![]() |
|
تحيه إلى أم الهريرات حبيبة قلبي والجميع ... فديتك. .. رحت قابلت مشرف عمال امسوي شغل في بيتي ...أنا الحمد لله البس عباة اسلاميه بس كله مدحوسه وعباتي تراب ... قليل ما أكشخ... أكشخ اذا اضطريت ... المشكلة أكثر الناس تحكم بالظاهر يحترمون نصاب يأكل ماله بالحرام ويضربون له تعظيم سلام... والشريف الطيب يحتقرونه لأنه مدحوس ... زمن مدحوس
|
السلام عليكم
مسيتم بالخير يأروع و أغلى اخوة أنا متابعكم و أضحك و أدعي و أحزن لا تخافون بس خلوني بالإحتياط حتى يجي وقتي و أدش و أسجل هدف على فريقي 😂 أمس رجعت أختي من جامعة الدمام الا و تقول عالي عجل ودني عندي إختبار حاسب و تقولي هذا موقعهم توريني الخريطة و كنها على جمر المهم وديتها و الشيخ اللي يتكلم بالخريطة الله يعفي عنا و عنه ضيعنا عشان الموقع مو محدّث بس وديتها و قالت تعالي بعد ساعتين أوك المهم قلت يا ربي وين أروح لقيت بوفيه و إستراحة قريبه من الموقع حلوة خذيت لي شاهي و مويه و تكيت . شوي طلعت على رصيف البوفيه أتتن الا ويجيني واحد قال وش أنت تعجبت من سواله قلت له تعرفني وش عليك مني المهم استغرب و أنا زود استغربت المهم قال بعدها طيب مسلم لمسلم 😂 قلت ع العين و الراس طيب قال مصير الإنسان الموت و من هذا القبيل و أنا أمسكّها على الله يجزاك خير شافني كذا مو متقبله قال المهم انا استآذن و لنا لقاء بإذن الله و قفّى و أنا أطالع فيه الا و يركب موتره التاهو الأسود و يطالع فيني و شاف اني مالديت شوفي عنه 😂 المهم دخلت البوفيه و شوي الا طرت لي فكرة أروح الكورنيش دام البنت بطول رحت الكورنيش ورا الواجهه مكان فيه شجر و ظلال و أطالع في المراديه و البحر و استانست بس ياهي رطوبه غسلتني غسل متى يجي الشتا بس و أنا بالكورنيش شفت الغربان عجب و عجاب 😂 قلت ياليت معي عيشه لهم و أقط لهم شوي عشان يتهاوشون فيما بينهم و استانس بعدها رحت البوفيه و أطلب شاهي و مويه جاني اليماني قال الرجال يعطيك نصايح قلت ايه و قلت له مع نفسك و اليماني يفطس ضحك أنا ما قلتها بس أبي ألطّف الجو الا و بعدها تكلمني أختي و أنا مشغل شيلة الفجر الجديد أفتح شبابيك الأمل في الفجر الجديد نزلتها و ألبس ثوبي و شماغي و عقالي و أزور خوي لي بالمستشفى و أنا بالمستشفى أدعي لكل المرضى بالشفاء العاجل حتى لمّا أشطف عليه بالموتر بعض المرات أتذكرهم و أدعي لهم بأدعية الشفاء بصيغة الجمع |
تسلمين يالعنيد في الحق تسلمين سلام قد الكون
أنا بخير بشوفتكم و الله و يشهد علي ربي و كثير ارتاح لا سولفتوا و أنا معجب كثير بمشاركاتك و شخصيتك ربي يسعدك 🌹 أهلاً بك يا محمد الدوسري هلا بالجينرال و بعقيد القوم 🌹 لا تقولي تركت السيروكسات و الا باقي ما تركته عشان إذا تركته أجيب معي عجرتي لا سمح الله تهتاج علي 😂🤣 أمزح ربي يقويك و يسعدك هلا مزوووون 🌹 كم واو حاطة أنتي سامحيني إذا زودت و الا نقصت عندي الحساب دفش 😂 هلا بك و الله و حياك بين ناسك الغالين و أنتي الغاليه 🌹 أنثى الجدي الغاليه في مشاركتين أظنها ثنتين بغيت أدور لهم و أقتبسهم و أرد عليهم لكن ما عاد فيني بس أتذكر اني ضحكت ربي يسعدك 🌹 لميا الحزينه تأثرت لحالك و حزنك 😭😭😭 هلا بنجمة الفلك هلا بعبدو عمر و عيون متفائلة و نعناعة بتكبر و غيمة فرح و الجميع حتى الضيوف هدر الأكسجين يا مرحبا بك و حياك أقلط دوك صدر المجلس |
مشكورين على الرد اخواني الاعزاء وانا الحمد لله مابديت اتحسن ولو انه تحسن بطء الا بقراءة القران يوميا اقرا جزء او جزئين...نسال الله القبول والشفا للجميع
|
قاعد أطالع مسلسل رعود المزن و جا فاصل و جت حياة الفهد قلت يا يمه تعرفين هذي قالت أعرفها قبل ما تخلق أنت و أخوك 😂
حتى لما قلت إسمها جبت الإسم بالغلط قلت صباح الأحمد هههههههههههه تقولي مسرحية قماشه شافته قبل لا أجيبك أنت و أخوك اللي أكبر منك 😂 |
هلا بك نجمة الفلك عساك ع القوة يا رب
لولو نسيت ما أهلي فيك يالغاليه آسف 😊🌹 |
رحت قبل العصر لمستشفى الأمل و أدخل ع المدير و قلت له قصتي مع علاج البرنتلكس عطيته إسمي و رقم جوالي و قال حاضر العلاج مو متوفر لكن إما جبناه و الا دليناك على مستشفيات بالمنطقة و يوفرونه لك
أدعوا الله انهم يوفرونه طفشت من سعره الغالي أنا آخذ لي بكت ٢٠ ملج و آخذ لي حبتين باليوم إلى ثلاث حبات ٦٠ ملج و العلاج يخلص في أسبوعين المرة الماضيه تسلفت بعد ما قطعته و تدهورت حالتي بكرة راح يكلمني أدعوا بالله محتاج دعواتكم انهم يوفرونه |
الله اعجبتني كنية ام الهريرات يا سلام كيفت عليها
ليتني اجي كم من اكمام ابي هريرة رضي الله عنه إللي كانت الهريرات تنخش داخل كمه جعلك على القوة عنودة ماشاء الله حلو الاعتماد على النفس تدرين من يومي بما اني البكر عند امي الله يحفظها معتمدة علي في كل شي و الحمدلله |
كل عام وأنتم بخير ،،،، جعلها الله سنة خير وبركه ..
|
هلا بكم جميعا
هلا بك ابو نجلا أرحب يوم تقولين لفظة مدحوس عنودة حنا نقولها بعد و اكتشفت أن لها مرادفات كثيرة عامية غير الفصحى من العامية ايضا فيه ناس يقولون مدحوش و فيه من يقول مدعوس جاية من داعوس و دواعيس و كذلك مخشوش و مركون و منزوي و غيرها لله درها اللغة العربية لغة القرآن الكريم لغة أهل الجنة ما شفت لغة بغناها و سحرها |
هلا بك ابو علي و انت بخير و صحة و سلامة يا رب
آمين ربي يتقبل منك هلا بك نجمة ايه سبق قرأت الكتاب فيه أمل و تفاؤل مفيد فعلا المفروض المسلم ما يحزن دام يملك أعظم نعمة و هي الاسلام بينما الملايين حيارى في الظلمات يتخبطون بدون دين ، ربي يزيدها و يثبتنا عليها حتى نلقاه ماشاءالله حلوة العباءة الإسلامية عنودة ربي يزيدنا وياك حشمة و ستر و نساء المسلمين |
|
الله يا زين الشمس الغاربة ماشاءالله
سبحان الله ربي يطببك في علاجه ابو نجلا و يعافيك و يسعدك و يحقق امانيك |
السلام عليكم ورحمة الله وبركاته. ..هلا ببونجلا ...هلا بالطش والرش والبيض المفقش ... شوف بتحط علي بتقول عني مدحوسه وبتقول إللي بتقول عادي عسل على قلبي ...لكن بتيب سيرة أبونا وشيخنا الشيخ صباح الله يحفظه ويحفظ لنا أسرة الصباح شيوخنا اسأل الله يبارك لنافيهم مااااااااارضى .... ترى بتصير داحس والغبرا بيني وبينك كلش ولا شيوخنا نفديهم بأرواحنا هم بعد الله سبحانه وتعالى فخرنا وعزنا... لا إتصير بومتيح مدور الطلايب
|
و عليكم السلام و رحمة الله و بركاته
هلا بك عنودة ارحبي يا الله انت حيها الله يحفظه الشيخ صباح و يحفظ اخوانه و شيوخنا و جميع المسلمين هو مزوح ابو نجلا ما يقصد ، و يا سلام على الدرر و الامثال اللي تقولينها بو متيح مدور الطلايب ، ابو نجلا لا تدور الطلايب ترى هذي عنودة ربي يسلمها ما نرضى ربي يسعد قلوبكم جميعا |
الساعة الآن 12:10 PM |
|
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا