التقرب من الله عافيه وأتوقع كلنا بعد هالوسواس صرنا نتقرب لربي انا قبل مرضي كنت غرقانه بذنوبي ومقصره بصلاتي بس لما طحت من الوسواس تقربت من الله وحسيت هذا الصح اللي لازم نسويه وصدقيني اول علاج الوسواس هو الالتزام والذكر لا تخافين كملي وكل ما كنتي اقرب لله والتزمتي اكثر كل ماقربتي من الشفاء لان ربي مايخذل احد اذا كان قريب منه ويدعيه ماكنت حابه اقول لكن عشان تعرفين ان الكل تغير بعد المرض والتزم وتغيرت افكاره واشياء بحياته انا كفلت ايتام والكل استغرب وسويت أشياء خير للامانه خفت من هالتغير القوي اللي صاير معي لان كنت مقصره بصلاتي حيل احيان كنت انسى اصلي ربي يغفر لي تقصيري اللي قبل المرض صدقيني هالوسواس خيره لان التزمنا بالذكر وعدلنا تقصيرنا مع الله .. يا حجر استمري انتي ب اول خطوات الشفاء اول خطوه تنتقمين فيها من الوسواس الخبيث انتي ب اول خطوه تنتصرين فيها على وسواسك استمري ولا تهتمين لللأفكار اللي براسك كلنا اذا سوينا شي جديد بحياتنا نوسوس نقلق نتوتر ونستغرب من أنفسنا بس صدقيني اللي عندهم وسواس أكثر ناس قريبين من الله وملتزمين لان محتاجين عافية من ربي وشفاء واللي مقصر مع الله والذكر حياته بتكون تعيسه وهم وغم و الذكر يقوي صبرنا شوي ومنه تحصين لنا من كل شر ..

فعلا انا معك اللي يفكر بالموت افضل من اللي يغفل عنه .. تدرين زهره لو اقولك ع كثر اخاف الموت اخاف لو ما خفت لان الغافل دايم يكون مقصر ومتهاون الحمدلله ربي اختار لنا هالوسواس عشان مانغفل ونلتزم بالعبادات.

صح دايما انا احمد الله على هذا الابتلاء وأقول هذا ما هو نقمه كثر ما هو نعمه الله وعقبال وما نحقق العبادة من غير خوف فقط .. لا.. بل خوف ومحبه ورجاء

صح كلامج وبستمر بإذن الله في العبادة لانه فيها الخلاص والشفاء .. ع فكره الوسواس في هذه الفترة يحاول يتشكل ع أشكال ثانيه وأنا أتجاهله يبي يكرهني في الطاعات لكن دايما اقول اذا تركت الطاعات شو اللي بقى ! ممكن يجيني ابتلاء اكبر خلني على هذا الوسواس السخيف و ان شاء الله تتحقق عبادتنا وفيها خوف ورجاء ومحبه مب فقط خوف .. يارب يشفينا ويرفع عنا وانتي استمري يا خطى إن شاء الله بتتشافين والواضح شخصيتك قويه وعندج وايد طموح توكلي ع الله وانطلقي حتى لو كان طموح بسيط وانتي ما تحتاجين مواساه ابدا انتي قويه راح الكثير من الوسواس ويبقى القليل

كل عام وانتم بخير

وعساكم من عوادة 😍

وانتي بعد قويه و ان شاء الله قريب تبشرينا تشافيتي يا رب يا رب يا رب ..

الحمد لله علي كل شيئ
في وسط الابتلاء ممكن يكون فيه نعمه احنا غافلين عنها

امين يارب ان شاء الله نوصل للمرحله هذه

انا وصلت لقناعه ان الوسواس خير لي صح حرمني من أشياء كثيره بس ربي يعوضنا خير ...

خطتي الجديده اللي هي فخ للوسواس."

مين بيجربها معي قررت ياجماعه قرار بكامل قواي العقليه
اني احب الوسواس وكل يوم بنتظره بشوق وحب وارحب فيه واستقبله احلى استقبال لين يهرب منا لو شاف منا ردات فعل خوف يمكن لما نحبه يهرب منا 😂!!

تفاصيل الخطهه هي اي حاجه تحسونها يعني الم صداع خفقان تعرق مغص وجع بالقلب وجع بالمعده او غثيان او رعشخ او تعب او دوخه ويزيد الخوف والقلق عندكم قولو بصوت عالييييييييييييييييييييي زيد يالخوف زيد يالقلق اعرف انك انت موهمني هالوجع ماراح اخاف وراح يزول اللي احسه بعد شوي وبينكشف كذبك وهكذا لين يهرب 😂!

نسيت اقولكم انا ملاحظه ان الوسواس يبدأ شغله بعد اكل السكريات والمنبهات والاكل الدسم وانتم تاكلونهم قولو الحين باكل وبتهجم عليه يالوسواس يا سخيف عرفنا خطتك وكلو بكل لذاذه ولاتهتمون لان طبيعي الاعراض لو شدت ماراح تضر وهذا كلام طبيب ان هي مجرد اعراض يعني الدوخه لو حسيتو فيها وانك بتطيحون صدقوني ماراح يصير شي بتستمر دقايق ثواني وتزول حسب شدة الخوف ..

هلا حجر اي بالضبط هالنوعين موجودة عندي ☹️، واللي يتعبني اول واحد لأنه جيته تجيب الهم والقلق والضيقة وصعب تروح ع طووول تحتاج وقت،اما الثاني فهو إنك تبعد تمام عن الأفكار السلبية حتى مايجيك الخفقان وتسْلم او تسترسل وي الله عاد حلها، الله يشافينا وياك ي حجر ويفرج همنا يارب

نفسك بالضبط ي حجر ومتوقع اكثر من ٨٠٪ نفس الي صار لنا مو بيدنا الله يرحم حالنا، يعني بسيط الشعور بالموت؟ لا والله 😔 هذي نوبة بس ووهمية 😭 ف الله يرحمنا برحمته التي وسعت كل شيء، ويشفينا آمين

على بركة الله أعلن تضامني وياج .. ونعم بستقبله برحابة صدر انا حاليا عندي ألم ورى أذني وصوب الحنجرة وكنت موسوسه ولكن الان من هذا المنبر اقول خير ان شاء الله وبعدين !!! عادي جدا المسكن الحمدلله موجود والاستربسل موجود والعكس موجود يلا خله نشوف الفلم وين بيوصل
😂😂😂👌🏼 صدقيني ألطريقه بتكون ناجحه لانه الوسواس بيخاف من حماسنا

وانت بخير وصحة وسلامة يارب ي ورود ويارب التمام على خير يارب 🤲😍🌹

ياقلبي ع حماسك 😂 خلاص نعتمد هالطريقه ومتأكدة اننا راح نقضي ع سخافة الوسواس اهم شي قوة الاراده والتنفيذ ومانيأس ولا نضعف ونكمل مواجهه بكل قوه ..

احس اني اقاوم واتجاهل واطنش والافكار تزيد والحين زاد عليا الناس يتكلمون عن الموت كثير
من امس وانا اعايد على ام زوجي تجيب طاري موت
وجاتنا حرمة ويجي الطاري هذا
واهلي امس واليوم يتكلمون عن كذا
واخاف طبعا
ولما تتكلمون عن النبضات
انا لما احس الخوف يتملكني خلااااص احس قشعريرة في ظهري ونبضي شوية يزيد وشهيتي تنسد واحس نظرتي للحياة تتحول سوداوية
وكمان تجيني افكار انو انا مطنشة الوسواس من فترة صحيح مو تجاهل كامل لكن ابذل جهدي وماراح الوسواس لسا وهذا جاب لي ضيق ووساوس ثانية
تخيلوا حتى في كلمة كنت باقولها لاختي وجاني خوف انو لو قلت الكلمة هذي يصير شي مو زين اعوذ بالله
وماقلتها بس قلت كلمة قريبة منها وخفت
احس شي سخيف بس خوفني مااعرف كيف
ويتكلمون عن وحدة جاتها عين وطبعا هذا شوية خوفني بس مو كثير لأن البنت ربي عافاها
ولما يقولون شخص توفى قال كلمة قبل فترة طووويلة يعني كلام عادي الكل يقوله
خلاص اصير اخاف اقول هذا الكلام

سيرينى كلنا مثلك ويمكن اشد .. ركزي على كلمة يمكن اشد انا نوبة الخوف والنبض يطيحوني بالفراش والعياذ بالله والبارحه تكالبت علي وسواس من نوع ثاني ما راح أقول شو هي عشان لا أشغل حد .. لكن الحل الوحيد هو انه نتقبل وجود الوسواس نعم تقبلي فكرة انج موسوسه وراح اتقل مقاومته.. وبخصوص مواضيع الموت اول ما تسمعين الموضوع قولي اوكي سمعت الحين بخاف خمس دقايق وبعدها خلااااص حتى لو تحطين منبه فالتلفون خمس دقايق وأول ما يرن خلاص ينتهي الخوف وبعدها قولي بخاف 4 دقايق وقلصي الوقت لا تتجاهلين خلاص اذا التجاهل يتعبج وما فيه فايده حطي وقت معين لوسواسج مثلا قالج لا تقولين كلمة ( اشوفك بكره ) لانه لو قلتيها بتموتين ! طيب الحل هو انج اتقولينها بس سيرينا تخاف صح ؟ عادي قولي كلمة مشابهه وقولي المره اليايه راح اقولها ان شاء الله وما راح اخاف والمره اللي بعدها قوليها وانا اكدلج ما راح يصيرلج شي لانج ما تعلمين الغيب .. ليش اتحسين الكل يتكلم عن الموت ! لانه تفكيرج مليان موت مثلا حطي نوع سياره معين في بالج اول ما تنزلين الشارع بتلاحظين نوع السياره منتشر بكثره في الشارع لانه عقلج الباطن شغال ع شكل السياره .. طاري الموت ما زاد ولا نقص لو ترجعين لأيام قبل وأيام الحروب العالمية والمجاعات كان الموت يحاوطهم فلا يجي فبالج انه زاد وان الناس تجيب طاريه بالعكس للناس في غفلة كبيره جدا جدا وانتي لانك موسوسه تركزين عليه والدليل شوفي المحيطين فيك ولا ع عبالهم

سيرنو انا مثلا اخاف من اخبار الوفيات .. وعادي جدا ارجع لنقطة الصفر اذا سمعت خبر او نص خبر لكن اضطريت أحط استراتيجية ما اقدر أتجاهل ابدا معنه على فكره التجاهل والأعراض التام هو حل الوسواس لكن انا باختصار لا أستطيع فحظيت استراتيجية والتي هي كالتالي عندي وقت معين اوسوس فيه وبعدها خلاص واللي هي ع حسب الحاله يوم ! او نص ساعة او ساعه او فالنهار وهكذا وبعدها لازم اتجاوز الموضوع واطلع منه لانه هذه هي حجر الصوان الطبيعية .. الشي الثاني انا أعاني من الأحلام احيانا يعني اليوم حلمت حلم رعب فمديرتي السابقه فالعمل وقمت مصدقه !! بعدين قلت لحظة هذا حلم !!! فتحت الواتس ساب ما في شي وطززززز + ستين طززززز انا شايلة هم الناس في حد شايل همي !!! لا .. في حد حاس فيني طرزززز ليش انا احزن اذا حد مات عند فلان وعلان وخبر فالسوشل ميديا ليش !! طززززززز اكبر طززز فالوسواس اعرف وحده من صديقاتي قبل يوم العيد حاطه مأساه وتعزيه وحزنت لواحد انا ما عرفه ويوم العيد مصوره نفسها سلفي وخط الكنتور واصل طهران والروج واصل اليمن !!! سدت نفسي وهي مستانسه اذا الميت مب هامنها انا ليش شاطة نفسي لا يا حناعة لا نحن ملزومين بنفسنا واهلنا خلاف ذلك ولا حد مفكر فيكم اصلا

بو عبادي النوع الاول .. هذه علاجها خله تجي .. ( خلها تجي ) قولها تعالي .. والضيقة سببها انها تجي فجأه .. بس اذا تقبلتها وما قاومتها حتى الضيقه بتروح

اي نعم بالضبط بس مرات تجي بقوة وتلخبط مودنا تمام وصعب الخروج من هذي النوبة الله المستعان قسم بالله 😥 مررات تدخل تخرب يومنا كله ربي يشفينا جميعاً آمين.

انا فاقده النوبه واعراضها اليوم ماجاتني مشتاقه لها طولت عليه):'

مدري اللي اسويه غلط او لا لما حسيت ماجاتني النوبه رحت قريت عن الموت وعن قصص بهالشي والحين جتني نوبه قويه جالسه اقاومها غلط اللي سويته؟؟؟؟؟؟؟

لا خطى غلط .. دائما لما اتكونين في فترة صحوة اسألي الله تمام العافيه .. انه الله يتمم عليج الصحه والعافيه .. ولا تستحضرين النوبه ابدا واسألي الله السلامه منها ..

بس اعتبري هذا خطأ تعلمتي منه ولن يتكرر بإذن الله

مرحبا جميعا .. ويلكم باك اختي تقهويتك شخباركم كلكم

بصراحه البارحه وبالتحديد فالليل كانت ليلة صعبه جدا .. صار عدنا ظرف عائلي .. وطبعا الوسواس والخوف والقلق كلهم اتجمعوا ولزمت الاستغفار .. وصلت لمرحلة من شدة الأفكار اضرب راسي وهذا غلط المفروض حتى فالمواقف الصعبه اصمد .. ترى هذه حياه وتحصل فيها ظروف .. طيعا ضربت راسي من كثر الأفكار اللي جتني

وتميت استغفر استغفر لين بدت السكينه تسلل لقلبي .. ما راح اعتبرها انتكاسه لانه الانتكاسات ونوبات الخوف تكون عندي أقوى من جي .. طبعا جا فبالي اتصل لأختي الكبيره واصارخ وابكي وأصيح بعدين قلت لا هذه حربج انتي دبري نفسج .. كلت فنفسي أكل .. لين نمت وماعرف كيف نمت والحمدلله على كل حال

احتاج افضل نفسي عن الخيال السيء لما تحصل عدنا ظروف .. يعني ما ينفع التماسك يكون في الظروف العادية فقط لازم يكون في حزم فالمواقف الصعبه

مشكلتي يوم تصير مشكله وأشوف اهلي متوترين انا اتخيل خيالات سيئة واربط نفسي فيها وأقول ليش صار فالوقت اللي فيني وسواس ؟؟

وهذا سوء ظن بالله

اخ بس بو لو اتوكل ع الله حق التوكل واترك كل شي ع الله .. كل شي أربطه بوسواس وأقول بيصرلي شي ما أتحمل حد اي مؤثرات وظروف خارجيه الله يصبرنا

ولكن سألت الله الثبات واليقين يارب تقبل دعائي إنك قريب سميع الدعاء

مدري احس هالشي بالبداية بيكون صعب بس اتوقع لو استمر اقرا وواجهه هالمواضيع بيكون الأمر عادي واخف لو سمعت او قريت الاخبار بعدين بكمل واشوف انا ناويه احارب الخوف فيني ب اي طريقه وربي يكون معنا ويقوينا عليه يارببببببب

ماشاء الله تقهويتك ربي يحميك ويحفظك بس لما اقرا ردودك واسلوبك وتفكيرك ماشاء الله تبارك الله استغرب كيف قدر الوسواس يسيطر عليك ربي يمحيه هالسخيف دايم يختار افضل الاشخاص و المميزين يارب يا كريم يشفينا ويبعد كل شي يضرنا بالحياة ويجعل الايام الجايه رضى وشفاء وخير لنا يارب

الحين فهمتج انتي تبين تواجهين الخوف عشان يقل ..

انا اللي فهمته انتي بغيتي تجيلج نوبه وفِي فرق

جوفي انا سمعت عن طريقة علاج اسمها التعرض للمحفز وكف الاستجابه وبصراحه هذه تنفع أيضا

وتحتاج قلب قوي ونفس شرسه الله يقويج
اذا كان كذلك اذا اتوكلي ع الله ونعم في احتمال تحصل انتكاسات في البدايه بس التعافي بيكون عالي

انا للاسف لسه مش مستعده لانه قاعدة اتعرض طبيعيا سبحان الله لمحفزات خارجية فبتبع طريقة اعادة التركيز انس اصرف الوسواس واتجاهله وأركز في شي ثاني

انا مو مستعده بس حابه اخفف توتري شوي لان كثير اسمع اخبار هالايام سلبيه وانا تعبت من الناس اللي ينشرون الاخبار بدون اي شوية رحمه ورا بعض بدون مبالغه انا عارفه التجاهل حل بس احيان ما نقدر نتجاهل بسبب انه يصدمونك بالخبر بدون مقدمات يعني يوصلك شعار رساله اخبار سيئه عشان كذا اقول يمكن الطريقه اللي اسويها تخفف شوي ماراح تحل وتعالج بس تخفف ممكن ..

ما قلتي لي يا حجوره ماتعالجتي قبل ماتستخدمين ادويه ؟إذا لا ماتفكرين تستخدمين ادويه ؟؟

هلا اختي تقهويتك
الله يعينك هو إذا تسلط يحتاج له شخص متبلد يطنشه ويسحب عليه ويتأكد تمام الموسوس أنه لن يضره أبدا بإذن الله تعالى.

أسعد الله صباحكم بكل خير وبركة أحبتي 🌹🌹♥️♥️

ي جماعه جتني نبضه قويه خفت ومازالت معي واحس جتني نوبه قويه بسببها لان ماكنت افكر ولا قلقانه ):

هلا خطى ثابتة *كيفك؟
الف سلامة، تحسين وقفت النبضة وجات قوية ولا تحسين نبضات قوية ورا بعض؟