|
اقتباس:
|
جداً متضايقة سامحكم الله يالي ببالي
خاويت بـ الدنيا خلايق وفارقت أنا الوحيد اللي لـ نفسي بقى لي ماعدت في حاجة أحد لا تضايقت أقدر أكمل نص عمري لـ حالي ؟! ..... سلامتك امل الروووح .. |
اقتباس:
اقتباس:
وأما السيركويل ما فقد مفعوله المنوم بالعكس بس يوم بلعت الحبة بالامس جاني نوم شديد وقهري واحس جسمي حالته حالة بس يوم انسدحت جاتني حالة ( البعرصة ) الغريبة واحس مثل النمل في ارجولي واتقلب يمين يسار مدري كيف عاد اوصفه لك!! وعلى طاري بيوت الشِعر اللي قاعد تشعرها فيه مثل شعري ينطبق علي 100% ويتحدث عن حالة البعرصة ويقول الشاعر: عزة تقول ماشي كما بَعْرَصْ .. في غُبًر الدِقْداق يتْبَعْرَص ويقولون المعنى في بطن الشاعر واتحاداك اذا فهمت شي هههههههه |
اقتباس:
طيب وش سبب الارق الى عندك هل هو قلق او تفكير زايد وهل لا زلت على عشبة لسان الثور اما بيت الشعر والله ما فهمت منه شي ههههههه بس صح لسانك على كل حال |
اقتباس:
ما تشوفين شر يا حنين ان شاء الله احبابك واجد ما راح تمشين لوحدك |
اقتباس:
وبعدين غريبة وش مسهرك الين ذا الوقت العادة تكون راقد لا يكون حالتي انتقلتلك بس :) وبالنسبة لعشبة لسان الثور لا موقفها من زمان بس هذي الحالة الغريبة والله عجزت افهمها ومدري من ايش جاتني !! المهم انه ي غريب تخيل امس يوم اخذت السيركويل داسني النعاس دوس بس يوم اجي انسدح احس مثل شي غريب في ارجولي يجبرني على على التقلب على الفراش لدرجة اني احيانا يصير راسي مكان ارجولي DCQWDD المهم انها حالة غريبة مدري هو تفكير مدري هو قلق مدري وش القصة صراحة شي غريب عجيب !! |
اقتباس:
عندي اجازة من العمل اسبوع ما خذ راحتي والليل احلى جو مع كاس كافي وزقارة وحبة انافرانيل يا سلام سلم ليش وقفت العشبة والله اشوفك متحسن كنت عليها اما حالتك ما قد مرت علي ولا على الاطباء المسمى العبرصة تصدق ان اكره السيركويل اكثر من اليهود دمرني يا شيخ لعب فيني اربع سنوات راحت من عمري كلها نوم في نوم مدري كيف كنت مستحمل الوضع بس كان الفصام عندي شديد وما كنت احس التصرف والاهل الله يسامحهم محد انتبه لي كل واحد لاه في نفسة اخاف عندك املاح لاني كانت تجيني حال غريبة في الرجال زي الم الاعصاب ولازم احركها في كنت احط مخده وارفع رجولي عليها وارتاح |
اقتباس:
تصدق احيانا سكون الليل تحس انه يبث فيك نوع من السكينة والهدوء النفسي وخاصة اجواء ماقبل الفجر بقليل.. والله لو كنت في البرية ومع ضوء القمر ونسيم الوادي وقدامك براد الشاي على الجمر وتتأمل في النجوم .. هذي بحد ذاتها اسمها جلسة للاختلاء مع النفس ومع خالقك وللتفكر في ملكوت الله.. بس عاد لو ما اخاف من احد يشوفني من الجماعة وانا في بطن الوادي والا في راس الجبل ولوحدي عز الله بيقولون النفسية اللي على اصولها وشفيه هذا الموسوس جالس لوحده ؟؟!!!111``1..1 واما العشبة موقفها وانا اخوك الحمد لله ماعاد فيه اكتئاب ولا هلع ولا شي بس اني احيانا ارجعلها من وقت لثاني اذا حسيت الوضع بدأ يتلخبط شوي وحسب الضغوط النفسية والبيئة المحيطة واما حالتي هذي الغريبة حالة البعرصة تراها فيني من قبل عشر سنوات ومن قبل مايجي الاكتئاب.. اذكرها صارت معي بعد ما طلعت الديرة ووقتها كان برد وشتاء قارص المهم اني ما قدرت اتحمل البرد لدرجة اني نمت اسبوع كامل ماغير اقوم اكل وارجع ارقد من البرد هههههههه ومن بعد نومة الاسبوع هذي جاتني الحالة الغريبة اللي حتى ما لقيت لها تعريف او مصطلح حتى باللغة العربية وهي حالة يقلك تصيب عدد قليل جدا من الناس وللأسف حظي الشين جعلني مع هذا العدد القليل من الناس.. ولكن ما ادري وش سببها هل هو قلق ام ماذا؟؟ اما الاملاح الحمد لله مافيني لا املاح ولا شي وحللت وجميع تحاليل ولله الحمد سليمة ولكن الظاهر ان هذي العلة على نفسية والله اعلم واما شغلة السيركويل والذهان قبل فترة تصدق اني شفت مقطع في اليوتيوب لناس تشافوا من الفصام والمقطع مسويين فيه مقابلات مع مرضى واطباء.. والعجيب ان فيه بروفسيور امريكي للطب النفسي يقول ان اكثر المرضى بالفصام لم يشفوا بعد استخدام الادوية وحسبوا المرضى بالفصام اللي تشافو من الادوية وطلعت نسبتهم 2% فقط بينما المرضى الذين لم يستخدموا اي ادوية تجاوزت نسبتهم 33% وحتى الدكتور جالس يسب في ادوية الفصام واذا تبغي رابط المقطع بادزه لك المقطع |
اقتباس:
ههههههه وش عليك من الناس احلى جو شاهي وجبال و اودية محظوظين ياهل الجنوب بالجو والطبيعة الحلوة خاصة مب الرياض زحمة وحر ولا فيه مكان يطلع الواحد فيه تصدق اتمنى اني كنت عايش في ديره فيها بحر مدري ليه احبه اختي ساكنه في الدمام ولما اروح لهم احس الاكتئاب والفصام يخف عني شوي ارتاح للبحر في الليل هدوء وامواج وقمره الله على ذيك الايام انا مستغرب ليه ما تحسنت مع اني منتظم على العلاجات ونوعت في العلاجات لكن الشكوي الله ما في فايدة تدري ان الفصام اصعب الامراض النفسية العقلية صراحة مدمر شديد للشخص حتى بيتنا تدمر بسبب حالتي الصحية احلى جو اهو قبل الفجر بساعة تحس بهدوء وراحة وسكينة انا ناوي اقدم على تقاعد طبي خلاص يا احمد مليت من الدوام تعبت منه ما عاد قدرت استحمل ضغوط العمل والزحام ومقابلة الناس حاب اعيش لوحدي واموت لوحدي |
اقتباس:
تصدق يالبدراني انا انسان محظوظ صراحة من ناحية المدن اللي عشت فيها .. عشت في مكة طبعا وانولدت فيها ومكة تعرف بلد الله الامين واذا ضاق صدرك تنزل الحرم تصلي ركعتين وتتفرج في الطائفين والمعتمرين والركع السجود .. واذا بغيت البحر عنك بحر جدة او بحر الليث والشعيبة وانت صادق ترى البحر سبحان الله اول ما تروح عنده تحس سبحان الله ان الطاقة السلبية تنسحب من جسمك خاصة مع تلاطم الامواج ونسيم البحر .. والحين عايش في الباحة صح ان جوها بارد اغلب ايام السنة بس يوم تطلع على قمة جبل وخاصة اذا كان المنظر مطل على تهامة تشعر بشعور ثاني.. وياسلام اذا غيم الجو سبحان الله تشوف الغيوم تحتك والضباب والبروق والرعود خاصة في ايام الصيف والربيع والخريف صراحة اجواء ترد الروح للروح.. واما العمل وانا اخوك اذا تبغي نصيحتي قدم تقاعد طبي فانت حالتك ما تسمحلك بالعمل صدقني والدولة الله يجزاها خير تعطيك 75% من راتبك الاساسي اذا عندك حالة وفيه واحد من اقاربي مثلك عنده فصام وقدم تقاعد طبي وحياته كلها تماشي وطلعات.. واما بالنسبة لعلاجاتك اذا تبغي نصيحتي انصحك انك تترك مضادات الذهان لانها ضررها اكثر من نفعها وحاول انك تتعايش مع الافكار الذهانية.. وشوف وضعي انا استمريت فترة تقريبا 6 شهور على مضادات الذهان وبعدين تركتها والحمد لله اني تركتها لاني اتوقع لو اني استمريت عليها يمكن بيتطور الوضع ويصير عندي هلاوس سمعية وبصرية وحركات لا ارادية في الجسم وغيرها من الاعراض.. بس الحمد لله من يوم تركتها واستخدمت عشبة لسان الثور شالت عني الاكتئاب ولكن الافكار الذهانية لازالت موجودة عندي وهي افكار سخيفة مثل اني احس ان الناس كلهم يتكلمون فيه او بيشتكوني او شيء من هذا القبيل.. بس هذي الافكار عندي مربوطة بالاكتئاب يعني يادوب اكتئب تجي افكار الذهان السخيفة واذا راح الاكتئاب تروح معه الافكار.. وصدقني اذا اخذت اجازة ديرها تماشي على كل مدن المملكة واذا بتجيني الله يحييك البيت بيتك وراح واذا تبينا حتى نمتر خط الاستواء كله ماعندي مشكلة انا فاضي لا شغلة ولا مشغلة 46th ترى وانا اخوك اهم شي عند الانسان صحته وانت لازم تهتم بصحتك وصدقني الافكار الذهانية ما تجي الا اذا الواحد جلس لوحده في البيت يقعد طول الوقت يفكر خلاص تجيه ام الوساويس .. ولكن حاول انك تشغل نفسك باي شي لعبة والا خرجة والا اي شي اهم شي ماتجلس وحيد |
اقتباس:
|
صباحو يا غاليين ماشاءالله ماخدين مجدكم في السوالف زهراني وابوحميد ههههههه ربي يسعدكم ويروق بالكم ويشفيكم الهي |
اقتباس:
اكيد ما تحلا السوالف الا اخر الليل واحمد ما شاء الله موسوعة انا نومي ملخبط شوي انوم وشوي قايم مدري من العلاجات او القلق اتمنى لكم يوم سعيد |
مستكفة اين انتي اشتقنا لك
الوردي يا رجل طل وسلم بكرا احلى اتمنى تكوني بخير وتعدي الازمة رسوم من بعد الموضوع والرجال منحاس |
السلام عليكم مساكم الله بالرضا و الطاعه ومحبة الرحمن
لا تنسون اذكار المسا فهي حصن حصين ان شالله. |
| الساعة الآن 02:44 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا