آآآمين يارب واياك يا ساره وكل من له حاجة
______________

هل ممكن المراجعة بالتلفون لمكتب الزواج قسم شرطة جدة؟؟ واذا ممكن احد يزويدنا برقم الهاتف الله يجزاكم خير

اهلين بالعريس
اعتقد ممكن لو عندك رقم معاملة
بس الأفضل المراجعة تروح الهم انا رأي هيك
الرقم مابعرفو لكن ان شاء الله الي عندو الرقم يحطو
____________________

شكرا اختي روما على التوضيح
موعد المراجعة بعد شهرين!!
هل ممكن تكون خلصت قبل الشهرين فاراجعهم مثلا بعد شهر ولا انتظر الى الموعد اللي اعطوني اياه بعد شهرين؟؟؟

السلام عليكم ورحمة الله وبركاته
انا عندي اسئله كتير ويارب الاقي اجابه
اولا : ماهي الاوراق المطلوبه لزواج السعوديه بااجنبي (مصري) من مواليد الامارات وغير مقيم في السعوديه وعمره ما جا السعوديه ؟
ثانيا: مع العلم ان عمري 31 سنه وهوا عمره 29 ىسنه
ثالثا:كيف اقدم علي الطلب من السعوديه
ارجو المساعده

تفضل هذا الرقم
6372255
ولما تتصل اطلب يحولوك لمكتب الزواج

انا مثلك خطيبي مش مقيم
وقدمت على امارة محافظة جدة
تكتبي خطاب للامير تكتبي فيه طلبك بوضوح واختصار وحتلاقي نماذج عالنت للخطابات وتوديه في ملف علاقي وترفقي هويتك وصك طلاق لو عندك مثلا ولو في اي اوراق مهمة تخص مرض او حاجة برضه حطيها لو عندك
كلها اوراق تخصك انتي فقط تكتبي اسم الخاطب وعمره وعمله ومكان اقامته واش جنسيته بالخطاب
او انك تدخلي على موقع الامارة وتقدمي عن طريق النت (الافضل) من وجهة نظري
حيكون لك رقم معاملة عشان تتابعي معاملتك عن طريق النت او مسج جوال او تتصلي بيهم
حتتحول المعاملة للشرطة في حال وافقو وهناك حيعطوك ورق عشان تسوي تحليل زواج من غير سعودي غير مقيم وورقة عشان تجيبي برنت من الاحوال وورقة عشان يوقع عليها عمدة الحي
انا واصلة بهالخطوة لو عرفت شي جديد حبلغك باذن الله بس حسب ما فهمت بعد الشرطة ترجع للمحافظة ثم وزارة الخارجية كونه غير مقيم بحيث يرسلو للسفارة ويطلبو منه تحاليل واوراق ثم ترجع للمحافظة ثم المحكمة بس مش متاكدة من الخطوات

موفقة عزيزتي
دعواتك

من رايي تراجعهم على قد ما تقدر حتى كل يومين ولا كل اسبوع سواء بالاتصال او تروحلهم
افتكر من تجارب البنات في الصفحات السابقة انهم بيتصلو عليهم دايما ويستفسروا عشان ما يهملوا المعاملة

شكرا علي الرد بس مو مطلوب عنه اي ورق اقدمه بس انا معقول ؟ ولا ورق شغل ولا ورق شهاده ميلاد ولا بطاقه شخصيه ولا الحاجات دي حيعتمدو بس علي اللي انا اكتبه ؟يعني ما حيطلبو اي اثبات شخصيه عنه ؟؟؟؟؟

طالب مبتعث
 

السلام عليكم
الله يسعدكم و يوفقكم انا في ورطة ومهموم ولا يعلم بهمي الا ربنا
انا حبيت واحدة اجنبية مولودة ومقيمة في المملكة ولا في حياتها سافرت خارج السعودية وانا الان طالب ابتعاث وابي اتزوجها
اتصلت ع الوزارة الداحلية ما احد يرد عليا واتصالت ع الامارة واحد رد وقالي ما اعرف النظام بس اعتقد انو لازم عمري يكون فوق 25
اش هي الاجراءت والشروط الله يسعدكم لانو اذا ما اتقدمتلها اهلها بيزوجوها واحد ولازم اتقدملها
انا عمري 21 وهي عمرها 20
الله يوفقكم اذا من جد العمر لازم 25 اش الحل فيه حل ولا لا واذا ممكن اتزوجها بهذا العمر اش هي الشروط والاجراءت
شكراا.........

ابشركم الحمد لله في تقدم بسيط في موضوعي ولله الحمد

قالوا انه المعاملة راح تتحول يوم الاربعاء على جدة ان شاء الله

حاليا ما حياخدو منك الا اسمه
لما توصل للخارجية اظن حيطلبو هذي الاوراق عن طريق السفارة
بس حاليا لما تقدمي حتكون كلها اوراق تخصك كونك الطرف السعودي
وانتي ابدي قدمي عن طريق النت وشوفي لو تغير حاجة وزادت اوراق يحتاجوها اعطيهم بس غالبا ما يطلبو اوراقه الحين
بس طبعا حيطلبوها بعدين

وعليكم السلام
الله يزيح عنك الهم والحزن ويفتح لك ويسخرلك لك ما تتمناه
بالنسبة للعمر صحيح بس انا ما عندي فكرة عن الرجل كم المفروض يكون عمره
انصحك تروح لوزارة الداخلية بنفسك وتسأل
الشي الثاني انا كمان مبتعثة ولما قدمت ما قلت لهم لاني ماعرف المبتعثين لهم تقديم او لا فقدمت بطريقة عادية من الامارة وربي يستر
توكل على الله وعليك بالاستغفار ولو انت بالسعودية روح للداخلية والامارة واستفسر بنفسك وشوف كيف التقديم ومن وين
ولو حالك ميسور ممكن تشوف احد يطلعها لك بمبلغ
لا تيأس بتلقى حل بإذن الله
الله يسهل للجميع

الحمدلله ما شاء الله
عقبال ما تتحول للمحكمة يا رب ونفرح بيكم
موفقين يا رب

طيب لو بااقدم عن طريق النت من فين اقدم ايش اسم الموقع وايش اوراقي انا اللي يبغوها ؟؟؟