االسلا م عليكم ..

ماهو وضع آلشخص غير مقيم فالسعوديه ويريد الزواج من بنت سعوديه ! هل صحيح انه مايتزوج إلا إذا كان مقيم ؟

أتمنى إلي يرد يكون متأكد تماما

انكسار انا موظفة ليا شهر تقريبا وكملت الورق على اساس اني ربة منزل وان شاء الله العقد حيكون على دا الاساس
هما لازم يسالو عشان يتاكدو
الله ييسرلنا انا كمان تعبت والله ولو جا الموضوع علبا مافيا اسوي حاجة

اندلسيه ان شالله ماحفظت انا صارتلي قبل طلعت في ورقه ناقصه
اصداف اذا قلتيلهم انك تشتغلي حيطلبو تعريف بالعمل
الله يسرلكم كللكم يا بنات
نفلا مو شرط يكون مقيم بس ماحقدر افيدك اكتر من كدا لان ماعندي معلومات

جبتلهم اول شي ورقه من الاحوال المدنيه ودحين طلبوا مشهد من العممده اشوف الخميس ايش يصير واقولكم ؟

إنكسار - انتي من شوال بتستني رقم الصادر خلي خطيبك يقولهم انه من شوال ويقولهم مايصير كدا الى الان ماراحت الامارة وخليهم يشوفوا التارخ صدقيني راح يعطوكم هوا لانه هوا اصلا بالدور لكن مو معقولة الى الان ماجاء دوركم
والاخت اللي بتسال عن انه راح يعرفوا انها موظفة اقولك انهم راح يعرفوا في حالة وحدة بس اذا كنتي مسجلة بالتامينات لانهم راح يشيكو عليكي بالهوية غير كدا مافي
واما عن الراتب مادخل الراتب بالموضوع ابدااهم شي الوظيفة ماتكون من الفئات الممنوعة وياكثر اللي راتبهم اكثر من خطابهم يعني امر عادي
اندلسية - لاتشيلي هم يمكن راحت الشرطة حقت الحي ناقص توقيع لانه مااحلاهم هم في النسيان
سوسو- المفروض المشهد من زمان تعطيهم هوا لمن جبتي البرنت
نفلا- نعم يستطيع الزواج تقدر تشوف المشاركات السابقة في كثير نفس حالتك بس اللي اعرفه لازم يجي المملكة ويكون فيها على الاقل 6 شهور برضوا اتاكد انت هذا من تجارب الاعضاء
موفقين جميعاااا

ياحياتي ياجدور ربي يسعدك انتي قد اخذتي الرقم الصادر

جذور ايوا المعاملة في المحكمة بس سال حق المواعيد قلو لا ربة منزل
وحعطيهم اليوم حصر الارث و صور من هوية ولي الامر ويارب يمشي الموضوع
وتتيسر ونعقد على خير وتتم معاملاتكم
طيب بسالك ناي هل حيسال كمان يوم العقد موظفة ولا لا

ياجماعه اقدر استفسر عن معاملتي اللي ف الشرطه اللي ف مكتب الزواج من الجوال ولالا

لا ماتفدري من الشرطة مافي شي يرسلوه عالجوال بس تتصلي عليهم
اليوم خطيبي راح وقله تعالو اي يوم واعقدو بدون موعد ولاشي
نشوف ايش ييصير معانا والله يعبن

مبرووك اصداف
لا مايسالو بس يطالع الشيخ في الاوراق اللي جبتوها

مبرررررررروك طيب حلو روحو بكره

بس انا مرررره مقهورره تخيلو كل متصل على الشرطه يقولوا مافي ماجانا شي عن الرقم الصادر

ويسعدك يارب
ايوا انا قلنا قبل الحج وروحنا حذفنا لبعد الحج لمن روحنا بعد الحج على الموعد قالنا مافي ماجا المهم خطيبي قله كيف وات قايل لنا تعالوا قام قال طيب خلاص دوركم بكرة بعد ماشيك ورحنا واخذناه كان الكلام دا بعد مادامو بعد اجازة الحج
الاسبوع اللي فات
بس تدري ياانكسار بعض الاحيان تترسل الامارة وكلو وتجي الشرطة وتخلص وانتو ماتعرفوا الرقم هههههههههههههه المهم انتي وقعتي وولي امرك خلاص
بالتوفيق

ايش اللي يجي الرقم يطلع من الشرطة لمن تترسل للامارة زي رقم المعاملة عندي احساس انه راح تجيكي الموافقة من غير الرقم ولاشي هههههههههه يصير تروحي يقولك خلاص روحي المحكمة ياااارب

شكلك مافهتيني عندنا في اماره جده لازم تروح الشرطه وتستني لمن يعطوكي رقم الصادر من الاتصالات الاداريه ذا عشان تتابع معاملتك في المحافظه وبعدد كذا المحافظه تعطيك رقم معامله للأماره والاماره تحولها المحكمه يعني لازم الرقم دا عشان نتابع هناك ووذولا مطنشين وربي مرررره طفت ايش ذا

إشكركم ؛ ناي و جذور على ردكم. على سؤالي

ياليت إلي صار معه نفس موضوعي يجاوب لأني أبغا أعرف كل الإجراءات ..