نفساني - يوميات المكتئبين تعال نسولف

اقتباس:

المشاركة الأصلية كتبت بواسطة انثى الجدي (المشاركة 1345104)

ياهلا وسهلا بو نجلا نورت ، عودا حميدا

كيف حالك ؟! احسن اسوء ؟ ماتغير شي ؟

يا هلا بك أنثى الجدي النور نورك يالنشميه

و الله متذبذب ساعة مبسوط بسطة المكتئب و الحزين يعني بسطتي مو البسطة المعروفة إنشراح و فلّة !! لكني أعتبرها بسطة يعني مقتنع فيها الحمدلله على كل حال و ساعات لا و الله حزن و كآبة و دموع و قهر و كلا الحالتين مليئة بالصمت و الوحدة

أنتي أخبارك يالغاليه

[QUOTE]

اقتباس:

المشاركة الأصلية كتبت بواسطة قطرات الندا (المشاركة 1345109)

اقتباس:

صباح الخير على الجميع .
هلا وسهلا ابو نجلا وجهك والا القمر اسفرت وانورت واسفهلت وامطرت مع ان عندنا الرطوبه سيحت حتى نظارتي وعظامي غدت هشه ماتتحمل رطوبه يالله حسن الخاتمه .

من ،،

قطرات الندا

يالله حي النشميه الغاليه قطرات الندا و كل لحظاتك و أنتي بخير
بوجود منوّر و المنتدى منوّر بحضورك و بمشاركاتك الحلوة و بتواضعك الجمّ و فهمك العميق نرتقي

اقتباس:

اذا انت رجال وتتحسر اذا شفت بزران كيف انا مرأه ولا اعرست ولا جبت ورعان بهالعمر وطبعا غريزة الأم اقوى من الرجل لكن متأكده ان ربي له حكمه دريت انا وش حكمة الله فيني احب البزران صحيح بس ساعه يلعبون عندي بعدين ودي ازنطهم ماحب ازعاجهم ابد وملاغتهم يوجعون راسي .. لحد يقول اني ماعندي احساس 😁

ههههههههههه و الله يا زين لعبهم وناسة أنا إذا شفت الصغار أستانس قمة براءة و طفولية بس ما أحب إزعاجهم و ملاغتهم صحيح بس يكفي انهم يزينون العيون أحسهم مثل الألعاب تعرفين الطفل لما يلعب بألعابه يفرح و يخطط و يخربش هذا أنا إذا شفتهم أحس إني طفل بألعابه

هههههههههه ما شا الله عليك و الله إنك متحملة و قويه و صبورة و مطنشه أهنيك بقوة

اقتباس:

ابو نجلا ولد خالتي تزوج وعمره ٤٤ سنه والحين عمره ٥٥ ويقول احسن قرار اني تزوجت متأخر صاير بيتوتي ويحب عياله و زوجته .

أنا اللي بط مرارتي بط بط يوم اني في السوق صغار من أشكالهم و عندهم حريم مبين و واضح انهم زوجاتهم و اللي زود القهر يوم أشوف عربياتهم التسوق طافحة بالأغراض العربية تقولين غصّوها غص قلت يعني بالله وش أبسوي مثلا لو تزوجت عز الله بعيشهم عيشة فقر تهئ تهئ تمنيت وحدة تخاف الله فيني و تحبني و أحبها و ودها بالستر فقط فقط لا غير ما همها المال أبد

أويلي من الحال الأغبر :(

اقتباس:

عود نفسك انك تحب اللي الله كتبه لك لأن طرت وقعت مو حاصل لك الا اللي ربي كاتبه الولاده والموت والزواج والرزق مابيد مخلوق بالدنيا كلها قدره انه يغيره لو يطير ويحب الخضيرا سبحانه وله حكمه في هالشي .
تخيل مثلا انك تزوجت وجاك عيال وانت بهالحال وش بتصالي بيتك وعيالك والا نفسك ؟

و الله صادقة خلاص بعت الدنيا مع ان بعض المرات أفكر فيها و أهتمّ و أغتمّ و أبكي و تخيلي دمع الرجال كيف بيكون إلا من قهر

اقتباس:

تصدق ودي انك تسافر يابو نجلا وتغير المكان والناس وتجرب نفسك .السفر فيه ٧ فوائد تجلي الهم عن القلب .
انا مثلا اعشق الاثار اثار الاقوام السابقه تخليني اندهش وافغر فمي من الدهشه انت لو تشوف مدائن صالح تنسى هالاكتئاب والحزن .
اثار الفراعنه شي شي شي مبهر تقعد تتأمل تقول كيف عاش هنا اقوام من خمسه الاف سنه وعندهم هالحضاره العجيبه .
يمكن كلامي ممل ومكرر لكن الاثار شي غجيب تطلعك من مود وتدخلك مود جديد مبهر .

السفر محبوبي و الله ودي أسافر لأوروبا بس خليها على الله

لو اني مقتدر و الله ما أخلي في أروبا مكان لا داعوس و لا طبيعة أسحب جواليني فيها جنة الله بأرضه

اقتباس:

رح مكه اعتمر و زور قبر سيد الاولين والاخرين نبينا محمد عليه افضل الصلاة والسلام في المدينه راحه عجيبه في المدينه وغريبه مدري وش سببها هل هي دعوه مستجابه لها والا ايش ؟
غير اصدقائك جو بيتك طريقة اكلك ... يعني الهي مخك عن الافكار الحزينه والرجوع الى الماضي .
ادري بتقول حل شي يعتمد على المزاج صح كلامك بس احيانا تشوف اشياء فجأه تبهرك وترفع مزاجك وانت حاول وشوف .
الله يفتح لك باب سعاده وراحة بال يارب .

إي بغيت أقولك هذا كله من المزاج بس و الله يا بنت الحلال خلاص ما عاد أفكر بالسفر و لا بالهوايات كل تفكيري منصب على الصبر الجميل و أشيل الحمل الشديد القوي بكل أريحيه
أنا إن شاء الله بضبط غرفتي تضبيط بجيب طاولة و كرسي و مصباح ليلي و قلم و كتب و أسافر بخيالي

تصدقين قطرات الندا الفترة اللي انقطعت عليكم فيها ضيعت علاجي و إنتكست و جتني أفكار إنتحارية و أتسلف من أخوي دراهم و أشتري العلاج و أسبوعين ما ضبط مزاجي جتني حالة إكتئاب غريبة بغيت أترك العلاج البرنتلكس قلت خلاص خانني العلاج بس صبرت عليه و الحمدلله عدت من جديد و رجع مفعوله

أمس كان موعدي مع الدكتور و قلت له ما جاكم العلاج قال للأسف ما جانا بس إذا جانا راح أقولك قلت يالله يجي بس و أفتك من سعره حتى لو أبضيعه بقولهم العلاج ضيعته و راح يصرفون لي إياه

اقتباس:

محمد البدراني
الله يحييك مادامت الحياه خيرا لك انت اكثر الناس اللي تدعمنا وفاهم بادويتنا واشوف وانا اختك مستعجل جدا وتغير بالجرعات ليش ماتطيع شوري وتراجع طبيبك او تغيره ان اضطر الأمر ؟
ابيك تطلع من مخك حكاية السحر صح السحر مذكور بالقران بس ملاحظه فيك اليأس وهل السحر اقوى من رب العالمين ؟ لاتخليه عائق يدمرك اذا كان فيه سحر فهناك العزيز الجبار اللي يغير الحال بغمضة عين ان الله سيبطله لكن حط في بالك قناعه ثابته مافيه شي اقوى من الله .
عندي قناعه راسخه بقلبي و روحي وهي ان الله اذا اراد تغيير الحال غيره بابسط الطرق واسهلها بكلمه منه كن فيكون لاتيأس ابدا كثر الحمد والشكر وتفائل والله سبحانه قال وعزتي وجلالي لانصرنك ولو بعد حين والمسحور مظلوم ومصاب ومهموم لاتتخيل ان ربي بيخليك ابدا .
لاتسمع قصص انتهت بمأساه من السحر ابدا ولاتصدق ان السحر ماينفك او ماينتهي هذي تشحنك باليأس صدقني .. دائما حط في بالك الحاي خير لكن وين ومتى الله اعلم .. انتظر الصبح بأمل وسوف تشرق الشمس وينجلي الهم بحوله وقوته .
يارب بهالوقت الفضيل وقت اذان الفجر انك تشفي اخونا محمد وترفع عنه وتكتب له الخير والخيره في دنياه واخرته انك ولي ذلك والقادر عليه .
لوليتا كلنا السهر وعدم انتظام النوم لاعب فينا بس انا من مسلسل لمسلسل موقفه مخي عن الافكار وعايشه جو المسلسلات وشاريه دماغي ووقت ماجاني النوم نمت لا وراي عيال ولا زوج ولا مسؤوليه ههههههه

اقتباس:

المشاركة الأصلية كتبت بواسطة حمال الأذية (المشاركة 1345118)

اللهم شافي كل مريض في هذا المنتدي المبارك وخارجه يا رب.....

اللهم آمين و هلا بك يا لغالي حمال الأذيه

اقتباس:

المشاركة الأصلية كتبت بواسطة ((أبوعلي)) (المشاركة 1345136)

يسعد صباحكم ..

و صباحك يالغالي صالح

اقتباس:

المشاركة الأصلية كتبت بواسطة عبدو عمر (المشاركة 1345146)

السلام عليكم
"سبحان الله وبحمده عدد خلقه، ورضا نفسه، وزنة عرشه، ومداد كلماته"
صباح الخيرات على الجميع
بالتوفيق دائمــاً

الله يجزاك خير يا لغالي عبدو عمر

اقتباس:

المشاركة الأصلية كتبت بواسطة محمد البدراني (المشاركة 1345076)

مساااااااااااااااااااااك الله بالرضى امل حياك الله

هلااااااااااا لولو هلااااااااا ابونجلاء ومرحبا بالكل

تصدق اني عكسك تماما يا علو احمد الله ليل ونهار اني مب متزوج لان كان جاني جنون رسمي

الزواج مسئولية وابناء ومدارس ورحات وجيات ومناسبات وانساب واخوال واعمام

تخيل بالله عليك احنا الى فينا مكفينا بعد الشفا ان شاء الله لكل حادث حديث

مع اني خلااااص الدنيا عفته امل كل الامل بالاخرة ورضا ربي

يا علّك ما تشوف شر يالحبيب الغالي أبو عبدالرحمن

ليتني مثلك لا صملت صملت على شي مو أصمل و أفركش الصملة

اقتباس:

المشاركة الأصلية كتبت بواسطة أمل الروح (المشاركة 1345081)

آمين آمين آمين يا رب

ابقى إجي ،،
هو انت ليه ما بتجيش ؟🤔

ههههههههههه والله إنتكاسة يا بعد راسي آمال و الا و الله ما ودي أقطعكم كيف اللي حب له شي و يقطعه ما تجي قطعته لأحبابه إلا من ظروف قاسية عليه و أنتم أحبابي يشهد الله أحبكم حب لا منتهى له

اقتباس:

المشاركة الأصلية كتبت بواسطة * لـولـيـتـا * (المشاركة 1345083)

ابونجلاء من فين تجيب هالصور
مالهم راس ترا تخوف زوجتك كذا وتهرب منك هههههههه
انتبه

هههههههههههه الله يرجك و يسعدك
هذي الصور أحبها أحس إنها تمثل إحساسي و نظرتي للحياة ما أدري وش قلت لكن إن شا الله فهمتيني

هلا بكم جميع أشوف أبو فايز خالد عبق الذكريات أحب أمسي عليك بالخير يا حبيب القلب

هلا بك توأمة الروح الياسمين

هلا بالغاليه بسومه

وين غيمه فرح هديل

هلا بكم جميع و مساكم الله بالخير أحباب الله

https://e.top4top.net/p_977de2fb1.gif