اماره مكه محافظه جده ولمن استعلم يقولي الجهه داخلي وعند الاجراء مافي شي وحتى تاريخ الاجراء فاضي ايش يعني

خلي احد ينزلك نفس الامارة بمكه ومعاه كرت المراجعه يشوفلك ايش فيها

لا يكون نسيوا حاجه وهذا اللى عطلها لكي

يا رب الله يسمع منك و تسلمي انكسار ملكه و تتسهل كل أمورك ان شاء الله اتصلنا عليهم يوم الخميس قالولنا مازال في التحقيقات بس نستنى ليوم الاثنين و الله يعين

من حسب ما قرأت في الردود ما تنحفظ المعاملات الا اذا كانت في الشرطة فقط ان شاء الله خير اصبري لعل الفرج قريب

يا رب ما تطول مشكورة حبيبتي سوسو عالرد و الله يسهلك كل أمورك ان شاء الله

انا نسيت ارد عليكي مع الارتباك جزاكي الله خير و ان شاء الله يقبلوها

قررت ان شاء الله اعالج نفسي من خلال اخذ حبوب الحديد و حمض الفوليك طبعا بعد ما اكشف بمركز صحي عن نسبة الحديد عندي لعل و عسى يمكن نعمل فحص مرا ثانية مع انه الاصابة اللي عندي وراثية بس ناخذ بالاسباب على بال ما يطلع قرار او اي مستجد بكون جاهزه للفحص

كانت في فكرة قبل انه كل وحدة تعرف عن نفسها انها طرف اجنبي او سعودي و جنسية الخاطب و عمره و عمرها و كان في اقتراح بكتابة مثل جدول للجميع. انا انتهيت من قراءة الموضوع بالكامل الحمدلله و استفدت الكثير و ياريت قرات و انضميت معاكم قبل ما اعمل فحص الزواج. انا حلخص تجاربكم عندي بالدفتر اشغل نفسي و ممكن افيد غيري اذا في احد تكررت معاه الحالة

على انضمامي مافي تفاعل قوي زي قبل خخخ

ابغا اسال الاندلسية و احب ديني وينكم؟ و ايش مستجداتكم؟ والله كل وحده لها تجربة ناجحة بهالمنتدى تعطي امل لغيرها انه يصبر و يكمل مشوار الاجراءات

هوا كل ماراح خطيبي قالوا رجعنا الاسبوع الجاي ربي يشهلها وربي قلقانه انا خايفه يكون تحفظ عشان موظفه وراتبي أعلى وكذا

يارب ربي يسمعك منك ويفرجها ليا ولكي وللجميع يارب

شوفي انا اتنصحت ان ينكتب راتب خطيبي بشهاده تعريف راتبه 5500 وهو راتبه اقل وانا لااعمل على الضمان والحمد لله انتى راجعي الامارة القسم النسائي فيه مسؤوله القسم جدا متعاونه روحيلها في مكه بس روحي الاثنين الاحد تلاقي زحمه عشان لقاءات الامير مع سكان امارة مكه

السلام عليكم

الله يكون بعوننا ويصبرنا اكثر واكثر

انا حاليا منتظر مستشفى الولادة بمكة المكرمة ترسل تحاليل المخطوبة الى قسم شرطة العاصمة المقدسة وبعد كذا راح تترسل ثاني الى شرطة جدة

يارب يعينني عليهم

اختنا اندلسية الله يعينها ويرزقها بالموافقة وتصريح الزواج


طبعا انا مثل ما انتم عارفين متزوجها بدون تصريح وانا الحين قاعد اتابعها على اساس اني خاطب

وزوجتي الحمد لله ولدت وسويت بلاغ الولادة بالمستشفى لاكن مااستلمه الا بعد مااحضر عقد نكاح

قبل فترة بسيطة رحت واحاول في شؤون الموظفين انه يسلمني بلاغ الولادة حاولت فيه بكل انواع الطرق استغفر الله بس كان باقيلي اعطيه رشوة هههههههههه

لاكن مارضي لازم اجيب عقد نكاح
طبعا سمعت طريقة اني اروح الاحوال قسم الاجراءات
وفعلا رحت ودخلت على المدير وبعد كذا واحد قابلني هناك من المراجعين موضوعه نفس موضوعي مع اختلافات بسيطة
انه هو بنته بتدخل المدرسة وماقدر يدخلها المهم فسجلوا عليه السجن لمدة سنة وغرامة قدرها 127الف ريال
المهم فكتب خطاب استرحام للرياض فشالوا عنه سجن سنة و100الف ريال
واعطوه رقم حساب يودع فيه 27الف ريال
وضم بنته والحين بيوثق زواجه
فلما شفت موضوعه هناك فضلت اني امشي وانا ماني مستعجل والحمد لله
وان شاء الله تتيسر
وانا الحين عايش مافي ولا اي اثبات انها زوجتي ولا اي اثبات انها بنتي

الحمد لله على كل حال

انا لمن سألت خطيبي قال عملته 6700 وانا طبعا راتبي 5000
وين اروح مكه انا من جده ماعلينا مالنا الا بالدعاء وربك يفرجها

انكسار الراااااااااتب مادخله توكلي علي الله زي ماقالت سوسو لازم تروحي يمكن ورقة ناقصة
لكن رفض مافي والراتب برضو ماله دخل ابداااا
توكلي ع الله وربك ييسر

الله يعينك أحبك ديني و ان شاء الله تتسهل عليك صعبة بس الفرج قريب
انا خطيبي سوالي اثبات زواج على اساس نمشي على نفس الخطة بعد الطفل الاول يسويلي الموافقة لكن دامها قبل و بعد نفس الشيء فخلاص كله تعب والله، انا خطيبي سوالي اثبات زواج لكن لسى مافي دخلة لانه اهلي مصممين يسوي اوراق رسمية خايفين عليا مع انه ابوه مشي على نفس الموال، المشكلة في الغرامة السجن و المية الف ريال و الترحيل للطرف الاجنبي هاد لحالة مخيف كمان لسى لما تتمشوا مثلا تسافروا او تروحوا مطعم او فندق اظن صعبة اذا ما عندكم ورق صحيح؟؟

كمان انا مصابة بانيميا الفول و ما اكتشفت الا بعد الفحص العجيب هذا، يعني حتى لو مشيت على اثبات الزواج برضو حعمل تحاليل زي زوجتك. الله يعينك و ان شاء الله تسمع اخبار طيبة من الشرطة

بيروح يوم الاثنين أن شاء الله وبيشوف
بشريني ياجدور ايش صار معاكي في تقدم

روحي مكه نفس المبنى الرئيسي للامارة