هلالين "

مجنون حرب

https://twitter.com/i/status/1091809944427470860

السلام عليكم اتمنى تكونو بالف خير

يا هلا وسهلا اخت وردة كيف الحال وكيف الافكار الي تجيك اكيد تغلبتي عليها

الاخت قطرات ندا الغاليه انت الاسبوع الي راح اشتكيتي من الدوخه وقريت عن حالتك من البدايه خوفك من المجهول وخصوصا الدوخه والاغماء تدرين امس وانا اصب قهوة كذا ماسكه الفنجان طبعا يساري والدله يميني وارفع الدله فوق واصب القهوه متفننه ولا تجيني دوخه قووويه والله يا قطرات اني ميلت ميلان قوي والحمدالله ان فيه طاوله يميني واحط على طول الفنجان والدله ما انكبت علي معاها كتمممه وتنمل غمضت عيني وبديت اسمي واسترخيت الين راح الدوخه فعلا تضيق الصدر 😢

لي يومين وانا اشعر بحرقه في المعده والصدر والظهر زي الجمر تخف وترجع

زي النغزات الحاره

حياك الله اخوي ابو مسريب
انا مثلك هاذي طال عمرك تجيب مويه بارده وتبدا تقرا تقرا الفاتحه ايه الكرسي يعني ايات العين والحسد بعدها تشرب منه وتغسل وجهك جسمك فيه و تكرره بس شهر وتشوف العافيه بمشيئة الله

الاخوان المبتلين الله الله بالهمه وعدمممم الاستسلام انتو ابطال والله العظيم لان نمر بشي عظيم الله يعظم الاجر ويسعد قلبنا بسعادة تنسينا كل مر والم يارب العالمين

هلا مبتلاه حبيبتي
شفتي ياختي كيف يجيك رعب من هالدوخه الغريبه ؟ يوووه انا كانت تضيق صدري وتنكد يومي بجد احبطتني لكن الحمدلله خفت الحين كثير واصلا تعودت لما تجيني اقعد اكلم نفسي اقول طيب يالله خلصي وفكينا واحاول ما اتأثر على مزاجي .

ابو نجلا هلا وسهلا
اخيرا رحت له ؟ طيب غير لك دواء او جرعات ؟
عطاك موعد ثاني ؟
مدري وش اقولك عن الوالد يابو نجلا احس مشكلتك مشربكه بجد وان تكلمت هذا ابوك وان سكت بتنقهر وتنغبن .
مابي اقولك كلام مكرر لايسمن ولا يغني من جوع وكل امرك لله هو وحده القادر على تغيير الحال واصلا احس لو تغيرت معاملة ابوك للاحسن انت فيك جروح بالروح قديمه وعقلك الباطن مخزنها كلها ويتالم منها الى الان وهنا المشكله يبيلك جلسات سول ديتوكس تنظيف الروح وطرد كل الالام القديمه لأنك كذا كذا ماراح تقدر ترجع الزمن وتغير الاحداث .. ابو نجلا لاتنتظر معجزه زمن المعجزات انتهى لكن اللي ابيه منك انك تقعد مع نفسك او مع معالج سلوكي متمكن وتحاول تتخلص من كل الرواسب اللي بروحك .
صدقني يابو نجلا من خلال دراستي وخبرتي بهالحياه اكتشفت ان العقل الباطن بالضبط زي الصندوق ومثل ماتخزن فيه راح يعطيك .
حلو قرارك بتعلم لغه اجنبيه لكن انا لاحظت انك قاريء وملم بمعلومات كثير سواء دينيه او حياتيه او مرضيه ليش ماتتطوع بجمعيات لمساعدة المرضى النفسيين مثلا او زيارة دار مسنين تخليها مثلا مره بالاسبوع او دار ايتام او تتعرف على مرضى على الطبيعه مو بالمنتدى وتجتمعون وتتناقشون ؟ هذي الطريقه من اهم وانجح العلاجات السلوكيه هي والاعمال التطوعيه في كندا وبريطانيا يعتمدونها بالمصحات النفسيه ونتيجتها فعاله وثبت نجاحها بنسبه كبيره .
ادري المزاج العسر هو المتحكم فيك لكن اخرج من دائرتك الى دائره جديده واذا ماعجبتك غيرها الى ان تجد الدائره الحل .
لاتزعل مني يمكن قسيت عليك شوي لكن والله ودي لك بالعافيه والخير اتحسر لما اشوف شاب باجمل سنين العمر تعبان ومحتار بحياته .
صدقني العمل التطوعي هو اللي راح يحسن مزاجك واذا تحسن المزاج راح تترتب الافكار وتلاقي حلول ونجاحات حتى لو بطيئه لكن فعاله
الله يوفقك ويرزقك الفرج ويفتح لك ربي ابواب السعاده وراحة البال

تصحيح لتفنن الفنجان يميني والدله يساري هذا ان دل دل على السناعه الي فيني 😊 المهم انها دوخه حتى عدوي ما اتمنى له معقوله قطرات الذهب انها من القلق ولا ليش هالدوخه كلها ولا من العلاج النفسي 😢

انا اطالب من الإدارة المقرة تكريم هالانسانه الرائعه وانا راح نكرمك بالدعاء يا قطرات ما شاء الله لا قوة إلا بالله العلي العظيم انت كلامك ينصب فالقلب صب الله يحفظك من كل شر

ياعمري يا مبتلاه لأنك جميلة روح تشوفي الناس رائعين .
بقولك شي عني ماحب احد يشكرني على واجب وفي هالمنتدى احس واجبي المقدس اني اقول معلومه لو صغيره لكن يمكن تكون لمبه تضيء لأنسان انهكه التعب وتشتت افكاره ومو لاقي حل مثلي انا تماما احيانا اكون مشتته وافماري ملخبطه والحل قدام عيني ومو شايفته ولا انكر فضل هالمنتدى واعضاءه بعد الله في مساعدتي ودعمي والوقوف معاي الله يوفقهم ويجزاهم عني كل خير بجد حسيت انهم عائلتي الصغيره اللي الجأ لها وقت النوبات المخيفه ولقيتهم مأوى امن ارتاح معاهم نفسيا واطمئن .
بخصوص سؤالك هل الدوخه من الدواء انا بالنسبه لي الدوخه كانت قبل الدواء وهي اللي خلتني الجأ للدواء مع اني عالجت سلوكي معرفي تقريبا سته شهور ولا انكر اني استفدت جدا جدا منه اختفى كل شي الهلع والضيق وباقي الاعراض الا الدوخه .
سؤالك هل القلق يعمل كذا ؟ القلق يعمل اكثر من كذا
لو تعرفي مراحل القلق اللي تصيب الانسان ومراحل تطور الاعراض واوصفها لك كان قلتي انتي تتكلمين عني بالضبط شرحها لي الدكتور من بداية القلق البسيط الى القلق الحاد المقنع شي فضيع .يكفي انك تعرفين ان القلق هو مجموعة افكار سلبيه كأنها قطيع يتزاحم في المخ يقوم المخ يركز عليها ويترك مهامه اللي هي ارسال الاوامر لباقي الجسم .
مثال : في بعض الناس يصاب بضيق تنفس وقت نوبة القلق وتكون ملازمه له هالضيقه ليه ؟
المخ فيه عمليتين تكنيكيه منها ارسال الاوامر مثلا للرئه عشان تتنفس طبيعي ومنها تفاعل المخ مع الافكار السلبيه
في حالتي انا هي الدوخه لأن اصلا عندي البؤره المخيفه والمثيره للقلق هي الخوف من المجهول والفناء بالتالي الدوخه تمثل عندي فقد الوعي والمجهول .
امانة حسنت افكاري تحسنت الدوخه كثير كثير مع مساعدة الدواء وقبل كل هذا فضل الله علي سبحانه .
ايقنت وامنت ان القلق اكبر مدمر للانسان واشرس مرض ممكن يمر على الانسان الله يكفينا شره .
مدري قدرت اشرح لك صح واوصل لك الفكره او لا ههههههه

الا وصلتيه وكفيتي و وفيتي الله يديم عليك الصحه والعافيه ويفرح قلبك بكل ما تتمنين وأكثر اقسم بالله صرت احن عدوي من دعوة الله يقلقك من شي مرينا فيه الله يجعلها تكفير ورفعه لنا في الدارين