تهئ تهئ خوفتني يا محمد إي و الله شكله من قل النوم

هني اللي ينامون

أعجبتني مشاركتك و كثير مشاركاتك مثيرة و حلوة

من قلت

و الله أثرت فيني اللهم صل و سلم عليك يا رسول الله و هنيئا لآل ياسر بالجنة

نعم و الله صبرا يا أيها المرضى فإن موعدكم الجنة

بخصوص المقارنة أنا قارنت و ما حسدت أعوذ بالله من الحسودين
لا و الله أنا حزنت على نفسي كثير فقط إلا هم الله يهنيهم و يسعدهم و أحب لهم الخير و التوفيق ما شا الله تبارك الله عليهم الله يسعدهم يا رب العالمين و يسعدكم جميعا و يوفقكم و يفرح خطركم .)

حلوة كثير هوايتك و ما شاء الله تبارك الله و الله يونسك يا بعد قلبي

ألا و اهني اللي ينامون
و عيني جفت لذة منامي

هلا بكم جميع الجنرال و نجمة الفلك و نمر عبدالرحمن و الوردة المغربية و خطى ثابتة عبق الذكريات

الوردة ما عليك اللي رفعوا صوتهم عليك طنشيهم و الله يصبرك و يقويك و يجبر خاطرك و كسرك و ينصرك و يسعدك
الوردة أحس ما عندك صديقات صح
تريني عندي حاسة سادسة أشم مثل الذيب على بعد أميال هههه .)

ابو نجلاء شكلك شيبة المنتدى هههه الله يسعدك يارب اخبارك يا غالي في هذي العصريه الهاديه

هلا بنمر عبدالرحمن يسعد الله جميع لحظاتك

صدقت جميع المواصفات اللي عند الشيبان المتقاعدين عندي ههههههه اللهم شعري ما فيه إلا شعرة وحدة بيضا و أكيد ما هي بقاعدة يتيمة وحيدة .) الشيب وقار و عز ههه أضحك على نفسي و طقطق عليها
وش نسوي إن ما ضحك لنا أحد نضحك لنفوسنا

و الله الصبح طحت من الدرج
الله يا ذا الدرج اللي يدور لي الزلة بس الحمدلله شيعوها و طلعت رضه بالقدم و خذيت مسكن و أعتنزت على عصا باكورة

بس والله ما نمت يا ولد الحلال من الألم و الحين خف الألم الحمدلله

و للمعلومية يا حبي السهر يزيد الهوس و قاعد أتسمع ذا السعب اليامي

الله اليوم ياللي من طلبته عطاني
إن طلبته عطاني من عطايا الجزيلة
شدوا اليوم جيراني يا ونتي ونة

هذا واحد يامي حب له دوسرية من ربع محمد الدوسري
هذا في قدم الزمن و حب على نقا و شرف حب الأولين عفيف

إهداء للجنرال و لك يا نمر و الجميع

https://www.youtube.com/watch?v=eFwt_OtiFX8

أنت أخبارك يا نمر عساك طيب

وش جدولك اليوم

هاه وش صار على الوظايف

الف سلامه ياغالي شينها الطيحه انا زلقت كثير واغلبها تكون رضوض و واقعد على المسكنات والله مابوه جدول نفس الروتين القديم وياخي الم الظهر مشكله مدري هو من المرتبه ولا وضعية النوم مافي راحة ابدا ، انا حاليا بطلب منتجات من برا كوريا اسبانيا المكسيك وممكن افتح متجر طقطقه ببيع في البدايه بالدمام علشان سهولة التوصيا في اقبال كملنا مافي عطيتها اخواني😂

السلام عليكم ورحمة الله وبركاته ✋
يالله حيهم وسلمهم جميعا
دائما انا اقهويكم واسولف عليكم
هالمره قهوني وسولفوا علي😊
انا حرمتن ماش الطفش مطفشني

وعليكم السلام ينزلك احلى قهوة مخصوص لك ومعاها عجوة المدينة ندلعك دلع

الله مير يسلمك ويطول بعمرك ويغينك يا نمر
وانا اول زبونه لك عاد احب كوريا ومنتجات كوريا 😍

بإذن الواحد الاحد اذا خلاص رتبت الامور راح ادلعكم وباحلى الاسعار يارب يسرها بس 😂 اوف عاشت الكوريه

جد الحين عطوني فكره لإسم المتجر 😂 نحتاج فزعه

يا هلا يا هلا بإبتهال

الله يحييك يا بعدي

إبشري بالقهوة و العلوم السنعة و السمن و السمين و تستاهلين كل خير

ماذا دهاك يا أخت العرب
إنه الطفش

و الله إني تارك العلاج برنتلكس يومين :( الليلة بآخذهم

مقهور ليش آخذ أدوية ليش ليش الله المستعان اللهم صبرني و يصبركم حبايبي على مصايبنا

دمعتي حايرة و سالت حسبي الله و نعم الوكيل حسبي الله و نعم الوكيل

https://f.top4top.net/p_12054h1iv2.jpg




والله اني ضايقٍ - من خلاي وفي خلاي
خاطري - ماهو - بوده - ونفسي ودها

عاصي نفسي على شان ما رخي مستواي
لو بطيع - النفس - بعدين كيف اردها

ياسعد صرت اشرب الما وﻻيقطع ضماي
ﻻتعاتبني - ترى - النفس وصلت حدها

كل ما شان - الدهر ضاع ثلثين اخوياي
خربت - الدنيا - ﻻ بوها - وﻻ بو جدها

الزمان - يحدني - حدّ - ويبيّح - خفاي
مير - يالله - مدّتٍ - منك - محدٍ - مدها


https://f.top4top.net/p_12054h1iv2.jpg

الله يعين وبإذن الله مافي هم الا وراه فرج وماخاب من قال يارب

أبكي

غلط من قال البكاء يريح

إلا و الله من الضعف

أنا ضعيف ما أتحمل المصايب

أستغفر الله العظيم

رجال و آخرتها يبكي

جعل من عاقنا ذا الليل ربي يعوقه
جعل من عاق زرعي و السبل في عذوقه

صاحبي ما دريت إن المحبة تبكي
غردي يا حمامة غردي يا حمامة

صدقت يا نمر

بس صبري ناقص و الله ناقص و الله ناقص

أنا ما ودي أعكر صفو المضافة

خلوني أرقص على السعب اليامي و يحلها حلال

وليش الرجال ما يبكي البكاء يريح ويهدي
الله يعين يا ابن الحلال ما أصابك الا لحكمه
وابي اشوف حكمة الله في ابتلائي مره ودي اشوفه 😍