سن كولا لبى قلبك

سو إقتباس و إحذف مقطع الفيديو عشان يطلع مكوي زين :)

تسلم هذا الإهداء قليل في حقك

حبيبي أنت يا سن كولا

لما تدقق في كلمات الشيلة و لحنها راح تحبها
أنا ما أحب الصراخ في الشيلة أحبها لما تكون هادية و لحنها حزين

الجنرال سألت عن الزيبركسا يزود الوزن
إيه مثل ما قالت صامدة
أنا زود وزني الله المستعان بس على خفيف لأن جرعتي 10 ملغ

وين تروح سن كولا

تو الليل 11 :(

هلا إبتهال و الله صدقتي طز بالجسم خاربة خاربة

علميني بالمسلسلات الرمضانية الحلوة

عشان أتابعها

مسلسل العاصوف عن قصة جهيمان ما عجبني ما يعرف ناصر القصبي للتراجيدي
وش غيره طيب

السلام عليكم ورحمة الله حيا الله الجميع
أول يوم صيام كان صعب جدا عطش شديد وصداع للأسف ضغطي مرتفع وكنت اعتقد أنه مع الصيام سينخفص لكن قبل المغرب بلحظات قسته ولا زال مرتفع خاصة الانبساطي فوق 100
الحمد لله على كل حال

هلا وغلا سن كولا ارحب يالصديق اخبااااااااااااااااارك

هلااااااااا ابونجلاء وصامدة ومبتلاه وقطرات من نسيت يا رب ما يزعلون

المهم انا جالس مع الوالدة وجالس اتصفح المنتدي من الجوال

قريت رد لصامدة قلت لازم ارد

انا لما كنت في المستشفى قياس الضغط مرتفع 180ــــــ 120

واليوم قست في البيت عالي كمان

المهم اني مصاب بالضغط من زمان بسبب الافيكسور وللاسف لما تركته ما رجع الضغط طبيعي

حاليا مرتفع واحس صداع وضيقة وتوتر

رحت للصيدلية وشريت انديرال جرعة 40 ممتد المفعول وخذيت حبة بس بدون فايدة

كلمت الدكتور قال لازم حبتين

تنصحني آخذ أندرال لأني سابقا طبيب المستوصف أعطاني أميب وهو كابح كالسيوم صحيح نزل الضغط لكن سبب لي عصبية زائدة وبعدما تعرضت لصدمة لمشكل عائلي انهرت ودخلت الطوارئ ركبوا لي محلول وقالو ان ضغطي منخفض جدا فقالوا لي اتركي علاج الضغط لأن ضغطك بسبب الأدوية النفسية وتركته

هلااااااا وغلاااااااااا صاااامدة

ما اقدر افيدك والله لازم قياس الضغط ثلاثة ايام متفرقة حتى يشوفون القياس مضبوط هل مرتفع او متذبذب او ممتاز

بعدها يصرف الدكتور علاج واخفهم هو اندرال بس اهم شي يحدد لك الجرعة

الجرعة الي اخذها حاليا 40 ملغ ممتد المفعول وبصراحة سبب لي صداع حاليا مدري منه ولا اساس من الضغط

اصبري قليل حتى احكم عليه جيد

غريبة يسبب لك صداع لأن اختي ماعندها ضغط لكن تعاني من شقيقة ووصفوه لها مع أدوية أخرى ما أتذكرها

الله يفرجها عنك أخي وعن جميع المسلمين

هلاااااااااا صاااامدة

ممكن الصداع ليس من اثار الدواء لكن من ارتفاع الضغط وممكن لاني متوتر وقلق جدا اليوم

عموما مبدا اقولك انه رااااائع ازال عني التوتر والقلق وحسن نبضات القلب كانت متسارعة جدا

قريت عنه في اسلام ويب الدكتور محمد عبدالعليم ينصح به بشدة في حالات التوتر والقلق

انا اخذت جرعة 40 ملغ ممتد المفعول وسوف استمر عليه ثلاثة ايام ثم اقيس الضغط

واخبرك عنه اكثر الدواء سليم جدا لكن الى عنده ربو لا يصلح ابدا ابدا

والدكتور محمد يصفه بجرعات تصل الى 80 جرعة واحد اذا كان ممتد المفعول او حبتين 40 مغ مقسمة على صباحا وعلى المغرب

من اثار انه يسبب كوابيس فقط

وللعلم استخدم بالبابونج لازالة الكوابيس

هلا وغلا ابونجلاء الله يرفع عنك ما اصابك ويكتب لك اجر الصبر ويجمع لك بين الاجر والعافية

هلااااا نجمة وشلونك الله يقويك ويعينك اختي مسويه عملية في الركبة وتحسنت بس ما تجلس على الارض ولا تمارس رياضة المشي لانها تتعبها بس ارتاحت مراااااااااا

وعملية كانت في الدمام بحكم سكنها هناك بس اتذكر انها قالت ان الدكتور حق التخدير اخطا بشي وهو انه ما سوى قسطرة للبول اجلك الله وهذا خطا طبي ستر الله

لان التخدير يكون نصفي وليس كامل

عموما بسالها عن المشكلة اكثر والله يكتب لك العافية مع الاجر يا رب

احتسبي الاجر لانك بمثابة تفطرين صائم

ابتهال اخبارك مع رمضان وش مسويه

=========================================

مدري وشلون لكم خاطر تتابعون التلفزيون انا نت ومكتفي به واغلب وقتي مع امي

التلفزيون يشهد الله طافي من سنين ما اشغله الا وقت المباريات

هلا بك ابو نجلا والبدراني وابتهال وصامده وسن كويك والوردي وكلكم والله .
البدراني الضغط يسوي صداع عنيف مقرف ماتدري هو بالعين والا ماسك الراس كله والا كن احد صافقك بلوح على راسك ان شاء الله مالك شر يارب .
ابو نجلا شوف مسلسل قابيل مره حلو وقصته غامضه .
صامده ضغطك مره مرتفع لاتتركينه كذا لازم دواء ضغط حبيبتي لاتزيدين مشاكلك الصحيه يكفي الاكتئاب والضيق اللي فيك انا انصح كل شخص معاه ضغط يسوي تحليل لوظائف الكلى وفحص الغده الدرقيه والدهون الثلاثيه والكوليسترول عشان يعالج السبب لارتفاع الضغط واذا كانو كلهم طبيعيين معناه شي نفسي عاد يشوف ادويته النفسيه الله يشفي الجميع يارب .
النوم من اهم علاجات القلق النوم ونوعيته وكميته مهم جدا في السيطره على القلق الله لا يحرم احد لذة النوم يارب .
زمان يوم كنت صغيره اسهر واواصل واطلع ولايهمني شي الحين اذا واصلت قام جسمي كله يرجف وصداع وقلق وتوتر .
بس الحمدلله زان نومي مع برنتلكس بفضل الله صحيح مانام كثير ست ساعات تقريبا بس عميقه وجميله واحلم احلام حلوه زي الفيلم طويل هههههههه يارب لك الحمد والشكر .
الله يعطي كل واحد فيكم راحة البال والسعاده والعافيه

يسعد صباحكم .. وشهر رمضان مبارك علينا وعليكم ..
وكل عام ونحن لله اقرب ..
انا امس مااكلت دواء السبراليكس واللي قبله اكلت واللي قبله لم اكلها ..
لكن تدهورت حالتي وكانت مستقره ربي لك الحمد لها شهور
ضيقه حزن اكتئاب خوف تقطيع في النوم وحتى وانا نايمه افكر بافكار سلبيه جدا ..
معقوله نسيان حبتين من الدواء تسوي كذا ..
والشي الثاني لخبطه في الوقت بسبب انه صعبه اجمعها مع جولوكوفاج ..
اللي عنده علم بالله لايبخل ..

هلاااااااا قطراااااااااات الغالية

انا اشهد صداااااااع فجر راسي تفجير ما خلاني استمتع اليوم بشي بس بكرا راح ازود الدواء الى حبتين ونشوف الوضع

تصدقين انا خواااف من الفحوصات خايف يطلع شي جديد وابلش فيه انا متاكد عن عندي الكوليسترول ودهون ثلاثية

اما الغدة سليمة فحصتها قبل سنتين ولا يمنع اني اجري فحوصات جديدة ان شاء الله ببسويها بعد العيد

ابشرك قطرااااااااااات نومي ممتاز

الله يبشرك بالخير زين انك تحسنتي على العلاج يا رب يكتب لك الصلاح لما فيه خير دينك ودنياك

مثلك أخي من زمان حرمت المسلسلات تشعرني بالملل
لكني كنت متابعة برامج دعوية لكن الحين مكتفية بالنت
التلفزيون تركته للأولاد