معاملتنا الحمدلله تحولت للمحكمة بعد ما راحت للداخليه وجلست 3 شهور لان خطيبي غير عربي رغم انه من مواليد السعوديه
هل احد عنده خلفيه كيف راح تكون مواعيد المحكمة ؟ هل المواعيد راح تتاخر ؟ سؤالي عن محكمة جدة طبعا
واسال الله ان يسهل للجميعامرهم يارب

انا طلبو مني نفس الشي و اتحولت من الامارة الي الداخليه وجلست 3 شهور بين مكة ( الامارة ) والرياض ( الداخليه ) وجبت معقب عشين يتابعها في الرياض لانهم ضيعو اوراقي
الله يسهل امرك يارب

السللم عليكم
أحد يعرف المختبر الاقليمي بجدة فين موقعه
و العمدة ايش يطلب عشان يعطيني تعريف اني طالبة
وهل يؤثر كوني طالبة في المعاملة ؟

المختبر الاقليمي بجدة في جنوب جدة ورا كلية ابن سينا ومستشفى الملك عبد العزيز بالمحجر بس روحي بدري 7 الصباح عشان تاخذي رقم لانو زحمة

مايطلب شي بس بطاقة العائلة ويدون اسمك في المشهد

لا ان شاءالله ماياثر كونك طالبة في المعاملة متى ياثر لمن تكوني موظفة عشان ما يبغو حلالك يروح للاجنبي.. حسد طبعا

بالتوفيق عزيزتي

السلام عليكم
كيف الحال والاحوال

حبيت اوافيكم بالاخبار اللي عندي
خطيبي سوى تحاليل تانيه في الحرس واتاكد من نسبه الفايروس اللي عنده طلع نسبته مره قلييييييله والدكتور قاله ما منه اي ضرر وقاله انه هوا له علاج بس ماينصحه فيه لانه يجيب له اعراض جانبيه وخمول وكدا
وحيستمر على العسل وحنقدم المعامله .. والله يكتبلنا اللي فيه الخير
كتير سعوديين عندهم هدا المرض ومايقولولهم اي شي بالعكس يطمنوهم ويتزوجوا عادي بس اعوذ بالله يستقعدوا للاجانب حسبي الله ونعم الوكيل

ادعولي ..

رحت اخذت البرنت اليوم وجست تسالني الموظفة انتي مقدمة ربة منزل ولاطالبة لان كثير بيردوهم عشان بيطلع انه ربة منزل قلتلها ماكتبنا شي بس انا حاليا طالبة واخذت البرنت، ايش هوا الطالبة تحتسب عندهم ربة منزل ولا ايه ،
بكرة اروح المختبر الاقليمي بس هل يشترط انه يسوي التحاليل معايا ولا كيف ؟

هلا اختي أصداف الحلم

ربة منزل قصدهم إلي ما تشتغل او خلصت دراسة وجالسة بالبيت.

اذا في البرنت حقك مكتوب ربة منزل خلاص اتوكلي وقدمي اوراقك اصلا ما راح يسالوكي انت ربة منزل ولا طالبه اهم شي عندهم تشتغلي ولا لا ..لانو اذا تشتغلي لازم ورقة من جهة عملك ومربوطة بالتامينات

اما الطالبة وربة المنزل مشهد من العمدة بس فمافي فرق بينهم في الاجراءات فلا تخافي

لا مايشترط يسوي التحاليل معاكي في نفس اليوم بس يفضل ما يتاخر عنك كثير عشان مايضيع التحليل وانتي رايحة جيبي معاكي:

هويتك الاصل وصورة منها وصورة شخصية لكي والخطاب حق التحليل الي اخذتيه من الشرطة

وخطيبك نفس الشي الاقامة الاصل والصورة و يجيب صورتين شخصية له وحيدفع 700 أو 800 ريال قبل التحليل..الطرف الغير سعودي يحلل بفلوس اما انتي مجاناً

أتمنى أفدتك وبشرينا بنتائج بالتوفيق

شكرا هنادي الله يسعدك يارب
اكتشفت انه خطيبي حيسويها في المدينة كتبوله في خطابه ، فمني عارفة دحين حيدوني برنت من النتيجة ولا كيف
اعرف اسالتي كثير بس محتاسة والله وقلق
الله ييسر الامور يارب

يسعد صباحكم


حبيت اطل عليكم واوافيكم باخر اخباري،، بعد ماتحولت المعامله للاماره وكلمهم خطيبي قالوله رجعناها للشرطه عشان طالبين برنت ليا من الاحوال بتاريخ جديد بدل الي عندهم كل مره يطلعولنا بشي جديد الله يعين بس والحين لها اسبوع ولسه ماوصلت للشرطه ..
اسبوع بس عشان تروح واسبوع ثاني عشان ترجع هذا وهيا في مدينه وحده والله خلاص جاني احباط مو معقوله هذا الي يسووه تصريف ولا ايش يعني مايقدرو يراجعو الاوراق مره وحده ويقولو ايش الاوراق الي يبغالها تجديد انا خايفه بس بعد البرنت يطلبو تحاليل جديده لاني التحاليل حقتي كملت هذا الشهر سته شهور من وقت ماسويناها يعني مشروع انتظار جديد
وسلامتكم هذا جديدي المعامله رايحه راجعه من الشرطه للاماره والعكس

الله يسمع منك ياعسل ،، طيب عدتيها لمن اتحولت للمحكمه ولا عادي مايطلبو تحاليل جديده لاني سمعت ان التحاليل حدها سته شهور بعدين وقت الملكه يطلب المملك تحاليل جديده