اسعدالله اوقاتك د رعد انا عندي اسئلة كثيرة
انا كنت استخدم سيببرام لمدة سنتين اواكثر ثم تركتها بالتدريج الى ان حملت وانجبت مررت اثناء الحمل بضروف سيئة ونفسييه المهم اخر مراجعه لي لما كنت حامل صرف الدكتور سيروكسات وقال اذا تبغي تستخدميها وجاك اعراض في النفاس زي الاكتيئاب
طبعا مرت مرحلة النفاس على خير ولما صار عمر بنتي سبعة شهور جاتني اعراض غريبة مادري هل هي من اعراض الهلع مثلا احس بفرح وشعور بالراحه بعدها بلحضات احس بضيقة وحزن من غير سبب اما الايام هاذي احس بتنميل في الارجل والوجه وضربات القلب تزيدوعدم رغبة في الحياة الزوجيةوخوف اني بامرض وترجع الحالة مادري ماذا افعل واحيانا احس اني اتوهم ؟سؤالي هل استطيع ان اتحمل ا م اراجع عيادة النفسية؟سؤال اخر لماذا الدكتور صرف لي سيروكسات ولم يصرف لي سيبرام؟ لان بصراحة ماابغى ارجع الي الادوية النفسية وابغى اعيش حياتي من غير هلع او خو ف .هل هذه الاعراض طبيعي وهل مرت على احد طمنوني

أنا ناسخ الكلام اللي كتبته في موضوع واحب ان تشوفه يادكتور وشكراً لك



السلام عليكم ورحمة الله وبركاته

اخواني واخواتي بعد التحية
انا راح ادخل بالموضوع على طول...

أنا قبل اكثر من 4 اشهر جاني ارتفاع بالضغط بالعمل ودخلوني عنايه مركزه لأن بعد ماعطوني ابرة حقت الضغط فجأه جاني تسارع بالقلب وقالو ان السبب قلق وتوتر سوولي تحليل وتخطيط قلب وايكو كله سليم الحمدلله

الثانيه كانت قبل رمضان بإسبوعين تسارع بنبضات القلب وقالو نقص بوتاسيوم من كثر الإسهال الله يكرمكم والسبب قلق وتوتر سوولي تحليل وتخطيط قلب وايكو

انا بعدها وسوست وقلت اكيد فيني شي طبعاً عطوني دوا كونكور 5 مجم حق القلب ينضم النبض وبعدها بشهر خفض الجرعه الى 2,5 المهم انا صار بعدها يجيني نغز بالقلب وزي كذا واتعب لما امشي وحتى شغلي تركته طبعاً صرت اخاف اروح العمل

المهم بعد ماتركت العمل انا بعدها صار معي موضوع جديد وهو الدوخه المستمره كانت بدايتها اول ما اصحا من النوم وبعدها صارت طول الوقت
رحت مستشفى حكومي وقلت هذول هم الأفضل بإذن الله وسوولي تحليل دم وتخطيط قلب وايكو قالولي الحمدلله ماشاء الله تبارك الله القلب زي الفل بس برضوا عشان نتأكد راح نركبلك هولتر والموعد القادم حق الهولتر باقيله اسبوع ونص تقريباُ وانا الحين صارلي مع الدوخه وعدم التوازن اكثر من 20 يوم وزاد الموضوع بحيث صرت ماقدر امشي طبعاً الحين زاد اكثر اني احس بثقل الجهة اليسرى مع اني لما رحت المستشفى كنت احس بثقل بنصف الصدر واليد بعد لكن الحين لا على يسار الصدر واليد والحين زاد اكثر بحيث لو اني جيت امشي بس مسافه بسيطه احس بدوخه اكثر واحس بالثقل بصدر واليد ومدري هي وسوسه ولا وش لأن انا قرأت ان هالأعراض تصيب اللي عندهم امراض قلب
كلمت اليوم دكتور القلب اللي كنت اراجع معه قلتله انا ترا احس بكذا وكذا قالي عادي هذا تأثير الأدويه النفسيه قلتله لا بس انا ما اخذ اي علاج نفسي ومارحت طبيب نفسي لسه قالي لاتخاف مافيك شي ولازم تزور طبيب نفسي قلتله ترا سوولي تخطيط وايكو قبل اسبوع قالو مافيك شي قالي ايوه مافيك شي ان شاء الله وبس زي ماقلتلك زور طبيب نفسي ....

هل الدوخه والثقل مرض نفسي ولا وشو يرحم والديكم قولولي لأن انا من جد تعبت نفسياً بسبب هالموضوع لأن حتى بالبيت اهلي اقتنعو ان اي الم احس فيه نفسي !!!
ابي احد يقنعني بشي انا ماقد قرأت او سمعت ان مثل اعراضي ممكن تكون نفسيه

ولحد يكتب اشياء توسوس فيني وتخرعنا ترا موب ناقصن قسم بالله
اتمنى محد يرد الا الفاهم والمختص فقط رجااااااااءً ياجماعة الخير

اخوكم ابو تركي ؛ انا طبعاًُ موب متزوج بس احب هاللقب

السلام عليكم ورحمه الله وبركاته
يادكتور انا مرا محتاره ومو عارفه تلخبطت ماني عارفه اللي فيه هلع ولا شيء ثاني
اول شيء انا كنت اعاني من اعراض الهلع ورحت لدكتور واعطاني حبوب سيروكسات واستمريت عليها 5 شهور وتحسنت كثير عن اول وبدات ادرجها ووقفتها والحين رجع لي الخوف مرا ثانيه بس هالمره بدون اعراض ولاشيء بس خوف وقلق وصرت احاول اتحاشى الكلام اذا شفت احد يتكلم اقعد على اعصابي اخاف يقول شيء يخوفني ويخليني افكر واذا جيت احظر محاضره دينيه او حديث او حتى قران احيان اخاف لما اسمعها واقلق بس هذي مو كثير يعني احيان وكمان اذا جيت ابتكلم مع احد باي موضوع ابطل اقول الحين انا بقول كذا وبعدين اموت ويجلسون يذكرونه يعني زي كذا واذا سمعت احد اتكلم بقصه فيها موت ولا فيها عبره يجي في بالي اني سمعتها عشان بيصرلي شيء ولما اسمع احد يجهز لشيء لمناسبه بعد فتره احزن مرا واقول اني يمكن ماكون معاهم وكل ماسمع عن احد مات احزن مرا واتاثر حتى لو كنت ماعرف عنو شيء واجلس افكر تعبت من التفكير رحت لدكتور مرا ثانيه واعطاني نفس الدواء لاني قلتله اني المرا الاولى تحسنت عليه بس ذحين لما اخذته خفت انو مايكون مناسب وانا غلطت في توصيف حالتي له وما ادري صح اللي فيه هلع ولااكتياب وساوس ولا كلها مع بعض ماني عارفه الدواء صح هو اللي يناسب حالتي ولا لا وبس الله يجزاك خير

دكتور هذه اضافة: انا احيان احس بشد بالفك السفلي اليسار وطبعاً الثقل في الصدر الأيسر هذا دايماً لما احاول اقوم واتحرك ويزيد عدم التوازن,, بس المصيبه اني رحت المستشفى قبل اسبوعين وسويت تخطيط قلب وايكو وتحاليل دم وقالو مافيك شي زي الفل ماشاء الله !!
طيب انا قرأت ان هذه اعراض في القلب والعياذ بالله. بالله يادكتور طمني يمكن الدكتور اللي رحت له ماعرف يشخص انا الحين لي 25 يوم وموعدي حق الهولتر بعد اسبوع والله تعبت من كثر الجلسه ماقدر اتحرك ولا اسوي شي اخاف يجيني ضمور في العضلات لاسمح الله من كثر الجلسه لأن انا ما اجلس اكون على طول منسدح لأن لما اجلس احس بقل براسي :S

بس انا يادكتور عندي مشكلة الدوخة مو عارف ليش تجيني مع اني ماستخدم اي دواء نفسي فقط استخدم الكونكور وبعدين كيف تجيني اعراض القلب قبل ما اعرف عن اعراضها ؟
يادكتور خايف اروح المستشفى واشيك على الدوخه ويصير عندي عادة او طبع وازيد من الطين بله
وش نصيحتك الأخيره وارجوك حاول تقنعني إذا احتاج اروح مستشفى افحص القلب مره ثانيه للتأكد ولا افحص عند مخ واعصاب ولا ما اروح لا لهذا ولا هذا !! لأن كثير يقولولي سوي تخطيط مخ او روح عند دكتور اذن وحنجره

ارجو الرد على اسئلتي؟
 

اتمنى اجد تعريف للهلع ؟هل له علاقة بالوسواس والاكتئاب؟هل الهلع يكون بسبب ترسبات في الماضي ومواقف في اثناء سن المراهقة؟ممكن اعرف اعراض الهلع بشكل موسع ؟هل الضغوطات والتوتر والقلق يولد الهلع؟هل الاشخاص الذين يعيشون مع مرضى الهلع يحسون بهم ام دائما يوجهون انه ضعف ووسوسةمن الشيطان او توهم
(هذا بالنسبة لي ) هل السهر يزيد الحالة(لاني احب السهر)




اشكر كم من اعماق قلبي

تحيه شكر موجهه الي د رعد على مشاركتك آلامنا.