السلام عليكم ورحمة الله وبراكته
كيفكوم اتمنى تكونو بالف خير يا رب

مريت بالم لا يحسد عليه الم فضيع لضرس لدرجة اربع ايام ما جلسست بس واقفا


وفي شي غريب صار لي عزمتني صديقتي لعرسها .
بس في الاول كان عادي وفرحت لها

ولكن يوم العرس ما ادري وش صار لي بس شفتها وشفت العريس كاني شفت فكرة الانتحار امامي

والله ما حسدتها على زواجها كل وشو كاتب له ربي

ولكن والله ما اعرف ليش تحركت كدا وصار قلق واكتئاب مع اني ما كملت العرس جلست بس شوي لين شافتني من الحاضرين ورحت


والله للان الم فضيع بقلبي ما بدي زواج حاليا وولا شي بخاف من الزواج اصلا بس ليش صار لي كدا



والله شي غريب

يا هلااااااااااااا وردة احنا بخير وعافية دامكم بخير


هذا من الشيطان عشان ما يحب يشوفك اجتماعية وتطلعين من الوحدة والانعزال

ما عليه حاول المرة الجاية تقاومين الفكرة بتسخفيها وقول في نفسك لا حول ولا قوة الا بالله

طبعا كل شي رزق من الله واحنا احسن من غيرنا بكثير بس المسالة تبي صبر واحتساب

وان شاء الله فرج الله قريب وما تشوفين شر

انا مثلك لما اطلع مع احد يجي الشيطان ينكد علي يقول شوفهم متوفقين وعااايشين

بس اتعوذ من الشيطان لانه يبغى يعزلك لوحدك لتزيد عليك الهموم وترجعي البيت

الوحدة هي باب الشيطان

اخبارك محمد ؟ عساك بخير اليوم ..
رغم اني ب اشد اعراض هلع واكتئاب وتجمعو عليه الحين الا اني مابي اتعدا هالقسم بدون مااادخلل هالفضفضه واتطمن ع الكل وعليك ..اتمنى تكون بخير ..

يا هلاااااااااا خطى الله يطمن قلبك ويسبغ عليك عااافيتة ويشفيك ويلبسك ثوب الصحة والعافية ويحقق لك احلامك واكثر يا رب


تدرين يا خطى اني لي نظرة ثاقبة اعرف الشخص من اول الايام اذا هو اجودي او لا


من اول ما دخلتي عرفت انك تحملين قلب رحيم وحنونة وعاطفية

وهذا يدل على حسن اخلاقك العالية

لا تجهدين نفسك احنا بخير اذذا كنتي بخير وصحة

الله واكبر على كل ظالم يا خطى دمر حياتنا

بيجي اليوم الى نعيش سعداء باذن الله

اليوم ما صحيت الا متاخر على الساعة 11 ليلا

جلست مع الوالدة شويات وراحت تنوم

قلت يا ولد لك اسبوع اكلك ماش

وانقز اشغل الموتر وبروح اشتري بروستد

لقيته مقفل شكله مقفل نهائي لان ما عنده زبائين

المهم تعديته وامر على مطعم بخاري قلت يا ولد اصفطح عنده لا تتعده

واخذ نص بخاري ولبن ههههه رز تالي الليل

واتعشى واصلح ترمس شاهي من كبره تقولون راس ابونجلاء ههههه الله يا هو واحشني

وجيتكم اركض يا اقدع واكوس ناس

الله يسعدك يا محمد وش نسوي ذا حال هالدنيا ...عاطفيه حد الغباء اسرف بمشاعري وطيبتي وبكرمي وحتى فلوسي واشيائي اوزعها ع اللي يسوى واللي مايسوى ههههههههههههههههههه يلا الدنيا فانيه مانقدمه نلاقيه بألاخره جنه تنتظرنا ب اذن ربك عشان كذا امشي واطزز للعالم .. صدقني يا محمد تنتظرك ايام حلوه بس انت قوم ولاتطيح قاوم اكتئابك عندك ام ماشاء الله تبارك الله عليها ربي يحفظها لك لو اشوفها قدامي بقولها ياحظك بمحمد جبتي رجال كفو اكبر دليل هنا لما وصفت مشاعرك تجاهها ابتسم عندك ام تحبك وتداريك قوم عشانها خلها تشوف محمد غير انا مستغربه كيف غلبك الاكتئاب بس متاكده بيجي يوم تنزعه منك نزعت الروح من الجسد وتعيش ايام خاليه منه وتعوض امك عن كل تعب ..عندي نظره والله ان بيجي يوم حتى تتزوج .. ع فكره عندنا واحد تزوج بعمر الستين هههههههههه الله يسعد جوه اتوقع لو اوصل عمره افرش سجادتي واكتب وصيتي واستغفر وهو ماشاء الله ربي لايضره ويهنيه قسم جاني هسترية ضحك يوم زواجه قلت الله يلعنك يالوسواس اثر كل عمر له ونسه ورفاهيه ولا شفنا شي بسببه): وهالشياب اعرسن ولا طقن للموت خبر ولا بهم امراض نفسيه تبارك الله .. عشان كذا لاتقول عمري راح وذا انا بجي يوم هنا بسال عنك ومتاكده بيقولون تزوج وكش ع قسم الاكتئاب بالخمس والحين بشهر العسل ..ادري مو مهم الزواج بس تدري العافيه تجر وراها حب تجربة مغامرات وفضول يعني بتجرب كل ماانحرمت منه بسبب هالأكتئاب صدقني > عندي احساس اللي يسمونه الحاسه السادسه ..
لان ربي اكيد مابيتركنا نتعذب العمر كله الا مايجي يوم اللي تفرش اسنانك وتبيضهم اكثر عشان تبتسم ابتسامه هوليود للأذن من السعاده والعافيه .. ياااااربببببببببببببببببببببببببببببببب ..

هلااااا خطى الغالية

هههههه من جد احننا نوزع مجانا عواطفنا ومشاعرنا وحتى فلوسنا ههههههههه بس اكيد اذا اعطى الواحد من قلب صادق بيكسب الاخرة وهذا الاهم

تسلمين على كلامك الطيب

الزوااج والله العظيم ما يشغل بالي بس اكيد ممكن اذا تشافيت اغااامر ههههه امي تلح على دائم تدرين ان شفت مقطع لرجال عماني يزفونه على بنت صغيرة وهو شايب عود استغفر الله مدري وشلون يفكرون هاللشيبان

الله يسلمك ويسعدك ان شاء الله يتشافى الجميع ويغلق المنتدى ههههه امزح ما لنا بعد الله الا انتم يا تاج راسي

لا زلت صاحي من 11 الليل ولا زلت مقاوم وان شاء بصبر لحد 9 في الليل وانام

ادري اني خربوطي وما يجي العصر الا ونايم بس بحاول بحاول

كلمات قوية اااااااااايه يا زمن

https://www.youtube.com/watch?v=d6ejiA_dQiM

انا عندي مشكلة حاليا

الخدامة الى عندنا راحت وجت وحدها بدالها الاولى كنت امون ادخل المطبخ واصلح شاهي اخذ خبز او اي شي


المهم خدامتنا الحالية جنسيتها صومالية نظرااااتها حااادة سيف وصرت ما اطيق ادخل المطبخ وهي مبلطه فيه

وش السوات وانا الحين ابي شاهي تدرون باقتحم المطبخ واذا ما كتبت يومين معناه اني يا مسجون يا مقتول

ماجربتو الشغالات الاثيوبيات والله مو نظرتهن بس تروع الا حتى وجودهم اللي عندنا اثيوبيات لا اجتمعو اتشهد خاصه لما تشوف كلهم يطالعونك كانهم ناوين لك نيه شينه ههههه بس الحمدلله م انام الا لما اتشهد وقايله اذكاري .. بس من تجربه ان لاتدخل المطبخ وهم موجودبن خاصه لما ترتب وتجي انت تطلع كوب او صحن هنا تفك شياطينها عليك نصحتك بكيفك > تخوفه هههههههه

ما عليك يا محمد منها كن على سجيتك وتقبلها على سجيتها متوسمآ فيها خيرآ أما إذا كنت غير متقبل وجودها لا تنتظر وربك كريم.

عَنْ ثَوْبَانَ، قَالَ: قَالَ رَسُولُ اللَّهِ ﷺ: «يُوشِكُ الْأُمَمُ أَنْ تَدَاعَى عَلَيْكُمْ كَمَا تَدَاعَى الْأَكَلَةُ إِلَى قَصْعَتِهَا، فَقَالَ قَائِلٌ: وَمِنْ قِلَّةٍ نَحْنُ يَوْمَئِذٍ؟ قَالَ: بَلْ أَنْتُمْ يَوْمَئِذٍ كَثِيرٌ وَلَكِنَّكُمْ غُثَاءٌ كَغُثَاءِ السَّيْلِ وَلَيَنْزَعَنَّ اللَّهُ مِنْ صُدُورِ عَدُوِّكُمُ الْمَهَابَةَ مِنْكُمْ وَلَيَقْذِفَنَّ اللَّهُ فِي قُلُوبِكُمُ الْوَهْنَ، فَقَالَ قَائِلٌ: يَا رَسُولَ اللَّهِ وَمَا الْوَهْنُ؟ قَالَ: حُبُّ الدُّنْيَا وَكَرَاهِيَةُ الْمَوْتِ»

فلا تحتارن في زمان صار فيه الشياب شباب والشباب شياب.

ههههه خوفتنين اكثر الله يهديك هههههههههههاا

انا اشهد كان عندنا خدامة اثيوبية ولما تكلم في الجوال احس بالبيت يهتز من قوة الصوت ههههه تقول زلزل


لا ما احب ادخل مطبخ فيه خدم احب اكون لوحدي رحت وصلحت شاهي وما حصلتها

والله ما ابي اظلمها يمكن السبب من عندي لاني انسان حساس ورقيق المشاعر ههههه


ما عليك يا خطى وقت الشدة اعجبك لو شدت بالكلام تشوفيني غبااااااااااااااااااار من النحشة

بالفعل ما ابي اظلم خلق الله حقيقة ما شفت منها شي يروع شكل البلاء مني انا

صدقت والله صارت الدنيا تخوف انعكست الاية وصرنا احنا الشياب الله المستعان

خليك قوي مافيه اخس من هالاكتئاب اللي تحملناه وقوينا عليه وكل شي بعده يهون هي ادميه ضعيفه ومامنها خوف نحسن المعامله ونعاملهم معامله انسانيه .. انا عني اعاملها احسن معامله كله علشان اتجنب مكرها ..