أمنا الغالية علينا جميع قطورة ندى

المشاركة الأصلية كتبت بواسطة قطرات الندا (المشاركة 1360958)

هلا وسهلا ابو نجلا

المشاركة الأصلية كتبت بواسطة نجمة الفلك (المشاركة 1360967)

هلا والله بابو نجلاء يالله تحييه يارب تغطس وتطلع بس لك فقده والله ...نفس اسمه بتويتير ودي اضيفه يمكن يقول جمله تغير النفسيه ...الله يشافي الجميع يارب

المشاركة الأصلية كتبت بواسطة أبو نجلا (المشاركة 1360937)

رحت تعشيت من مطعم طابا خذيت لي صاروخ شاورما و الحين قاعد أتقهوى

الله يحفظك يالنعمة من الزوال




تدري يا ابو نجلاء ان مشاركتك اذا قريتها وجهي كذا 😊 يجيني شد عضلي فالوجه واموت ضحك كلامك يضحك وسردك للكلام ممتع لله درك على قولتك يا ابو نجلاء 🌹

المشاركة الأصلية كتبت بواسطة مبتلاه بالهلع (المشاركة 1360981)

طيب جاء في بالي فكره وش رايكم دام الدنيا لاعبه فينا لعب ومعطينها وجه وش رايكم نلعب معها لعبة التطنيش لانها زودتها معنا والله 🤔🤨

المشاركة الأصلية كتبت بواسطة أبو مانع (المشاركة 1360991)

مساء الخير، شباب هل الادوية النفسية تخفض الضغط
المرتفع؟

المشاركة الأصلية كتبت بواسطة قطرات الندا (المشاركة 1360998)

حبيبتي مبتلاه والله ان الذهب انتي لانك ماتعرفي ان روحك مرحه جدا حتى وانتي تسردي المك وخوفك كلماتك مرحه .. احييك بجد انك مو شخصيه نكديه تحاولين وتحاولين تعيشين عيشه طبيعيه بس بقولك شي ولاتعتبريه فلسفه قد ماتتفائلين قد ماتحاربين الهلع والاكتئاب والشفاء يكون اسرع انا اشوف ان اكبر اسباب الاكتئاب اليأس وانتي ماشاء الله عليك قويه واشوفك تحاربين وتحاولين وصدقيني الله مايضيع لك تعب ابد .
ابشري من عيوني اول ما اجي للرياض ابلغك وتراك انتي وابو نجلا عطيتوني اكبر من حجمي كثير انا وحده زيكم ومريت باللي مريتو فيه وكنت اضعف منكم بعد لكن سبحانه بفضله وكرمه تجاوزت الصعب والفتره والازمه وانتو بعد راح تتجاوزونها بكل قوه بحوله وقوته .
اذا بروح الانسان اليقين القوي ماراح يضره شي ابد .
قوليلي مبتلاه كيف وضعك الحين ماعطيتينا تحديث لنفسيتك وحالتك ان شاء الله تكوني احسن وتجاوزتي الصعب ؟
لاتخافي حتى لو تجيك بعض الاعراض ترا انا تجيني للان مع اني برمضان اكمل سنه على الدواء طنشي وراح تتلاشى شوي شوي .
الله يسعد قلبك

المشاركة الأصلية كتبت بواسطة لميا الحزينه (المشاركة 1361032)

حسبي الله ونعم الوكيل

المشاركة الأصلية كتبت بواسطة مبتلاه بالهلع (المشاركة 1361035)

ويسعدك بكل ما تتمنين وأكثر يا الذهب ❤

تحديث لحالتي يالغاليه نبدها بالراس بسم الله نبدأ 😂 فيني شد في حال التوتر او عدم اخذ كفايه من النوم والراحه او شفت او سمعت شي ما أعجبني وازعجني هذا الراس الكتف مشدود الظهر في النص واسفل الظهر تقولين احد باقسني 👊 فيه بقس قوي منطقة الصدر الم فظيع ولله الحمد قلبي اخخخ يا قلبي والله يابنت الحلال لاني احب ولا عندي مشروع بس يرفرف تقولين له رجول ويركض يبي يطلع من بلعومي بعض الاحيان افتح فمي اقول تفضل اطلع وفكني 😂 نجي للمعده انواع الراب والاصوات والغازات وتقلصات بس ادب فالنعمه وفالقهوه الي حارمني منه سنين الهلع و الوسواس مريت في مرحلة مجاعه اقسم بالله صرت هيكل عظمي ايييه اللحين ننزل من الفخذ الى الساق تنممممل مع تحركات زي الحيه ويمر على ظهر ويجيني بعض الاحيان هذا الهبوط الي كاني اطيح من مكان عالي وعند النوم يجيني حراره في الجسم وخصوصا الظهر و كتتتتتمممممه فظيعه ولله الحمد والمنة كذا خلصنا وشاركت في منتدى الهلع وقلت تحديث لحالتي


نجي للمرحله الي بعدها ياالغاليه وهي الاهم ابشرك عندي هرمون{ الطز} عالي جدا تدرين ليش لان الهلع وتوابعه من وسواس وهم وغم وبكاء وافكار سوداويه واختلال انيه خلاني كأن فيني اعاقه فيني شلل كامل وانا عضويا يالله لك الحمد وشكر كل شي سليم فيني تعطلت حياتي وتعطل كل شي فيني وسويت كل شي ما قصرت ابدا تجاه نفسي من رقيه من مشايخ من مستشفيات حكومي وخاص من طب شعبي من ادويه نفسيه جربت كل شي خلااااص تعبت قررت وعزمت اني اتخلص من كل مخاوفي ومن الافكار السلبيه وارضى رضاء تام واستسلم واتقبل بكل رحابة صدر للمكتوب واي شي امر فيه اتقبله واحمد الله واخليه ياخذ مجراه الين يروح من نفسه لان عندي يقين ان دوام الحال من المحال ولازم نكافح ونحارب ولا نستسلم لان جزاء ربي للصابرين والمبتلين بكل مر والم نمر فيه لنا جزاء عظيم فالدراين وما تضيق الا وتفرج وانا اختك وبعد اخت قطرات والي يشوفون كلامي كانت عندي زميله غاليه علي فالدوام كان فيها الكانسر الي يكفينا و اياكم ومن نحب هذا المرض عاش معاها ١٥ سنه تدرين ليش كانت معنوياتها وروحها الايجابيه وثقتها وايمانها بالله قوي وعالي جدا وهو في جسمها مرض مميت الين تمكن من الرئه عندها وتوفت لها سنه الله يجعل مثواها الجنة وموتى المسلمين عندك محاربة السرطان الكويتيه شيماء قالوا لها المستشفى الي في بريطانيا خلاص مالك علاج والمرض تمكن منك وعمرك ايام او شهور بالكثير وتموتين ويجيها تجلطات واشياء كثيره الله يرفع عنها ومع ذلك شوفيها لها ٤ سنوات عايشه والله يعطيها طولت العمر ويشفيها ويشفي مرضى المسلمين ليش لانها فيها كمية تفأول وايجابيه وايمان والرضى ما استسلمت للمرض المميت وانا ما انكر ولا اخفي عليكم ان فيني تعب لان الاعراض غصب اتعب منها و اتألم ولكن حيلة الله اقوى ولازم نرضى الا ان تفرج وفرج الله قريب 🌹

المشاركة الأصلية كتبت بواسطة قطرات الندا (المشاركة 1361071)

المشاركة الأصلية كتبت بواسطة مبتلاه بالهلع (المشاركة 1361078)

اخواني واخواتي الافاضل عندي لكم سؤال
هل تقبل او تقبلين بالزواج من شخص ياخذ حبوب نفسيه؟

بقولكم سالفة هالسؤال انا وبكل فخر الكل يعرف اني اخذ حبوب نفسيه لاني ما اتعطى مخدرات ولا شي حرام و ولا عيب؛ كثير يقولون لازم تقطعينه بعدين اذا تزوجتي وش يقول عنك زوجك والمجتمع وش يقول عنك ونظرتهم لك تخيلو بس اني اترك الحبوب وشي مريحني وما منه ضرر اتركه علشان نظرة المجتمع وش رايكم انتو 🤔

المشاركة الأصلية كتبت بواسطة مبتلاه بالهلع (المشاركة 1361079)

انا عني طز فيهم وفي نظرتهم 😊 وانا اي شي من الله احبه وافتخر فيه
وبترك الحبوب في حالة صار فيه تقصير في علاقتي مع رب العالمين غيره لا والف لا وشكرا 😊

المشاركة الأصلية كتبت بواسطة مبتلاه بالهلع (المشاركة 1361159)

انا بكامل الحزن على احن واطيب واجمل اخ فالعالم ايه والله اخ على اخوي 😭 مبتلى بالفصام ادعو له 💔

المشاركة الأصلية كتبت بواسطة مبتلاه بالهلع (المشاركة 1361078)

اخواني واخواتي الافاضل عندي لكم سؤال
هل تقبل او تقبلين بالزواج من شخص ياخذ حبوب نفسيه؟

بقولكم سالفة هالسؤال انا وبكل فخر الكل يعرف اني اخذ حبوب نفسيه لاني ما اتعطى مخدرات ولا شي حرام و ولا عيب؛ كثير يقولون لازم تقطعينه بعدين اذا تزوجتي وش يقول عنك زوجك والمجتمع وش يقول عنك ونظرتهم لك تخيلو بس اني اترك الحبوب وشي مريحني وما منه ضرر اتركه علشان نظرة المجتمع وش رايكم انتو 🤔