هلا وسهلا متأرجح
ابشرك اني بخير ونعمه من الله تمر اشياء بعض الاحيان مزعجه لكني اقلب صفحتها من راسي وتعدي لكني بشكل عام انا وضعي ممتاز بفضل الكريم .
انا استخدم كلاريتين مضاد هيستامين على طول لأن معاي حساسيه في الانف والجيوب الانفيه انزعج من الروائح والغبار والحمدلله تصدق انها تساعدني كثير يالذات بثقل الراس من العطاس والحكه ولكن يمكن جسم عن جسم يختلف .
على فكره فيه مضاد هيستامين اسمه كلارينيز هذا من اسوأ مضادات الهيستامين اللي جربتهم يعمل لي ارق وتوتر وضيق ولايفيدني بشي .
الحمدلله انك تحسنت ومن احسن لأحسن يارب .
ابو نجلا هلا وسهلا
والله انك بشرتني انك بتروح للدكتور علي السلامه الله يكتب لك معاه الشفاء التام والعافيه يارب .
ابو نجلا علمه انك عرفته عن طريق منتدى نفساني لاني اسولف له عن المنتدى واسأله عن الحالات اللي اقرأ عنها وهو يعرف المنتدى ويمدحه انه فيه ناس عندهم خبرات جيده .
ابو نجلا تراه دكتور هادي جدا لاتستغرب منه راح يقعد معاك ساعه يستمع اكثر من مايتكلم وبعدين يتناقش معاك لاتخبي اي شي فضفض كل اللي بقلبك وبحول الله انك بترتاح له .
طمني عليك امانه بعد الموعد

بإذن الله قطرات راح أفضفض له كل اللي بقلبي و الله يوفقه لي و يلقالي كل حل و مخرج لكل نقطةمأثره فيني و كل أزمة عايشتها

أنا بكتب الفضفضه بورقة عشان إذا جيت عنده و ثم طلعت من عيادته ما أتحسف على شي كنت بقوله و لا قلته

أوك إذا سألني و قال كيف عرفتني بقوله عن طريق المنتدى و الناس تذكرك بالخير

و إبشري راح أطمنك بإذن الله

أنا الحين كليت علاجي و أبنام عشان أصحى بدري و أروح له

أشوفكم على خير 🌹❤

كثري من
الحوقله اذا جتك افكار بإذن الله تروح والله يكون بعونك

ورده مغربيه سلامتك الف سلامه
اقرأي سورة الشرح وخذي شاور بارد وبتشوفين كيف المود والانشراح ان شاء الله

اللي اخذته انا كلارينز ههههههه

شكلي بجرب كلاريتين

اييييييه قول كذا متأرجح هههههههه
جرب الكلاريتين وراح تدعي لي وخليه عندك بالبيت دايم مثل البنادول اي بوادر احتقان او زكمه خذ حبه وسلامتك من كل شر

اشكركم من قلبي والله .. سامحوني جدا ارجوكم لاني ما برد على كل واحد منكم لما يرد علي والله اني افرح اشد الفرح لما اشوفكم رديتو على مشاركاتي خصوصا لما اكون اتالم

سلامتك نجمه من كل شر
انا وصف لي الدكتور للقلق بوسبار وفيه كمان موتيفال لقيتهم بالقاهره لكن استشيري طبيبك افضل لانه عارف تشخيصك وحالتك .

اليوم النفسيه ماش من قوة ان النفسيه👎 اهلي يقولون سوي الشي الفلاني وهو شي مهم مره اقولهم لا 🙂 وبدم بااااارد احس بكتمممه شي يتحرك بجسمي تنمل فظيع كريه والحمدلله على كل حال

والم من الرقبه الى اسفل الظهر مع الاكتاف فظيع ولله الحمد والشكر في سراء والضراء😔💔

مبتلاه حبيبتي ترى حتى الانسان العادي اللي ماهو مصاب بهلع واكتئاب يمر بحالة ضيق وكتمه وقلق احيانا لاتنسين انك لسا بالدوا مابعد استقريتي .
لاتخافين ابد طنشي وكل ماجاك هالتعب اقلبي الصفحه .
ماتشوفين شر .
لميا الحزينه اسال الله العظيم ان يفتح لك باب فرج من حيث لاتحتسبي ويختار اللي فيه خيره لك انه ولي ذلك والقادر عليه

اسعد الله اوقاتكم بكل خير ايه الاحبة

اشتقت لكم جميعا

اتمنى تكون بخير ونعمه الله يرفع قدركم على راسي والله الغوالي

وشلونك اخبارك ابو نجلاء

هلا اختي قطرات ... الله يسلمك يارب ... انتي قصدك مايوجودون الا بالقاهره والا موجودين هنا وبعدين رايك يؤدون الغرض يعني تنفع للاكتئاب مع القلق لاني اعتقد القلق هو اللي سبب اكتئاب صار عندي خبره هههههه من كثر الادويه ...وهل هم زي زانكس تقريبا مفعولهم وعند تركهم لهم اعراض انسحابيه واهم شي يجيبون النوم ...كثرت اسئله بس بما انك تاخذينه ابشوف كيف مفعوله ...شاكره لك ياعيوني