يسعد صباحكم وكل أوقاتكم ...

أهلاً بسمه كيف حالك وحال البساس ؟


يقولوا القطط لها عين يعني تنحت بلهجتنا اذا مثلا كنت تاكل وهو يشوفك نقول : عطوه عن عينه . هل هدا صحيح ؟

صباااااااااااااااااااااحكم سكر زيادة

هلااااااا عيووووووون انا مثلك صاير كائن ليلي وهذا الشي غلط ودي اعدل نومي بس كل ما تعدل اخرتب

هلااااااااا ابوعلي وشلونك انت حي لو ميت وينك تراااااااا الشتاء جانا على الابواب ما ودك بشاهي كرك بدال دجاتين


اليوم احس بعضامي مكسرة وخفه في الراس وقلق شديد

طبعا هذي اعراض تخفيف جرعة السيروكسات من 50 ملغ الى 25 ملغ

الحمدالله من قبل ومن بعد

خذيت تو نص حبة لوكستانيل وارتحت شوي

هلا بو حميد ، والله معاكم وأتابع بصمت . هههههههه مافي دجاج خلاص . عزلنا ..

هلا بكم اخواني ابو علي و البدراني

سلامتك محمد معليش بس الايام الاولى بعدين يبي يخف الشعور المزعج ذا بإذن الله

اخوي ابو علي بغض النظر عن النحت اي كائن حي معرض للجوع لابد الواحد يطعمه قبل ياكل لو كمية صغيرة لأن أصلا ما يجيه نفس ياكل و غيره يطالع و يحتسب الأجر في ذلك

تخيل ميت جوع يطالع و ريقه يصب و يمكن ينحت بدون قصد حتى الطفل ينحت لو نفسه في شي

طبعا كل ذا بغير عمد

الكل ينحت عند الجوع بالذات

فعلا لا قالوا مقابل الجيش و لا مقابل العيش : )

ههههههههه ابوعلي اجل خلاص من حبكم يا زين عزلنا

ما شاء الله يا بوعلي اشوفك متحكم في الاكتئاب ومتزن في الكلام الله يبارك لك لا تخاف مانيب انحت لاني مب قطوة

لا محمد القطاوة ما ينحتون لا تطلعون ذي السمعة عليهم ترى ما أسمح

: )

ما ينحت و يؤذي و يستقعد و يشمت غير البشر و الله المستعان

هههههههههه ابو حميد ، انا مشكلتي الاساسية مو اكتئاب رغم اني في السنيّ الأخيره يجيني هبوط مزاج ،وفعلا الله يكون في عون المكتئبين ،،

هلاااااااااااااااااااااااااا عيوووووون

ان شاء الله تزول الاعراض يا رب

والله اول مراااااا اسمع انه الحيوانات تصك عين

بس اكيد بوعلي يمزح او سهران

بالنسبة لي رغم اني اموت بالشاورما لكن ما يجيلي نفس اكل و هم يشمون اقوم أفرغ لهم الساندويتش بالعافية عليهم حبايبي و استمتع بأكل باقي الخبز المشبع بمرق اللحم


مرة كنت اعتمر و شفت عايلة محرمين يتعشون من مطعم البيك في ساحة الحرم عددهم فوق عشرة ماشاء الله تبارك الله و احدى القطط تحوم حولهم تجي عندهم واحد واحد و تماوي و سبحان الله حتى ما احد فكر يرمي لها جناح دجاجة

و هي تدور من ورا ظهورهم تستعطفهم و هم لا يسمعون و لا يشوفون عند مقابل العيش و الله المستعان

اعجزوا عن جناح الله يحنن قلوبهم

بالله جناح مين ياكله

بس مسكين له عين وشهوه يقعد يطالع عيونه تتحرك مع اللقمه من الصحن للفم ،، والواحد والله مقصر جدا ولا يدري ايش العمل اللي يدخله الجنة . الله يرحمنا برحمته .

طيب ليش ما ترمي له ابو علي من اللي تاكل و تريح ضميرك و تكسب اجر

هم كمان حبايبي بسبب اكل الشارع تلقاهم يعانون من الديدان المعوية اللي تنحت كل ما ياكلون اول باول و يتعرضون لفقر الدم ثم الموت

عشان كذا احتفظ بعلبة علاج الديدان و أسقط في حلوقهم من حبة حبة كل فترة

هههههه أرمي له مستحيل أتركه أعوذ بالله ...

ايه و الله عيونهم تذبح و هم يناظرون خاصة اكثر ما يجوع المرضعات و الحوامل عشان كذا سووا احصائية وجدوهم اكثر القطط معرضين للدهس بسبب انخفاض السكر يدوخن و ما ينتبهن للسيارات ربي يلطف بضعوف خلقه

تعرفي صرت اجيب له نقانق هوت دق وجوانح دجاج وفيه بس ثاني أسود بس غير مستانس ويخاف منه كثير لأنه يضربه،،