![]() |
اعلن رحيلك قدر الامكان
بس بفراق يكون باسلوب هادي ما ودي بفرقى الم ودمع واحزان ودي يكون فراقنا بشكل عادي |
اذا طلع لك قلب وعرف تشتاق
تعال دورني تلقاني مكاني وان كان قلبك نايم ما بعد فاق خله الين يفوق مع جرح ثاني ابشرك ما عاد يوجعني فراق واقسى وجع فيني يزول بثواني |
*تفضل وابتعد عني... ولايجي يوم تذكرني...
انا بس اللي قاهرني... غلاك اللي سكن فيني |
*لاتجبر الناس ينسون اخطائك..
علم نفسك وشلون ماتخطي عليهم |
*لو تبي تزعل وأنا ما أخطيت
ازعل وابتعد ما دامت الدنيا كبيره |
*هديت عرش الحب بيديك ... تبيعنا واليوم تبكي علينا..
ذاب الحنين بعين وقلب يراعيك... مثلك على النسيان والله قوينا.. ابحفظ عزة النفس ما ابيك... بالناس نلقى من نبيه ويبينا |
*ياللي تذكرني بحب نسيته...
اللي مضى هو حب حتى اني انسااااااااه؟؟ |
حبيتك وهجرتني
أغليتك وبعتني من فينا الظالم ومن ياتري فينا المظلوم |
آسف إذا لك قلت انسى زماني
مهو بيدي قلبي اليوم ناسيك حبك نسيته يوم قلبك جفاني أبعد وانا أبعد ولا لي بطاريك شلون احب انسان طبعه اناني لا مايصير تبيع فيني واشريك اتبع طريقك خلني في مكاني يكفي جروح منك الله يخليك ياما بكيتك لين دمعي نساني ياما ترجيتك ولا فايدة فيك الحين جيت تقول انسى عشاني جابك زمانك خلك اليوم (ما أبيــــــــك).. |
لا صار هذي سواتك راح تخسرني
ما عمر أحد راح من كيفه وناديته عند الكرامة أبيعك وأنت خابرني الله وكيلك ترى كل شيء مريته كأنه هجر بسلامه روح وأهجرني أخوي وهو أخوي لا صد عني ما ترجيته |
تحسبني ميت عليك؟
صدقني تراك غلطان.. احبك انا قلتها صحيح! بس ترا وش كثرها بهاالزمان.. هي كلمه زيها زي غيرها عند الناس صارت دايم تنقال.. اي نعم مني سمعتها! بس تراني مااعتبرها الا زلة لســـــان |
أي محبه وأي عشره وأي حنان؟؟
وأي شوق اللي انت تتكلم عليه؟؟ يعني واثق ان باقي لك مكان؟؟ وإن قلبي يرد لو ترتجيه؟؟ قلبي اللي غلطته حبك وصان لو يصافح قلبك كنت اقطع له ايديه اي محبه بعد مافات الأوان؟؟ اي حنان اللي تبي تعوضني فيه؟؟ وين كنت يوم انا احتجتلك زمان؟؟ وين حبك يوم انا ميت عليك؟؟ روح للي لأجله بعت الحب زمان بس لاتنسى تسلملي عليه |
انا مابيك تهواني ولاعن حالتي تسأل
ابي تبعد وتنساني ابي عن دنيتي ترحل تراك اتعبت لي قلبي تطاردني هنا وهناك اذا كانك تبي قربي انا آسف ابي فرقاك |
محال ان طحت من عيني ترد انت وانا اصحاب
انا يا صاحبي لي عين عن الزلات ارفعها حقيقه ما يشرفني اصادق واحد كذاب انا ايدي واهي ايدي اذا تخذلني اقطعها |
انا انسان مع نفسي قبل ماكون معك انسان
لي مبدأ ولي نظره تحكمني قناعاتي احب الصدق واعمل به كسبت او كنت انا الخسران ولو صدقي يخسرني تشرفني خساراتي |
ماجيت يمك اطلب اليوم تبرير
ولا جيت أبشكي لك زمان الهواني شفت الأذى منك ومن دون تقصير زدت الجروح اللي سببها حناني النفس طابت ما تبي منك تفسير لا تحسب اني ارتجي من نساني |
لو عيوني تذرف الدمـع الحزيـن
لاتظن اليـوم لـك قلبـي يعـود مات حبك وانتهـى كـل الحنيـن بعد غـدرك لاتظـن منـي ردود صابني هوجاس في قلبـي لعيـن ماهقيت ان الغـدر منـك يسـود يتركك تلهـى وتلعـب بالسنيـن لين ترجع تكتشف مالـي وجـود الحقيقـة تكشـف السـر الدفيـن الخيانـة مالهـا عنـدك حــدود الخيانـة اصبحـت علـم اليقيـن وسرك الغامض توضح في الوجود |
ما زعلت الا بعد ماتماديت بخطاك ..
تحسبيني كل مره اقبل لك عذر لوتقول اللي المفارق هذا دربه وجاك .. بس ((انا)) بنصحك ياصاحبي خلك حذر النظيف لامن عطيته يبين به عطاك .. والقذر مهما عطيته يبقى لك قذر |
عذري معاي ان قلت روح ما ابيك
ماعاد لي قلب يهلي بطرياك ياللي بحياتي (كنت) مدري شأسميك (كنت) الحياة بكبرها كل ما ألقاك (كنت) المسا لاناموا الناس اسريك (كنت) الامل بعيون منهو تمناك واليوم لا والله ما ابيك ما ابيك لا ابي اترجاني ولا انا اترجاك جمعت باقي ذكرياتك وابرميك للوقت يمكن مع الوقت انساك |
اللي تحبه يارفيقي وتغليه ..
لو غاب عنك من تحط بمكانه لو كل واحد نسى جرح غاليه .. ماكان به غالي تذكر زمانه خله عشان الوقت لابد يربيه .. عشان يعرف قيمتك مو عشانه الكون واسع لاتجاري خطاويه .. يلقي بدالك وانت تلقى مكانه |
الا بخطي ثم بخطي وبخطي ..
انا بشر ماني عن الذنب معصوم ماهو صحيح اخذ معك دوم واعطي .. واليا حصل شي بيننا صارت علوم واااجد عيوبك لكن استر واغطي .. اخاف لانخسر بعضنا على يوم |
ما قلتلك هالوقت قاسي ودوار ..
تشين لو زانت ليالي دهرها هذا انت غبت وفرقت بيننا الاقدار .. جت منك والاحلام كلن خسرها انت السبب يامرخص كل ماصار .. احساسك الميت هو اللي دمرها |
متى ماجتلك على الكيف اتصلت !!
ومتى ماودك كذا ماتتصل !! ومتى ماطقت براسك زعلت !! حتى لو مابه داعي للزعل !! واثر يوم انك تتعمد ما سألت !! اثر لك احباب عن حبي بدل !! |
قالت بمشي،،قلت عفوا على وين ؟!
قالت بقفي،،قلت مرواح جدي وش صار يعني لابغيتي تقفين ؟! بموت يعني لانويتي بصدي ؟!؟ (( "انا" قوي الباس ماني بمسكين !! واموت في شي اسمه "تحدي" )) ((انا)) العزيز ولاهمني لو تجفين !! بترجع "ذليل" وتحب راسي ويدي |
ماعاد ينفع لو تعذرت ورجعت ..
فات الاوان وقل قدرك وشانك وشلون اسامح وانت في الود قصرت .. وبعت الرفيق اللي وفالك وصانك والحين جاي تقول نادم وفكرت .. خل المحبه وانت خلك مكانك |
راح الزمان اللي من اول تبيني ..
يومك على الشده واللين وياي والحين عقب الظروف اللي فيني .. ومن عقب ما حبك بشراييني ودماي لاحاجتن منك ابيها تجيني .. ولا شي شين(ن) بذكره عقب مسراي |
منك نتعلم لعبت الصد ونصد ..
مادام قلبك والليالي علينا منك نتعلم كيف مانحفظ الود .. (( وتشوف منا ماتسويه فينا )) والحين لازم تاخذ المسأله جد .. علمتنا نقسى وشفنا قسينا |
ابشرك ماعاد يوجعني فراق ..
واقسى وجع فيني يزول بثواني عودت قلبي اذا حمل هم او ضاق .. ارمي وما اسأل عن اللي رماني عودت نفسي للمتاهات ما انساق .. ولا اسيل دمع عيني و اعاني خل الحياة تروح للعمر وارزاق .. يمكن مع الايام يضحك زماني |
لاعاد تسأل عن مصيري وتشتاق ..
فكر بنفسك لايهمك ضياعي يمكن نعاتب بعضنا يوم الفراق .. لكن عتاب ما وراه انتفاعي مايستمر حب الرسايل والاوراق .. صعب يجي بعد الفراق اجتماعي |
كان الشعور اللي بقلبي شعورك ..
وضح وعطني لي دليل وبرهان احترت في بعدك ووجودك .. ودي اعرف الشوق لا صرت ولهان ماني بندمان ليا قلت ناسيك .. ولا قد ندمت الا على حاجه وحيده اندم على قصايد لاقلتها فيك .. وانت فلا تسوى في قصيده |
لاعاد ترجاني ولاني براجيك ..
والكل منا جعل دربه سلامه لاعاد اسولف بك ولاجيب طاريك .. وانشهد ان بعض المعرفه ندامه قلبي من اول يودك ويغليك .. وعن خلق الله ترفعت هامه واليوم عذال الهوى شرعوا فيك .. حطوا على عينك سواد الغمامه لا تحسبي في قصيدي انا اجيك .. عن حبنا اللي راح واقفى غرامه حبك تحطم وانتهى بين اياديك .. قصر الغرام اللي بنيته هدامه |
إهي مره وكم مره عليه تكثر الغلطات ..
اطوف زلتك دايم ومن شانك امشيها اكرر رقمك الجوال لاهي مره ولامرات .. يجاوبني على المغلق او الخارج مغطيها تجيني مجمع اعذارك اصدقها وهي كذبات .. وأصبر نفسي بنفسي اكحلها وتعميها |
كنت بعيوني أغلى من كل هالكون..
واليوم والله إنك رخيص وتهون.. كنت أذكرك و العقل يسلى فيك بجنون.. والحين لو مريت كأنك طيف تعدى العيون.. |
الجسد موجود والروح ارحلت!!
والزمن غدار،، لكني صبور.. عيني اللي من عنا الوقت أدمعت.. حزنها ياخوي شيد له جسور.. وحدي بدنيا بها روحي اطلعت.. فاقد الاحساس ماعنده شعووور.. الهوى مابيه، أنا روحي اشبعت! & وش يفيد الجرح لووو كـــلي كســــــــور؟!& |
برحل وبترك لك بقايا أمانيك، وغدرك عذاب حال دوني ودونك،، وخل الرفيق اللي غدر بي يسليك,,
واذكر ترا من خان لأجلك يخونك!! |
ابشرك جرحك ثمن غلطتي فيك
ولا انت ما تجبر على حبك انسان اليوم لا بشكي ولا بندم ابكيك فعلك مضارع بس حبك خبر كان على نجاح الدور والفلم اهنيك انا اشهد انك كنت بارع وفنان حطمت من يهواك دايم ويغليك |
وصفك نسيته بس .. باقي ملامحـك ... بنهيـك وانهـي .. بالنهايـة جنونـك
ماتستحـق (امـد) كفـي واصافحـك ... مثلك غلط عمري .. وابحيا .. بدونـك لكن خسارة صرت غايـة مصالحـك ... ياليتنـي ماجيـت .. لحظـة بكونـك واليوم من صفحة حياتـي ابمسحـك ... هديت صرحـك ثـم طاحـت اركونـك |
مالي مزاج..
ارجع اقلب دفاتر.. اوراقها تجريح.. وسطورها عتاب.. مالي مزاج.. انظر لصورة قديمه فيها الملامح تضحك.. بوجه كذاب.. |
خلنا نفترق
ولا تنسج لي اعذار ولا ارسم لك اسباب نقول نصيب ونكتفي وياما فرق هالنصيب احبــاب |
اختلفنا في وجهة نظر..
ليه ياخلي الزعل!؟ الحبايب تختلف.. وماهي تالية العمر.! ليه ياخلي الجفا!؟ الكلام أخذ وعطا.. ليه ياخلي القطيعة!؟ ومن شراك أنت تبيعه.. |
الساعة الآن 10:51 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا