ما أدري ليش مدمن هذي الأغنية و أحيان و الله ما أملك إلا دموعي
ما أذكر إني بكيت على كلمات أغاني إلا هذي

https://www.youtube.com/watch?v=OBEq7DBeBg0

يا هلا فيك أخوي العزيز عبدو عمر
يسعد مساك و مسا الجميع يا رب

أتمنى أختي ظلو ما تآخذ بخاطرها من قلت لها سوسه و الله كل شيء و لا زعلك بس أعجبني الإسم سوسه بيضاء تبني و لا تنخر
الله يسعدك يهالبنت

شعاع الروح يا هلا بك صاحبي الغالي

حنا بخير دامك بخير يا طيب

صحيت الساعة 8 الصبح و نفسيتي منسدة عن الأكل قلت ما لي إلا أرغمها و لقيت بالثلاجة لبنة تركية و أكلت ما قسم الله و رحت بوفية الهنود و أقعد فيها مع لحظات تأمل في الرايح و الجاي
خذيت لي شاهي و طلعت من البوفية و أتكي ع العتبة الشريفة لحالي و ألقى هنود متهاوشين مسكرين على بعض و أنا بداخلي أقول كل هذي الحوسة عشان مشكلة صغيرة حتى مو مسكر بس شكل الرجال توه يسوق

المهم زهقت من العتبة و خلص شاهيي و آخذ لي شاهي ثاني

و أنا راجع عديت على البراحة الكبيرة اللي قدام البيت إلا هذيك البسة ( قطة ) اللي مالي حب بهالدنيا إلا هي تونسني قلت الحمدلله جيتيني و مزاجي ما عليه يسعفني أبادلك الود و المحبة
خذيت شويات معها ثم رحت البيت تروشت و إستعديت لصلاة الجمعة ثم رجعت إلا و ألقى مؤذن مسجد بعيد عن حارتنا شوي
سبحان الله ما ترك الأذان رغم إنه بسبب السكر قصوا رجله و أصبح يروح و يجي بالكرسي الكهربائي و الإبتسامة ما تفارق وجهه

فكرت شوي قلت الله يحميني من مرض السكر يا رب و يحمي كل غالي و عزيز على قلبي
إن شاء الله ما يفتك بي هالمرض لأني أطالع لأدويتي منها زيبركسا 10 ملغ و مع التربتيزول هو الثاني اللي يزيدون نسبة السكر و ما أهتم بالرياضة و أمي مصابة به من النوع الأول قلت يا رب سترك بس أنا ناقص يجيني مرض فوق أمراضي اللي أنا فيها

ترى ما طحت من بعدك /
وقفت ، الله قواني
وقفت الله قواني

خذاك اللي خذاك و رحت

أنا مكسور من داخل
و صعبة أفسر أحزاني

جزاك الله مثل ما أعطيت
مثل ما أشقيتي تشقى

سبحان و بحمده عدد خلقه و رضا نفسه و زنة عرشه و مداد كلماته

السلام عليكم
اشلونك عالي
انشاء الله طيب

عالي انا شفت ردك ل موضوع ايوب
اعذرني ياعالي انا كذبت عليك
تذكر مره قلت لي حاس اني تزوجت
فعلا عالي احساسك كان في محله
مو قصدي اكذب عليك والله يالعضيد

هلا هلا الله محيي ذا الزول يا عبقور خالد الغالي
الحمدلله بخير اليوم أشوى و الله يعين ع الجايات

أنت بشرني منك يا رب كل شيء كويس
كيف أبوك الله يشفيه يا رب

وش سويت اليوم و أخبار خطتك للزواج

يعني تزوجت ؟
و الله ما أدري يا خالد ترى أنا أنسى نساي درجة أولى ترى ما برعت في شيء غير براعة النسيان و مو أنا اللي برع بالعكس الصواب اللي أفلم فيني هو ذا النسيان
قولي يعني صحيح أنت متزوج ؟

علمني الحين عشان أفرح لك يا خالد
عجل

انا ماقلت ولا صرحت اني تزوجت
بس الحقيقه والواقع متزوج من 5 اشهر

لا ياعالي ماعليك لوم الوم مني
انا اللي مافصحت شي عن الزواج

مَلّ قلبٍ من هوى الخفرات و أهل الغي سامح
من سهوم العشق يا بيشان قدهو بيت نملة

عقب ما هو في الهوى ما ينلجم / يصهل و جامح
قد هواه يقابل الشيبان و طيوره و زمله

سامح الله من زعل و الناس في عام التسامح
جعل يسقى لا سمح و الله جمع شملي و شمله

كان للي ينصحه عاده ولد هابد و رامح
و ذا السنه عشقه ذلولٍ مجهم و سابق و رمله

سامحٍ عقبه و لا لي شف في مملح ملامح
صد قلبي و المشاعر في الخلا و الصيد همله

كنت من كثر الغلا لا أزعل و لا أبرق و دامح
أصقهٍ من عاذلي و أعمى بصر عن كل خمله

و ذا السنه مالي هوى فاهل الهوى موفي و سامح
من سهوم العشق يا بيشان قلبي بيت نمله

كون تبلاني مع الأيام مقروعه و طامح
آي قلبي خابره خاطي شهر ما فيه صمله

ضحكني البيت الأحمر خرب أم النية و الصيد و مقابلة الشيبان و الذود

https://www.youtube.com/watch?v=8zf6qXPL8a0

ابوي الايام هذي احسن الحمدلله
انشاءالله تزين ياعالي والقادم يمضي

كانك معزّم للسفر قلّي قبل تمشي بيوم

وكانك ما تكره خوّتي يمكن تحصّل لك خوي

يا حبني للبر والمجلاس في عالم الرجوم

وان حدّني وقتي صبرت وقلت حيل الله قوي

يا كثر ما جمع نصيبي من رجال ومن رخوم

وما عندي الا طب بدو.. أشبّ ناري واكتوي

صبري على نفسي لحالي تحت سرب من النجوم

في لابةٍ طرماء ولا اسمع غير سرحان يعوي

اخير من هرجة مقلبة الحقايق والعلوم

الحاسدين الحاقدين اهل الحنيك الملتوي

لاعل نفسٍ عن كلام الهزل ما تقدر تشوم

يارب تكتمها كتم يارب تزويها زوي

نفسي معوّدها على برد العقارب والسموم

مولود بالحرّه مجرّب برد راس المقروي

حرة غطفان الحصينه بالدفاع وبا الهجوم

يجل الجراد الياسمع بركانها يدوي دوي

لا طالت الشطة ترى قلبي على الفرجه عزوم

اجنب الرسّ الردي وارد على العد الروي

وأمشي على حسب العقيده والمبادي والسلوم

وارد على وضح النقا وصل دلوي وارتوي

لا تحسبوني نمت ياخصامي ترى ما في نوم

لو تنظروني ملتحق تراي صل منطوي

https://youtu.be/g1CyZ1vnusg