أنا كذا تجيني اعراض فجأة وأنا ما فكرت فيها
الله يشفينا جميعا ويصبرنا 💔💔

بالضبط اختي الكريمة، هذا هو اللي الاحظه بس اكل بزيادة 😪 تقوم اعراض الهلع تزيد ف بطلت الطريقة هذي اكل بكميات قليلة وخصوصاً ببداية الإفطار حتى لايكون هناك ضغط كبير عالمعدة وعلماً نص امراضنا من المعدة الله يشفينا جميعاً يارب آمين، اللهم آمين جزاك الله خير 🌹

أهلا اختي تقهويتك حياك الله، سبحان الله كان يومك ببدايته جيد لكن الغفوة مطلوبة بالليل لأنه لحالة وجبة الإفطار تحتاج راحة في حال كان يومك ملئ بالعمل والجهد هذا غير الوساوس الله ينتقم منها، والله يعين خصوصاً القومة هذي اللي ببداية غفوة تكرهني عمري 😥😭😭، احس التعب يتجمع دفعة واحدة الله المستعان. ولاتنسي اخت النومة مهمة جداً بعد وجبة الإفطار الخفيفة او بعد التراويح يعني ساعة ع الأقل سبحان الله تأثيرها طيب للجسم لاتقلقي ايام وتعدي ع خير بإذن الله تعالى 🌹 🌺

الف سلامة ي اختي تقهويتك الله يفرج همك ويسعدك،
شوفي أحياناً العصبية تجي من دون مانحس يعني فجأة بس إيش نسوي نحاول نضحك نبتسم يعني حتي لو غصب عنا لأنه التوتر والعصبية تزيد الأفكار والقلق الله المستعان 😞،
معليش صحيح هالشئ مو باليد بس نحاول قدر الإمكان وربك ييسر الأمور الله يحفظك شدي حيلك🌹🌹

اهلا وسهلا أختي زهرة السعادة الله يحفظك يارب، شوفي انا عندي قولون 😭، بس للأمانة دوايا اللي ارتاح عليه بعد امر الله هو يتباع عندكم من مصر 🇪🇬 إسمه كولونا مررة ممتاز وعن تجربة ورخيص حبة قبل او بعد الأكل بتلاحظ تحسن وراحة عجيبة إن شاء الله لاتيأسي عالجي القولون وإن شاء الله أمورك تبقى كويسة يارب إستشيري الصيدلي إنه مايتعارض مع دواء المعدة والف سلامه يارب 🌹

لوليتا فينها ي جماعة 😔؟

يارب تكون بخير 🤲

هلا والله ابو عبادي شكرا لسؤالك الحمدلله انا بخير بس احس أني مصدعة وظهري شد ورجولي كانه الدم يمشي فيها مضايقتني شعور غريب بحاول استرخي وانام دحين
عاد اليوم باذن الله حجزنا مكان فيه مسبح وجاكوزي وفيني كسل ولا جهزت شي مع انه نفسي بالجاكوزي واعمل استرخاء شويات
انت كيفك ان شاءالله بخير

هههههههههههههه اتصور فعلا انه نحن في لعبة والوسواس الحقير لاعب لعبته

مرحبا جماعة كيف الحال

اليوم الوسواس لابس لبس جديد ههههههههه وسواس النغزات القلبيه وااااااو رووووعه ناقصه انا

عندي من فترة نغزات في الجهة اليسرى من الصدر مستمرة علما بأن الحالة الوسواسية خفت من قبل

اعتقد انه لعبه جديدة من الوسواس

انتو شو اخباركم

خطى ثابته ؟ اي موضوع في الفضفضه دخلت شفت لك من موضوع وفي مواضيع قديمة تبين ردي على كل المواضيع ابشري وانا اختج بس وينج ؟

سيرينو وينها يا جماعة

اهلا وسهلا بالأستاذة الكريمة/تقهويتك 🌹
بالضبط ويهد النفس ويتعب والله 😔، أحياناً ذي المواسم مثل الأعياد ورمضان تكون مخيفة لنا ويكون الوسواس القهري جاهز للإسترسال بشكل قوي لكن بدري عليه ح نظّل نتعامل معه بحذر وهدوء وتطنيش كالعادة ولن يؤثر على نفسياتنا او عزائمنا بإذن الله تعالى 🤲.

هلا هلا حياك الله لوليتا الحمد لله على السلامة
، لابأس عليك، ماشاء الله اهم شيء تطلعوا تتونسوا وتغيروا جو موفقين يارب، سؤال / هل سبق حللت فيتامين د وفيتامين B12 خلال السنتين الماضية؟ ضروري تردي ي اختي لأنه موضوع مهم صراحةً،وعادي من يوم ماوسوسنا واحنا ضايعين قلق طول الوقت 😔.
اللهم اشفينا وعافينا يارب العالمين أجمعين آمين قولوا آمين 🤲😭.

هلا هلا حجر،
عجيب 🤔، نغزات حسبي الله ونعم الوكيل فيه هذا الوسواس اللعين، يبي يحطم معنوياتك لكن هيهات، مرررة لايهمك ترا جاتنا خوارج بسبته الله ينتقم منه والحمد لله متوكلين على الله في تحديه وربنا الشافي المعافي، لاتستسلمي لكن وقتك لايفضى أبداً حتى لايستغل هدوءك بفكرة سخيفة. وقدامك العافيه 👏👏،
الحمد لله اليوم الأمور طيبة فقط بعض افكار الخوف الماضي ولكن سأتجاوزها بإذن الله تعالى شدو حيلكم 🌹

شكرا يابو عبادي شكرا على التطمين اسأل الله أن يرفع عنك بقايا الوسواس الخفيفة هذه ، فعلا الفراغ مفسدة .. سألت أختي الكبيرة قالتلي اتجاهلي لاني أنا عاملة فحص قبل 3 أشهر والحمدلله كانت سليمة فيمكن اجهاد أو وهم الله اعلم ولكن مالي خلق اسوي فحوصات ثانيه الله الحافظ

بو عبادي انته حاط صورة الحرم المدني ؟ انته من المدينة المنورة ؟ اذا كنت من المدينة ادعيلي فروضة الرسول الله على الله عليه وسلم ان الله يرفع عني ويبارك لي في عمري ويثبت أقدرامي ويقوي من ايماني

ايوا قبل سنتين وقالولي تمام ،، 😔

انا باخد كولوفيرين د هو كويس لما انتظم عليه لكن اترك العلاج اتعب تاني

احس بالموت يا ناس احس اني ب آخر ايامي ):"

خطى صدقيني هذه مشاعر كاذبه .. وكلنا انعيش نفس الحاله .. اتخيلي كنت اشوف فيديو شوي دراما تعبت ما قدرت وسكرته وشوي وسوست .. صدقيني محد يعرف متى اخر أيامه وأول أيامه الله وحده العالم ياختي .. حاولي تطلعين من الحاله اللي انتي فيها .. اشتغلي نفسك بأي شي .. دراسه .. رسم اي شي جهزتي أغراض العيد ؟ صدقيني ما اقول هالكلام عشان أخفف عنج بس قاعدين نحس بنفس الإحساس وهذا من عمل الشيطان عشان يشغلنا عن العبادة في هذه الأيام الفضيله .. اليوم دعيتلكم كلكم فالتراويح انه الله يشفيكم .. وان شاء الله الله يعطيج البركه في العمر وتمام الصحه والعافيه

انا كمان اليوم بالذات حاسه نفس الاحساس بس احاول اشغل نفسي واطمن نفسي ان كذا مره احس نفس الاحساس ويكون السبب الوسواس
ربنا يطول في أعمارنا جميعا

موضوع النغزات القلبيه ده اتعودي عليه طول ما عندك الوسواس هيكون ملازمك
وانا نفسي اعرف ايه العلاقه بين الحاله النفسيه ونغزات القلب
الله يسترها علينا

بالضبط صدقتي يا اختي فعلا مدام الوسواس موجود هاي الأعراض الكاذبه موجوده

ليه ما شفتي الفضفضه !

العفو اختي حجر، اللهم آمين أجمعين يارب، إي بس انا خلال ٤ شهور بس إنخفض عندي فيتامين د بشكل مخيف بسبب تغيير شفت الدوام للمسائي ف من باب الطمأنينة الله يسعدك.

نعم من المدينة المنورة الحمد لله ، والله دايم بدعي لكم
بس بخصص لك دعاء حسب طلبك ولايهمك إن شاء الله،

لاتنسي موضوع التحاليل ترا معاه فيتامين B12 لقيتهم مضروبين عندي 😭😭

لاتهملي نفسك ي لولو والله نقّصهم سبب لي تعب كبير 😔
وخلال فترك بسيطة، ف من باب الإطمئنان
وطمنينا بعد عودتك من الطلعة بالسلامه يارب 🤲🏼

هلا اختي زهرة مومشكلة اهم شيء مسكن بس الكولونا ماشاء الله نتيجته عجيبة مايمنع تجربيه ممكن يكون مفيد لك بزيادة الله يحفظك يارب 🤲🏼🌹

اهلا وسهلا
النغزات طبيعيه جدا ومو من القلب من العضلات اللي بالصدر ياعمري
معاك قولون او الام بالمعده او غازات؟ هي اللي تسبب هالنغزات

انا للاسف معاي الم بظهري ورا القلب تجاهلته اسبوع وبعدها رحت سويت تخطيط واول مره اروح مستشفى من طب علي الوسواس 🤣 وجدا محتاره ماشفت احد مثلي، وصايره اليوم احس ببروده بالصدر مدري وسواس او ايش💔 الباقين كيف حالكم جميعا؟

جزاك الله خير .. ان شاء الله بروح افحص هالفيتامينات عشان أتأكد اكثر فعلا يقولون نقص الفيتامينات هاي تسبب انحدار فالنفسيه

مرحبا لا يوجد فعلا وصفج دقيق 😂 الم بالعضل لانه التنفس ما فيه مشكله وفعلا في الم في الظهر في الجهه الموازية للقلب هذا كله وسواس كذاب الله ينصرنا عليه

خطى انا ما شفت لك موضوع حالي فالفضفضه جفت مواضيعك القديمه فقط احسن حل حطيلي هني اللنك للفضفضه عشان أقرأها وارد عليج لأنس مش عارفه انتي وين كتبتي الموضوع حتى طلعت كل مواضيعك القديمه بس قلت يمكن هي ما تقصد المواضيع القديمه 🏃🏾‍♂

اكبر غلطه سويتها اليوم اني بحثت فالنت عن مواضيع وقريت بعض القصص وفتحت على نفسي باب مسكر من المحفزات الله يسامحني !! الكذب اللي موجود فيها كبير وأنا عارفه ومعظم المعلومات غير دقيقه وخاصه فقصص فلان قبل لا يتوفى وفلانه الا انني مش قادرة أنسى اللي قريته وقاعده اربط الحين 🤣🤣 يا ربي فتحت على نفسي شبابيك الله المستعان بس ان شاء الله وسوسه بسيطه وبتعدي مرينا بالأكبر

ايوة ممكن اجربه
ربنا يحفظك يا ابو عبادي ويطول في عمرك

نعم اللي عملتيه ده غلطه كبيره للاسف انا عملت كده اول ما جاني الوسواس وكنت ابحث عن قصص زي كده وعن مواقع تفسير الاحلام واشوف كلام المفسرين وغالبيتهم تفسيراتهم كانت بالموت وتحت الحلم يكتبو ان صاحب الحلم اتوفي مثلا بعد 3 ايام من الحلم وكنت انتكس انتكاسه كبيرة وابكي
لكن حاليا اقول طيب هو المفسر عرف منين اذا كان صاحب الحلم اتوفي ولا لا مش معقول هيتتبع كل اللي بيطلبو منه التفسير ويشوف اتحقق ولا لا يمكن بيعمل كده للدعايه لنفسه مثلا
بالنسبه للناس اللي بتحس قبل موتها لو سالتي اي شخص ليه قريب ليه اتوفي هيقولك كان حاسس قبلها لان بعد موت الشخص اللي حواليه من نفسهم يفسرو تصرفاته انه كان حاسس من انه ممكن يكون عمل حاجات عملها كذا مره في حياته
والله هو عموما الغيبيات دي اللي يشغل نفسه بيها يتعب جدا

سلام
كيفكم جميعا وكيف الوسواس معاكم مع قرب العيد
اليوم جاني الم بين العينين زي صداع خلاص جاني قلق مرا وسواس اني بموت وشعور غريب حتى ماقدرت انام ياارب انه وسواس ويخف بعد شوي

يا زهره فعلا هذه اكبر غلطه فعلتها وهو النظر لكلام وتفسيرات العامة لدرجة انها مأثرة ع نفسيتي اليوم فعلا كله ربط خاطىء وغير منطقي ومش من اختصاص البشر اصلا علم الغيب 🧐 اول وآخر مره ابحث بهذه العشوائية وخاصه تفسير الأحلام هذا كله خطأ وكلام فاضي

مرحبا سارة تجاهلي الألم هذا فورا هذا وسواس وكل مره بيطلعلك بشكل اما بخصوص قرب العيد شوي فيه وساوس وتعب ونوبات خفيفه ودوار بس افضل حالا ولله الحمد من بداية رمضان واسأل الله ان يهدي بالنا ولا ننتكس

اليوم طلعت شوي اقضي مشاوير مؤجله من شهوووور وما أخفيكم سرا طالعه وخايفه شوي وأقول ليش طلعت وشمعنا اليوم ومن هالكلام البايخ اللي ماله طعمه وكأن الانسان اذا حبس نفسه فالبيت ما بيصير عليه شي عجبي 😂😂😂ادعولي ينقضي المشوار على خير

انبح يا كلب الوسواس انبح اكثر ... نحن سنمضي نحو الشفاء بإذن الله وانته أشبع نبيح

عندي ألم في الصدر ونغزات في جهة اليسار وكتمة وضيق تنفس
وألم في الظهر بين الأكتاف ....
واحس مهدود حيلي وما ابغى اسوي شي ...
علما اني سويت تخطيط قلب والحمدلله سليم
وكل يوم احس اني بموت وخوف مو طبيعي ...
معقولة كل هذا وسواس وقلق...
اللي مر بحالتي يطمني ..