وقد ماتقدر خليهم يثبتو عقد الزواج بتاريخ القديم لانو كمان من شروط توثيق يكون عده كم سنه ع الزواج بس اذا مارضو مو مشكله خذ العقد من القنصليه عشان تضيف ولدك وع موضوع الاضافه لاتخاف ع طول يضيفون وانت اذا حاب تتاكد روح الاحوال واستفسر وقلهم كيف اضيف ولدي وانا متزوجه اجنبيه وماصححت وضعها وروح القسم الرئيس لانو الفروع مرات الموظفين مايفهمو

اندلسية حبيبي انا بستنى الاوراق ترجع من المدينة لجدة يارب ماتطول قالو اليوم حيرسلوها ،
عشان يسوي ورقة التحاليل هنا في جدة
مني عارفة كمان ايش حسوي في شهادة ميلاده مدري شرطة جده حيطلبوه هيا ولا لا
قالوله بس خليها تجينا جدة ونحن نكملك هيا
وياررررب الفررررررج يااااارب
وتتيسر امورررنا اجمعين

يارب يتسهل معاكي يااصداف من جد يارب يفكك من البحث انا ماصدقت وافتكيت منهم أنواع البهدله استغفر الله وربي مدري ايش يحسو فيه لمن يسوى للعالم كده
الحين لمن وصل المعامله لشرطة الحي ذوق ومتافهمين جدا يارب يتسهل وتمشي المعامله ع خير وننتهى منها يارررررب

اختي الاندلسية

اليوم رحت لمحافظة جدة

وانا عند المحافظة جاتني رسالة بانه المعاملة تم تحويلها الى شرطة جدة

رحت موظف الاستقبال اللي بالمحافظة قلي خلاص راحت من عندنا الى شرطة جدة

المهم وعلى بركة الله رحت لشرطة جدة والعسكري شيك على المعاملة قالي تعال بكرة تكون وصلت عندنا


انا الحين بصراحه متردد

الحين مثل ماذكرت انا معاملتي في المحافظة على اساس انه انا لسى عازب وابغى اتزوج والمعاملة الحين وصلت للشرطة معناته ان شاء الله مشيت


او اني اروح القنصلية واقلهم انه انا متزوج واعطيهم العقد القديم

وانا ماادري ايش اللي راح يصير بعد كذا بصراحه لانه خلاص المعاملة وصلت الشرطة على اساس انه انا غير متزوج وانه انا مقدم المعاملة على اساس اني ابغى اتزوج صراحه موضوع يحير وش رايك يا الاندلسية

انا

تسلمو حبايبي ع السؤال
اما اتزوجنا لسبب ما وماستنينا الموافقه يذلونا حضرتهم
لما دحين ماردو .. راحلهم زوجي قبل شوي قالولو لسه انتظر انا ماقهرني اللا تعقيدهم لفت ولفت وفي الاخير قالو ناقص ورقه
جبناها ولسه ماشفنا شي
نفكر نطنش هذيك ونقدم علي تصحيح وضع
ينفع ؟؟

انت عارف خلاص اصبر وشوف ع قولتك يمكن تمشي المعامله الحين الشرطه تحولها البحث الحنائي ويطلبو منك برنت وتحاليل وتجلس شهر عندهم اذاعدت الموضوع من البحث الحنائي يعني خلاص قطعت شوط كبير جدا لانو هما المعقدين بصراحه الكل يشتكو اذا مامشت عاد تقدم تصحيح وضع بس انشاء الله تمشي هذاي المعامله باذن الله انت اتغاءل خير وامشي واري هذاي واذا لاقدر الله حفظت ولاشي حول ع الطريقه الثانيه
وناي حبيبي خلاص لاتطنونشها ولاشي مابقى شي ع المعامله اصبري الحين هيا في الاماره في اي قسم لاتخلبطي عمرك هما ماقالولك حفظت ولاشي يعني امورك ماشيه بس انتي مساله وقت

انشاءالله يناي التاخير هذت يكون لمصلحتك يارب لاتستعجلي اصبري خلاص مابقى شي انا افتكر صحبتي جلس معاملتهت في الاماره شهرين وطلع واناحاسه انو يطلع
واحبك دنيتي اذا طلعت المعامله حقتك من البحث واتحولت للاماره تقولك مبروك مقدم لانو كده قطعت شوط كبير لمن تتحول هناك خلاص تستني ويحولها للمحكمه وخلاص

امين ان شالله الله يسمع منك حبيبتي

ياربااه يا بنات تخربطت معاكم والله
اندلسيه وناي الله ييسر و يفرجها عليكم من حيث لاتحتسبو
الرضوي وينه ماله حس و لا اروبااا شكلهم عقدت وسحبت عليناا الله يسعدهاا
و المبتعثه لاتكون سافرت وماقالتلناا :(
الله ييسر الامور ويقدم الخير والصالح للجميع يارب

اختي الاندلسية,,, بارك الله فيكك


اليوم رحت القنصلية المصرية بجدة

وقلت له وضعي

المهم قالي انه عقد النكاح مايتعمل من القنصلية

يقول يتعمل من السفارة المصرية بالرياض وانا بجدة يعني يبغالي سفر للرياض

المهم خلاص مالي الا انتظار الشرطة ان شاء الله وبشوف وش ردهم

بس بغيت اسالك سؤالين

وش الخطوات اللي بعدكذا بعد البحث الجنائي؟

السؤال الثاني

انا من ردك ايقنت خلاص انه المولودة بتكون ان شاء الله بمستشفى خاص وليس عام لانه الموضوع ممكن انه يطول واسال الله ان ييسره
فانا سؤالي الحين هل فيه اجراءات اسويها قبل او بعد الولادة

وشكرا

غريبه يمكن بلد من بلد يختلف انا سويتها في القنصليه مو السفاره المهم الحين ماعليك الاانتظار لانو المعامله الي عندك احتمال تمشي الخطوه البحث يطلبو برنت وتحاليل والتحاليل تجلس اسبوعين وتطلع النتيجه ورقه من العمده وكمان بصمات يبصمو الزوجه ويشفو اذا عليها اي سوابق بعيد الشر يارب وبعدها كل شي تمام يحولو الاوراق الي الاماره وخلاص تنظر الرد منهم يمكن شهر في البحث وشهر في الاماره وتطلع الموافقه باذن الله واذا مو من المواليد يرسلوها للداخليه وتجلس شهر هناك
وخطوه البيبي ماعليك اي خوف حتى لة حاب تتاكد روح الأحوال واسالهم ايش المطلبوب عشان اضيف ابني في كرت وهما يقولك طبعا هذا كلو بعد ولاده لانو يعطوك المستشفى ورقه بلاغه انو هذا الطفل طفلك وتروح تعطيهم هذا الورقه مع الطلبات الثانيه الي يطلبوا واذا طلبو عقد الزواح مالك الاتطلعها بس انت الحين ركز ع هذا المعامله وشوف وين توصل حتى لو جاءت البيبي والمعاملة ماشيه اصبر وشوف لانو في اي وقت رحت للاحةال راح يضيفو البيبي

السلام عليكم ترف كيفك وكيفكم جميعا يابنات

اعتذر ع القطعه بس عمتي كانت في المستشفى وانشغلنا معاها والحمدلله على فضله
اختارها الله في يوم فضيل ليلة 29 الله يتغمدها برحمتو وفضلو ياااارب

ابي اسألك المحكمه كيف نظامهم في العقد ايش يطلبو ومواعيدهم مضبوطه او لا

عظم الله اجركم اختي

في المحكمه يطلبو الهويات بس هويتك وهوية الوالد والعريس و الشهود
و مواعيدهم لك عليها صراحه يعني مادري متى يبدأ دوامهم لكن نفترض انه 9 راح يقولولكم الساعه 9
ولمن تروحو حتلاقو كل الناس موعدهم الساعه 9 برضو
لان هم نظامهم بالارقام خلي العريس بمجرد مايبدأ الدوام ينقز فوق ياخذ اول رقم
وان شاءالله ماتطولي يعني ساعه يمكن ساعه ونص انتظار وتدخلي عند الشيخ ونزغرطلك زغروطه

هذا كل شي بالتفصيل و طبعا اوراق المعامله تكون كاملة معاكم لان الشيخ لازم يشوفها ورقة الفحص و المشهد و تعريف العمل وكل الاوراق


والله يوفقك حبيبتي و يقدملك الخير

تسلميلي ماانحرم ياااارب

والله يسهل للجميع يااااااارب وتفرحو عاجل غير اجل ياااكريم

عظم الله اجركم اوروبا ويتغمدها الله بواسع رحمته
ترف تسلمي حبيبتي الله يتمملك ويتمملنا علي خير