ابو علي هذي تجيني الاعراض اذا شايله هم شي او قلقانه بس مو القلق العادي لا يكون قلق حاد مجهول الاسباب .
النفسيه هي اللي عندها ادارة الجسم كله سواء القلب او المعده والقولون حتى الاكتاف والرقبه والصداع والدوخه كل شي بدون مبالغه .
عالج القلق وتختفي كل الاعراض .
النفسيه سر الله في الخلق سبحانه ان زانت زان كل شي وان شانت تلخبطت الحياه كلها ولكن المشكله ان شانت النفسيه بدون اي سبب وش يسوي الانسان عشان كذا لاحظت حلسات التأمل مفيده الى حد ما تشيل الثقل اللي بالروح وتعطيك دافع شوي لان التأمل يخليك تفكر بكل النعم عليك وتنسى اي ألم .
سلامتك طمنا عنك

محمد البدراني هلا وسهلا
انا والله مالي هوايات الا السفر كنت اعشقه والحين فيني رعب من الطياره لو تعطيني رزقي ماركبتها وانقلبت الهوايه لمسلسلات واكل وصاخبتي عندها كلبه قلبت كياني صارت شغلي الشاغل ماغير اتسوق لها من موقع لموقع احس انها طفلتي احبها قد الدنيا واخاف عليها وتعطيني سعاده غريبه ماقد جربتها .
حب الكلاب للانسان شي غريب مايعرفه الا اللي جربه تحس بولاء منها غريب تخاف عليك تعبر لك عن حبها بحركات تاخذ القلب .
زمان اول ما اشترت صاحبتي الكلب قرفت وصرت اعصب ماروح عندها وقلت للدكتور حقي من ضمن الاشياء اللي اقولها له بكل مراجعه قالي تدرين ان بدول العالم معتمدين الحيوانات الاليفه لعلاج الاكتئاب وقهرني وماصدقته لكن يوم تعلقت فيها عرفت ان كلامه حقيقه .
اسمها سول يعني روح وعز الله انها روح الروح 😂

اسال المولى ان يشفيك
شفاء لايغادر سقما
بالطب مافي
علاج للقولون
العصبي
مرض مزمن
جرب الصمغ العربي
ممتاز للقولون صراحه
ابو علي حاب اسالك
من شنو تعاني هل
تاخذ ادويه نفسيه

كتجربه انا استعمل اوميبرازول احيانا حبه لوحدها او اخذ معها حبتين من سكوبينال والنتيجه فعاله بالنسبه لي

ومن قبل كنت اخذ دوسبتالين واسم تجاري اخر له ميفا وفيرين ، كانت تخفف عني الكثير لكن الان كما قلت على اوميبرازول وسكوبينال

وفي حال احساس بامتلاء المعده واحساس باستفراغ اخذ حبتين دومبي احيانا لوحده واحيانا مع سكوبينال او اوميبرازول

هذا من حيث تجربتي

لكن ايضا تجربه اخوي محمد البدراني تؤخذ بالحسبان

نيكسيوم

تاكيبرون

ابحث عن ارخص اسم تجاري للدواء في حيث تريد الارخص لان غالبا الاسم الاصلي او الام اغلى في السعر

اوميبرازول انا اخذ الاسم التجاري إيبرازول وهو الارخص

صباح الخير لاهل الخير ، اتمنى يومكم طيب وسعيد ومريح وكله عافيه و راحه وحيويه ، امين يا رب : )

صباح النور الوردي اللهم امين لنا ولك وللجميع 🌷

هلا اخوي محمد...ليركا استخدمه بالاسبوع مره بس احس احيانا اني بحاجته لانه يعدك مزاجي شوي ويخليني انام متواصل بدون تقطيع وهاذي معاناتي مع النوم .... تقصد بالتذبذب يعني مره مبسوط ومره متضايق انا ماني كذا على طول كارهه حياتي ومتضايقه ونفسي بدواء يزين مزاجي شوي يعني يخليني على الاقل احب اطلع ...وانا ياخوي محمد حاليا مااخذ دواء اكتئاب تاركته لي اربع شهور وهو برينتيلكس مع انه ممتاز بس اعراضه الجانبيه ذبحتني غثيان وتعرق بس اخذ ليركا احيانا والمنوم بالليل لاني مستحيل انام بدونه وهلحين مع الضيقه ازود الجرعه وبرضه نوم صعب متقطع لكن الحمدلله على كل حال....
صباح الخيرات للجميع اسال الله الشفاء السريع لي ولكم يارب

مشاكل القولون تختلف من شخص لٱخر واليوم صحيت على غثيان واستفراغ
فمثلا أنا أكثر شيء يصيبني عند تهيج القولون الغثيان الشديد وانتفاخ البطن والاسهال أكرمكم الله والألم في الجهة اليسرى من البطن
أما عندما يكون عندي إمساك لا أعاني من الغثيان
إذا أخذت الأوميبرازول لوحده أشعر بزيادة في تطبل البطن
الأغذية التي تزيد حالتي سوءا هي الحليب ومشتقاته والتمر والمكسرات والبرتقال والتفاح والبقوليات و ........
والأطباء ينصحوني بهذه الأكلات بالتحديد لعلاج فقر الدم
ونسيت شيء أدوية الحديد عدو قولوني اللدود والٱن أنا في ورطة كبيرة ما أقدر ٱخذ علاج نقص الحديد والمشكل مستمر

انا مثلك الأغذية التي تزيد حالتي سوءا هي الحليب ومشتقاته والتمر والمكسرات والبرتقال البقوليات ، نفس الوضع ، بس التفاح عادي ، وبالطبع تختلف من شخص لاخر سبحان الله

بالنسبه لاوميبرازول اذا ما ناسبك جربي غيره مثل نيكسيوم ، تاكيبرون ، او جربي تاخذين معه سكوبينال ، انتفاخ البطن قد ينفع معه دومبي

بالنسبه للحديد خذيه من مصدر طبيعي مثلا صفار البيض او ابحثي عن الاطعمه اللي ما تؤثر على قولونك وفيها حديد

قرأت ان اللحوم الحمراء والكبد غنيه بالحديد ، اذا كانت لا تؤثر على قولونك فتناوليها

بقولكم موقف على طاري الكبده ولكن لا تاخذونها بمحمل الخوف ابدا
اتذكر اقوى نوبة هلع جتني في حياتي بعد كبده بالجبن 😂 بس ماادري هل هي من الكبده ولا من السبرالكس اول ما زدتها لجرعة ٢٠ ملغ المهم ما حصلي إلى الآن اكل كبده بالجبن علشان اكسر الخوف 😂

الكبده معد اكلها انا لاني بشكل عام ما اكل اي شي بزيت ، كلما كليتها القولون عندي يلعب بي ، بحاول يوما ما اجرب الكبده تكون مشويه او مقليه بزيت زيتون واشوف هل بيناسبني الامر ولا لا
كلي كبده تسوينها انتي بنفسك في البيت واطبخيها بزيت زيتون وان شاءالله ما تشوفين شر ولا هلع : )
يمكن بعد من المشروب اللي شربتيه مع الكبده لو كان فيه كافيين يمكن يكون بسبب الكافيين والله اعلم : )

ما شربت معاه الا مويه باااارده فقط اكلت معها خيار وطماطم 😋 ما هي إلا سويعات ونفضني نفض الهلع حسبي الله ونعم الوكيل 😂
والله يا الكبده المشويه يا فيها لذه انصحك فيها ومعها نعناع وخيار وطماطم مع خبز صاج يا بووووي 😂

كبده بالجبن !!!!!! أنواع التلبك المعوي 🙂 مدري وش هالخلطات اللي طلعت . الحين الكبده لوحدها ثفيلة كيف مع الجبن !!! ولا بعض البوفيهات اللي يخلطوا الفول مع البيض والجبن بصحن واحد !

اخوي الوردي . اللي اعرفه ان اومبيبرازول للمعده ومشاكلها وليس للقولون صح؟ انا جربت نكسيوم والتحسن بسيط