|
اقتباس:
|
بك اكون حبيبتي شكرا ع تعاملك معايا والرجال طلع يعرف اهل زوجي ويارب يضبط اموري بس لسه ماابدنا وانتي معاملتك وين راح الحين وصل
|
وفي اخت سالت ليتني مااعرفتك ايوه تقدر تصححي وضع الزواج اذا كانت من الجنسيات الممنوعه حتى لانو الزواج صار وانتهى اهم شي تكملي شروط توثيق عقدالزواج الي هيا خمس سنوات زواج مع وجود ابناء ويكونو الابناء منضافين بكرت العائله او عندهم تبليغ ولاده
|
يااااارب في هالساعه من يوم الجمعه المستجاب دعواتها
تسهل لاخوتي واخواتي امورهم وتكتب لهم الخير ياارب شكرا للي سالوا عني في فتره غيابي انا كنت مريضه لدرجه ان قلبي فيه الم ووجع واحس اني في حلم نفسي افوق منه لانه مو مصدقه بعد الانتظار والتعب والصبر والسعى ينتهى الامر كذا صح رجع خطيبي لي ومصيرنا النهائي يتحدد الاسبوع دا او الشهر الجاي لكني الان احس اني خلاااص مابغى لان اللي سواه لي خطيبي كفايه احس ان تمسكي فيه ضره واذاه خسر مايقارب 37 الف وعرفت انه ترك عمله وصار راتبه اقل كل هالاشياء احسها بسبب المعامله وتاخرها والتعقيدات اللي صارت لها يؤلمني فراق خطيبي مررره يوجع الاحساس وبنفس الوقت خلاااص مو قادره استمر واضره اكثر واكثر ابغاه يشوف نصيبه مع وحده تستاهله اكثر مني وتستاهل تضحياته لها على الاقل اهلها يكونو معاه ولايتركوه لوحده يسعى وينذل ويشقى كنت اتمنى اساعده لو بالقليل بس ماقدرت اساعده غير بالدعاء الله يوفقه ان شاء الله ويسهل دربه وماراح انساه هالانسان طول حياتي لانه نادر جدا ربي يجمعكم مع احبابكم ولايفرقكم يارب والحمدلله على كل حال |
اقتباس:
|
لحظه تفائل خلاص تنتهى انتهى كل شي يارب يتسهل وتصير كل الامور لاحول ولاقوه الابالله
|
تدرون تمنيت ترجع الايام لورى وماوافق ولااتسبب في اذيه انسان مايستاهل
واتسبب في كل هالخساير له الله يعوضه ويكتب له الخير يارب ويرزقه وحسبي الله على اللي استغل حاجته واخذها بدون وجه حق |
اقتباس:
والتعقيدات والاذيه ع قولتك مو بسببك ناس كتير حصلهم متلك وبما انه يبغاك ومتمسك فيك طبيعي هو اللي هيتعب ويروح ويجي من غير مقابل منك كافي دعواتك وصدقيني دام ان رجعلك باذن الله حتكونو من نصيب بعض وحنفرج عليكم وتملكو وتعوضيه عن كل التعب اللي راح ربي يوفقك ويسعدك حبيبتي |
اقتباس:
اختي سوي مثلي انا نفس وضعك وجربي حظك انا قدمت عالداخلية والداخلية هي يللي تحولها عالامارة يمكن يكون الوضع اسهل . خطيبك من الجنسيات الممنوعه من الزواح ( البنقالية - التشادية - الباكستانية - البرماويه ) وفحص الطبي له سليم |
اقتباس:
وماقدر اقول له مابيك خلاااص كنسل لان بكذا اكون تخليت عنه بسهوله انا تايهه واحترت اخذ قراري لكن عسى الامور تتيسر وينكتب الخير لي وله |
اقتباس:
أخت لحظة تفائل الله يسعد قلبك دنيا وآخره ياااارب وربي يكتب لك كل خير باذن لله أدعي ربك والفرج منه عنده وحده الله يوفقك ويسر لك أمورك ويفرحك قريب باذن لله لا اله الا انت سبحااانك اني كنت من الظالمين |
صباح الخير
انا كمان اففكاري مشوشه وخلاص انتظار 3 سنين وزياده يكفي وانا حكلم اهلي يكلمهم انه مافي نصيب والله يرزقه باللي احسن وانا كمان واللي مضايق منكم وفي مشاكل يارب يفرجها عليكم ويارب ماعاد تحتارو وكل اموركم تتصلح للاحسن الله يسعدكم جميعا ويجنعكم مع اللي تتمنوهم ويكون قد ماتتمنو واكتر الدين المعامله :: خطيبي جنسيته مو عربيه بس برضو مو من الجنسيات الممنوعه فحصنا من اول ماخطبني قبل 3 سنين. مافي شي سليم بس فحصنا كدا قبل لايطلبو فحص وتحاليل |
واللي سال عن صله القرابه
ايوه سويناها في المحكمه ومعانا شهود وجبت بطاقه احوال ماما وبطاقه ام خطيبي عشان يشوفو ومادري اذا ارفقوه مع الاوراق اتوقع لا بس عملو استثناء العمر وانه في الخطاب بينو انه في صله قرابه بيننا وبرضو اترفض سبب العمر يلا حمدلله على كل حال امكن ربي مو كاتب نصيب لان الامور كل مالها تتعقد نسيت اقول اني كلمت الشرطي اللي قلي روحي قسم النساء والاوراق موجوده استغرب من ردي انه بالرفض وقلي ليش وماعلبها شي وكلمني اليوم اللي بعده قلي ايوه شفت الاوراق وانه لازم تكون 25 قلتله الحركه تقول لازم اكمل 25 يعني بعد سنه وانا حدخل بعد شهرين 25 قال لما تدخلي 25 كلميني ماعرف احط امل فيه ولا حيخيب املي تانيييي وماعاد عندي صبر |
اقتباس:
لا تخافي حبيبتي ربنا بيسرها ان شاء الله في شي كمان اتوقع كان لازم ترفقوا صك القرابة هما كل شي لازم يشوفوه قدامهم ما يكفي الي ينكتب في الخطاب ربنا يسهل للجميع ويفرج على كل مسلم |
صباح الخير جميعا
لحظة تفائل يا قلبي وربي حاسه فيكي لدرجة بكيت عشانك لانك الناس في الدنيا سبب واللي معنا سبب والوحيد اللي يتحكم ويقول كن فيكون هوا الخالق المتحكم انا اربع سنين مع خطيبي وهوا من خارج السعوديه وكانت صعبه جيته بس عشان يجي يخطبني تخيلي مو معامله انتي على الاقل اهلك موافين تخيلي انا الحمدلله كل شي تم بارادة ربي الحمدلله يارب وجا وخطبني لدرجة بابتي خلى خطيبي يستنى عند باب البيت نص ساعه مو راضي يستقبله والله يفرج اللي ساعدوني وخلو بابتي يقابله عشان النصيب خرج ابوي من عنده ماقال شي الا الله يوفقك بس بشرط انتي سوي اوراقك بنفسك لو اقولك اخويا الكبير اتخلى عني رحت قدمت اوراقي لو اقلولك مين اللي ساعدني سواقين سعودين وقفوا معايا والا الان واقفين معايا لاني الاربع سنين هادي يعلم الله عانيت معاناه نفس معاناتك مرضت واتنومت في المشفى وصار يجيني انهار من اتفه الاسباب لكن الحمدلله تخيلي معاملتي قدمتها شهر 25/ 4 /1435 قعدة 4 شهور بس عشان اجري وابكي وتعبت عند بابتي انه يوقع معروض الموافقة ولي الامر. وحللت وخلصت تخيلي بعد ما انتهت التحاليل ابويا فكر يعني 4 شهور ثانيه لين ريضي يروح مركز الشرطه وياخد شهور معاه امس ووعلى بالك برضاه سواه بس عشان انا ابغى ذا الشي وشاهد واحد اخوي الصغير واخوي الكبير ما رضي وقاعده اتشحت احد يروح يشهد طبعا اهل الخير موجودين 3 عرضوا عليا انهم راح يشهدو وما اشيل هم وراح يوقفو معايا وازا من جد عندك اخو ما جابته امك هدول منهم والله يعلم النفسيه كيف لدرجة اقولهم الحياه مالها طعم لو الانتحار مو حرام كان انتحرت وقلت الكلام هدا لبابتي ليه انا مطلقه من ولد عمي ومجتمع اهل بابتي معيفني حياتي تعرفوا هدا العذاب الحمدلله يارب عندي امي العجوزه الله يطول بعمرها وتفرح فيا تدعيلي واخواتي يدعولي صحباتي والله الدعاء والصدقه وربي على اللي في النيات وربي اللين امس عشان موضوع الشاهد حسيت انه الدنيا انتهت امي تقولي لو ربي مو رايد ما كان حتى الولد قدر يدخل السعوديه ويجي يخطبك وانا مؤمنه متيقنه اني راح اتزوحه ان شالله عن قريب يارب وانتي ازا هوا يبغاكي واللي دفعه نفس اللي دفعه خطيبي بس عشان يجي يخطب مو عشان المعامله وليسى ورانا المهر ورانا اوراقي حقت المعامله يعني لو يبغاكي الفلوس تروح وتيجي لكن الساعده اهم شي يا قلبي وكلي امرك لربك لانه هوا اعلم بحالنا جميعا ياااااااااااااااارب يسر للكل ويسعدكم واسمع اخبار حلوه . والله من اول ما دخلت الموقع يوم افرح يوم ازعل وانتو اعطوتوني الامل الاكبر زي وحده اسمها عسل صافي وربي حمستني انا متوقعه التاخير والمعامله حتبهدلني عشان بابتي وراح تتسهل من ناحية الحكومه عشان عمري وعشان وضعي الاجتماعي وعشان مستوا الدراسه. الله يوفق الجميع ولا تياسو من رحمة الله في النهايه هوا المتحكم والدعاء يغير القدر. يارب تفرج عن كل مسلم مهوم وتيسر امره معليش طولت عليكم بس حبيت اعطي امل لحظة تفائل. والباقي. حسبي الله لا اله الا هو عليه توكلت وهوا رب العرش العظيم لا حولا ولا قوة الا باالعظيم الا اله الا نت سحبانك اني كنت من الظالمين كثري من الدعاء والتسبيح والتضرع والصدقه |
21e1s1qكيف اطلع صك قرابه ومافي اي جهه طلبت مننا الصك ..ورحت المحكمه ...والمحكمه يقولون جيبو امر من الجهه اللي طالبه الصك ....احد يقولي اعمل ايه وينورني ايه الخطوه اللي اقدر اعملها ...وحاليا معاملتي تحولت الاماره لسه ماوصلت الاماره كمان بليززززز اللي عندو خبره او معرفه يجاوبني...مع العلم اننا كاتبين في الخطاب اننا اقارب وبردو مافي اي جهه طلبت نعمل صك قرابه21e1s1q
|
انا احححححب ابشرررررركم
فسخخخخخت خطووووبتي اخيييييرا الحممممممدلله axs |
اقتباس:
ليه يا اختي؟؟ بسبب المعاملة ؟ |
اقتباس:
عشان افيدك اكثر .. وكمان امارة الشرقية ماعندي خلفيه كافية عن وضعها ربي يوفقك ويسهل امرك |
اقتباس:
ما توصل ترى للدرجة ذي عموما انتم ليش ما اتفقتوا من البداية بهذا الشيء .؟ لان مو كل ناس تسوي هالشيء وكل ناس لها عاداتها وتقاليدها ما نقدر نلوم الزوج حتى لو مستواه المادي فوق الممتماز اللي اقدر اقو لك عليه خلي الاهل يتواصلوا بينهم ويتوصلوا لحل وسط يرضي الطرفين اتمنى لك التوفيق |
اقتباس:
ويكتب لك اللي فيه الخيييييييييير ولا يحرمك من شخص تمنيته ربي يجمعكم ويحقق لك امنياتي ويوفقك |
اقتباس:
روحوا للشرطة قولوا لهم كذا بيننا قرابة بحيث هم يعطوكم خطاب للمحكمة زي ما بيعطوكم للمستشفى والادالة الجنائية والاحوال وشوفوا ايش ح يقولوا لكم وايش ح يصير وبعدين المفروض من بدري بدري تطلعواو الصك عشان يكون مع المعاملة بس عموما الان للاحتياط اسعوا وراه .. لا قدر الله اي شيء يصير يكون عندكم وتقدروا تقدموه لهم ربي يوفقكم ويسهل امركم |
اقتباس:
مو بسبب معامل الاماره لالا بسبب معاملتو هوا انا تعبت و بصراحه الزم ماعليا راحتي يوم تصير المشاكل كل شي يحطوه فيني و انا نايمه ولا داريه عن الدنيا خليني ارتاح احسن |
حكاية انا وجلست خمس ايام ووصلت من الامارة للمحكمة
عشان كذا يمكن انت معاملتك صدروها فترة اجازة وماكانوا مداومين الين 18 بدأ الدوام مع اني قريت ان بداية دوامات محاكم الاحوال الشخصية من 13 اظن او 15 عموما لو افترضنا يوم 18 يفترض ان امس الخميس وصلت .. واذا ما وصلت يمكن الاحد باذن الله لو راجعتوا تلاقوها وصلت بس روحوا لهم بعد الظهر يكون لو وصلت بنفس اليوم يمكن سجلوها بالحاسب بالتوفيق |
اليوم آخر جمعه في شهر ذي الحجه '
واخر جمعه في عااامنا الهجري 1435 اللهم اجعلها جمعهَ خير لي ولكم مكفرهَ للخطآيآ ، فآتحہَ للأرزآق مملوئہَ بآلأجر مصحوبہَ بآلعآفيہَ ومختومہَ بآلمغفرهہَ ودعوه لا ترد |
اقتباس:
اللهم امين |
اقتباس:
الفأت الممنوعه مو للمواطنه..بس للمواطن السعودي...المواطن السعودي لرجال ما يقدر يتزوج بها الاربعه فئات.. اما المواطنه يعني البنت ما عندها اي تعقيدات و ثانيا اوضح هذه نقطه کمان " الباکستانيه اصليه يعني اصل و فصل ما منعوه، منعوه باکستانيه من اصول برماويه فقط.. عشان اکثر من 80 في الميه برماويين في السعوديه عندهم جواز باکستاني..فا هذا هو نقطه ائي برماويه تحمل جواز باکستاني ما تقدر تتجوز مع واحد سعودي عشان حسب الجواز هي باکستانيه بس من اصول برماويه اما باکستانيه اصلها و فصلها باکستان مافي اي منع ...في شهر ذوالقعده يعني قبل شهر 4 من اصحاب الباکستانين قدمو معامله الزواج ..والمعامله قبلت، الممنوع لهذا الفئات بس مواطن سعودي رجال.. |
قال لصاحبه : ما سر هدوء قلبك واطمئنان بالك ؟
قال : منذ عرفت الله ما أتاني خير إلا توضأت وصليت شكراً وما أصابني ضر إلا توضأت وطلبت صبراً وما حارني أمر إلا توضأت واستخرت خيراً وهكذا تتقلب حياتي بين شكر وصبر ودعاء . كن مؤدباً في حزنك حامداً في دمعتك أنيقاً في ألمك فالحزن كما الفرح هدية من رب العباد سيمكث قليلاً ويعود إلى ربه حاملاً معه تفاصيل صبرك " اللهم ارزقنا الشكر عند النعم والصبرعند المحن |
السلام عليكم
انا عضوة جديدة معاكم وجيتكم من صفحات قديمة مرره مبروك للي تسهلت معاملاتهم والله يرد اللي على وشك الانفصال لبعض ردا جميلا ياررب في معاملتي بس حابة اعرف ايش الاجراءات الجاية الله يسهلها ليا ولكم انا الطرف الاجنبي من الرياض وخطيبي سعودي من جدة وقدم المعاملة في جدة والحمد لله انها ماشية معاه وراحت من الامارة للشرطة والشرطة طلبو منه تحليل وحلل وطلع سليم قبل خمسة شهور وبعدين حولت شرطة جدة المعاملة لشرطة الرياض عشان التحليل حقي والبحث الجنائي وغيره المهم اني حللت وطلعت نتيجة تحليلي مكتوب اني لائق طبيا وخالية من الامراض ومصابة بنقص انزيم g6pd اللي هوا انيميا الفول وختمناه من المستشفى المهم انه شرطة الرياض مشت اوراقنا من غير اي تعطيل الحمد لله وحولتها لشرطة جدة وقالولنا راجعو في جدة بعد اسبوع هل ممكن تطول اكثر ؟؟ كم المدة اللي تستغرقها عشان توصل ؟! .. اللي انا خايفة منه الحين انها تنحفظ بسبب اصابتي بانيميا الفول لاني دايما اسمع عن الشرطة انها تحفظ المعاملات واسمع انه مستشفيات جدة ما تعطي الناس نتيجتهم وتحولها عالشرطة على طول للحفظ هل حالتي غير بسبب انه مكتوب في الشهادة لائق طبياً ؟؟ ووين بتروح بعد الشرطة ان شااء الله ؟؟ وهل لازم تروح للداخلية لاني اشوف كل معاملاتكم راحت الداخلية ومرت عليها؟! ولو انتهت صلاحية تحليل خطيبي هل ممكن يعطلون معاملتنا ولا الامر سهل ؟! لا اله الا انت سبحانك اني كنت من الظالمين |
تحية طيبة
انا سجلت بالموقع عشان استفسر منكم لانه ماعندي اي خلفية عن الموضوع انا سعودية مطلقة الوظيفة طبيبة ارغب بالزواج من شخص اجنبي ماعنده اقامة يعني يقيم خارج المملكة بالاردن اريد استخرج تصريح وبعدها اقدم له على اقامة ويجي للمملكة انا اقيم بالرياض عمري 36 ايش المطلوب ايش اسوي من اجراءات وكم حتاخذ وقت عشان تخلص ياليت تفيدوني لاني ماني فاهمه شي وما سبق تعاملت مع دوائر حكومية بمثل هذه المعاملات وهل معاملتي ستكون صعبة او سهله بحكم اني مطلقة وعمري 36 سنة |
اقتباس:
|
يارب في هذه الساعة المباركة ان تسخر من الاقدار مايسرنا وتبشرنا بما ننتظره وانت خير المبشرين يارب ....
|
اقتباس:
لا إله إلاّ أنت سبحانك إني كنت من الظالمين |
اقتباس:
اباسالك اعطوكي ورقه مربعه مكتوب فيها المعاملة باسمك انتي مو باسم الخاطب صح ؟ ورقم للمعامله مكون من 4 خانات صح ؟ عشان توصل من الرياض لجدة تحتاج ع الاقل 15 يوم لكن اذا في عدة معاملات غيرها يرفقوها معها ويرسلوها ممكن توصل اسرع انصحك خليه يتاكد انه بتمشي المعاملة بالرياض مع وجود مرض انيميا الفول واذا بتمشي يقدم المعاملة بالرياض افضل لان بجده يحفظوها اذا الفحص مو سليم |
اقتباس:
|
اقتباس:
شوفي حبيبتي دام اعطوكي شهاده انك لائقه طبيا لاتشيلي هم احمدي ربك انك مو بجده او مكه والا كان كتبو غير متوافق بسبب هالانيميا والله شي يقهر وظلم انا ماراح اسامح المتسبب في ان تحاليلي ينكتب فيها غير لائق طبيا يارب تاخذ لي حقي من مستشفى جده الاقليمي عاجلا غير اجل يارب تحاسب المسؤول في عرقلت معاملتي بسبب مرض الانيميا يارب خذ حقي متهم يوم الحساب زي ماحرموني حق من حقوقي |
اقتباس:
يا لبى قلبك انا طرف سعودي زي ومطلقه وعمري 31 . زوجي غير مقيم . بس انا اللي قدمت المعامله للامارة بس كتبت معروض للامير وخلاص . سنك مناب انتي ووضعك الاجتماعي بس الوظيفه ماادري لاني انا المستوى الدراسي متوسطه وما اشتغل تركت وظيفتي عشان المعامله ماني حابه اعرض المعامله لاي شي. ازا انتي حتقدمي تكتبي معروض وتوديه اللامارة بس ماادري كم تتطول انا قدمت في شهر اربع اخذت اسبوع في الامارة واتحولت للامديره يوين في المدريه بعيدن على الشرطه بس اللي اخر معاملتي الوالد مو من الحكومه وانا اعرف اللي وضعهم زي وزيك ان شالله يمشي حالهم على ما سمعت وقريت الله الموفق ان شالله يا عسل |
السلام عليكم ورحمة الله وبركاته
وربي دخلت اكتأبت اللي بتترك خطيبها واللي صارت مشكله واللي بتفكر ترى الموضوع يبغاله صبر أدعو واستخيرو قبل لا تتخذو إي قرار الله يوفق الجميع ويسهل أمورنا يارب ويريح بال الجميع |
معاملتي تحولت امارة مكه المكرمه ....بس انا مستغربه انها جلست في الداخليه قسم الحقوق الخاصه بس ماراحت الاقسام التانيه مع العلم اني مقدمه معاملتي من وزارة الداخليه اللي يعرف يقولي ويريحني............وطن عمري طمنيني شو صار معكewdd
|
هويام حبيبتي الداخليه مافيها اقسام ثانيه غير الحقوق الخاصه قسم الاحوال الشخصية بعدين تحول المعامله للاماره ثم الشرطه ياحقظ يااستكمال اوراق وانشاء الله تضبط انتي ايش مشكلتك في العامله
اخت لحظه يارب يفرح قلبك يارررب انتي مو قتلي لاقيتي واسطه ايش صار معاكم وحسبي الله ونعم الوكيل ع تعطيل المعاملات |
| الساعة الآن 01:05 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا