احد يخبرني كيف نقابل الوكيل السالم اي يوم ؟؟؟

اللي يعرف يخبرني الطريقه

طيب ايش سبب الحفظ ؟؟؟

الحمد الله بخخير انتي كيفك
كويس الحمد الله انها طلعت من الشرطه
لاهنتي اعطينا الرقم والتحويله هههه

انا للحين معاملتي بالحقوق العامه واتوقع راح تطول فيها

مبروك الف مبروك بريق الذات
وعقبال الجميع ان شاء الله

حسببي الله عليهم ، اجل ايش سبب الحفظ ؟
ياويلهم من الله .

حسبي الله ونعم الوكيل

بجد حسبي الله عليهم واحد واحد

راح يذوقوا اللي ذوقناه

ربنا راح ياخدلنا حقنا منهم باذن واحد احد

ربنا اقوى مننا ومنهم


حسبي الله علييييهم الله ينتقم منهم

بكرا ان شاء الله بعرف السبب الخنفشاري حقهم اللي يحفرو له الارض علشان يطلعوه .


حسبي الله وكفى

ماشاء الله .. ألف ألف مبرووووووك .. الله يتمم لكم ع خير ..

اخبار المنتدى اليومين دي تفتح النفس fewewed

السلام عليكم

الله يوفق الجميع ويسعد الجميع

انا معاملتي زواج من مقيمة مولودة بالسعودية وعندها شهادة ميلاد

وقدمت على النت طلب تصريح وجات موافقة مبدئية لكن على مقيمة فقط ولما رحت شرطة جدة مكتب الزواج وقلت له ان عندها شهادة ميلاد قال جيب صورة منها مع التقرير الطبي لزوجتي وراح يرسلها
مرة ثانية للمحافظة عشان تجي موافقة مبدئية على اجنبية مولودة بالسعودية والموافقة المبدئية الي جات كانت لمقيمة فقط

الان اعطيتهم في شرطة جدة صورة شهادة الميلاد والتقرير الطبي وصورة الاقامة وقال العسكري راجعنا بعد 10 ايام

وسؤالي لمن مر عليهم هذا الاجراء

هو كيف اعرف رقم الصادر من الشرطة للمحافظة وهل اقدر اتابعها في المحافظة
وبرضه ايش الاجراء بعد كذا لو جات الموافقة المبدئية

ياريت احد يعطينا الاجرائات الكاملة على زواج سعودي من مقيمة مولودة بالسعودية ولديها شهادة ميلاد

وعلى فكرة جميع الشروط تنطبق علي وعلى البنت من حيث العمر والاشياء الثانية

اتمنى تشاركونا بمعلوماتكم

والله يوفق الجميع

.

بريق الذات
الف الف مبروووك الله يوفقكم ويتمملكم على خير

حكايه
الله يسسمع منك ياررب ويرزقني الموافقه و كل الاعضاء يارررب

هويام
وعسى أن تكرهوا شيئاً وهو خير لكم الحمدلله حبيبتي لا تتضايقي ربي مايقدرلنا
الا الخيرر وكل شي له حكمه ربانيه انتو لا تيأسوا وارجعوا قدموا ثاني والله يوفقكم

انا كمان مولوده هنا وعندي شهادة ميلاد وخطيبي يقرب لي من الدرجه الاولى واعمارنا على شروطهم وكل شي على حسب نظامهم وبرضو هذا تاني حفظ .




كل شي ماشي على مزاجهم بس

الله ييسر ويسهل الامور هويام روحي وشوفي ايش المشكله واذا انت كل الشروط منطبقه عليكم معناته شوفي ايش العله وفي الاول والاخير كله باراده ربنا

قدمتوا خطاب بصلة القرابه !؟

كاتبين لهم في المعروض صله القرابه وبرضو عدت على الداخليه والاماره والشرطه والمحافظه وماحد طلب نجيب صك القرابه. رحنا المحكمه قالو جيبو خطاب .طيب من وين اجيب الخطاب اذا ماحد راضي يطلبو حسبي الله عليهم الظلمه.

الف مبروك بريق الذات
الف مبروك ملاك فيصل


الله يسعدكم ويجعل كل ايامكم سعاده يارب


واللي حفظت معاملاته لا تزعلون ثقي بالله لان الله كاتب لك شي اجمل مما تتوقع


حاولوا من جديد وراح تتسهل الامور بإذنه تعالى

قال تعالى ﴿قُلْ أَرَأَيْتُمْ مَا أَنْزَلَ اللَّهُ لَكُمْ مِنْ رِزْقٍ فَجَعَلْتُمْ مِنْهُ حَرَاماً وَحَلالاً قُلْ آللَّهُ أَذِنَ لَكُمْ أَمْ عَلَى اللَّهِ تَفْتَرُونَ﴾ [يونس:59] ﴿وَمَا ظَنُّ الَّذِينَ يَفْتَرُونَ عَلَى اللَّهِ الْكَذِبَ يَوْمَ الْقِيَامَة﴾ [يونس: 60] وقال جل ذكره: ﴿وَلا تَقُولُوا لِمَا تَصِفُ أَلْسِنَتُكُمُ الْكَذِبَ هَذَا حَلالٌ وَهَذَا حَرَامٌ لِتَفْتَرُوا عَلَى اللَّهِ الْكَذِبَ إِنَّ الَّذِينَ يَفْتَرُونَ عَلَى اللَّهِ الْكَذِبَ لا يُفْلِحُونَ﴾ [النحل:116] ﴿مَتَاعٌ قَلِيلٌ وَلَهُمْ عَذَابٌ أَلِيمٌ﴾ [النحل:117]





الأخسرون أعمالا الذين يحرمون ما أحل الله.



وسنصبر وعند الله تجتمع الخصوم
و والله عند الله تجتمع الخصوم
يوم يباع الدين بلـا ثمن ..ويكون الأشياخ قربانا لـأعداء الدين .
لا نملك الا ان نقول .. عند الله تجتمع الخصوم
و الله لن يضيع حق عند الله و الله لن يضيع حق عند الله

اما كدا ليييش

وفين كلام الموظفة اللي قالتو ???
ولا عشان هو غير مولود قصدك ???

وربي ضغط علينا من كل مكان

والله انا اعرف وحده قبل ما يتغير قرار العمر وكان عمرها 21 وخطيبها مولود وهو ولد عمها
ومو ولد عمها لزم الاباء عيال عم
وقدموا خطاب بصلة القرابه وماشاء الله تسهلتلهم وجاتهم الموافقه

بفضل الله ومنته وكرمه
الحمدلله حتى يرضئ عني ربي
قبل نص ساعه تقريبا صدرت المعامله حقتي
للمحكمه شعور ما ينوصف عقبال الكل يارب

الف مبروووووووووك يا قلبي
وربي جسمي قشعر اول ماقرات حمدك

اللهم لك الحمد

واهو انا اوول وحدة

ربي يسعدك ياااارب ويتمملك على خير يااارب
ويوفقكم ويحفظكم

هي شدي حيلك واخرجي من المستشفي وجهزي نفسك ياعرووووسة

شكر خاص
بريق الذات فصايل قنوعه وفواحه انفاله اندلسيه لحظه تفال غاده الناصر هويام
جاسمين وطن عمري ولكل الي في المنتدى عضو وعضوه جزاكم الله خير شكرا
لوقفتكم معايه يعجز لساني عن الشكر الاداره اشكركم من كل قلبي تحاولون
تساعدونا شكرا لكم جميعا

ماشاء الله .. ألف مبرووووك ..
ربي يتمم لكم ع خير ..

دووووووووووم يااااااارب الافرااااح

امين
ان شالله
عقبالك وعقبال ما اشوفك خبر الموافقه يارب يجبر خواطركم كلكم وما تنكسر فرحه في قلوبكم

الله يبارك فيك عقبالك

تقدر تروح الاتصالات الادارية بالشرطة تعطيهم اسمك يعطونك الصادر.
اما اجراءتهم ... التحليل. ورقة تعريف سكن من العمدة. تعريف عمل. والتقرير الطبي. برنت من الاحوال.
بعد اكمال هذه الاجراءات تذهب المعاملة للمباحث الجنائية. وتأخذ شهر او شهرين عندهم تتصدر للمحافظة.
وربي يوفقك.

الف مبروووووووووووووووووك.
كان عندي احساس ورب البيت ان كلام الموظف خطأ.
وكنت بكتب تعليقي بهذا.
قلت ارد علي اخونا متقاعد اول.
الحمار حق معاملتي عاده ما تحرك. في انتظارك يا اروع عروسة(:

فرحتي فرحتان الان بك اكون.
يشهد الله اني اشوفك مثل اختي.
وشكرا لجميع المباركين لي.
نفرح بك يارب قريبا.

آمين..
اختي الكريمة أن كان توجيه الوزارة بالموافقة. فراح تكملوا الاجراءات بس.
وان كان حسب النظام فراح تكملوها وتطلع لهم.
انا مولود هنا... ومع ذلك راحت للوزارة. وقالوا هذا نظامهم من الحج كدا.

هويام ان شاء الله راح تتزوجي خطيبك.
اعرفوا سبب الحفظ اهم شي. وقدموا استثناء.
وراح تجيكم. متفائل لك انا.
ربي ييسرلكم يارب

بك اكون الف الف الف الف مليون مبروك
والله كنت حاسه انها صدرت للمحكمه يمكن خطيبك حب بفجعك شويا عشان الفرحه تكون غير
ربي يسعدك يلا شدي همتك وقومي جهزي للملكه ترا مافي وقت وكل شي بيمر بسررررعه ماتتخيليها
الله يرزقكم جميعا ويسهل عليكي ياهويام والله اني زعلت عليكي لازم تراجعو وتعرفو السبب وخطيبك وظيفته مو حكومي بتقولي متسبب وغير كدا صله قرابه وغير كدا من مواليد هنا ياقلبي الله يسفرجها عليكي وتبشرينا بالموافقه عاجلا غير اجل

ماشاء الله تبارك الرحمن ماتتخيلي قد ايش فرررحت
والله صليت العصر ودعيت لك ولما قريت الخبر عيوني دمعت من الفرحه
الله يتمم عليك يارررب ويوفقكم ويسخركم لبعض

سلامتك الف سلامة... ان شاء الله راح التعب بعد الانتهاء من المعاملة المارثونية.

الف الف الف مبررروك لحبيبتي قلبي سااااالي الله يبارك لها ويسعدها وييسرلها يااارب feewqwerfeewqwer345RR345RR345RR

اخ بريق الذات

مشكور ع الرد
الله يطمن قلبك
بس بسالك انت قصدك مقدمها من الداخليه ورجعت تاني للداخليه بعد ماخلصت اجراءاتك???

ياااارب الداخليه تصدرها بالموافقة يااااارب ياااارب ياااارب

وتخلص من الشرطة بكل سهوووولة ومن غير اي تعقيدات ياااااارب ياااارب

انا لسااااعي في اول خطوة دوبها مقدمة من الداخليه حتي لسه ماطلعلها رقم
يعني لساتي كي جي ون في المعاملة
احس اني ورايا مشوار طوووويل بس الله يعديه على خير وفرح يااارب وتوصل المحكمة واعقد يااارب

ربي ييسر لي وييسر للجميع ويبلغني الموافقة عليها انا والجميع ياااارب
ويتمملكم امور زواجكم على خير يااارب

لوووووووووووووشي الف الف مبرووووووك عقبال الجميع يارب

يبارك فيك يا قلبي وأمين يجعل كل أيامنا وإيامك سعاده وتباشير ياربfewewed

آمين..
ربي يفرح قلبك.
انا قدمتها معاملة عايدية عن طريق الشرطة.
ان شاء الله تطلع لك من الداخلية بالموافقة وترتاحي.
راح تمشي غصبا عن الشرطة.
باذن الله نفرح بك قريب.

مبرووووووووووك بك اكون وجعتي قلبي بكلامك قبل شويه والحمد لله طلعت للمحكمه خوفتينا الله يسامحك

الله يتمم لك على خير يارب وتتسهل