|
لا حول و لا قوة إلا بالله بس
|
هلا وسهلا بالجميع
هلا وغلا في محمد البدراني ولدي القعده هههههه الله يسعدك يابوي انا طيبه وبخير واتابعكم من بعيد واطقطق بالسواقه واحيانا اطفش منها انت بشرنا عنك وعن احوالك بحول الله انها تسر يارب . ابو نجلا اللهم امين الله يتقبل منك مادعيت ولك مثل مادعيت يارب . حنا ثلاث خوات وانا اصغرهم وهم عايشين بالرياض وانا بالشرقيه وماعندنا اخوان لكن عيال خواتي جعلي ماخلا منهم كنهم اخواني وعيالي والله . شكلك بتسألني ليش عايشه بالشرقيه لحالك هههههههه ياخوي ماداني مجتمع غير مجتمع الشرقيه ناس بسيطه ومريحه لا هياط ولا مظاهر ولا وجع راس من جاء ابوي للشرقيه من ستين سنه وحبها مارجع للرياض وانا حبيتها من حبه لها . بالشرقيه تعيش ببساطه اروح البقاله الله يكرمك بشبشب البيت اسحب رجولي كني عربجي ههههههههه محد يناظر ولا احد يهتم صديقاتي فهموني هنا اني ماحب العزايم والجمعات الواجد يعني باختصار راحه نفسيه وتعيش على راحتك . قبل امس كنت اسوق ومعاي صديقتي ومعنا عيالها ثنين لعنبو بليسهم ازعجوني قرقر قرقر واطلع الرصيف قلت انزلي انتي وورعانك خذو ليموزين والا لعد اسمع لكم صوت . اكتشفت اني مالي طول بال على البزران ابد ابد فيهم سماجه ودلع ودي اعلقهم مع اذانيهم . اما حكاية التبلد ودي بها احسن من القلق التبلد ينفعني تدري ليه ؟ عندي خوف من الاخبار الشينه احاتي واقلق فوق الطبيعي ويصير يومي سيء . لكن اللي قصدته بلا حزن ولا سعاده يعني هدوء افضل من اول وصارت الاشياء اللي تسعدنا قليله الله المستعان لكن عندي قناعه مريحتني وهي دام الانسان ينام مرتاح ومايحتاج لأحد فهو بقمة النعم لله الحمد وانا عموما شخصيه اميل للهدوء ماحب الاكشنات بالحياه . مدري قدرت اوصل الفكره والا لا .؟ لا انا ماتجيني حالة هوس ابد الحمدلله اكتئابي مو ثنائي قطب اخر مره قالي الدكتور اكتئابك النوع الشائع عند كثير من الناس بالذات النساء لاسباب كثير منها الوحده او الحساسيه الزايده او فقدان اشخاص لكنه مو خطير والحمدلله على ماكتب كل شي من العظيم جميل . |
وش بتسوون الليلة
أنا بتابع لي فلم المعاق الفرنسي أراكم على خير أحبابي سلامو |
اممم ما شفت مشاركتك الا الحين قطورة على قولة أنثى الجدي
قاعد أحمل الفلم :) وينها أنثى الجدي الله يذكرها بالخير يا رب |
يـا هـلااااا وغـلااااا ابـو عـبـدالـرحـمـن
الـيـوم يـا جـمـاعـة الـخـيـر رحـت للـدكـتـور أسـامـه الـنـعـيـمـي اسـتـشـاري الـطـب الـنـفـسـي وشـرحـت لـه حـالـتـي بـالـتـفـصـيـل وقـالـي وش رايـك نـغـيـر الـعـلاج قـلـت اللـي تـشـوفـه يـا دكـتـور وعـطـانـي عـلاجـيـن 1 ( سـالـيـبـاكـس ) حـبـه صـبـاحـاً بـعـد الـفـطـور فـقـط 2 ( انـدرال ) نـصـف حـبـه صـبـاحـاً ونـصـف حـبـه مـسـاءً فـقـط واعـطـانـي كـرتـه قـبـل مـا اطـلـع وقـال راسـلـنـي واتـسـاب بـأي وقـت وخـلـنـي اشـوفـك بـعـد ثـلاث شـهـور عـشـان اقـيـم حـالـتـك واللـه يـكـتـب اللـي فـيـه خـيـر لـي وللـجـمـيـع. |
اقتباس:
و إياك يا رب أجمعين اقتباس:
الله يهنيكم جميع ببعضكم و الله لا يفرقكم آمين يا رب العالمين اقتباس:
اقتباس:
اقتباس:
اقتباس:
اقتباس:
اقتباس:
تصدقين بعض المرات أحب الإزعاج و بعض المرات لا و الله إلا مثلك بالتيم :) اقتباس:
إي بالله التبلد هو التطنيش بكلياتو :) تدرين كل ما أشوفك أتذكر كتابك المرحلة الملكية يكفى عنوانه الفخم و إن شاء الله راح أشقر عليه ع الفهرس و أزيد بالقرايه فيه و الإستفاده منه بأكبر قدر ممكن اقتباس:
اقتباس:
سامحيني قطورة أنا أجلت متابعة الفلم لإشعار آخر و كلمت خوي لي توه طالع من الدوام يقول انه فاضي ودي أطلع معه الله لا يخليني منه و لا يعدمنا من بعض وين زهرة الياسمين ما شفتها اليوم لا تصبيحة و لا تصبيرة و لا دعوة :) مساء الخير يا زهرة الياسمين مساؤ الفل |
ابو نجلا
قطرات اخباركم؟ افتقدتكم و افتقدت محمد البدراني و عيون اتمنى تكونون كلكم بخير |
الله مطاره ذكرتني بالبر زمان نروح لأبوي بالمخيم ويعلقون المطاره بذرا الخيمه عشان تبرد المويه ايييييييييه ياجعل تسقى هاك السنين .
لاتقول سامحيني ابو نجلا انا استانس اذا شفت الانسان يمزح ويسولف ويسفهل ماداني المتجهم وشين النفس.. اسفهل وانا اختك والدنيا سهالات ههههههههه |
هلاااا وسهلا متأرجح اسفرت وانورت شلونك طمنا عنك ؟
انا ابشرك بخير احسن من اول بكثييييير يارب لك الحمد بفضل الله وكرمه ثم بفضل البرنتلكس وفضلكم بهالمنتدى . بشرنا عنك متأرجح |
اقتباس:
انا ابشرك اموري مستقرة الحمدلله |
اقتباس:
|
أجمل جروب يتحدث عن الاكتئاب وأجمل اصدقاء حقاً ♥
ربي يبارك فيكم ويسعد قلوبكم جميعاً ♥ |
عسى دوم متأرجح الله يرزقك العافيه والطمأنينه وراحة البال ويسعد قلبك يارب
|
اسعد الله اوقاتكم بما تحبون
هلا قطرااااات هههههههه والله ما توقعت انك تعرفي تسوقي ما شاء الله عليك هههههه ولدي القعدة قسم بالله شرف ما بعده شرف يا غااااااااالية الله يعزك بطاعته ويعمر قلبك بالفرح والطمانينة -------------------------------- متارجح وووووينك غاااااااااائب يالله حيه اخبارك وشلونك ---------------------------------- ابوهذال ما شاء الله علاج حلو ان شاء الله تجد ثمار العلاج باذن الله ------------------------------------ هلا نوووووووووور حياك بين اخوانك واخواتك يا مرحبا ومسهلا ------------------------------------------ هلا وغلااااااااااااااا ابونجلاء رفيق المعاناة والصمود والصبر |
الساعة الآن 04:35 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا