نفساني - يوميات المكتئبين تعال نسولف

نفساني (https://www.nafsany.cc/vb/index.php)

- ملتقى أصحاب الإكتئاب (https://www.nafsany.cc/vb/forumdisplay.php?f=57)

- - يوميات المكتئبين تعال نسولف (https://www.nafsany.cc/vb/showthread.php?t=85488)

سلامتك صامده حاسه فيك والله يارب يشفيك ويرزقك حلاوة النوم الطبيعي من غير ادوية ويقويك ويرزقك السعاده وراحة البال .

اقتباس:

المشاركة الأصلية كتبت بواسطة سَـن كَـولآ (المشاركة 1370772)

أهلاً بكم أيها الرفآق

إنقضى أول يوم من أيام هذا الشهر الكريم

نسأل الله أن يتقبل منا ومنكم صآلح الأعمال

شفت نفسي فاضي , قلت خليني أسير على المنتدى وأشوف الأخبار ..

المزاج : رآيق

الحاله النفسيه : مستقره

أحس بإنهاك جسدي مع شوية خمول وتعب , مافي ضماً بس فيه جوع شديد !

العاده في مساء رمضان لازم الوالده تكلفني بمهمه

تجمع لي في كيس من هالمأكولات والعصائر وكل مالذ وطاب

وأروح ادور لي عمال بلديه أو عمال بناء , وأعطيهم

أسأل الله أن يجزي والدتي خير الجزاء

والله يجعله في ميزان حسناتها ..

المهم يا حبايبنا بالنسبه للفطور :

أنا الحقيقه أكلي محدود جداً ولي صحن مستقل <<< حسيت كإني خدامه d3

طبعاً الخدم بشر زينا , وهذي من باب الدعابه ..

مع إن إحنا نأكل على سفره واحده , بس أنا أكل على طاوله خاصه <<< طبعاً VIP مين قدي #&

لا الصرآحه جلسة الأرض ماحبها , متعبه لظهري وحتى وضعية التربيع هذي ماحبها , غير صحيه

طبعاً إحنا نفطر فطورين , أنا أسمع عن إلي يفطرون فطور واحد يجمعون كل الأكل بسفره واحده

هذولا بصراحه مآدري وش يحسون فيه !!!!

محتويات الفطور :

وجبة الفطور ( الشوط الأول ) : <<< صارت مبآراه

قارورة ماء , مع القليل من حبآت التمر , مع 1 زبادي ( أكتيفيا ) عشان الخمائر النافعه , عاد مكتوب عليه ماندري صدقهم من كذبهم ..

وجبة الفطور ( الشوط الثاني ) :

قارورة ماء , مع شوربة الشوفان بدون ملح , خبز ( بُر ) , مع 3 حبات سبموسه بالفرن ( دجاج ) , طبعاً اللحم ماعرفه نهائيا ولا أعترف فيه , والدجاج من فتره لفتره آكله بكميات قليله جداً , 2 زبآدي ( أكتيفيا ) , سلطه خضآر بدون ملح

اللقيمات قاطعتها من زمان يعني يمكن من 4 سنوات , مع إني كنت مدمن لقيمات , وكنت أحب أغمسها بالعسل آآخ شيء مو طبيعي !!

طبعاً أطالع أهلي وهم يأكلون وأشوف الوضع عادي يعني أحس شهيتي مو مفتوحه , وأعتقد عسر المزآج له علاقه بالموضوع ! لإن قبل كانت شهيتي مفتوحه ومع ذلك ماحاولت أخرب الدايت !

وجبة ( العشاء ) :

فواكه وخضآر مشكله من كل مالذ وطاب ..

وجبة ( السحور ) :

شوربة شوفان بدون ملح , خبز ( بُر ) , 2 زبآدي ( أكتيفيا ) ..

أنا عآرف إني متشدد حيل في نظام الأكل , بس أنا تعودت على هالنظام من 4 سنوات تقريباً , وعآيش مرتآح الحمدلله بدون مشآكل صحيه بإستثناء مشكلة البروستات !

مع إن قبل عسر المزآج :

كنت مقآطع أصناف كثيره من الأكل عشان مسآلة السكريات ! بس دخلتها في نظامي عشان مشكلة عسر المزاج , مثل التمر والموز هذي كانت في القائمه السوداء , وحالياً صارت في أول القائمه !

وسـلآمتكـم .. وأعتذر ع الإطآله

خلاصة اكلك زبادي اكتيفيا 🙂😂
طيب زبادي كامل الدسم
ممتاز ويحتاجه الجسم

مرااااااااااااااحب بالجميع

اقتباس:

المشاركة الأصلية كتبت بواسطة مبتلاه بالهلع (المشاركة 1370789)

خلاصة اكلك زبادي اكتيفيا 🙂😂
طيب زبادي كامل الدسم
ممتاز ويحتاجه الجسم

كنت متعود على زبآدي خآلي الدسم

بس حبيت أجرب زبآدي مختلف

وإلي أخذه حالياً قليل الدسم

كامل الدسم من سآبع المستحيلآت أخذه حتى لو كآن مليء بفتيآمين ( د ) , لإني أحارب الدهون ..

مرحباً بكم جميعاً

هلآ بك محمد , أهلاً بكم جميعاً يا إخوه يا كرآم

أسأل الله أن يديم علينا وعليكم السعاده وراحة البآل

المزاج : متذبذب

الحاله النفسيه : لا بأس

بس ترا جسمك يحتاج لدهون علشان يحرق الدهون الي بجسمك
بس اذا كنت خالي الدهون فا معاك حق 😂

اقتباس:

المشاركة الأصلية كتبت بواسطة مبتلاه بالهلع (المشاركة 1370819)

بس ترا جسمك يحتاج لدهون علشان يحرق الدهون الي بجسمك
بس اذا كنت خالي الدهون فا معاك حق 😂

طيب قليل الدسم فيه دهون !!

يعني لآزم كآمل الدسم !

بعدين أنا أهتم بالدهون النبآتيه مو الحيوآنيه !

اقتباس:

المشاركة الأصلية كتبت بواسطة أبو نجلا (المشاركة 1370711)

الله يعينك يا نجمة الفلك
طيب جيبي خدامة تشيل عنك لين ما تسوين العملية و تمشين
الله يجبر كسرك يا رب و تفرحينا بنجاح العملية و تصيرين تركضين مثل الغزال

أما أنا خليني على حدايدي يمكنها أبرك
بس بفكها الله لا يعوق بشر

و الله ودي يجيبون البيت خدامة سنعة تطبخ لأمي لأنها مريضة مثلي
أختي الصغيرة تعبناها مسكينة بس شادها حيلها طبخت لنا الفطور الله يجزاها خير

و الله نسيت أبارك لكم بالضيف الكريم
مبروك عليكم الشهر و يعيده عليكم و أنتم موية صحة و يكفيكم شر زيت العافية

الله يبارك فيك يا أبو عبدالوهاب و الله يوفقك و يوفقكم جميع يا رب

ياحليلك يابو نجلا ...فيه احد يعيش بدون شغاله هي موجوده بس ماتعرف طبخات رضان تعرف تشكيل حدها رز ومرق ومن تالي مااحب طبخه انا اطبخ بس يكفي تنظف وراي هاذي نعمه رب لك الحمد

اليوم ما عجبت نفسي أبد كله من الرهاب الغريب الله يآخذه أخذ عزيز مقتدر و تعسر مزاجي و تحطمت و أنزعجت
و مرتفع ضغطي للفصلة

أوف بس من ذي العزلة و الحظ النحس و كل وقت بشخصية مضطربة مغايرة للثانية

الطيور طارت بأرزاقها و أنا لا زلت حبيس المعاناة

من اليوم و رايح لا تقولون عني إلا يالخوواف يالرمّة
هذا هو الواقع يا حسافة

ما علينا يا عرب أقسم بالله العظيم يدور في بالي إني أرجع للمكيفات !!
طفشت من عمري طفشت طفشت

خيبة ورى خيبة و ياليتها ما تستمر الحياة و على ويش تستمر !!

آه يا جرحي اللي في خفوقي ينادي
سابقٍ جرح ثاني في المحاني شهيد

مع مراسيل فكري رحت عشرين وادي
و إضطراب المشاعر في نزول و شديد

ما بقى عرق واحد بالمعاليق هادي
و المواجع تحاشر و الطواري هديد

https://2.top4top.net/p_122275r2m1.jpg

اقتباس:

المشاركة الأصلية كتبت بواسطة نجمة الفلك (المشاركة 1370829)

هلا نجمة الفلك حياك يالغالية

و الله في واحد قاللي إن عندهم خدامة أثيوبية

جابها أبوهم و أبوهم مخليها للغسيل و الكنس يعني لا تقرب الطبخ

المهم الأم جت و قالت للخدامة تطبخ و طلع طبخها يهبل و يتغدون من طبخها المهم قالت الأم لزوجها وش رايك بالطبخ و قام يمدحه فقالت له تراه طبخ الخدامة فأنصدم فقال من يومها لا تطبخ إلا هي
يقول الولد يا عليها طبخ يهول ما شا الله عليها

تدرين حنا بيتنا من المحرمات نستقدم خدامة
مو عيب إلا حرام

ههههه طيب أختي الصغيرة شوي و تتزوج إن شاء الله
وين أروح أنا و أمي ههههه
ننتظر المستقبل يمكن يجيبون العايلة بعد تشاور بينهم يجيبون لنا روبورت على شكل عنكبوت أم 8 أرجل تغسل و تكنس و تطبخ و ترتب و

أهلا بكم جميعا

الجنرال
صامدة رغم المحن
عبدو عمر
قطرات الندا
سن كولا
نجمة الفلك
إبتهال
الكابتن ماجد التميمي
العمدة صالح
أم رحاب
رفيقة الأحزان
عبق الذكريات خالد أبو فايز

إهداء خاص لكم

https://www.youtube.com/watch?v=ph2pPGDMzBM

اقتباس:

المشاركة الأصلية كتبت بواسطة أبو نجلا (المشاركة 1370837)

أهلاً بك أبو نجلآ

أهلاً بك أيها الغآئب الحآضر

عآش من شآفك

نورت المنتدى !!

بالنسبه للشيلآت سبحآن الله مابلعتهآ ! ليش مآدري !

عموماً يعطيك العآفيه ع إهدآئك !

كل ماسوي إقتبآس لمشآركتك وأرد عليك , يطلع الرد معفوس !!

مأرح أسوي لك إقتباس مره ثآنيه ههههههه

نلتقي بكم غداً إن شاء الله

في امان الله

اقتباس:

المشاركة الأصلية كتبت بواسطة سَـن كَـولآ (المشاركة 1370825)

طيب قليل الدسم فيه دهون !!

يعني لآزم كآمل الدسم !

بعدين أنا أهتم بالدهون النبآتيه مو الحيوآنيه !

لا هو مو لازم يعني مو غصب
بس للفائده 🙄