لا أدري ، ربما .. أنا عانيت من العطش ولكن لا أستطيع التميز .. هل هو بسبب الكيمادرين أم بسبب دواء آخر؟

ولكن الغالب على ظني أنه لايسبب عطش وجفاف.
والله أعلم

السلام عليكم
انا عندي مشكلة بالرغم اني اخذ دواء اولانزابين 10 والله مافادني في شي وغيرت الدواء ولااستفدت ورجعت مره ثانية للأولانزابين عندي هلاوس سمعية وسواس الموت ووسواس الامراض كل فكرة تجيني انشغل طول وقتي معها واجلس امشي في البيت انا تعبت وتعبت اهلي معي ماادري وش اسوي

وعليكم السلام ورحمة الله وبركاته

ما هو تشخيصك ؟

إذا كنت تعانين من الوسواس وثنائي القطب ..
فلازم تاخذين دواء من مجموعة ssri مع دواء مثبت للمزاج.

مثلا سيروكسات 20 وأولانزابين 10

ولكن قلتي أنك تمشين كثيرا .. وهذا اسمه التململ الحركي ..
ويحدث غالبا بسبب الأدوية المضادة للذهان ..

لذلك .. عليك باستبدال الأولانزابين بدواء السيروكويل 300xr

لأنه الدواء الوحيد في مجموعة مضادات الذهان لا يسبب تململ حركي.

فمن رأيي أخذ السيروكسات 20 مع سيروكويل 300xr .

والله يشفيك وجميع المسلمين.

فاقد
جواهر

وينكم ...

أهلين رهابي وش اخبارك

الحمد لله.

رهابي بسألك هل أنت مُدخن؟

يقولون ..... اكثر إدمان منتشر بين مرضى الفصام إدمان النيكوتين. 90%من مرضى الفصام مدخنين

وفوق كل ذي علم عليم ،، موضوع روعة وشامل جزاك الله خيرا .

هلا رهاااابي الحمد لله صرت مهتم في العود و الموسيقى
نسيت نفسي

غير مدخن

كويس ماشاءالله اجل انت من الـ 10٪ 😂

انا كنت ادخن تركته قبل 6 سنوات الحمد لله

كويس انك تركته احسن شيء سويته

انا عندي الاصوات تروح و ترجع بمستويات مختلفه
من ايام

رهابي كيف نومك تنام زين؟

انام ٦ الى ٧ ساعات

متواصله

قبل كان مقطع

غريبه رجعت لك الاصوات وانت منتظم ع علاجك وتنام زين
كلم دكتورك

ورهابي بسألك
اذكر أول تقول ودك تنتقم من بعض الناس الي سببو لك أذيه وطبعا مجرد احساس مابتسوي لهم شيء .

هل باقي تفكر فيهم ولا نسيتهم

لا بهذي النقطه اقل عن قبل

ما رجعت نفس قبل يعني

تروح و تجي

بما انها تروح وتجي يمكن تعرف وش السبب الي يخليها ترجع يعني لارجعت لك يمكن انت وقتها تكون مانمت زين او تسوي شيء وترجعلك

وقيسها بعد وقت ماتروح عنك كيف يكون نظامك وقتها وش الي خلاها تروح يمكن فيه شيء تسويه تخليها ترجع

تدري رهابي انا ماجربت اسمع صوت والحمدلله للأن وضعي طبيعي

بس احيانا افكر اخاف اني اسمع اصوات او اشوف اشياء اخاف اوصل لهذي المرحله ماراح اقدر اصف شعوري وقتها
عشان كذا انا مره ملتزمه على العلاج والرياضه والاكل الصحي

في حال وجود الناس معي اسمعهم يشتموني او ينتقدوني او ناويين شر او يقللون من قيمتي .. الخ

و انا اتنرفز و ممكن يكون لي رد فعل


هذا قبل

اما الان اسمعهم و لكني اتجاهل ما يكون فيه سؤال او رد مني اصوات وهميه اتجاهلها لكن لحظتها اتنرفز و بعدين اهدأ و اقول يمكن صدق او وهم

الاصوات هذي اكيد كلنا عارفين انها من الاختلالات الإدراكية الي ممكن كلنا نمر فيها ، طبعا هي مو حقيقيه ابدًا ابدًا لكن صعب احيانا نقنع انفسنا ان كل شيء يصير مو حقيقي . انا قبل كنت أعتقد ان الإحساس مو احساسي كنت اعتقد ان احساس مثلا السعاده او الحزن الي جواي مو احساسي هذا احساس احد عائلتي او صديقاتي لأن لو أفكر فيها اكون جالسه ماعندي شي فجأه يجيني شعور واحساس قوي غريب ف كنت صعب اقنع عقلي انه مجرد وهم ، لكن العقل البشري مُعقد جدا جدا العالم ما اكتشف الا اقل من الربع في العقل البشري وكيف يعمل !
ف ممكن فيه اشياء بالعقل للأن العالم يجهلها تخزن معلومات او أحاسيس غير مهمه ولا يُطلقها العقل لكن ممكن يتعارض تخزينها مع الأشخاص الي مصابين بالذهان ف يصير العقل يُخرج و يُطلق سراح هالأفكار الغريبه والهلاوس والأحاسيس كأنها من اشخاص نعرفهم لأن صعب عقلنا يجبرنا نقتنع ان هذي مجرد عقل باطني او من افكارنا . ف تصير تطلع هالأفكار والأصوات بعقولنا وكأننا نسمعها من الاشخاص حوالينا وطبعا بالأخير كل الي نعيشه وهم .

شعور صعب ان نصف حياتك مبنى على وهم لكن اذا اكتشفنا المرض كيف ينشأ وكيف تخرج هالهلاوس بينحل جزء كبير من المرض الي نعيشه ، الله يشفينا ويشفي جميع المرضى

اختي خايف من كرونا نفسي اطلع للرياض وحدي اغير جو
مليت في جو الديره
سمعت يقولون في عقار للكورونا بعد شهر مدري صحيح ولا لا

عموما راح تنتشر كورونا كثير عندنا اذا رجعت المدارس اذا مافي لقاح

هلا فاقد

إلا فيه لقاح بس للحين ما طلعوه يقولون بعد شهرين بيطلع رسمي .

ومن ناحية سفرك للرياض ما انصحك والله مررره حر موت

يقولون بعد شهر كذا بيخف الحر. اذا تبي تسافر روح لأبها او الجنوب. الاجواء تفتح النفس هناك ودي اسافر لها ان شاءالله

طلعت قبل يومين الصبح اخلص مشوار لي والله دخت من الشمس 🌞

انا بروح ابحث عن عود بالرياض
ما اقصد اني بروح مولات او بروح منتجعات و حدائق

اجل تعال. بتنور الرياض والله

وماشاءالله وش عندك صاير تعزف

ايوا انا اعزف من زمااان من قبل ما يزود مرضي

بس بروح البطحاء وخياف يقولون كورونا منتشره هناك

كيف انتم متعايشين يعني كمام وقفاز ومعقهم ؟
ولا برضو ماتنفع

كلميني عن حياكم بالرياض مع الكورونا

والله شوف البطحاء ماتنفع كلها عمال

ومن ناحية احتياطاتنا ناخذ كمام ومعقم بس واذا لمست شيء أعقم يديني ،، واحيانا نطلع نتعشى بمطاعم واكثر من مره اروح المولات والحمدلله الحافظ الله

اذا تبي تجي استودع الله نفسك وتعال
واذا مو مهمه شغلتك عادي أجلها لبعدين

قالي اخوي اصبر لين تفتح المدارس

كم باقي للمدارس

خلاص مابقى شيء ، شهر 1 تبدا

والله راح تنتشر كورونا اذا ما نزل اللقاح

اييي والله صادق

‏الى الغالين على قلبي ❤
‏مبارك علينا وعليكم العشر
‏اسأل الله :
‏أن يبلّغَكُم العشر من ذي الحجه وأنتم بأتم صحةٍ وأكمل عافية..
‏وأن يجعلَ حظّي وحظّكم منه القبول والغفران وحُسن القيام،
‏وأن يبلّغنا إيّاه دهوراً عديدة وأعماراً مديدة في طاعةِ الله ..💛💛

كل عام وانتي بخير اختي
تصدقين خايف من كورونا والشي الثاني عندي خفقان مع اني
مخفف ليبونكس بس مدري شكلي بروح طبيب قلب
والتنفس عندي بطئ وخايف من الموت

سو تحليل شامل .. وأهم شي الغدة الدرقية.

والله يشافيك وجميع المسلمين.