|
اليوم تم تعيين امام جديد بالحرم
اسمه الدكتور بندر بليله اتوقع انه حجازي كتور في جامعة الطائف وامام مسجد في مكة وهذي تلاوة له http://www.youtube.com/watch?v=V4lgCwvHyKc |
صوته مطمئن ومريح جداً ماشاء الله
|
مستكفه وينها غايبه :
|
مختفية لها كم يوم يارب تكون بخير
|
|
الله يرفع عنكم الاكتئاب
الحياه حلوه لو مافيها اكتئاب الله يكفر ذنوبنا به ويرفع عنكم البلاء أسأل الله أن يفرج كربنا آمين |
حلّقوا فِي سَماء الأمل ; وتنفسوا التَفاؤل فالحَياة لا تبتسمُ لِشخصٍ لا يبتسمُ لہَا
|
أوجاعنا ساذجہ بالنسبہ لأوجاع من سرق منہ وطنہ وأنتهك عرض أهلہ وشرد .. وبقي بلا مأكل ومشرب أوجاعنا جدآ ساذجہ (( اللَّهم أنصرهم عاجلا غير أجل"
|
اللهم امسح على صدري بِ رحمَة منك ولا تدَع لي حُزنًا يقلق مضجعي ولا همًا يسَرق النوم مِن عيني ولا بكَاء يُرهق روحي
|
كل الشكر لــ شفيق ع المقطع و الخبر الجديد و للنور خليك كذا و انثري باقات التفاؤل للأنفس الحزينه و مشكوره يا سارون و ما تشوف شر يا بو ناصر و هنيئا لك يالمنقذ و شدة و تزول بإذن الله
بخصوص مستكفه فأرجوا أن تكون بخير و تمنيت انها ناحت كالورقاء ع العموم عندما سألت عنك في الصباح http://kaizuland.com/vb/attachment.p...1&d=1277210962 كان فوقي بالتمام لمبتين عليها غطا مثل الصوره و كانت والعه و لمبتين أخرى بغطاها لكنها طافيه و الحمدلله إنها بعيده عني لأني عندما أعتمدت مشاركتي لك طاح غطاها ظنيت بعدها السقف بيطيح لكن الحمدلله كانت غطا اللمبه الطافيه و ما كانت اللمبه اللي فوقي http://www.nafsany.cc/vb/images/ehda..._s%2810%29.gif فسرت الموقف كالعاده قلت ان هذا يدل ع البقاء و العطاء رغم الألم ! ( و ماراح من الجميع في الماضي و ما يروح في المستقبل إلا شي لا قيمة له و بيعوضنا ربنا بدايله !) ( و يبقى للجميع عطاءهم مهما يقبل الظلام فهناك النجوم و القمر و لا بد للظلام من فجر يبدد آلامه ! أليس الصبح بقريب ! |
كن سعيداً
- الإيمان والعمل الصالح هما سر حياتك الطيبة ، فاحرص عليهما . - اطلب العلم والمعرفة ، وعليك بالقراءة فإنها تذهب الهم . - جدد التوبة واهجر المعاصي ؛ لأنها تنغص عليك الحياة . - عليك بقراءة القرآن متدبراً ،وأكثر من ذكر الله دائماً . - أحسن إلى الناس بأنواع الإحسان ينشرح صدرك . - كن شجاعاً لا وجلاً خائفاً ، فالشجاع منشرح الصدر . - طهر قلبك من الحسد والحقد والدغل والغش وكل مرض . - اترك فضول النظر والكلام والاستماع والمخالطة والأكل والنوم . - انهمك في عمل مثمر تنسَ همومك وأحزانك . - عش في حدود يومك وانس الماضي والمستقبل . - انظر إلى من هو دونك في الصورة والرزق والعافية ونحوها . - قدِّر أسوأ الاحتمال ثم تعامل معه لو وقع . - لا تطاوع ذهنك في الذهاب وراء الخيالات المخيفة والأفكار السيئة . - لا تغضب ، واصبر واكظم واحلم وسامح ؛ فالعمر قصير . - لا تتوقع زوال النعم وحلول النقم ، بل على الله توكل . - أعطِ المشكلة حجمها الطبيعي ولا تضخم الحوادث . - تخلص من عقدة المؤامرة وانتظار المكاره . - بسِّط الحياة واهجر الترف ، ففضول العيش شغل ، ورفاهية الجسم عذاب للروح . - قارن بين النعم التي عندك والمصائب التي حلت بك لتجد الأرباح أعظم من الخسائر . - الأقوال السيئة التي قيلت فيك لن تضرك ، بل تضر صاحبها فلا تفكر فيها . - صحح تفكيرك ، ففكر في النعم والنجاح والفضيلة . - لا تنتظر شكراً من أحد ، فليس لك على أحد حق ، وافعل الإحسان لوجه الله فحسب . - حدد مشروعاً نافعاً لك ، وفكر فيه وتشاغل به لتنسى همومك . - احسم عملك في الحال ولا تؤخر عمل اليوم إلى غد . - تعلم العمل النافع الذي يناسبك ، واعمل العمل المفيد الذي ترتاح إليه . - فكر في نعم الله عليك ، وتحدث بها واشكر الله عليها . - اقنع بما آتاك الله من صحة ومال وأهل وعمل . - تعامل مع القريب والبعيد برؤية المحاسن وغض الطرف عن المعائب . - تغافل عن الزلات والشائعات وتتبع السقطات وأخبار الناس . - عليك بالمشي والرياضة والاهتمام بصحتك ؛ فالعقل السليم في الجسم السليم . - ادع الله دائماً بالعفو والعافية وصالح الحال والسلامة . |
ونعم بالله ي اخي الله يشفيك الله يشفيك ي اخي يارب
|
جواهر ثمينه و عطاء متواصل !.
الله يسعدك يا محمد و لا يحرمنا منك !. و يسعدك يا أم عبدالله و لا يحرمنا منك !. |
اخواني شفيق في ورطة
الاسبوع الجاي لازم اداوم لانه الاجازة خلصت الي يعرف احد يدبر اجازة خمسة ايام او ثلاثة ايام يبشر بالسعد |
لا ياشفيق سير الدوام
يمكن لأني تركت العمل بسبب معاناتي الحمدلله على كل حال الله يعوضني يارب |
هلا والله بنت الظبي لك مدة غايبة
كيف امورك ان شاء الله بخير بالنسبة للاجازة اختي انا متعود من خمس سنين كل رمضان اخذه اجازة من المستشفى لكن السنة هذي ما قدرت ادبر الاجازة قمت واخذت من رصيدي وخلص الرصيد وباقي خمس ايام ثم عطلة رسمية من الدولة وشكلي باداوم والشكوى لله ان شاء الله تحصلين دوام وتكوني مرتاحه فيه بصراحة جربت الجلوس والاجازة الفراغ يزيد المرض ويصير اليوم طويل جدا وفاضي وتحس الناس تروح وتجي وانت جالس في البيت ان شاء الله بعد رمضان اشد حيلي واضبط دوامي والله يعين ----------------------------------------------------------------------- اخوي الم وينك ما تبين وش مرضك تصدق ما عرفت لحد الحين وش مرضك وهل تاخذ علاجات وكيف وضعك |
-----------------------------------------------------------------------
اخوي الم وينك ما تبين وش مرضك تصدق ما عرفت لحد الحين وش مرضك وهل تاخذ علاجات وكيف وضعك[/QUOTE] أميل للعزلة و أبعد عن الناس ما أبي عيون الناس تنظر لحالي قلبي من الأحزان تايه و منحاس و عيني تهل الدمع يا عزتا لي ما عدت أواطن عقب فرقاك جلاس من حزني الي ما عطاني مجالي جو السعاده لي تبدل بالاتعاس من يوم عني ؟ أبعدتك الليالي أصيح باسمك كل ما هب نسناس لجت بريحك لي هبوب الشمالي و اذرف دموع الوجد واقول لا باس و من القهر تصفق يميني شمالي عزت علي فرقاك يا عدم الأجناس مالي عقب فرقاك داله و سالي حبك بقلبي ماله حدود و قياس حبك حياتي و شوفتك راس مالي أميل للعزله و أبعد عن الناس (( الله يرحمهم و يسكنهم فسيح جناته )) http://www.youtube.com/watch?v=Onh2QTqYgMk شفيق : لا تركز فوق علم همك علم ، و تصبح و تمسي و طعونك دبل . ki8ds4 |
شفيق الغالي :
لا تركز فوق علم همك علم ! و تصبح و تمسي و طعونك دبل . |
شفيق
اليوم كنت معزومه على فطور بيت صديقة اختي وأنا رفضت الصراحه ان اروح، المهم هي لبست وقالت على راحتچ في آخر لحظه لبست ورحت معاها، واتعرفت عليهم وبوادر الهلع جتني، قلت انا قايله مابطلع على هالحاله المهم فطرنا وسوالف وعقب نسيت نفسي ونسيت الهلع ظلمت نفسي بالمواقف اللي تصير واتعرفت عليّه وحده تسألني ان كنت موظفه وحكيت لها عن نفسي بصراحه وقالت الله بيوفقچ لا تحاتين ووحده ثانيه قالت زين طلعتي بس تصدق شفيق في البيت اكثر أوسوس واذا طلعت الهلع يبتدي فلازم ابحث عن وظيفه عشان ابعد الوسواس ومافي مشكله الهلع بنشوف له صرفه .... |
اقتباس:
صدقيني الجلوس في البيت هم وغم حتى لو جبتي واحد صاحي ما فيه شي وخليته في البيت مدة ما يطلع بتشوفين ان صار مصرقع من الملل اختي اطلعي غير جو اما الهلع لا تفكرين ولا تحاتين اطلع واغصبي نفسك وقول لن يصيبنا الا ما كتب الله لنا ورددي الله خير حافظا وهو ارحم الراحمين و المهم انك شوي شوي تتعودين على الطلعه من البيت انا ما اطلع من البيت الا نادر لكن الوظيفة تخليني مشغول واشوف الناس واعرف احوالهم واغير شوي من الجو واقاوم الله يسعدك ويفرج عنك |
اقتباس:
ما أبي عيون الناس تنظر لحالي قلبي من الأحزان تايه و منحاس و عيني تهل الدمع يا عزتا لي ما عدت أواطن عقب فرقاك جلاس من حزني الي ما عطاني مجالي جو السعاده لي تبدل بالاتعاس من يوم عني ؟ أبعدتك الليالي أصيح باسمك كل ما هب نسناس لجت بريحك لي هبوب الشمالي و اذرف دموع الوجد واقول لا باس و من القهر تصفق يميني شمالي عزت علي فرقاك يا عدم الأجناس مالي عقب فرقاك داله و سالي حبك بقلبي ماله حدود و قياس حبك حياتي و شوفتك راس مالي أميل للعزله و أبعد عن الناس (( الله يرحمهم و يسكنهم فسيح جناته )) http://www.youtube.com/watch?v=Onh2QTqYgMk شفيق : لا تركز فوق علم همك علم ، و تصبح و تمسي و طعونك دبل . ki8ds4[/QUOTE] اخوي الم الله يبعد الهم عنك ان اعرف زين انت في قلبك غصه الايام هذي ومب على خبري بعنا في السوق اخوي تراك غالي لكن مطمئن لاني اعرف قوي وصبور الله يفرج الهم |
الهم زايد اليوم والضيق و التوتر مدري وش السالفة واحس بغصة في الحلق كانها حبة بندول عالقه في الحلق والوكاد ان البلاء لعب فيني الخاطر ضايق لا رفيق ولا خوي يا رب سترك وعفوك |
COLOR="Blue"][/COLOR]
اخواني وشلون اغير لون الخط ويصير دائم على لون معين |
خلاص عرفت ما قصرت اختي بسمة الغد
|
شفيق اجبر نفسي على الطلعه
المشكله اللي حواليك يفتكرووون انك تبالغ في الخوف لكن الله يرحمنا برحمته المهم انا قلت بطلع ولو جاني الهلع امام ناس لا اعرفهم بفكر شو أرد عليهم شفيق تدري لو تحصل وظيفه من تدخل لين تطلع ماعندك وقت فاضي يمكن يكون احسن |
اقتباس:
على فكرة انا اذا جاني هلع او خوف او تلعثم في الكلام امسك بطني واقول يقولون وش فيك سلامات اقول القولون متعب شوي وانا داخلي محترق واصرفهم اقول بمشي شوي يمكن يخف واذا تعديتهم جلست اذكر واستغفر بعض الاحيان اجي للدوام الحزن والخوف مبين على الوجه اقول سهران جاي مواصل احاول اصرف الموضوع في الاخير الواحد لازم يقاوم خذي الوالدة روحي سوبر ماركت تمشى روحي سوق امشي على البحر والله ناس واجد يمدحون المشي يقولون له فايد كبيرة على النفسية الحكرة في البيت تجيب المرض والاجر على الله |
الله يعطيك العافيه
خلاص اعتبر انه الهلع موضوع قديم وان شاء الله مايعود لك وانا اسير اتمشى وأغير جو :) |
اهداء للي في بالي
ساعات أحس أن الزمن قاسي ، قاسي و لا يمكن يلين و ساعات ، و ساعات أحس أن الفرح لا حان و لا يمكن يحين هذا ألي شفته في دنيتي كل ما مضى لي من سنين يا من يعلمني الفرح و يفرح القلب الحزين أشكي مرارة حيرتي في دنيا ما ظني بـ تزيد و اذا بدء بعيني الأمل تجد احزاني و تبيد روح زماني و انتهى و ترك لي الجرح الدفين دنيا كفا الله شرها ، تخلي كل قاسي يلين |
كبرتني ياهم ..
...... دخيلك قول لدنيا أنا عمري الحقيقي كم ................................................. .كم؟ كبرتني ياهم .. .....تروح سنين من عمري تضيع وما احد مهتم! .................................................. مهتم! ماعاد لي فيها أمل .. ................. هالدنيا هذي يوم عمري ذبل حلمي انقتل .. ................. فرحي غدا معدوم ابعرف وش سبب حزني .. ................ ابعرف وش سبب الهموم كثير أحزان في الدنيــا .. ................. سببــها دعوة المظلــوم أمانة يا اللي سامعني .. ................ اذا انــي ظلمتك يــوم تعال وقول مسامحني .. ................ ترى والله جفاني النوم وحالي صار حالي غم .. ................ كأني ما دعتلي أم وكل ليلة تمر أقول .. .................. كبرتني ياهم ! ........................كبرتني ياهم ! ........................... كبرتني ياهم ! أنا ماعشت ابد سني .. ................. ولا حسيت غير الآه احس عمري رحل مني .. ................. واحلامي رحلت وياه زماني يروح ويذبحني .. ................. واعاني من التعب والقاه واقول الله يعوضني .. ................ لي الجنـــــة بـــإذن الله ! |
تقبل الله صيامكم
|
يا الم زدت الالم فيني
هيضت مشاعري وهي هايضه يجيني شعور ودي اسافر بعيييييييد ابي اجلس لحالي وعطوني المصلى واتركوني مابي ضجه هالناس وزحمتهم ابي لحالي .. أحلالي |
شفيق جربت الحجامه ؟
|
هلا والله بنت الظبي
ايه سويت حجامة قبل رمضان بيومين سويت حجامة اسمها شاملة يمكن اكثر من خمسة عشر موضع الراس ثلاث والباقي في الظهر وكانت تجربة حلوة ومفيدة ومنشطة لكن ليست علاج كنت مرتاح جدا لمدة يومين بعد الحجامة ورجع الوضع زي الاول ناوي اسويها ثانية بعد شهر ان شاء الله لكن بسويها ثلاثة مواضع في الراس و ثنتين اعلى الظهر وثنتين اسفل الظهر والله الشافي |
لا اله الا الله
الا بذكر الله تطمئن القلوب |
على فكرة انا متبع نظام رقية لكن وقفت في رمضان
ناوي بعد العيد ان شاء الله وكتب لنا حياة اتباع برنامج رقية وهي : المحافظة على الصلاة في المسجد المحافظة على اذكار الصباح والمساء بصوت مسموع قراءة سورة البقرة كل يوم والمغرب من كل يوم بروح لشيخ يقرا علي واسوي حجامة كل شهرين |
هلا اختي سارون ان شاء الله تكوني بخير
رمضان يودعنا الله يجعل صيامنا مقبول |
مرحبا بك اخي شفيق
نسأل الله ان يبلغنا قيام ليلة القدر ايمانا واحتسابا وان يتقبلها منا ويتقبل منا صيام هذا الشهر الكريم حزينة وداعية الشهر الفضيل |
اقتباس:
لكن الله يعيده علينا بخير وصحه |
ماشاء الله شفيق
بس يوم تروح للشيخ مايسألك ليش اقرأ عليك دايما ؟ |
اقتباس:
|
| الساعة الآن 09:00 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا