نفساني - يوميات المكتئبين تعال نسولف

نفساني (https://www.nafsany.cc/vb/index.php)

- ملتقى أصحاب الإكتئاب (https://www.nafsany.cc/vb/forumdisplay.php?f=57)

- - يوميات المكتئبين تعال نسولف (https://www.nafsany.cc/vb/showthread.php?t=85488)

السلام عليكم
صباح الخيرات والبركات على الجميع
بالتوفيق دائماً

اقتباس:

المشاركة الأصلية كتبت بواسطة قطرات الندا (المشاركة 1347608)

صباح الخير يالغالين
الله يجعل ايامكم سعاده وتفريج هموم .
البدراني بشرنا عنك وعن المسابيح وعن هالفطاير والسكري اللي كل يوم وانت جايبه وتقول ليش اسمن هههههه ياليتك تنظم اكلك يامحمد وتشوف العافيه لكن النفس وماتشتهي .
لوليتا الوسواس فكره تسلطيه بشعه لو حاولتي تلهين نفسك صدقيني تتلاشى مايشيل الفكره الا فكره اقوى منها .. عندي اقتراح لك جربته وحبيته كل ماجتني افكار سلبيه اقوم اخذ شاور هالشي مره رائع والمويه سبحان الله تطفي الافكار والاعراض الجسديه وهذا ثابت باقوال الصحابه والتابعين .
ابو نجلا انا اقولك بتطيب بتطيب بتطيب بحول الله وقوته تدري ليه ؟ انت تحب الحياه لكن الظروف ماساعدت لكن مافيه شي على الله بعيد يغير الحال بغمضة عين . تراي مالومك الجو وهالرطوبه تخنق وتعكر المزاج والله يكتب لك الهنا والسعاده .
غيمه وظل وانثى كيفكن بشروني عنكم ..
انا صار لي كم يوم من اصحى من النوم اطلع لصديقاتي فاتحين مشروع ويسوون الديكورات واروح معهم محلهم فارشتلي زوليه بالارض اقعد افصفص حب ابو سالم واتسدح لين يخلصون وبعدين نرجع البيت نطبخ عشانا ونطب بالصحن لين الله يشوف لنا بعدين اشغل مسلسل واتابع وافصل نومه عميقه الحمدلله .
وبس ياغالين هذي علومي ومستجداتي

حبيبتي قطرات والله مرره بشع الوسواس اعوذ بالله منه
ترا مابدا معاي الا من نص الشهر اللي فات مع بدايه هالشهر
يعني لسى طالبه جديده انا في الوسواس هههههههه
هالاسبوع وخصوصا هاليومين شااد حيله معاي
انا كل ماشد حيله اتعوذ بالله واروح اصلي واردد ايات
فيه تفائل بالله اتحسن شويه الحمدلله واهدا بس هو خبيث
يرجع بشكل اقوى المره اللي بعدها متعبني حسبي الله عليه
ولقيت فرصه عمل رغم مالي نفس بس راح اجرب يمكن تتحسن النفسيه

اقتباس:

المشاركة الأصلية كتبت بواسطة قطرات الندا (المشاركة 1347608)

ياهلا قطورة هلا وسهلا نورتي حبيبتي

انا لاباس الحمد لله ، انتظر حزة تخرجي مابقى شي واتخرج من الكلية (ماجستير)

تعالي ليش ماتشاركين صديقاتك شغل المشروع من اشياء وادارية وكذا ترى مرة تفيدك معنويا
وبالمستقبل بعد لو بغيتي تسوين مشروعك او تشاركين بمشاريع ثانية

قطورة الغاليه على قولة أنثى الجدي

هلا بعودتك و مرحبا تردف مثلها و زود

بحول الله و قوته ما راح أفقد الرجا باللي دب الروح فيني

هههههههههههه يا حب أبو سالم ذا ما وده يقضي

بغيت أقولك وش صار بالواجهة ذيك المرة

لقيت لي ثنتين يسوقون سيارات أنا من عادتي ما أطالع لما أسوق حتى لما أكون راكب بس خويي يقول شف شف اللي بجمبك و أشوفهم الا و الله حريم

بس سواقتهم محترمة ما شا الله عليهم

الوقت كان الساعة 2 بالليل

انثى حبيبتي والله قالولي البنات بس ماحب اشارك احد لاحظت بهالسنوات مايخلق الخلاف بين الناس الا المشاركه بعدين مشروعهم بعيد حيل عن توجهي وميولي يعني ما افهم فيه شي ابد .. وانا شخصيه ماحب الارتباط يجيني قلق عنيف انا بغنى عنه .
الله يوفقك حبيبتي برسالتك وعقبال الدكتوراه

اقتباس:

المشاركة الأصلية كتبت بواسطة انثى الجدي (المشاركة 1347637)

شكلها الأميرة و على قولة صغارنا شفارنا و أصغر القوم خادمهم :)

ربي يسعدكم

الله يوفقك أنثى الجدي و تعدين الماستر بجدارة و الله يعينك بعونه و حوله الذي لا يضام

هلا لول هلا عنيدة في الحق هلا عبدو عمر هلا بالعشير عبق الذكريات و صح لسانك ع الأبيات

هلا بمن أتمنى أن يكون مثلها سبع مليار نفس كان العالم بخير

الياسمين ظلو

هههههههههه إي و الله دخدوخ و دخاديخ ما عادهم دكاترة

أنا دخدوخي دايم ينسى الوصفة يكتبها لي و ينسى كتابة المواعيد و من لحظتها ماني بمسميهم إلا دخادخه

بس في دكتور فطين و ذهين اللي تنومت عنده كذا مرة في قسم الـ a إسمه محمود الليثي مصري عنده فراسة عجيبة

لا فطور و لا غدا

و الدنيا بخير :(

الله يسعدك يابو نجلا سعاده ماكنت تحلم فيها ..
ابو نجلا الا والله التسدح من قل الدبره و اول ماندخل المحل حقهم حررررررر يفضخ القلب ونشغل المكيفات ويتبرجد حيلي اجيب كيس الحب واقابل القزاز وانسدح اقشم حب واراقب هالرطوبه على القزاز .
عاد تصدق المحل قدام البحر بالضبط لكن لعبت بنا الرطوبه .
اليوم كلموني قالو هاااه متى بتجين قلت اذا خلصتو من قراشيعكم كلموني انا حرمتن اكل دواء نفسي والحر لعب بي .
امس صديقتي هي اللي تسوق فينا وانا مشغله سامري على اعلى صوت وجت بتلف واصوات بواري السيارات ومانسمع بغينا نصدم 😬😬😬

جلست مع واحد من الشباب

يقول نفسيته زانت و ما عاده بيسمع أغاني و شيلات

إيه من عقب ما تزوجت لقيت كل الأغاني و الشيلات و الورود و إستكنيت

لا خلاص ماني بمكلمه و راح أحطه بالشريطة الثانية في الصداقة إن ما تعدل و ان تعدل رفعته

الله أكبر أمس فلاوي و الحين نفسيه

اقتباس:

الله يسعدك يابو نجلا سعاده ماكنت تحلم فيها ..

يا رب و إياك يالغاليه قطورة

اقتباس:

ابو نجلا الا والله التسدح من قل الدبره و اول ماندخل المحل حقهم حررررررر يفضخ القلب ونشغل المكيفات ويتبرجد حيلي اجيب كيس الحب واقابل القزاز وانسدح اقشم حب واراقب هالرطوبه على القزاز .
عاد تصدق المحل قدام البحر بالضبط لكن لعبت بنا الرطوبه .
اليوم كلموني قالو هاااه متى بتجين قلت اذا خلصتو من قراشيعكم كلموني انا حرمتن اكل دواء نفسي والحر لعب بي .

الرطوبة مشكلتها مشكلة عويصة تنحش خلق الله الا اللي كان بيسبحون
إي و الله لا تجينهم الا وقت ما يخلصون و الا بتوسوسين :) ما أنتي بفاضيه للقرشعة و الجربعة :)

اقتباس:

امس صديقتي هي اللي تسوق فينا وانا مشغله سامري على اعلى صوت وجت بتلف واصوات بواري السيارات ومانسمع بغينا نصدم 😬😬😬

ههههههههههههه خليتي الطارة تستنزل و ما عاد شافت الدرب زين

تصدقين أتمنى يحطون سطحات حريم و شرط و مرور حريم و صناعية حريم زي ما السكرتيه فيهم حريم و السجانات فيهم حريم و هالموال يشتغلون يكون أفضل و أريح

الله ياقاكم الشر و من فيه شر

ربي يسعدك قطورة الندا

أنا بنسدح هلكان

و راجع لكم

فاصل و نعود

مساؤكم نقاء وصفاء كنقاء قلوبكم ❤❤❤

قطرات ، عالي .. ايش هو حب ابوسالم تراني مدمن فصفص ومشتقاته حب شمسي قرع شمام بطيخ الخ 😀

هلا ابو علي
ابو سالم حب شمسي بس الذ حب ممكن تاكله طااااااازج يقرمش وملوحته معتدله وتلقاه بالمحطات مشهور عندنا بالشرقيه شي شي شي خيالي .اكيد تلقاه عندكم بس بالبقالات الصغيره اللي عند المحطات