|
|
اقتباس:
|
|
يا صباح الفل يا فلة أنت يا بو فايز
وش تبيني أناديك أبو فايز و الا أبو الوليد أبو عبدالرحمن ما ترى بآس حبيب قلبي يا رب أزمة و تعدي تسثر من بسكوت أبو ملح قصدي من الليركا لا تقول إن الليركا منقطع الله يعينك هلا بحر الجنوب هلا بكم يالغالين |
البارحة يوم الخلايق نياما"
البارحـــه يـــوم الخلايق نيــامــا..... بيحت من كثر البكا كل مكنون قمت اتوجد و انثر الماء على ما..... من موق عين دمعها كان مخزون و لى ونة من سمعها ما يناما......... كني صويب بين الاضلاع مطعون و إلا كما ونة كسير السلاما........ خلوه ربعه للمعادين مديــــــــون في ساعة قل الرجا و المحاما...... في ما يطلع يومهم عنه يقفــــون و إلا كما ونت راعبية حماما......... غاد ذكرها و القوانيص يرمـــون تسمع لها بين الجرايد حطاما....... من نوحها تدعي المواليف يبكون و إلا خلوج سابية للهياما............ على حوار ضايع في ضحى الكون و إلا حوار نشقوله شماما............. و هي تطالع يوم جروه بعيـــــــون يردون مثله و الظوامي سياما........ ترزموا معها و قامو يحنــــــــــون و إلا رضيع جرعوه الفطاما.......... توفت امه قبل اربعينه يتمـــــــــون عليك ياشارب لكاس الحماما...... صرف بتقدير من الله مــــــــــأذون جاه القضاء من بعد شهر الصياما..... صافي الجبين بثاني العيد مدفون كسوه من بيض الخرق ثوب خاما..... و قاموا عليه من الترايب يهلــــون راحوا بها حروة صلاة الاماما...... عند الدفن قاموا لها الله يدعـــــــون برضاه و الجنة وحسن الختام.......... و دموع عيني فوق خدي يهلــــــون حطوه في قبر غطاه الهداما..... في مهمة من عرب الامات مسكون ياحفرة يسقي ثراك الغماما..... مزن من الرحمة عليها يصبون جعل البخري والنفل والخزاما..... ينبت على قبر به العذب مدفون مرحوم ياللي ما مشى بالملاما..... جيران بيته راح ما منه يشكون ياوسع عذري و ان هجرت المناما..... و رافقت من عقب العقل كل مجنون اخذت انا وياه سبعة اعواما..... مع مثلهن في كيف مالها لون والله كنه يا عرب صرف عاما..... ياعونة الله صرف الايام و شلون و اكبر همومي من بزور يتاما..... و ان شفتهم قدام وجهي يصيحون و ان قلت لا تبكون قالوا علاما..... نبكي و يبكي مثلنا كل محزون لا قلت وش تبكون؟ قالوا يتاما..... قلت اليتيم اياي و انتم تسجون قمت اتشكا عند ربع اعدا ماما..... و جوني على فرقا خليلي يعزون قالوا تجوز و انس لامه بلاما..... ترى العذارى عن بعضهم يسلون قلت انها لي وفت بالولاما..... و لو جمعتم نصفهن ما يسدون ما ظنتي تلقون مثله حراما..... ايضا و لا فيهن على السر مامون و اخاف انا من عاديات الذماما..... اللي على ضيم الدهر ما يتاقون أو خبلة ما عقلها بالتماما..... تضحك و هي تلدغ على الكبد بالهون توذي عيالي بالنهر و الكلاما..... و انا تجرعني المر بصحون والله لولا هالصغار اليتاما..... وخايف عليهم من الدجه يضيعون لقول كل البيض عقبه حراما..... و اصبر كما يصبر على الحبس مسجون عليه مني كل يوم سلامـــــــــا..... عدة حجيج البيت و اللي يطوفون و صلوا على سيد جميع الاناما..... على النبي يللي حضرتوا تصلون اللهم صل و سلم على خير البشر عليه أفضل الصلاة و أتم التسليم الله يرحم نمر بن عدوان و يرحم اللي مثل شخصيته قبل كم يوم سوى حادث السلام عليكم و رحمة الله و بركاته أسعد الله جميع اوقاتكم و سلامة قلوبكم و خواطركم اخواني الكرام و اخواتي الكريمات ربي يجعلكم دوم بخير و في خير و إلى خير |
[
اقتباس:
هلا وغلا لبيه يالمنادي يعالي يبعد حالي بلي تبيه نادني انت معزبنا :) |
ماتشوف شر يامحمد الله يريح بالك ي الجنرال
|
اقتباس:
وعليكم السلام ورحمه الله وبركاته ويسعد الله اوقاتك ويسلم قلبك الله يرحمه برحمته والمسلمين اجمعين |
ههههههههههه وين معزبكم :)
ترى فلست ما يصير المعزب يفلس هههههههههههههه يا بعد قلبي و راسي أنت يا خالد وين قطرات الندا :( هلا بك بسمه هههههههههه أكيد قبل أمس هو اللي مات و الا أنتي اللي سقتي و صدمتي :) إعترفي الله يحميك و يحرسك اللهم صل و سلم على خاتم الأنبياء و المرسلين محمد و على آله و صحبه و من أقتفى أثره ليوم الدين و عليكم السلام و رحمة الله و بركاته |
هلا أمل حياة كيف حالك و أحوالك
|
الله يلطف بحالك يالجنرال و يرحمك برحمته الواسعة
|
حتى انا يا محمد القلق اللي في رمضان اعوذ بالله رجع لي نفس الهم و الغم و الهلع ،سبحان الله في المواسم الدينية لاحظت
من بدا رمضان و الهلع ملازمني الشهر كله لدرجة ما حسيت فيه ، بعدين قبل يوم عرفة اشوف غوريلات كثير ببيتنا بعدين شفت غوريلا ياكل اخوه الغوريلا و خفت ياكلونا و انتهى المنام و انا اطرد فيهم و من بعدها لا ليلي ليل و لا نهاري نهار صداع دايم و البنادول ملازمني و قلة نوم و تقطيع و مشاكل بالبيت لدرجة خلاص ابصمل ان شاء الله أتناول الويليبترون ، ثلاث سنين و انا أكابر و الرهاب مكتفني بس اللي مخليني أتردد في المجازفة شي واحد زيادة الوزن ، يوم تناولت الادوية النفسية زي السيروكسات و السيبرالكس قفز وزني من الخمسين للثمانين في اقل من سنة ، و تلخبطت الهرمونات و كانت ذيك تغيب بالاشهر و وصلت لمرحلة انها ما تجي غير بحبوب هرمونية و قرف ، لين تركت الادوية الحمدلله بالتدريج و انهيت الكورسات و اشتركت بصالة رياضية مدة العام و انتظمت على حبوب الجلوكوفاج و فيتامين ب ما يقارب عشر سنوات للان و الحمدلله الوزن شبه انتظم ، صحيح مارجعت للخمسينات لكن الحمدلله ما ازيد عن الخمس و ستين و الثمان و الستين و الحمدلله اللي رحمني الطول ماشاء الله مساعد و ذيك الحمد لله بفضل الله انتظمت لذلك حبيبتي لولو لا تتركين الجلوكوفاج و فيتامين ب ، هو صحيح الجلوكوفاج يجيب غثيان فظيع لكن تحملي الاشهر الاولى فقط ، انا ما كنت اصدقهم يوم كانوا يقولون ينظم الهرمونات و يرتب الجسم ، و الحين ما استغني عنه لي عشر سنوات ما يخلو درج و الا شنطة منه ، ترى حتى لخبطة الهرمونات الله لا يعيدها من ايام تدمر النفسية الوحيد اللي ما زاد وزني البروزاك لكن يشترك مع باقي الادوية اللي جربتها في نومة اهل الكهف و انا ما اقدر انام زي زمان من الاربع و عشرين ساعة عشرين لذلك يوم قالوا الويليبترون منشط قلت اتوكل على الله بس خوفوني منه يوم قالوا يزيد القلق ، طلع يزيد القلق اول اسبوعين |
على فكرة الغوريلا في المنام يقول الشيخ ثامر العامر المفسر الكويتي اللي أثق في تفسيراته انها سحر
هو ما قالها صريح لكن يقول اهتموا بقراءة سورة البقرة و معروف سورة البقرة انها تخص السحر لان لا تستطيعها البطلة اي السحرة حسبنا الله و نعم الوكيل في كل مؤذ و مؤذية ما يخافونه بالنسبة للويليبترون كأنها قالت قطرات ان وحدة تعرفها تتناوله لو ظني في مكانه ليتها تخبرنا عن تجربتها و ربي يعافي عباده بصراحة تعبت ماني قادرة اصبر اكثر ، احس اني مخنوقة طوال الوقت ، مو حزن لا ، خنقة و ضيق ودي انفجر غير القلق و الخوف اللي ملازمني و الحمدلله على كل حال |
انا في موضوع شاغل بالي وتعبت من التفكير
من 3 اشهور ابوي متغير صاير مايطلع ابدن صار ينام حدر ويشغل النور بوقت النوم ويسرح ومره قالي بسجل البيت باسم اختك قلت اللي ودك وقبل اسبوعين رايح مكه مع عمي واختي هنا تحركت نطرت اول ايام العيد الاضحى ورحت يم بيت عمي بنشده سالني قالي وين ابوك ليه ماجا قلت له العلم عندك ياعم وماني طالع من عندك لين اعرف الموضوع كله قال اجل اسمع ابوك مريض بسرطان خبيث برئه وطلب مني مااقول لا احد هنا تضايقت وكرهت نفسي ليه ماعلمني وليه مايبيني ادري معني اقدر اساعده واشيل الحمل عنه والعسكري يحقله يسفر احد من عايلته علاج بالخارج والسفر وامور السفر سهله بدون واسطه |
يمكن عشاني احمق وتافهه وليس لي قيمه
|
الله المستعان الله يشفي أبوك يا خالد شفاءا لا يغادر سقما
هو ما يبي يكدر خطركم جعلنا فداه بالله طمنا عليه لين يتعالج |
| الساعة الآن 08:22 PM |
|
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا