ومكان

منوووووووووووووووووووووووووووورين ياهل الكويت الغالية

ينعاااااااااد عليكم بالخيرات والبركات وقبول الطاعات

ما عليه ابوصالح المستشفيات مليانة السجون مليانه المرضى كثر والمحتاجين والفقراء ووو

اصبر واحتسب لعل في امرنا خيره ان شاء الله

وافعل الاسباب ولا تتعلق فيها انما الشفا من ربنا الكريم القادر على كل شي


اخوي وحبيب قلبي ابوصالح وش تعاني منه وماهو ادويتك

فيه دكتور ممتاز سمعته حلوة اعتقد الانصاري او النصار او زي كذا