لا البداية كانت وعمري 21 وكان الرفض بسبب العمر وحفظت بجدة وبعد سنة قالوا في مكة يطلعوها بعمر صغير ويوم رحت وسوينا التحاليل وكل شي طلع حامل للصفة الوراثية وليومك تعاملنا مع اشكال والوان وكلهم نصب
بخصوص العمر في معققبين او واسطة ممكن يطلعوها اهم شي انتهبوا من النصب وحطي في بالك انك تبغي الحلال حتى اذا قعدت 10 سنين المهم الشخص اللي انتِ ترتاحي معاه بغض النظر عن كم راح تقعدوا دي كلها ابتلاءات وربنا اولا واخيرا حسيبنا وقادر يجمعنا بالحلال ويكسر عين كل شخص وقف ضد زواجنا
لاتيأسوا يابنات انا والله قريت في مواقع لناس قعدوا 9 وناس 10 لكن ربنا اكرم الاكرمين
لا اله الا انت سبحانك اني كنت من الظالمين

امم كيف اقلك لمن تروحي تحللي اذا كان عندك نقص في الحديد يبين انه عندك مرض وراثي مثل ملامح ناعمه واذا سار كذا مشكلة ><
والتحاليل هيا اهم حاجة وواسطتي يانجوم رب العالمين
للأن داخله في السنة الثانية كله بسبب حساسية يعني بس امتنع عن اكل الفول ..!! اتخيلي هذا هو سبب منع الزواج لكن إن شاء الله خير كل تأخيره وفيها خيره

حسبي الله عليهم ! أسأل الله أن يفرج همك عزيزتي وأن يرزقك وخطيبك بفرج قريب وأن يجمع بينكم في خير وجميع الموجودات هنا ياكريم !

إذا هل تنصحيني أن أقدم من البداية في مكة ؟

ايوا قدمي في مكة افضل
بس قبل التحاليل سويها بمشفى خااص وقولي للدكتورة اللي بتسوي التحاليل تتاكد ضروري من الامراض الوراثية ولو كان حامل للصفة الوراثية لأي مرض وراثي تكتب بالتقرير على اساس تتفادون المشكلة قبل ماتدخل بيانتكم في المشفى الحكومي وتتحول للأمارة
اامين وولجميع الله يرزقنا الحلال ويسهل أمورنا ويفرجها بفضله وكرمه ورحمته
لاإله إلا أنت سبحانك إني كنت من الظالمين

انا سويت كدا ياميس فرموزه حللت في مستشفى خاص مرتين

وقالو مافيني شي وبعدين رحت للحكومي وبرضه قالو اني حامل للصفة

الله يفرجها علينا

انا عارفة لانو اساسا الحامل للصفة في الطب يعتبر شي طبيعي خصوصا لو الظرف التاني سليم لذلك بيطلعوا النتيجة سليمة

علشان كدا بقولها ركزي عالدكتورة تطلع النتيجة حتى اذا حامل للصفة الوراثية
واحيانا هم يسووها كدا مجرد عرقلة
وحسبي الله ونعم الوكيل فيهم

أسف اخواني و اخواتي علي الغياب مره اخري لكن و الله مشاغل شوي,,,,,انا اونلاين و اللي عنده اي استفسار انا في الخدمه,,,الي الأخت فرموزه ارجو اني اكون افدت بما سألتي,,,,انا بحاول اكتب كل الحلول مره واحده و كل الخطوات و كل الشروط و كيفيه التقديم عشان الأعضاء الجدد يكون عندهم خلفيه بل موضوع بدل التصفح في الصفحات الكثيره.

و الي الأخ القدير الحوراني ,,,,اسف لعدم تواجدي عندما طلبت مني لكن و الله ظروف. اعتذر منكم جميعا مره اخري و اتمني ان الله يوفق الجميع

أختي العزيزه شاكر جدا علي كلامك و اتمني اني اكون عند حسن ظن الجميع,

تقدمي من جديد او لا يتوقف علي الأماره و المنطقه اللي تابعه لها الا مكه و جده رغم انهم تبع منطقه واحده لكن يجوز التقديم من جده و لو ترفضت تقدمي من مكه و في حالتي وقفه التحاليل في مكه و ما حبيت اجازف في جده رغم اني قدمت لكن ما كملت و لما رجعت الدمام قدمت من هنا و مشيت بكل انسيابيه و بكل سهوله لكن من عن طريق مكتب الأمير مو من مكتب الزواج, اما بالنسبه للرياض فهي تعتبر خاصه و معقده شويه , و يا جماعه لا تنسوا انه لو الخاطب من مواليد المملكه و عنده شهاده ميلاد سعوديه معاملته ما تروح وزاره الداخليه في الرياض لكن تتم الموافقه عليها في الأماره التي تم التقديم فيها , اما الغير مولود في السعوديه اوراقه تروح الوزاره في الرياض و تأخذ من شهرين الي ثلاثه بعكس مولود المملكه اسبوعين بل كثير.

و يا ريت تقوليلي التفاصيل الأتيه عشان اقدر افيدك :

1- كم عمرك و كم عمر خطيبك.
2-ايش وظيفته و تقريبا كم راتبه الشهري او بمعني اخر فوق ال 5 الاف او لا و ماهي مهنته في الأقامه.
3-نتيجه تحليلك و تحليله الطبيه خاليه من الأمراض سواء حامل او مصاب او لا.
4-انتي من قبيله او لا.
5-هل انت بنت ام مطلقه ام ارمله.
6-جنسيه خطيبك و هل من مواليد المملكه ام لا.
7-ايش الأماره اللي قدمت فيها.
8- هل قدمتي من الشرطه ثم الأماره ام بخطاب موجه الي أمير المنطقه ؟

يا ريت تجاوبيني علي كل سؤال و ان شاء الله افيدك.

الأخ حياتي بضيع
ايش رايك الأفضل يدخل الخطيب على أمير مكة أو أمير الشرقية حيث أنه هو السعودي وأنا الأجنبيه وانا حامله للصفةالوراثية
فما الأفضل نقدم في امارة مكة ولا الشرقية اسهل ؟؟
التحاليل نعيدها في مكه ولا في الشرقية ولا ياخذو التحاليل القديمة؟؟
وانا من مكه وهو من مكه هل لازم اوراق تثبت انه احنا ساكنين في الشرقيه ولا عايدي ؟؟
لو تقدر اخ حياتي بضيع ان ترسل لنا كيفية الدخول وكيفية تقديم المعروض

للعلم اخ حياتي بضيع
كل الصفات متواجده وكامله ماعادا اني حامله للصفة الوراثية انيميا الفول

انا طلبت منك اضافة في منتدى الحسن للتنمية بأسم (الفواحة) ونسيت كلمة السر
والأن بطلب منك أضافة بأسم (الفواحه) بدون (ة) الرجاء قبول الأضافة

من رأي الشخصي بلاش منطقه خالد الفيصل حيث انه خطيبك سعودي فهي اسهل بكثييييير من الشرقيه و مافي اعتراض هنا علي حوامل الصفات سواء كانو سعودين او غيرو...ثاني شي هل انتي من مواليد المملكه ام لا و شكرا.

الله انا حايس في الموقع ....الله يعطيهها الف عافيه اميره الصمت مادري من فين جابته و بحاول اشوف كيف ارسل رساله.

شكرا

انا من مواليد السعوديه

الله يجزاك خير حياتي بضيع حثقل عليك حاول في الحسين عشان ابغا اتواصل ايميل او جوال لو مافي مانع

طيب يا فواحه مره موضوعك كثير سهل ...بس اول قوليلي


كم راتب خطيبك لو يعمل و متزوج ام اعزب

انا رسلت رساله مادري وصلت او لا. و لو مره معقد و الموضوع مافيلو اي خصوصيه عادي حكيني هنا عشان الأخوه و الأخوات يستفادو

لا اعزب وراتبه 3000

هو في وظيفية اهلية

بجد شكرا حياتي بضيع ربي يسعدك ويرزقك الذرية الصالحة انا بخلي اخويا او خطيبي يتواصلو معاك

طيب ممتاز موقف راتبه راح يسهل الموضوع كثير جدا جدا و ان شاء الله بعد الزواج الله بيكرمه بوظيفه و راتب احسن

نورت اخوي المنتدى وربي يعطيك العافية ومعذور وربي يبارك بوقتك وجهدك وصحتك
انا من سكان المنطقة الشرقية وقدمت بالامارة هناك
عمري 33 وماسبق لي الزواج وخطيبي 39وهو عراقي وغير مولود بالسعودية ولا مقيم فيها
وقدمت بخطاب موجه الى الامير وماراحت معاملتي الشرطة يعني معاملتي كلها صارت بالامارة ثم تحولت الى وزارة الداخلية ورجعت بالرفض من دون سبب حتى راجعت وزارة الداخلية بالبداية احتاروا بالسبب في الرفض مرة يقولون جنسيتة بس بعدين استقروا على انه مو مقيم وفترة تحويل معاملتي من الداخلية ورجعوها الى الامارة مرة ثانية اخذت اقل من شهر
وكل تحاليلي الحمد لله سليمة وهو بعد
وهو مهندس ويشتغل نائب مدير شركة للتجارة والمقاولات
ووضعه المادي ممتاز الحمد لله
ربي يعطيك الف عافية وجعله بميزان حسناتك

لا شكر علي واجب ....خللي خطيبك يضيفني و انا خطوه خطوه بشرحله ايش يسوي و فين يروح.

و حيث انه سعودي عادي يقدم من الشرقيه .و التحاليل هتكون هنا في الشرقيه برج الدمام الطبي ( مستشفي الدمام المركزي ).

و التقديم يكون بخطاب موجه للأمير مو مكتب الزواج.

السلام عليكم ورحمة الله !

أعتذر لأختي فالسؤال لم يكن موجها لي وإذا لم يكن لديك مانع أختي أجيب على هذه الأسئلة لأني أريد أن أعرف عن حالتي وإذا كان يستطيع أخي - حياتي بتضيع - الإفادة بشأنها . أنا فقط أريد أن أعرف إذا كان هناك أمل في أخذ الموافقة أو نعتذر من الخاطب فلا أريد أن أعلق نفسي بشي أعلم أنه قد لا يتحقق . والعلم عند الله !

أستأذنك أخي بالإجابة على هذه الأسئلة وإذا فقط تستطيع إفادتي إذا كان هناك مجال أو لا .

1- عمري 20 وعمر الخاطب 25 .
2- يدرّس لغة إنجليزية ويدرس في نفس الوقت في الجامعة الإسلامية . وإقامته إقامة طالب . وراتبة من المعهد الذي يدرّس فيه تقريبا حول الـ5 آلاف .
3- لم نقدم على الطلب إلى الآن لبعض الأسباب ولكن قريب إن شاء الله . لكن كلانا خاليان من الأمراض سواء المزمنة أو الوراثية .
4- نعم من قبيلة .
5- بنت لم يسبق لها الزواج .
6- أمريكي وليس من مواليد السعودية .
8- غالبا لن نقدم من الإمارة لأنه له صلات مع بعض الامراء ومنهم الأمير نايف . ولكن الله أعلم كيف سيقدم . وكيف هي الطريقة .

جزاك الله خير وبارك في زواجك .

ربي ييسر لك امورك يا انكسرت فرحتي و ان شاء الله ما تنكسر و لا شي, هو صحيح انه عدم وجوده في الممكله سبب كبير في رفض المعامله, لكن ما عليكي في موضوع الجنسيه انه عراقي او غيره اهم شي انه عربي ,ما قلتيلي طيب الأهم من الأهم...انتي قبيليه ام لا .

معليه حياتي بضيع انا مش من الدمام كيف اعمل بورقة السكن ؟؟ :(
انتا عدت التحاليل في الدمام ؟؟
وهل عندهم تحليل انيميا الفول << خايفه
اسفه على الأسئله الكثيرة

تسلم اخوي على الرد وربي يجعل الفرح دوم بحياتك
نعم قبيلية

اختي طهر ,, شكرا لتوفير الأجابات و تسهيل الطريق علي ,

اولا موضوعك ماهو مستحيل و لا شي بس عشان اكون صريح معاكي,,امريكي ,,,بيزوجوكي من دون مشاكل سواء قبيليه او لا ,,,المشكله الوحيده هي عمرك...يعني لازم واسطه قويه هو اللي يساعده راتبه و جنسيته و اجاده اللغه العربيه..

و ليش الأمريكان بل ذات ما يوقفولهم ...لانهم عندهم اعتقاد انه العرب بيكونو طمعانين اما الأمريكي ماهو محتاج بل بلعكس انتي المستفاده ...و فوق كل شي موافقه ولي امرك سواء كان الوالد او من ينوب عنه في حاله عدم تواجده .

يفضل تسلكي الطريق الرسمي تبع الأماره و بعدي وزاره الداخليه ....اما اذا كان يده مليانه من معارفه فتوكلي علي الله.

خذي راحتك حبيبتي وربي ييسر لك معاملتك ونفرح بخبر قبول معاملتك قريب وجميع الموجودات

طيب لازم تواجده بل مملكه يا اختي العزيزه,,

يقال في القانون انه يسمحو لك انك تقدمي علي الزواج من خارج المملكه و له لفه طويله شويه ..لاني كنت بفكر اسوي دا الشي لما اتعقدت التحاليل ,,,بس ما شفت احد قد سوي ده الموضوع.

و لا ورقه و لا شي... ما يحتاج اي اثبات لسكنك كون انه هو سعودي ...عادي و هو يقدم في الخطاب يكتب انه يعمل حاليا في الدمام.

ايوه لازم تعيدي التحاليل في الدمام انتو الأثنين , عادي لا تخافي انا حامل و زوجتي سليمه و كان في توافق لانه في الدمام ياخدو بل طب علي حسب تنبيهات الأمير محمد بن فهد طول الله عمره.

ايوه عندهم كل التحاليل و الله مافي خوف.

لا تأسفي علي اسئله و لا شي.

ياااااااااااااااااااااارب يسعدك ياحياتي بضيع وين ماوليت وجهك بجد ريحتني الله يريحك دنيا واخره ان شاء الله اخويا يتواصل معاك ونلاقي حل يارب

ان شاء الله موفقه....انا اخو زوجتي واخذ اجنبيه ( هنديه) و من مواليد مكه و راتبه كان 3100 ريال و مشي حاله علي خير بس هي كانت سليمه ....اما انا كنت حامل ثلاثيميا زي خطيب الأخت فيرمزوزا و مشيه عل ال عال في الدمام, دام انه هو سليم و راتبه 3000 ريال و انتي من مواليد المملكه اعتبري نفسك متزوجه يا فواحه بس لا تنسوا تعزمونا علي الفرح انا و زوجتي و يا اما تعطوني عشرين الف او قدر مهلبيه كبير لحالي ....هههههههههههههههههههههه اختارلكم شي .

لو تجي الموافقه الكل معزوم :)

الله سبحانه و تعالي يقول " اني عند ظن عبدي بي" يعن لو ثقتك بالله كبيره و اثقه انه جنبك امورك بتنحل و لو ايش و لا تنسي تقولي " سبحان الله و بحمده " امورك كلها بتحل و بتسهل , هي عباره عن مراحل يا دانه ,,,علي سبيل المثال :

-اللي ماهو مقيم بالمملكه و لا من مواليدها لكن له صله قرابه يكون سهل .
-اللي ماهو مقيم بالمملكه و لا من مواليدها و ليس لديه صله قرابه شويه تاخد وقت لكن ماهي مستحيل
- اللي مقيم في المملكه تكون اسهل من الغير مقيم فيها.
- اللي من مواليد المملكه و مقيم وضعوا اسهل و اسهل و هكذا.

ربي يجزاك كل خير على الرد
يعني لازم اسوي له اقامة؟
من وين ابتدي في استخراج الاقامة وكيف يكون مسمى الوظيفة بالاقامة؟وهل استخراج الاقامة للجنسية العراقية سهل ولا يبغا لها لف ودوران
اعتذر على كثرة الاسئلة

مبررررروك اختي على سلامة تحاليلك عقبال مانبارك لك بخروج الموافقة على زواجك
وتجي هنا وتبشرينا ولاتنسين من الفرحة تعزمينا :)
وربي يطمنك على تحاليل خطيبك