|
مساااء الخييييير
وش اخبار الجميع وينكم ليه كل ذا الهدوء :( وين بلقيس وين مختفيه :( ظل امرأه ولحظة تفاؤل منوووررين والله |
اقتباس:
ان عشنا على الماضي ذكريات جميله كانت او الم مستحيل نستمتع بحاضرنا ومستقبلنا |
اقتباس:
مساااء الخيرااااااات .,, وش اخبارك اليوم اي زين مااشاء الله عليك لاني انا اتبعت كلامهم بالنسبه للفواكه وكنت انقصها WW33 - بالنسبه للعشاء انا كثير من المرات ماا اكل شي من بعد المغرب لان مثل مايقولون افطر فطور ملوك وتغدا غداء امراء وتعشى عشاء فقير واصلا الاكل من بعد المغرب تسبب مشاكل صحيه كبيره لان نظام الجسم في الليل ما عاد يهضم الاكل الثقيل والدسم - بالعزايم الوحده لازم تخفف اكل حتى مايقولون عليها مشفوحه هههه WW33 بس اذا بمطعم مع اهلك اكلي واشبعي واستمتعي بالحياة وبالطقاق بالرجيم هههه - ماشاء الله مبروووك عليها الحمد لله على تسهيل الامور - انا من الرياض الجميله 3fc3wfc |
مساكن الله بالخير يالبنيات
انا اليوم ان شالله هادية برغم اني زعلانه من نفسي سهرانه وتعبانه ويوم اذن الفجر حضر ابليس وراحت علي نومة كلها كوابيس وكاني رحت للموصل بالعراق وجانا غزو من داعش وحالتي حاله اهرب من الموت هروب القطط هههههههههههههه شكلي يضحك وانا اهرب من مكان لمكان ومن قرنه لقرنه ومن زنقا زنقا هههههههههههخ ولك يخرب بيتهم هالدواعش 😂😂😂😂😂 |
تذكرت حياتنا قبل مايجي النت وقبل الجوالات الغبيه
كانت حياة معظم الناس بسيطه جدا وسعيده كنا نقوم الصبح نفطر ونضحك ونشاهد افلام الكرتون ويجي الظهر ندخل المطبخ ونساعد امي وبعد الغدا نقوم نشتغل في البيت الى اذان العصر بعدها نصلي ونسوي الشاي وحطينا البخور ونقعد نسولف وكل اولاد الحاره مجمتعين في حلقات التحفيظ وحنا مرتاحين من شقاوتهم yahoo كنا فعلا سعيدين بالجمعه العائليه ما كنا نعرف الاكتئاب ولا الامراض النفسيه الغريبه اللي اقرا عنها الحين ومن دخلت الدشوش بيوتنا والنت وقمنا نجاهر بذنوبنا صرنا نشتكي اوجاع قلوبنا صارت العائله مشتته كلن في غرفته :( اجزم ان 99% من هم على الحاسوب انشغل بامور تغضب الله الانترنت انفتاح للعالم السيء سلبياته لا تعد ولا تحصى وان كانت ايجبياته قليله لاكن مالفائده منها محد استفاد لاننا باختصار كنا نبحث عن الممنوع |
بعد ان كبرت وفهمت الدنيا
اصبحت لا اؤيد ابدا اعطاء الصغير او المراهق فرصة الجلوس لوحده او اعطائه جهاز خاص فيه دون مراقبه او وقت معين لااستخدامه |
ندو لاتلومني النت لومي مستخدمين النت
والا النت وضع للتسهيل الحياه والاستفاده منه اللي يبي يستفيد بيعرف كيف يستفيد كفايه انه لو احد سافر برا يقدر يشوف اهله وهم يشوفونه عن طريق السكايب خصوصا للمبتعثين لو مافيه نت كانت الام مشغول قلبها وبالها علي ولدها وماتدري هو وين بالنسبه لي النت هو الوسيله الوحيده اللي تسليني وتعلمت منه اشياء زي الطبخ والنفخ خخخخخخ كمان تقدري تفتحي مشروع وعن طريق النت تسوقي له وتبيعي ياما ناس عملو زي كذا مشاريع وهو جالسين ببيتهم |
اقتباس:
|
اقتباس:
هو صحيح سهل امور لاكن لاتنسين ان فيه مصايب تشيب لها الراس وانا والله اعتبره مثل ما ذكر في الايه عن الخمر والميسر صحيح ان لها منافع لاكن اثمهما اكبر من نفعهما والنت كذلك ولاتنسين ان اهل اول ومن الاف السنين عاشوا بدون هالامور الغبيه يختي سكايب ذا ما جاب الا البلا التعارف والصداقات الممنوعه كله قائم على ذا الاسكايب الله يكفينا شرها امهات اول كانوا عايشات ومافيهم شي كانوا يتوكلون على الله ويسلمون ولدهم امانه بين يدين الله وانتهى الموضوع شفتي تقولين ان النت هو وسيله للتسليه وهذي اكبر مصيبه :( استغنينا عن القراءه وعن تعلم مايخدم مجتمعنا وامتنا وصرنا بالزاويه قادم هالجهاز الغبي :( تدرين ان التلفزيونات اول ماظهرت في الغرب كانوا يسمونها الصندوق الغبي بالنسبه للي حتى اللي يشاهده صار غبي :( صار عقله بس يتلقى وابتعد عن التفكير والانتاج عاد لو الاولين شافوا هالاجهزه الجديده وش راح يعطونها من مسمى |
اقتباس:
انا قبل فتره سالت اخوي لو ان ولدك قام يصيح ويبي جهاز جوال مثل اصدقائه وش راح تسوي قال مابعطيه مستحيل قلت له واذا قعد يبكي ويبكي الا تعطيني والله مدري وشو ومدري وشو واصدقائي ومن هالخرابيط قال مستحيل وش يبي فيه خليه يصيح الين يطفش هههه اخوي موب متزوج بس حبيت اشوف رايه بذي الشغله وبعدها قعدت افكر اذا الطفل شاف اصدقائه كلهم يمتلكون اجهزه وانا طفلي ما عنده شلون راح يكون تعاملي معه شلون اقدر اقنعه ان ذا الشي مايصلح لهudjdudud - بالنسبه للمراهق والله انها اشد واخطر عاد هو وقتها يبحث عن اشياء خاطئه وبرايه يشوفها صح انا واحد من خواني الله يهديه مدمن على الجوال :( واذا قعدنا مع بعض نسولف وكذا مايلتفت لنا ماغير يطقطق بالجوال ماشاء الله عليهudjdudud |
مساء الخير والتكنولوجيا اللي مافي من وراها خير ههههههه كيفكم صبايا؟ والله كلو حاطط راسو بهالجوال ما حدا بشوف حدا ههههههههه كارثة يا عالم ..وين كنا ووين صرنا 3fc3wfc |
|
ههههههههههههههههههه ظل حلووه والله من جد جيلنا مدلع دلع ماتدلعناه احنا يبغالهم كف علي وجهه عشان يعرفو احنا كيف كانت حياتنا
ندوو لو مافيه نت ماكان شفناكي ): بالنسبه للسكايب انا والله ماستخدمه ومافتحه لان ماعندي ولا ولد ولا تلد هههههه حتي الايميل عندي مااات مافيه غير رسائل استفسار عن معاملات زواج والجوال ماحملت برامج ولاعندي سناب شات هالبرنامج الغبي اللي طايحين الناس فيه يصورون اكلهم ولبسهم وبعضهم تصور نفسها ايش الغباء ذا امسك الجوال نادرا اول كنت محمله برنامج قران احفظ لي كم ايه بس غيرت الجوال وجاني كسل استغفر الله صرت مافتح القران الا جمعه استغفر الله بس |
اقتباس:
........ طيب اخت ندى :ماهي الغايه أو الهدف من استخدامك للنت.؟ |
الساعة الآن 02:53 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا