|
يا هلا بالغالية سارون الله مير يحيك
صادقة من بعد عيد الفطر وان مدري وين انا فيه كله نوم بس ضيقتي صدري قريت لك رد انك شادة عليك الحالة الله ييسر امرك ولا استغني عن دعائك فانتم اخواتي واخواني |
هلا ؤغلا اخوي شفيق. ؤينك ئارجل لك وحشه. بالمنتدى حمدلله على السلامه
. أنا أ خذ بروزاك وسيركويل 300 والتحسن. صفر قسم بالله شيء يبكي. من القهر. إنا مأدري هل أضيف لإمكتال أبي أصير شخص منطلق للحياه. تعبت من الحزن والعزله والكابه. والسلبيه |
اقتباس:
هلا والله بالغالي العزيز منتظر والله انك لك وحشه خاصة اخوي منتظر انت انسان قلبك ابيض وصابر الله يشرح لك صدرك ويزيل همك يارب اخوي منتظر انت تاخذ سيركويل فقط بناء على كلام الدكتور او من ذاتك والله ما ودي افتيك من راسي لكن السيركويل لحاله ما يعتبر علاج للاكتئاب يعني لازم تضيف مضاد للاكتئاب مثل البروزاك والسيبرالكس انا مستمر على علاجي وسيركويل وسيبرالكس و لامكتال وانفيجا انت لازم دكتور يضبط لك علاجاتك وبجرعات مناسبة بس الغريب في وضعك ياولد الشرقية انك ما تحس باي تحسن ولا خفيف ما لك الا تجرب ادوية الاكتئاب القديمة يمكن تنفع معك او جلسات الكهرب بس صراحة تخوف اتوقع يا منتظر انك محتاج وظيفة اخوي منتظر عشان تتطلع من البيت الله يسمعنا عنك اخبار طيبة يا منتظر |
اهلا بك ياشفيق
الله يفرج همك وتشفى والله لايحوجك للادويه منتضر الفرحه اذا انت تقول مانفعك الدواء عليك بالقرآن ولاتفتكر اني اتفلسف كل شي له علاج الا الموت الله يشفينا جميعا |
هلا والله اختي الفاضلة بنت الظبي
الله يسلمك ويخليك مشكورة على الدعوة الطيبة كيف احوالك ان شاء الله لقيتي وظيفه بصراحة الوظيفة تغير من الانسان كثير اقل شي تكون مجبور من الخروج من البيت ومخالطة الناس والتعرف على المجتمع وفي الاخير تكون عندك حاجة بعكس الفراغ المستمر بدون عمل يكون الوقت طويل وممل وكل الوقت في التفكير في حالك ومرضك اللهم ارزق كل عاطل وظيفة تسر خاطره وتشغل فراغه اللهم زوجه كل شاب وفتاة واستر عليهم وارزقهم ذرية صالحه تعينهم على طاعتك |
انا قدمت السي في لشركه وهي تبحث لي وللحين ماتوفقت ، أسأل الله ان يعيني يارب
وانا اعرف الشغل يشغلك عن المرض لكن الله كريم |
الله ييسر امرك حاولي في وظيفة في القطاع الحكومي لانه افضل
وحاولي ما تكون مواجهة للجمهور انا وظيفتي في الحكومة في ادارة ليس فيها مقابلة الناس فقط نحن الموظفين نعرف بعض من اكثر من عشر سنوات وهم يعرفون حالتي تمام لذلك مرتاح من الناحية النفسية الله ييسر امرك |
الله يسلمك والله ولاعاد تقطع المنتدى يحتاجك
صراحه انت تعجبني ابي اصير مثلك شخص ناجح ورغم كل الصعوبات الا انك ماستسلمت ابي اعرف ادويتك جرعاتها ومتى تاخذها صبح او ليل وابي اسال لو واحد معه اكتئاب وخذ ادويه الذهان او الصرع هل يصيرله شي او عادي لان انا ابي يجيني ثناىي قطب عشان يكون اسهل بالعلاج واشوف الهوس والسعاده تخيل سنوات مافي فرح وسعاده كله حزن اوف اوف والله شي يعور القلب بنسبه للوظيفه ودي والله بس على هالوضع صعب ابي اول اتشافا واتحسن بعدين اتوضف مع ان لي سنين ادور التحسن والشفاء لاكن الشكوى لله |
اقتباس:
هلا منتظر الله يسلمك علاجاتي هي الصباح : حبة سيبرالكس 20 + حبة لامكتال 100 + انفيجا 3 المساء: حبة سيبرالكس 20 + حبة لامكتال 100 + سيركويل اكس ار 300 اما ادوية الذهان لا تسبب صرع ابدا اما ثنائي القطب فهو مرض من رب العباد لا يسببه الادوية لكن بعض علاجات الاكتئاب قد ترفع القطب الهوسي لذلك يراقب المريض او استخدام مثبات المزاج مثل لامكتال والدباكيين اخي منتظر بالنسبة للشفاء المسئلة نسبية ممكن واحد ما يرضى الا بالشفاء الكامل واخر يرضى بنسة خمسين اخي منتظر لا تنظر الشفا اعمل الاسباب واترك الباقي على رب العباد اتمنى لك من كل قلبي الشفاء والتوفيق |
مشكور ياشفيق ربي يسعدك
منتضر انت لاتقارن بينك وبين الغير راح تتعب اكثر ركز على نفسك وكيف تشفى، لأنه كل ما تسأل عن الادويه ماتصلح وياك تقوم تلعن الأدويه وهذا يتعبك أكثر لاتفتكر إني ما أحس واتكلم لمجرد إضافه تزيد من عدد مشاركاتي بهذا المنتدى اتمنى لك الخير والشفاء وللجميع كذلك انا كم اشتكي ، قلت مابشتكي لأي حد، غير الله لأنه هم مابيشلون الهم واالكتئاب عني، فالله خير معين والله كريم |
|
هلا بنت الظبي
اخبارك ان شاء الله في تحسن مشكورة على المقطع ان شاء الله لقيتي وظيفة حاولي جاهدة انك تتوظفين نصيحة من مجرب |
مرحبا شفيق
الحمدلله على كل حال التوافيق من الله ، ويمكن يكون خير لي اكون بلا وظيفه لكن انا احس بالزعل، وودي اتوظف، والله كريم. الكل يقول احسن اتظلين من غير وظيفه، حتى اني زرت طبيب عام عشان عندي التهاب في الحلق، فسألني تشتغلين ؟ قلت له لا قال احسن كل واحد يدور على المفقود . |
بنت الظبي
ممكن تفسيرين كلام الدكتور لما قالك ( أحسن ما عندك وظيفه و كل واحد يدور على المفقود!) و بعدين لا تزعلين مني أنتي مرة و ما يهم أشتغلتي والا ما اشتغلتي ما يلحقك عار و لا نقص أبد دام خلصتي دراستك الثانويه إلا ان كان حالتكم الماديه ضعيفه فهذا شيء ثاني أو كنتي متزوجه بواحد نكب عفشك و تبغين تساعدينه في أمور البيت ؟ |
الدكتور يقصد الانسان بلاعمل حر ومحد يحكمه
قلت له بس ملل بغض النظر عن الراتب شوف اخويه اللي في الدوامات يتذمرون وودهم يطلعون وقت العمل يسيرون كوفي والا يغيبون لأنه كل شي يحلا لهم ، وودهم اجازات كل يوم والثاني ، وانا ودي اقضي وقتي والله تعبت يمكن هذا نصيبي . |
أها فهمت الحين
كم واحد في حياته مات ما حصل / راحت حياته و هو ما نال مقصوده بنت الظبي مالنا إلا من يقول فل الحجاج و خل عنك الهواجيس , كلن يموت و حاجته ما قضاها و دواليك دواليك يا دنيا العنا من لا هدف و ملل و الناس قدام و حنا ريوس أسعد الله مساءك و مساءي و الشعور أنا و أنتي سيم سيم روحي الحين تابعي التلفزيون شي يريحك تندمجين معه فلم مسلسل كاميرا خفيه من هذا القبيل و خذي لك كافي ساده عسى الله ييسر أمرك و مع السلامه إلى اللقاء |
الحمدلله على كل حال، انا صح افتقدت الوظيفه بس عسى يكون خير لي وربي يدبر لي شي افضل
ربي يسعدك ، وأنا افكر اتابع فيلم اجنبي ابغي اقوي اللغه |
اش تقولين تشوفين فيلم عشان تقوين اللغة
طيب أنصحك خذي لك دورة لغة انجليزيه صدقيني بتتيسر أمورك دام عندك قابليه و دافعيه لتعلم اللغه بلا أفلام بلا خرابيط أما تشوفين الفلم لا للمتعه و الإندماج و الغوص في أحداث الفلم بل حسب قولك تقوية اللغة فهذا يضيع عليك وقتك و من غير فايده سيري على أحد الدول الإنجليزيه ما يعرفون عربي أبد و راح يفرض عليك الوقت و الحال و تتعلمين و ترجعين و أنتي بلبل انجليزي و عربي و الكل يريد يقبض عليك |
معاشر المكتئبين .، بوه حي هنا ،؟
|
وش رايكم في روم نسويه في برنامج البال رينقو للناس النفسية ؟؟
|
مرحبا يالجنووبي يا ريت فيه شات والله و نآخذ راحتنا فيه لكن المشكلة يقولون لازم جندي ماسك خفارة على الشات ؟ و هذي مشكلة حنا ودنا نتخبل يا عالم أحس حنا ما ينفع معنا إلا التخبال و الهبال و إللي صواميل مخه تكسرت خلاص ما ينفع معه إلا تخبال
يعني بربكم ان الخبل ما عنده عقل ؟ ما يدخل السرور إلا التخبال لكن بالله من دون سماجات و قلة عقل ؟ و من غير خروج عن المنطق و الحقيقه هههههههههههههههههه تعرف يالجنووبي شطحاتك واجد و رب شاطح مع شاطح شطحت العالم و العالم معها وظايف و تترزق الله في المعارض و العمارات و تنام في الليل و تصحى بالنهار و تآكل زين و تشبع و حياتها زي الفل و ماهم فاضيلنا و حنا من تدهور في تدهور يا عسى العالم كلها في تدهور عشان يعيشون معنا في الهوا سوا غفر الله لي و لك . و لا تنسى كل شطحة تكتبها تقول بعدها غفر الله لي و لك . محتاجين للغفران عشان تصعد الهمه و الطموح إلى أعلى أقول ما جاء على بالك مثل ما جاء على بالي تروح تفصل كيابل الإتصالات يقولون إنها في البحر لكن ما أدري وينها والا ظنك بناكلها قمبري و خابور ؟ بالله لا تحسدوني ع التعبير و المخ ؟ . يالله تغفر لي و لا تبلاني تجعلني أبيض قلب صافي نيه أهنيك عليها يا شفيق كم حجمك بالقلب كبير ! |
يقولون الروم في أوروبا يعني لازم تستعين بأوروبا عشان تصنع روم أحس إنها صعبه شوي على مخك بس تبطي عظم تسوي روم أنت ما تعرف كوعك من بوعك كيف بتسوي روم
سو روم و حنا وراك لكن أقولك شي من قلت وش رايكم نسوي روم فعرفت انك خراط ههههههههههه اعذرني بمزح لكني صادق بهذا المزح يعني بمزح صادق على شي أكتشفته بنفسي على كلمة ويش رايكم المفروض تقول سويت روم و مرحبا بكم على الروم ؟ لكن بتبطي عظم بتبطي عظم . |
اهنن وسهنن مراقب ..،
ارى معاناة سطرتها حروفك .. اتمنى لك التوفيق ، الروم تحت اشارة الاعضاء .. ان اردتم بانشاء روم فانا في الخدمة .. اسم الروم وشروطه : تكتبونها هنا .، وليس بشرط ان يكون هناك مسؤول عن الروم ، قالروم للوناسة فقط والفضفضة .. لاداعي للجدية هناك وان وجد لا يمنع |
إيش نسميه ؟؟
مكوك مكوك مكوك ودنا نطلع من الأرض |
والله انا معك محتاج الواحد يسولف احسن من يكتب رد او موضوع
ياليت يفتحون الشات |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟"
|
الله يعينكم
حلوا هذا اللغز يقولكم الصفر مثل حرف الألف والواحد مثل حرف الباء وانت طالع ..... إنشاء الله تحلونه ركزوا زين راجعوا لقبي ...... يقو ل الشاعر نعيب زماننا والعيب وما لزماننا عيب سوانا ونهجو هالزمان بغير ذنب ولو نطق الزمان لنا لهجانا أخباركم انتم هههههعهعه تصبحون على خير |
يالله يا أبو الردارات نستناك تحل اللغز
|
نلف عنايتكم ان المحلات و الدكاكين و المحطات قد تقفلت لأن هذا الوقت يعتبر متآخر من الليل و محل أبو الرادارات في محطة أبو الرادارت أصبحت شبه مهجوره و قد سمعنا أنها مهجوره تماما فالخبر موثوق تماما من مصدره و يرجع السبب لهروب الموظفين و العمال من محطته و قد راح فيها وطي هذا اللي تقولون عنه أبو الرادارت لأن البلديه تقول صلحوا التالف و ما يبغون يشوفون أي شيء مكسور يالله في السلامه و مهلتهم أي البلديه المشار إليها أعلاه قليله جدا
و من عند قول هذه النشره فقد تم شراء عصا غليظه من نوعيه لا تنكسر مشابهه للحديد تفاديا لأي حدث من رجالات البلديه ضده و يقول لكم أن الذي سيفزع معه سيكون شريكه في محطته تششششششششششششششششششششششششششششششششششششششششششششششش |
الم غامر
انت شخص غير طبيعي .. حرام والله المرض فيك انت موووووووهب جدا ... والله بدون مجامله تحيه يا غالي ... البدراني كل عام وانت بخير .. وربي يشفيك ياطيب |
معقولة مافي احد قدر يقك الشفرة
يالي تطالبون بالحرية فكوا الشفرة وخذوا الحرية |
هلا مراقب الف سلامة هههههههههه شكله اصلي اصلي مب مخلوط
هلا والله بالغالي العزيز ابوعتب يالله حيه وينك يا رجل من زمان غايب اشتقنا لمناقشاتك مع قسورة هلا والله اخوي عبدالله ون يالله حيه وشلونك يا بعدي اخبار حلقات حفظ القران ان شاء الله مستمر |
ودي أفجر كيبل الاتصالات و مولد الكهرباء و أعيشكم العيشه الطبيعيه
|
تعبنا و ما جاء من وراء التعب حصيله و من تعب في تعب و من دمار في دمار يا عسى الشمس ما تظهر القابله و ينفجر من الضغط كيبل الاتصالات و مولد الكهرباء و تنقطع الجاذبيه من الأرض و نطير و يتخير كل واحد منا كوكبه المفضل
|
اعملوا روم صوتي في البالتوك
|
كم احب هذه القصيدة
سبحان الله لم اسمعها دموعي تتسابق يارب ما اعظمك http://www.youtube.com/watch?v=JDp7vHEX1yo |
يامراقب الدوره من غير ممارسه ماشي فايده
ربي يسعد الجميع ، ياعل تصبحون الصبح في راحة نفس |
|
من العام للسنه فيتامين د نقص عندي بنسبة عشر درجات بعد ما ارتفع
استغربت من معلومه قريتها في النت انه التهاب المفاصل ممكن يسبب الاكتئاب ! |
معلومة غريبة لكن كل شي جائز
لكن ما فيه علاج ينتشل المرض من جذروه كلها مسكنات قد تنفع مع البعض وقد لا تنفع |
| الساعة الآن 03:00 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا