الحمدلله مرا اتطمن وارتاح لما القئ احد زيي احسه شي طبيعي الله يطمنك ويشفيك، طيب سوي زي م قال يمكن صح، وبعدين انا معاك مستعده نشجع بعض ونقوي بعض عشان نرتاح من ذا الوسواس الي دمر حياتنا ولسئ احنا اول حياتنا،نفسي اتواصل معاك ع شي خاص والله لاني فرحت احد نفس مشكلتي بالضبط هههههههههه

والله العظيم انا ابي اتواصل معك شرايك نكلم الاداره ؟
الحمدلله انك تطمنتي وارتحتي والله والله انا ارتحت لما لقيت احد نفسي حتى ب الاحلام ... تطمني سالفة التواريخ وحده تقول حلمت انها بتموت بيوم وحدد لها التاريخ والله مر ع حلمها ذا 10 سنين. واللي حدد لها بتموت بعد سنه مر سنتين وهي حيه ترزق.. انا طبعا مااقتنعت تعرفين اننا موسوسين قلت لا انا غير اكيد هالحلم رؤيا دقيت ع مفسر قال اي حلم فيه تواريخ وتحديد يوم موت ذا تلاعب من الشيطان لاتلتفتي له ومااقتنعت رحت دقيت ع غيره قال انتي موسوسه؟ قلت ايوه قال اتركي الاحلام غالب من تاثير العقل الباطن ونفسيتك ..
ارتحت لما سولفت معك وعرفت ان فيه احد مثلي هالشي يطمن الله يسعدك يااااااااااااارررررب

عادي اي طريقه مو مشكله اهم شي نتواصل مع بعض، شوفي اقولك حاجه انا عقلي مصدق انها وساويس بس قلبي مو مصدق مو راضي يروح الخوف رغم اني مقتنعه وش نسوي عاد الله يكون بالعون

انا لا عقلي ولا قلبي مصدق انها وسواس الله يعين وانا اختك لازم نشجع بعض ونتخلص ترى هالشي بيفيدنا والله

لا حبيبتي لازم تقتنعي انها وساويس حتئ لو الوسواس مسيطر عليك لازم تساعدي نفسك قبل اي احد كلنا نفس الشي نحس انه ذا مو وسواس بس اوصل لمرحله اقول لمتى وانا كذا م صار لي شي وانا اوسوس ويرجع يسيطر علي وطبعا احنا مع بعض ونشجع بعض لاتخافي

ذحين طريقه نتواصل فيها مع بعض لازم :(

كلمي الاداره وانا بكلمهم بعد طيب ؟

تمام

انا بدايتي مع الوسواس كانت وساوس عن الموت ماكنت انام اخاف اني اموت وانا نايمه واجلس اقاوم واحاول اجلس مع اي احد يصحى اسولف معه عشان اشغل نفسي وعلى هالحال بعدها الحمدلله اقتنعت ان الاعمار بيد الله وراح مني وجاني وسواس الامراض الله لايوريكم 😭😭😭 هذا الوسواس احسسسسه صعب صعب صعب اصعب من وسواس الموت حتى صرت اقول بنفسي ليت فيني وسواس الموا ولا هذا الوسواس يووووقف كل حياتك كل ماحسيت ب الم بجسمممي قلت بس هذا مرض خطيررررر والله يمكن 10 امراض وسوست فيهم كلهم والحين راسي له فتره يوجعننني واتوقع هو اساسا من اسناني ملتهبه ومن نفس جهه الاسنان باليسار راسي الجهه اليسار اسفله يوجعني زي الكهرب واحس لافكرت فيه وبالمرض جتني دوخه ورعشه وتوتر بس اذا نسيته وانشغلت مع الناس مايوجعني شيء غالبا وانا اللي خلاني اوسوس بالشيء هذا قبل فتره شفت خبر بالتويتر لوحده كانت معي بالمدرسه جاها المرض براسها وماتت ومن عقبها انا مانيب طيبه اوسوس فيه واساسا مو اول مره اي مرض اقراه بالصدفه او احد يعلمني ان فلان مات بالمرض الفلاني. خلاص الفكره تسيطر علي واحس انا المقصوده وبمرض بالمرض هذا تكفون تكفون ادعووولي والله تعبت زمن يومني بالمتوسط وانا الحين اكلمكم ثاني سنه جامعه وانا اعاني من هذا الوسواس احس حياتي راحت ب افكار واوهام 😭😭😭😭 واحسد الناس اقول ياحظهم ماعندهم هم زي اللي انا فيه يحسبوني مرتاحه لاني اضحك دايم مايدرون ان حياتي كلها اوهام بالامراض ياررررب اشفيني ويشفيكم ويشفي جميع مرضى المسلمين ياررب ومين نفس حالتي يطمني 😭😔💔

معي كتمه ودوخه وضيق نفس وزغلله ضباب بالنظر وصداع وشد بالراس من بدى معي الهلع لي 6 سنوات هل هي اختلال انيه لاني ماقدر اسافر ولا اطلع الا للمشاوير القريبه احس راسي مصدع وماقدر اركز ادوخ بسرعه واحس نظرتي للدنيا مو مثل اول احس نظري متلخبط على ان فحصته اكثر من مره سليم

ومعي اعراض جديده لها سنه وهي
ا
لكتمه وضيق النفس والم الظاغط على عضلات القلب ومن الخلف نفس الجهه في الظهر
والشعور بنبضات القلب
لي سنه والشعور هذا معي يوميا اقل شئ 9 مرات يجيني الشعور بنبضات القلب ليس خفقان انما نبض عادي ينبض ويذهب كل فحوصات القلب والراس سليمه وتحاليل الدم والظغط والسكر ولله الحمد سليمه
اخواني هل فيه احد يشعر مثل اعراضي

لاتشيل هم اخوي اوهام كلنا في الهوا سوا والله الام متفرقة في الجسم واما القلب مرات نبضات سريعة ومرات بطيئة
ومرات خفقان ومرات الام في الصدر ونغزات لاتشيل هم وتجاهلها داامك فحصت وتطمنت ياصاحبي وقدامك العافية ان شاء الله

جزاك الله خير ابو عبادي اي والله كلنا نعاني بس لاشفت احد يعاني نفسك ترتاح شوي تحس منت وحيد 😭😭😭 الله يشفينا يارررب ياررب

مساء الخيرات
مرحبا خيوو
ابشرك نشكرلله بخير يا وجه الخير ويا كل التفاؤل :)
انشغلت مره مع الدوام ارجع البيت هلكانه وانام ما بقوم بس اصلي وارتب شوية امور البيت وانام لليوم الثاني وعالدوام ههههه
حتى الوسواس مو لاقي علي وقت ههههه
هربت منو والحمدلله لما شغلت عقلي ودخلت جو مع الدوام احسن ولو بعض الافكار تجي احيانا تحاول تعصف بي لكني تبلدت واعترف
انت سلامتك قرات كلامك كيفك هلا؟
واشكرك من قلب ع سؤالك عني ماحد سال الا انت ربي يكرمك :)