![]() |
|
|
الدموع حارت و هلّت
كليت علاجي و أبنام و يآلله إني أقوم نشيط و مرتاح 😔😕 إلى قمت بدري بروح المكتبة أشتري لي كتاب المرحلة الملكية |
يلا أقابلكم على خير يا أحباب الله
|
بغيت أقولكم عن سالفة صارت لي لما رحت المسجد لصلاة الظهر
الفراش و الحارس الهندي حق المسجد دايم يزن علي ليش ما في زواج و يقول ان البيت متوفر و أخواني أربعة أصغر مني كلهم متزوجين و أبوي عنده خير و كذا من هالكلام قال لي انه بيكلم أبوي يزوجني قلت له و الله ان يلطمك . و الله لو يقوله ان تقوم الساعة 😂 أنا مثلت له بنفسي على انه بيلطمني قبله ثم يلطمه بعدي😂 بس و الله كسرت خاطره و مهتم فيني غير شكل دايم يزن علي و يمتعض و يحزن لحالي عاد الشكوى لله سبحانه ما باليد حيلة |
أهم شي المزاج مرتاح هذا اللي نطلبه من الرب و الإله سبحانه و تعالى
فالمزاج هو الحياة و الحياة هي المزاج |
هلااااااااااااااا وغلااااااااااااااااااااا ابونجلاء يسعد الله جوك ويشرح صدرك وييسر امرك
عااااااالى وسعة الخاطر كل شي بيزين بحيل الله وقوته بس نصبر وان شاء الله تفرج من عنده صدقت اي والله اذا ضبط المزاج ضبط كل شي واذا خرب انعفست الدنيا فوق حدر تصدق من الفضاوة رحت الملحة شريت ثلاثة كيلوا لحم نعيم وقلت للوالدة ابي مرقة لحم ورز ابيض قالت الله من الفضااااوة ب هالراس وجلست تهاوش متى تتسنع ويضبط حااالك رح اشتغل دور شي دربيت الراس وجيتك طاير الله يسعدكم جميع والله الحالة ما عااد تسر لا صديق ولا عدو |
|
😂😂😂
و الله الفضاوة قشرا 😔 ربي يسعدك تخيلتك يا بو عبدالرحمن و أنت مدربي راسك 😂 و الله المزاج همنا الأول و الأخير يضبط و تضبط بعدها الأمور لا هوس لا إكتئاب عش طبيعي تصبح ملك عساك ع القوة دوم يا بو حميد وسلم لي على أمك السلام الكثير قول لها خويك يسلم عليك ربي يخليكم لبعض و لا يفرقكم و يسعدكم 🌹 عليكم بالعافية |
يا حي ذا العين أنشهد
يسلموا يا بعدهم 🌹 صادق أبو حميد مالنا إلا نقارب و نسدد و الدنيا كلبيها بالمزاج لا زان زان كل شي و لا شان شان كل شي الشيلة أليمة يا ويلي منها و أشكرك عليها يا بعدي 🌹 |
السلام عليكم
صحيت العشا و رحت مكتبة المتنبي قالوا كتاب المرحلة الملكية مخلص ثم رحت مكتبة جرير و لقيت الكتاب أشكرك قطرات الندا بعدها تعشيت من معجنات منؤشةثم مشيت و لقيت واحد عنده شاهي بالجمر و شريت من عنده شاهي حبق ثم وصلت البيت هذا الكتاب https://b.top4top.net/p_1004h8f0q0.jpg هذي المكتبة https://c.top4top.net/p_1004926te1.jpg |
هاه أبو عبدالرحمن تعشيتوا اللحم 😂
|
بديت في قراءة المقدمة من كتاب المرحلة الملكية
و هنا أمرين فتح في ضميري التحقيق و النقاش الأول https://a.top4top.net/p_10046365k2.jpg هل هناك إحصائية سعادة الأستاذ لحكمك على الفئة التي صعبت عليهم الحياة و أصيبوا بكوارث حياتية و صدمات أثرت على شخصيتهم بحكمك عليهم بالنسبة النادرة بالطبع ما هو إلا .. فلماذا إذاً تبني الحكم من غير إحصاء 🤔 https://f.top4top.net/p_1004bx5az1.jpg هنا كذلك بل لتغيير البيئة أثر على حياة الإنسان فبه يتغير التفكير أو به يعكر صفو الحياة أو أو https://e.top4top.net/p_1004gogoq0.jpg هنا في هذه الفقرة تحمست أن أقرأ الكتاب من الجلدة للجلدة مع وضعةالإستفهامات و أجوبتهاةالتي تخصني و أرى أن المؤلف فيها جانب الحقيقة و الصواب |
اقتباس:
|
لو كَشف الله الغطَاء لِعبده وأظهر له كيف يُدبّر له أموره ، وأنه أرحم به من أمّه ، لذاب قلب العبد محبة لله ولتقطّع قلبه شُكراً لله. - ابن قيم الجوزية
|
صباح الخير
كيفكم ال نفساني الكرام ان شاء الله انكم بخير وعافيه . ابو نجلا يعجبني فيك المحاوله والبحث اصادف كثير ناس انصحهم بقراءة كتاب ويتحمسون وينسون الموضوع او يشترون الكتاب ويرمونه بالدرج . العبره مو بالكتاب العبره الحقيقيه هي سؤال لك انت بالذات : هل تظن ان محاولاتك وبحثك وسعيك رايح يضيع مع الهواء ؟ رد علي برد واضح واوضح رد هو الشعور وتفكيرك الداخلي اول ماقرأت السؤال يعني بدون ماتفكر وترتب رد . كتب تطوير الذات كثيره جدا لكن لفت نظري هالكتاب المرحله الملكيه لأننا نحتاج هالمرحله بجد نحتاج ننسى العالم والناس والكلام وارائهم فينا . اراء الناس لا شافتك وانت مريض ولا فكرت فيك اول ماقفت منك ولا طبطبت عليك وانت مهموم ابدا بالعكس كانت حمل اضافي في حمولنا المزعجه . طريقة تغيير الافكار من اصعب البرمجات لكن في الحقيقه هي الحل والسعاده . بالذات اذا عرفنا ان اكتئابنا وقلقنا وامراضنا كلها هرمونات وافرازات من غدد بالجسم ونواقل عصبيه تأتي نتيجة صدمات ومشاكل وضغوط واحباطات متكرره وش يخلي الاشياء هذي فعاله باجسادنا وتسبب لنا الاضطرابات النفسيه ؟ هي الافكار تخيل ! بجد شي عجيب وخلق الله عجيب . دايم يابو نجلا لما اشوفك محبط او تعبان تدري من يطري على بالي ؟ والله العظيم يطري على بالي ايوب عليه السلام ليس تشبيها ب نبي ولكن يراودني أمل كبير فيك ليه ؟ ماعرف سبب هالشعور بصراحه . كل يوم يابو نجلا كرر الحمدلله اول ماتصحى من النوم وقول اليوم راح يكون سعيد بحول الله اليوم راح يكون سهل ومريح وهادي .. خلي عقلك الباطن يتبرمج على رفض المرض والاكتئاب ويتعود على التفاؤل والسعاده ماتتخيل التكرار شلون له تأثير . شوف بقولك يمكن تكرر وتكرر وتصحى يوم فيك غلقه وحزين ومزاجك زفت معليش قول راح يعدي وطز بالاكتئاب . ابدا لاحظ نفسك بعد شهر وعلمني . ابي تكون داخلك قناعه ان بعد كل ليل طويل صبح وبعد كل ضيق فرج وبعد كل مرض شفاء . هي الدنيا كذا ياتغلبها ياتغلبك وخليك دائما الغالب بأمر الله . انت قوي اراده لكن المرض انهكك والمزاج السيء احبطك لكن ابدا من اليوم وغير البرمجه . ناجي الله بالثلث الاخير من الليل بدون ماترتب كلام وبدون ماتنسق وش تقول فقط قول يارب انت علام الغيوب يسر امري واشرح صدري كلم ربي توسل اليه وكرر كرر الله يسمع الحاحك عليك والله انه مايرد عبده ابد . ادري كلامي مكرر وسمعته كثير لكن ابيك تزرع اليقين داخلك ولاتقول بسوي كذا او اجرب كذا واشوف وش يصير لا ادعي وانت موقن بالاجابه . الله يكتب لنا ولك دعوة لاترد يارب ياكريم |
الساعة الآن 04:10 AM |
|
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا