اهداااااااااااء الى الاسطوري ابونجلاء

https://www.youtube.com/watch?v=bURrHxqAK74

و الله يا بنت الحلال القصة و ما فيها

إن مستشفى الأمل قرر تنويمي و تم ربطي على السرير و أعطوني حقنه

ففكيت الرباط من إيدي الثنتين بطريقتي و أتخفى عن طاقم التمريض و انحشت و على نحشتي صاح ممرض على أخوياه فطاردوني هم - التمريض - و الأمن

أنا انحشت و طلعت من مبنى المستشفى و هم وراي و أمامي شارع دولي سريع و أنا أركض الا طحت قبل لا أقطع الشارع طبعا الشارع مليان سيارات و تريلات

الطيحة جت على سرعة و كل وزني كان على الركبه
فانكسرت الركبه و قبضوا علي الأمن و طاقم التمريض و أنا أجرّ رجلي المكسورة و هم يجرّوني للتنويم

تنومت ثلاث أيام في مستشفى الأمل و شافوا حالتي صعبة فقرروا إجراء أشعة مقطعية للركبة فطلعت مكسورة

ركبوني سيارة الإسعاف و على مستشفى الملك سعود ( مستشفى المركزي _ البرج الطبي ) فقرروا إجراء عملية لمفصل الركبة ( الصابونة - الرضفة - الباتيلا )

أمضيت أسبوع في المستشفى منوم و هم يآخذون مني عينات تحاليل لين قضى الأسبوع بعدها دخلوني لغرفة العمليات بنج كامل و سوو لي العملية

رجلي كانت بالجبس من منتصف الفخذ لين كعب رجلي ما أثنيها و ضلت شهرين بهالوضع

المهم قعدت منوم ثلاث أسابيع بالمستشفى مستشفى المركزي و لما كتبوا لي خروج

بعدها تنومت بمستشفى الصحة النفسية ( الأمل ) شهر

هذا الكلام كله كان في شهر شعبان و رجب الفايتين

و عطوني موعد لشهر ٦ الجاي و إن شا الله يشيلون مني الحدايد

هذا بإختصار و الله يشفينا و يقوينا و ينصرنا و يسعدنا

يا جماعة الخير

لي ثلاثة ايااام

حااااولت اخااااااااااااالط المجتمع بس احس اني غريب عنهم لا جوهم جوي ولا اسلوب ولا معنى ولا هدف لحياتهم

قلت يا رجاااااال ارجع لاحلا مجتمع في العاااااااااااااااااااالم يوميات المكتئبين يا لبى قلووووووووووبكم وبس اشهد انكم مطانيخ وعياااااااال شيوخ علومكم ترفع الراس

ولا يهمكم المرض والله انتم ناس ذوووووووووق

يا جعلك الفردوس العليا يا رب

تسلمين و ربي يكتب أجرك و يستجيب لدعواتك لنا عاجلا غير آجل

تسلم يا بعدهم أنت يالذووووق كلو

و الله ثم و الله و أنا أخوك اني مثلك أحس إنا بعالم غريب عن جو المحيطين بأرض الواقع لا أفهمهم و لا هم يفهموني ما غير وش أقول بس عاد بالصدر شي ما يعلمه الا ربي

قبل شوي رحت للبر الجو زين بعدها تعشيت روبيان جمبري بعدها تمشيت بالممشى ٤ أشواط بعدها جيتكم و ها أنا ذا عندك يا بو عبدالرحمن 😘🌹❤



يا صوديق

واحد كافي ساده سكر وسط 😅

و أنا بالبر معي هالكوب اسبريسوا دبل و غرشة مويه 😋

https://d.top4top.net/p_1001yspu51.jpg

كنود 😉

https://e.top4top.net/p_1001strkl2.jpg

يآلله

أستوقفتني هذه الدعوة 🤔🙄😖😔😭

على راسي والله يا علو

تحب البر وما الومك ابدا

الخلوة بعيد عن الناس تجلب الراحة

الله يسعدك سعادة ابديه دنيا واخره يا العضيد

يسلمو على هالشيلة و الإهداء يا بعدهم

Nice

تثلم و الله يا بو حميد

البر هالأيام ما يتخلى بث إبعد عن المدينة و الناث الا اللي يودك و علومه تنومثك و مثل جوك و ما ينقدك على شي و مزوحي هنا يا ثلام ثلم

و بعد على شبة ضو و ريح الحطب الزين يا ثلام ثلم

و بعدها إبلع علاجك المنومات و نام و لا يصحيك الا الشمث يا ثلام ثلم

و أنا أثولف لك و أنا تحت المكيف يا ثلام ثلم 😂

على فكرة محمد بن سلمان الله يطول بعمره و يحفظ معازيبنا بيروح الكويت اليوم

شفت خبر الفلبيني اللي ذبح الباكستاني و مديره السعودي في شركة الكهرباء بجزيرة فرسان

قصته محيرة

ضرسي قام علي و أبلع لي بروفينال ٦٠٠ و الحين أنتظر مفعوله

اللهم آمين و إياك يا السند

ام زوز ياحبيبتي امين امين امين وياك ولك مثل مادعيتي عسى ربي ييسر لك امرك ويفرحك بعافيتك والشفاء التام ..
وش يبي الانسان غير هالاخوه والدعوه الصادقه من شخص ما اعرفه ولايعرفني الا بهالمنتدى اجتمعنا وكلن يتمنى للثاني الخير والعافيه .
ما اجملك يا ام زوز صدقيني كل مادعيتي به لك منه نصيب لأن قوانين الكون كلها تقول مثل ماترسل يعود اليك .
انتظر بشايرك بالعافيه والسعاده وماعلى الله بعيد .

سبحان الله و بحمده سبحان الله العظيم

ههههههه الله يسعدك يا بونجلاء

شفت عنوان بسبق ان محمد بن سلمان بيزور الكويت عشان ازمة قطر ويا رب يا كريم تنحل ونرتاح وترجع الاخوة ويكفينا شر كل حاسد

اما الفليني قريت العنوان ولا اعرف تفاصيله بس ما احب اقرء عن الحوادث الله يجيرنا من اخر الدنيا وبلاويها

الله يكتب الخير لبلادنا الغالية بعد فترة في اعلان للميزانية يا رب يعطونا مكافاة نسدد بها الديون هههههه

ولا ادعي لي علو ابيع لي كم مسباح ترا الوضع متازم وملاعين الجدف مستشفى الامل ما عندهم علاجي مخلص يقولون اشتره على حسابك

تقول نكد عليهم العلاج سعره 700 ريال اشتري طلي بها ولا اسدد بعض من الديون المتراكمه ههه شفت الوضوع يا ابو دلامه اسكب لي قليل من النبيذ المعتق في قدح من الفخار والا قتلتك شر قتله

هلا وسهلا عالي العالي ابو نجلا
لفت نظري كلامك لما قلت بردك انك وقت نوبة الاكتئاب تكون غبي ولي تعقيب انت ماتكون غبي لكن مخ الانسان بحالة الاكتئاب او النوبه يكون مجهد جدا جدا جدا مشتت ضعيف عاجز مايفكر صح ولا يشعر صح ولا يتفاعل صح عشان كذا ما الومك وقت نوبة الاكتئاب اشعر بكلماتك فوضى و توهان ووجع لكن انا احكم عليك بوقت الهدوء انت من اذكى اللي شفتهم هنا سريع بديهه جدا لماح تنتقي مفرداتك بذكاء ماشاء الله .
طبعا هنا ما اجاملك ابدا لأن كلنا محتاجين الحقيقه والحقيقه انك ذكي .
لاحظتك تحب البر لحالك عسى ياوليدي مايدخل بك جني بهالليول ثمن نبحل بك من اكتئاب لزيران يالله وش يفكنا عاد .
مني انا تولة دهن عود من الزين ومن البدراني كيلو عود ازرق وقت طيحة الزار 🤓🤓🤓🤓🤓
الله يسعدك يابو نجلا كل ماشفتك مستانس ارتاح اقول كنت اشوف ابو نجلا من اصعب الحالات ودامه يمر بحالات استقرار معناها شعوري بالأمل حقيقي وممكن كل انسان يوصل بالأمل بعد الله والشي الثاني انك تستخدم برنتلكس مثلي واحب دواي اكثر انه بجد يجيب نتيجه حتى لو بطيئه .
الله يسعد قلبك ويعطيك الى ان يرضيك عافيه ورزق وسعاده تامه يارب

حي الله البدراني اخونا الغالي الطيب
تصدق شعور انك ماتنتمي للناس يمر علي كثير تدري ليه لان لا سوالفهم ولا مواضيعهم حولك ابد .. مره سألني الدكتور قال لو خيروك تشترين بيت من تفضلين يكونو جيرانك ؟ قلت ابي اول جار مستشفى وباقي الجيران اخصائيين واطباء نفسيين ضحك الدكتور قلت ليش تضحك قال تبحثين عن الامان لكن لو تشافيتي ماراح تختارين هالنوعيه من الجيران وبعدين فكرت بكلامه طلع صح عشان كذا لما انت تقعد مع الناس منت حولهم ابد كنك تقول انا وين وانتو وين محد يفهمك ومحد يشعر بك بس لو قعدت مع ناس مثلك راح ترتاح .
قناعتي ان مهما طالت الشده بتزول يامحمد لكن متى وكيف مدري .
الله لايطول بك شده ويشفيك ويسعد قلبك ويرزقك مفاتيح الفرج عاجلا غير اجل يارب