ايش اخباركم حاليا أمر بنوبة الله يعديها ولايعيدها😊

أنا بصراحه ما اهتميت من كلام زينها مع الله ... أنا تضايقت من رد فعل بعض وأأكد على كلمة بعض أفراد اﻹداره على كلام زينها مع الله ... لكن إحنا بشر والأخطاء وسوء التفاهم وارد... والعفو عند المقدرة... ولاتزر وازره وزر أخرى ...اللهم أعوذ بك من شر حاسد إذا حسد

انا شاكره لك اخت لوليتا على دعوتي من ضمن من دعيتيهم للرجوع إلى المنتدى ولايضيق خلقك لكن حابه أقولك كلمة حق بما إنك حاليا عضو في الإداره... فكل موقف وكل كلمه تقولينها محسوبة على الإدارة ... احنا كأعضاء في المنتدى نعتبرها تعبر عن رأي الإداره ... لكن لما قرأت كل الكلام إللي قلتيه فيما بعد... عرفت أنه والعلم عند الله إنه خطأ غير مقصود... وهذا وارد في قوانين المنتدى إن الإدارة ما تتحمل مسئولية الكلام اللي ينقال في المنتدى ... على العموم حصل خير اللي فات مات بس المهم إنه ما يتكرر ... وهذا رأيي في اللي حصل... والله أعلم .. أنا على فكره دخلت المنتدى ما أبي أي شيء من أي أحد ... الله يغنيني بفضله ... هدفي بس أفيد وأستفيد بمايرضي الله... و أمزح وايد عشان لا أكون ثقيلة طينه... أي خفيفة ظل باللغه العربية ... أسأل الله إنه إسلوبي ما يفهم غلط ... خصوصا إني متقدمه في العمر ... وعالي و عيون متفائله في سن أولادي ... والله المستعان

صباح الخير على الجميع
كيفكم ان شاء الله انكم بخير وطمأنينه وسعاده .
وش فاتني ؟
لما اقرأ مشاركات الالم واليأس اقعد افكر كثير بالاسباب ياترى ليه ؟
بغض النظر عن اللخبطه الكيميائيه بالمخ لكني صرت اعذر اللي يشعرون بالألم .. كم عضو بهالموضوع لاحظت ولا واحد ظروفه تشبه الاخر ولاحظت انه المصيبه عند شخص هي نعمه عند الاخر ولاحظت ان حتى لو كان العلاج سليم لكن البيئه سيئه مايشفى المريض ابدا ويظل يدور في حلقه محكمة الغلق بدون اي نتيجه .. تأكدت ان الانسان بالفعل ضعيف جدا لأن مو الكل قادر يغير ظروفه الاجتماعيه ولاحظت ان الايمان بالقدر خيره وشره ضعيف عند اغلبنا ونجزع من اي تغير سلبي .
انا هنا ما الوم اي احد انا هنا فقط افكر بصوت عالي .
هل بحث كل شخص فينا عن نفسه وعيوبه وتصرفاته ؟ ليه دائما نلقي اللوم على المرض والدكتور والدواء والظروف المحيطه ؟
هل عبدت الله حق عبادته مو بس عشان يشفيك ؟
هل تمنيت الخير لغيرك ؟
هل سعيت ان تفهم نفسك اولا قبل تفهم غيرك ؟
هل اشتغلت على نفسك لرمي احزانك وذكرياتك السيئه ورا ظهرك ونظرت لمستقبل بعين الرضا ؟
هل كونت لك صحبه جميله تساعدك بالخروج من اللي انت فيه ؟
هل جلست مع نفسك وطبطبت عليها وقلت لها بأن غدا اجمل ؟
هل فكرت انك مهما بلغت من الحزن والمرض واليأس ماراح يتغير شي في حالتك الا بأمر الله ؟
دائما نلقي باللوم على الظروف ونحن من نصنع اغلبها او نرضى ونستسلم لها .
دائما عندما تيأس فكر واسأل نفسك الى اي مدى راح توصلني هالحاله ؟ تخيل اسوء الاشياء وتذكر اسوء المواقف اللي مرت عليك هل قضت عليك او عدت وتلاشت ؟ كل شي بالحياه يمر ويعدي سواء زين او شين والذكي هو من يعرف يبرمج حياته على الرضا واقصد بالرضا هو الرضا الحقيقي مو بس كلام يكتب او عباره تنطق .
استسلم للحياه واجعلها تمر بسلام .
كلامي هنا ما اقصد ولا اوجهه لأحد معين انا فقط افكر بصوت عالي .
انا الحمدلله اموري تسير بشكل افضل وجميل وسلس بفضل الله وكرمه .
اللي مريت فيه خلال سنه اكتشفت فيه اشياء جميله مع انها كانت تجربه قاسيه اهم شي اني اكتشفت قدرة الله سبحانه على تغيير الحال بغمضة عين .
الله يغير حالنا وحالكم الى اجمله يارب .
ابو نجلا شلونك عساك طيب انا ابشرك بخير ونعمه ورضا بفضل العظيم سبحانه .
امس رحنا للعزيزيه والرطوبه عاليه لكن استانسنا وحنا راجعين اشتهينا قباقب مرينا سوق السمك وشرينا ١٠ كيلو وجينا للبيت وطبخناها وسهرنا على القباقب كنها فصفص فرشنا صماط وش كبره وابتدينا بالأزأزه والله ياهي متعه .
وبس وسلامتك 😊😊😊

صباحكم أمل ونقاء كنقاء قلوبكم الجميله ❤

ما ترين باس ، ستزول بحول الله ..

هذا مو تفكير بصوت عالي هذا كلام نفيس وثمين ،،، ايش القباقب ؟ ترا انا صحراوي لا تشرهون علي 😊

عنيد في الحق ... حياكِ الله أختي الكريمة وأهلاً بك وبعودتك ..

يوم الإعتذار العالمي ..


وش رايكم بهالاقتراح 😀😀😀

اللي يبين اعتذر له حاضر 😃

عسى ماتفقد غالي يارب

النفسية من اسوء مايكون بسبب مشكلة بالبيت

ورجع لي خفقان القلب والانقباض بالصدر

عنيده 😂😂
فطست ضحك على كلامك ههههههههههههههههه
اشك انك قد اشتغلتي متطوعه بالجيش وحاربتي
او بالحارة رئيسة عصابة تحاربين 😂
تأكدي اسألي امك عن ماضيك يمكن انتِ فاقدة الذاكرة 😂
مصطلحاتك الله يكفينا الشر هههههه
كلها قصف وحرب ومنصة انطلاق
وفرقة مدرعه وقوات صديقه
لا وتصوبين على الاعضاء قدور من بعد😂 😂
هههههههههه
حسيت اني في ساحة حرب مو منتدى 😂
يا ساتر حنا بخطر لازم الاداره تحمينا وتلبسنا دروع

حبيت الكويت منك😘
برسل لك صاروخ مع قنبلة صغيرة🚀 💣
عربون محبه من السعوديه🇸🇦 للكويت 🇰🇼 😂

الف سلامه عليك يا انثى الجدي🌹
استرخي. وارتاحي،، ان شاء الله فترة وتعدي

اهلين عنوده
حبيبتي وانا ايش سويت عشان بس حذفت الردود
انا عملي كااداريه اهدي الوضع مابيدي اغير اسلوبكم
او كلام اي احد ولاني مسؤوله عن كلام احد او غلطه
انتي من اول مادخلتي هنا اسلوبك هجومي وزعلتي من الاخ زينها وكبرتي الموضوع وهو مايستاهل
تحسستي يمكن وقتها كنتي متضايقه من شي وشفتي كلامه وتاثرتي زياده كلنا بنغلط حبيبتي
واهلا بعودتك نورتينا |