نفساني

نفساني (https://www.nafsany.cc/vb/index.php)
-   ملتقى أصحاب الإكتئاب (https://www.nafsany.cc/vb/forumdisplay.php?f=57)
-   -   يوميات المكتئبين تعال نسولف (https://www.nafsany.cc/vb/showthread.php?t=85488)

محمد البدراني 30-11-2013 07:08 PM

اقتباس:

المشاركة الأصلية كتبت بواسطة سارون (المشاركة 917264)
أسوأ فترة ممكن يعيشها المكتئب في يومه هي فترة النهار :/

فعلا اسوء فترة عندي هي النهار بس مب الصبح عندي الظهر والعصر دمار شامل

امل احلى الاوقات هي في الليل بعد الساعة 12

مدري هي حاله عامة

والعن حالة في النوم اذا كنت في الغرفة ومنسدح اتقلب واتعذب

محمد البدراني 30-11-2013 07:12 PM

اقتباس:

المشاركة الأصلية كتبت بواسطة بنت الظبي (المشاركة 917273)
تسلم ياشفيق ماعليك شر يارب

الله يسلمك ما يجيك الشر

لكن الحالة صارت صعبة وتعبت والله مدري وش اسوي

بنت الظبي 30-11-2013 07:36 PM

ماعليه ياشفيق

اقرأ آيات السكينه ياعسى ربي يشرح لك صدرك

سارون 01-12-2013 08:54 AM

http://store2.up-00.com/2013-11/1385877189731.jpg

بنت الظبي 01-12-2013 10:56 AM

سارون 😜


ياناس المزاج نازل وأنا اتعمد اطلع اخلق لي جو

ماشاء الله الناس كلها برع، اللي رايح البر واللي رايح الحديقه واللي يحتفل باليوم الوطني

واللي سافر خلال هالاربع أيام

يارب فرج علينا واسعدني

سارون 01-12-2013 11:07 AM

جربتي تستمتعين بالكسل ؟

تستمتعين في انك ماتسوين اي شي لاتفكرين ولاتتحركين ولاا تفتحين عيونك حتى

تدرين اجمل لحظات حياتي إذا طفى الكهرب هدوووووووء يساعد على الاسترخاء

استرخي دللي نفسك وكافئي نفسك بالشي الي تحبينه

بنت الظبي 01-12-2013 12:11 PM

سارون بجرب ليش لا ؟!!!

بس المكتئب ماله بارض على شي ويهمل مظهره؛ لكن تعتقدين لو اجبرت نفسي

على اظهر بمظهر حلو بيخف من الاكتئاب ؟!!

أحيانا يوم أقرأ ماده بالانجليزي عن الاكتئاب والهلع المعلومات غير

حتى يقولك الاهتمام يعطيك ثقه في النفس

محمد البدراني 03-12-2013 06:59 PM

اكيد بنت الظبي لما مثل انا البس جديد بالكامل سواء داخلي وخارجي ومحلق الدقن ومتعطر وكاشخ تتحسن نفسيتي واحس اني متغير ولو شوي

كذلك لما اخذ شور احسن بانتعاش

طبعا هو مب علاج لكن يعطيك شعور على الاقل بتحسن

بس الكسل والاكتئاب مب تارك الواحد في حاله والا كان استمتعنا به الحياه

محمد البدراني 03-12-2013 07:22 PM

اهداء للجميع ما شاء الله صوت ملائكي وخاشع الله يحفظه ويبارك فيه


http://www.youtube.com/watch?v=QC2tWn88vCE

بنت الظبي 03-12-2013 09:54 PM

شفيق كل يوم بسألك على كشخة اليوم، حتى لو في لبيت وكل يومين او ثلاث بسألك عن الحلاقه، لين تمل 😎

يالله يارب يفرج علينا ، ونصير مبسوطين

محمد البدراني 04-12-2013 10:52 AM

اقتباس:

المشاركة الأصلية كتبت بواسطة بنت الظبي (المشاركة 918604)
شفيق كل يوم بسألك على كشخة اليوم، حتى لو في لبيت وكل يومين او ثلاث بسألك عن الحلاقه، لين تمل 😎

يالله يارب يفرج علينا ، ونصير مبسوطين

صدقيني اختي لو الواحد بيده شي ما يقصر على نفسه

الحمدالله على كل حال انا قبل مرضي كنت استمتع بالاشياء البسيطة

يعني مثل لما كنت في الثانوية عندي ولد اختي نفس عمري كنت نروح لمزرعتهم انا وهو بس يعني اثنين ومع ذلك رغم ان جلستنا كانت بسيطة يعني نصلح مكرونة وبعدها نشغل الفديو على مسلسل خالتي قماشة وكنا في قمة الوناسة تقول مسافرين باريس

الحين ما استمتع لو حتى اسافر اشتري سيارة اشتري عمارة ما فيه اي شي

السعادة كنز

على فكرة ولد اختي كمل تعليمه والحين يدرس الدكتورة في كندا وماسك وهو مهندس

وانا لي عشر سنوات منعزل ومحطم

كل ربعي تزوجو وجاهم عيال وكملوا دراستهم وعندهم بيوت الا انا جالس لحالي مع احزاني ما غير الدوام والبيت لا اصدقاء لا زوجة لا عيال لا وناسة كل يوم بكاء وحزن والم

سارون 04-12-2013 11:08 AM

الدكتوراه والزواج والعيال مو كل شي

فرق بين انك تدرس عشان يقولون عنك الناس واو واا تدرس عشان انت تبي الدراسة

نفس الشي الزواج والعيال في ناس تزوجت وخلفت بس عشان لا يتكلمون عليهم الناس والا هم مايبون

خلك واضح مع نفسك وانسف الناس كلهم ع جنب

انت تبي تدرس ؟

تبي تتزوج وتبي عيال ؟

مو عشان لازم وكلالناس سوت شي يصير لازم انك تسويه

اذا انت ماتبي لاتقارن نفسك بالناس انت مختلف

ترا الدنيا كبيرة وما وقفت ع هالامور

بنت الظبي 04-12-2013 03:04 PM

شفيق، يمكن انت خايف تقدم على فكرة الزواج

عشان موضوع الاكتئاب، يمكن يروح عنك هذا

الشي، بغض النظر لو عندك حق حفلة الزواج أو لا

ياليت ياشفيق نصرخ بأعلى صوتنا ونقول :

بسسسسسس انا بخير انا قوي اصلاً انا مافيّه شي

انا مب مريض

يكفي يكفي، يكفي ألم وتعب

انا اقدر اشتري اللي ابغيه لكن ما احس بسعاده

انا هذا اللي صار لي احس بكتمه وبكاء وكل شي ممل

شو الحل ؟!!!!!!! غير عن الادويه

اشوف الكثير يتذمر منها

خاصه اللي ياخذونها من سنوات وهم مازالوا

مكتئبين، طيب شو الحل يعني ؟!!!

كيف ينصحون غيرهم بالادويه دامها مافادتهم ؟!

محمد البدراني 04-12-2013 03:21 PM

اقتباس:

المشاركة الأصلية كتبت بواسطة سارون (المشاركة 918785)
الدكتوراه والزواج والعيال مو كل شي

فرق بين انك تدرس عشان يقولون عنك الناس واو واا تدرس عشان انت تبي الدراسة

نفس الشي الزواج والعيال في ناس تزوجت وخلفت بس عشان لا يتكلمون عليهم الناس والا هم مايبون

خلك واضح مع نفسك وانسف الناس كلهم ع جنب

انت تبي تدرس ؟

تبي تتزوج وتبي عيال ؟

مو عشان لازم وكلالناس سوت شي يصير لازم انك تسويه

اذا انت ماتبي لاتقارن نفسك بالناس انت مختلف

ترا الدنيا كبيرة وما وقفت ع هالامور

مع احترام الشديد لك اختي سارة لكن مب صحيح الدراسة والزواج والعيال هي نجاحات تبعث لك امل في الحياة وكل نجاح يعطيك دافع حول للحياة يعني لما تشوف انك حاصل على الدكتورة ومتزوج وعندك ابناء ناجحين هذا كلها نجاحات في حياتك


انا اشوف الزوجة نبع حنان ودافئ لكن لا يمكن ان اظلم بنت الناس معي انا داخل نفق مظلم لا اريد ان يدخله معي شريك واكون انا السبب في معاناة انسان هذي انانية حقيرة والا انا نفسي يروح الاكتئاب واتزوج مب عشان الناس لكن عشان الاقي روح تشاركني حياتي وافراحي واحزاني امضى معها بقيت حياتي

لم اغيب ساعة الاقي اتصال لم انام الاقى روح جنبي

اختي اعرف الكثير تغير حالته مائة في المائة بعد الزواج اصل هذا شي طبيعي فطري في حياة البشر

بالعكس الدنيا مب كبيرة الدنيا صغيرة جدا

ما ابي اشتيك ااكثر خلي الا في القلب في القلب

مدري اذا عاجبك الوضع كذا تتدهور نفسي وانعزال و وحدة والم كل ليلة اعيش حياة وهميه

محمد البدراني 04-12-2013 03:28 PM

اقتباس:

المشاركة الأصلية كتبت بواسطة بنت الظبي (المشاركة 918854)
شفيق، يمكن انت خايف تقدم على فكرة الزواج

عشان موضوع الاكتئاب، يمكن يروح عنك هذا

الشي، بغض النظر لو عندك حق حفلة الزواج أو لا

ياليت ياشفيق نصرخ بأعلى صوتنا ونقول :

بسسسسسس انا بخير انا قوي اصلاً انا مافيّه شي

انا مب مريض

يكفي يكفي، يكفي ألم وتعب

انا اقدر اشتري اللي ابغيه لكن ما احس بسعاده

انا هذا اللي صار لي احس بكتمه وبكاء وكل شي ممل

شو الحل ؟!!!!!!! غير عن الادويه

اشوف الكثير يتذمر منها

خاصه اللي ياخذونها من سنوات وهم مازالوا

مكتئبين، طيب شو الحل يعني ؟!!!

كيف ينصحون غيرهم بالادويه دامها مافادتهم ؟!

هلا بنت الظبي بالنسبة للزواج الحمدالله لو على الفلوس الفلوس جاهزة واكثر من قيمة الزواج

لكن وين اتزوج لو اقدمت على هذا القرار سوف يقودني للانتحار تخيلي معي ادمر بنت الناس معي عصبي ومكتئب وفصامي انا متزوج الليل والهم

بالنسبة للحبوب والعلاجات صراحة الكثر ما استفاد منها بالشكل المطلوب لكن هي تخفف لكن ما في مثل الرقية والصلاة لكن من يواصل ويجاهد لانها صعبة

لو على الصراخ كان الامر سهل لكن لازم الوحد يعترف بالواقع لو صرخ المشلول باعلى صوت على سوف يمشى وتنحل مشكلته الواقع مر جدا لكن هذا لا يمنع ان الانسان يحاول ويجاهد والدنيا صغيرها مصيرها للزوال والاخره خير وابقى

بنت الظبي 04-12-2013 03:54 PM

الحمدلله على كل حال ياشفيق

انا فهمت عليك، في الاخير مافي اي فرحه

حتى لو اقدمت على الزواج او حد اهداك سياره فارهه

والسبب نفسه، الاكتئاب

يعني نفس الفكره اللي في الشغلات الصغيره

ان شاء الله ياشفيق ربي بيفرج همك في يوم

صح انت ماتعلم متى !!

لكن ان شاء الله تفرج

محمد البدراني 04-12-2013 03:59 PM

مشكورة اختي بنت الظبي

ياليت اخواني تشاركون في تصويت فتح الرسائل الخاصة وكذلك في موضوع في قسم الملتقى العامة بخصوص تغيير استايل المنتدي ياليت تشاركون


================================================== ===========================================

سارون 04-12-2013 04:00 PM

اقتباس:

المشاركة الأصلية كتبت بواسطة شفيق (المشاركة 918861)
مع احترام الشديد لك اختي سارة لكن مب صحيح الدراسة والزواج والعيال هي نجاحات تبعث لك امل في الحياة وكل نجاح يعطيك دافع حول للحياة يعني لما تشوف انك حاصل على الدكتورة ومتزوج وعندك ابناء ناجحين هذا كلها نجاحات في حياتك


انا اشوف الزوجة نبع حنان ودافئ لكن لا يمكن ان اظلم بنت الناس معي انا داخل نفق مظلم لا اريد ان يدخله معي شريك واكون انا السبب في معاناة انسان هذي انانية حقيرة والا انا نفسي يروح الاكتئاب واتزوج مب عشان الناس لكن عشان الاقي روح تشاركني حياتي وافراحي واحزاني امضى معها بقيت حياتي

لم اغيب ساعة الاقي اتصال لم انام الاقى روح جنبي

اختي اعرف الكثير تغير حالته مائة في المائة بعد الزواج اصل هذا شي طبيعي فطري في حياة البشر

بالعكس الدنيا مب كبيرة الدنيا صغيرة جدا

ما ابي اشتيك ااكثر خلي الا في القلب في القلب

مدري اذا عاجبك الوضع كذا تتدهور نفسي وانعزال و وحدة والم كل ليلة اعيش حياة وهميه

الشهادات والزواج والاطفال مجرد قشور و أيضا ً اراها قيود يحبس فيها الواحد نفسه أكثر مما هو محبوس في نفسه اصلاً

ضرب لك مثال بسيط ابوي شخصية وحدانية انسان منعزل يكره الاجتماعات والروحات والجيات ومايحب يتعامل مع الناس

وهذي شخصيته من وهو صغير

تزوج اخوه الكبير قبله وجلس ابوي فتره طويله بعد ماتزوج اخوه الي اكبر منه وجدتي وجدي يلمحون له واهو مايبي بس بعد الضغط عليه ومثل مايقولون كثر الطق يفك اللحام رضخ لهم في الاخير وتزوج الضحية أمي

طبعا همه الوحيد دراسته وشغله لايروح يمين ولا يسار اشفق عليه لما امي تزعل لانه مايوديها ولا يجيبها ولايعطيها وجه وهي تتشكى وأنا احسه بينهار ماله نفس لأي شي واذا الحت عليه امي او اخواني يطلعنا لمشوار او يسوي الحاجة الي نبيها ونفسه في خشمه

طبعاً أخذ الدكتوراه وتزوج وعنده عيال هالاشياء قيدته أكثر وأكثر وصار محبوس في الاشياء
مجبر انه يدرس في الجامعة مجبر انه يعول اسرة مجبور مجبور باشياء كثيره وانا اشوف انه قيد نفسه بنفسه

اوقات اجلس واتكلم معه احس انه متضايق من نفسه ودايما القى عند راسه كتيبات ومطويات احكام تمني الموت
ماذا بعد الموت ادعية الضيق كتب تصرع لابوه لابو جوه هههههههههه
هو ضحية المجتمع الغبي وأمي ضحية القدر كلهم مساكين الي ابي اوضحه لك ان الزواج والشهادات والاطفال بتقيدك

انت الحين حر طليق استمتع بهالشي الي يحسدونك عليه المتزوجين، عندك احساس قوي بالابوه اكفل لك يتيم وتواصل معاه
فكرت تربي حيوانات اليفه ؟ انا عندي قطوه فكر تشتري قطوه تملي عليك حياتك وبنفس الوقت ماهي قيد ابدي اذا فكرت انك ماتقدر تعطيها حقوها وترعاها بالشكل المطلوب تقدر تبيعها اتمنى الفكرة وصلت
عندك طموحات دراسية ادرس في جامعات نظام تعلم عن بعد او ادخل دورات .... عندي كلام كثير بس خلاص تعبت بكمل بعدين !?

بنت الظبي 04-12-2013 04:13 PM

ياليت يغيرون الاستايل ويفتحون خاصية الرسائل

هم يخافون تصير مشاكل، لكن بإمكانهم يراقبون

وعلى سبيل المثال لو حد آذاني ممكن يتصرفون معاه ....

هالمنتدى كثير صارم

محمد البدراني 04-12-2013 04:40 PM

اقتباس:

المشاركة الأصلية كتبت بواسطة سارون (المشاركة 918869)
الشهادات والزواج والاطفال مجرد قشور و أيضا ً اراها قيود يحبس فيها الواحد نفسه أكثر مما هو محبوس في نفسه اصلاً

ضرب لك مثال بسيط ابوي شخصية وحدانية انسان منعزل يكره الاجتماعات والروحات والجيات ومايحب يتعامل مع الناس

وهذي شخصيته من وهو صغير

تزوج اخوه الكبير قبله وجلس ابوي فتره طويله بعد ماتزوج اخوه الي اكبر منه وجدتي وجدي يلمحون له واهو مايبي بس بعد الضغط عليه ومثل مايقولون كثر الطق يفك اللحام رضخ لهم في الاخير وتزوج الضحية أمي

طبعا همه الوحيد دراسته وشغله لايروح يمين ولا يسار اشفق عليه لما امي تزعل لانه مايوديها ولا يجيبها ولايعطيها وجه وهي تتشكى وأنا احسه بينهار ماله نفس لأي شي واذا الحت عليه امي او اخواني يطلعنا لمشوار او يسوي الحاجة الي نبيها ونفسه في خشمه

طبعاً أخذ الدكتوراه وتزوج وعنده عيال هالاشياء قيدته أكثر وأكثر وصار محبوس في الاشياء
مجبر انه يدرس في الجامعة مجبر انه يعول اسرة مجبور مجبور باشياء كثيره وانا اشوف انه قيد نفسه بنفسه

اوقات اجلس واتكلم معه احس انه متضايق من نفسه ودايما القى عند راسه كتيبات ومطويات احكام تمني الموت
ماذا بعد الموت ادعية الضيق كتب تصرع لابوه لابو جوه هههههههههه
هو ضحية المجتمع الغبي وأمي ضحية القدر كلهم مساكين الي ابي اوضحه لك ان الزواج والشهادات والاطفال بتقيدك

انت الحين حر طليق استمتع بهالشي الي يحسدونك عليه المتزوجين، عندك احساس قوي بالابوه اكفل لك يتيم وتواصل معاه
فكرت تربي حيوانات اليفه ؟ انا عندي قطوه فكر تشتري قطوه تملي عليك حياتك وبنفس الوقت ماهي قيد ابدي اذا فكرت انك ماتقدر تعطيها حقوها وترعاها بالشكل المطلوب تقدر تبيعها اتمنى الفكرة وصلت
عندك طموحات دراسية ادرس في جامعات نظام تعلم عن بعد او ادخل دورات .... عندي كلام كثير بس خلاص تعبت بكمل بعدين !?

================================================== ======================

الله يخلي لك الوالد والوالدة

بالنسبة للقيود اختي الدنيا كلها قيود العمل محتاج صبر ومثابرة والثمرة المال كذلك الزوجة والعيال يعني تبي حنان واطفال وبيت سعيد من غير ضريبة تقدمها هذا غير مقبول لازم تواجه التحديات والقيود مقابل انك تاخذ زوجه صالحه وابناء يملون عليك البيت

لو فكر ابوك لحظة وااحد تخيلي مع ابوك الوحيد في اسرته ما عنده ابناء وزجه وبيت وعايش مدرس في الجامعة وعايش في بيت لحالة هل معناته حياته احلى اكيد لا الان عنده زوجه وعيال وبيت ووظيفة لكن طبيعي لازم تكون هناك تضحيات تقدمهها مقابل الشي هذا


اختي حتى الحيوانات لم تتتزاوج لازم لكل واحد دور والزوج دوره يضحي في حماية زوجته واطفاله وبيت هذي الامور طبيعي لا يوجد شي مقابل لا شي

بمعنى انت تبي عيال وزوجة وبنات وبيت لازم فيه بعض المعوقات مثل المجالات والمناسبات وتوفير لقمة العيش لهم واذا كنت ما تقدر لا تتزوج وهذا الي مانعني عن الزواج هي الواجبات والتضحيات يعين لو كنت شخص مب مريض كان تزوجت على طول

لكن انا شخص مريض وتعبان فلم ازيد على التحديات والقيود واتحمل مسولية بيت وتربية وتوفير معيشة وبيت صالح هذا الشي صعب مع المرض النفسي

في نظري لازم اقدم كل شي لبيتي واسرتي من الحنان والمال والامان واالتربية والا فلا لا اريد ان يكون بيتي يعج بابناء مرضى ومشاكل
================================================== =============================

اما اني حر وطليق هذا غير صحيح المرض مكبل الشخص تكبيل لا تخرج ولا تطلع ولا تسمتمع ولا يسمح لك باي شي فقط يسمح لك بنفث السجائر ومتابعة االتلفاز فقط لا غير

تذكرة انشودة تقل انت حر رغم القيود انت حر رغم السدود

================================================== =================================================

سوال اختي سارة هل انت في بداية العشرينات من عمرك


تحيتي لمن سرق بسمتي

بنت الظبي 04-12-2013 04:50 PM

اللهم أني أسألك تفريجاً لكل هم ، واستجابه لكل دعاء ، وشفاء لكل مريض ، وغفران لكل ذنب ، ورزقاً لكل محتاج ♥♥

عسى گل من بقلبہ ضيقہ . .
ربي يرزقہ فرحة تنسيہ كل آلليّ شقآه

محمد البدراني 04-12-2013 04:55 PM

أخي أنت حرٌ وراء السدود أخي أنت حرٌ بتلك القيود
إذا كنت بالله مستعصما فماذا يضيرك كيد العبيد

ساهر النهار 04-12-2013 04:55 PM

توكل على الله وتزوج يا محمد باين عليك الشايب بيننا ههههههه

شف انا مثلك افكر نفس تفكيرك

بس شوف الإيجابيات احد يسمع لك تحبه و يحبك تبادل مشاعر وان شاء الله طفل تلعب معاه راحه نفسية استقرار وعيالك بكره يوقفو معك

ولازم تفكر بالقرار وتبحث عن الشريك المناسب

محمد البدراني 04-12-2013 04:56 PM

اقتباس:

المشاركة الأصلية كتبت بواسطة بنت الظبي (المشاركة 918890)
اللهم أني أسألك تفريجاً لكل هم ، واستجابه لكل دعاء ، وشفاء لكل مريض ، وغفران لكل ذنب ، ورزقاً لكل محتاج ♥♥

عسى گل من بقلبہ ضيقہ . .
ربي يرزقہ فرحة تنسيہ كل آلليّ شقآه

امين يا رب العالمين اجمعين والله ارحم الراحمين

سارون 04-12-2013 05:01 PM

الي ابي اوصل له معاك ياشفيق انك ماتندب حظك وتعيش مقارنات مع الاصحاء والي وضعهم سليم مادامك مقتنع تماما بفكرة عدم الزواج وعندك مبرراتك الي تمنعك من الاقدام على هذي الخطوة فتوقف فوراً عن المقارنات

انت انسان مختلف، لما تقارن وتندب حظك بينك وبين نفسك او هنا في المنتدى انت تتعب نفسك اكثر وأكثر

افكارك واضحة وقلتها بصوت عالي ومبرراتك ايضا واضحة ف ليش الزعل ؟

بالنسبة لعمري الي احس فيه احس اني في الثمانينات اما الفعلي فهو بداية العشرينات مثل ماخمنت !

محمد البدراني 04-12-2013 05:03 PM

اقتباس:

المشاركة الأصلية كتبت بواسطة ساهر النهار (المشاركة 918894)
توكل على الله وتزوج يا محمد باين عليك الشايب بيننا ههههههه

شف انا مثلك افكر نفس تفكيرك

بس شوف الإيجابيات احد يسمع لك تحبه و يحبك تبادل مشاعر وان شاء الله طفل تلعب معاه راحه نفسية استقرار وعيالك بكره يوقفو معك

ولازم تفكر بالقرار وتبحث عن الشريك المناسب

ههههههههههههه الله يسعد قلبك اخوي ساهر بس لا تعطينا مخالفه وحنا سالمين

لو باليد حيله ما كان قصرت لو بس عشان افرح الوالدة

لكن تلك القيود متى تنكسر باذن الله سوف اقدم على الزواج اما حاليا لا والف لا

لا اريد ان اعيش انسانة برئية واطفال ما لهم ذنب بحياة تعيسة

اما قصت الشيب هههههههه لا تخاف شايب من يوم صغرى عمري 32 سنة والله اني ماني مصدق كيف راح العمر بكرة نقول 42 الايام طايره سقى الله ايام الطيش والتطنيش سقى الله ايام كانت هبال وين صرت وكيف وصلت الله المستعان

سقى الله ايام الدمام والرجة في الهاف مون

سقى الله ايام الثمامة والمخيمات

سقى الله ايام الكورة

سقى الله ايام يوم كان المخب في مية طاير من الفرح فيها

سقى الله ايام مقاهي الرياض ورجه الشباب

عايش في حلم وانتظر سراب

محمد البدراني 04-12-2013 05:08 PM

اقتباس:

المشاركة الأصلية كتبت بواسطة سارون (المشاركة 918897)
الي ابي اوصل له معاك ياشفيق انك ماتندب حظك وتعيش مقارنات مع الاصحاء والي وضعهم سليم مادامك مقتنع تماما بفكرة عدم الزواج وعندك مبرراتك الي تمنعك من الاقدام على هذي الخطوة فتوقف فوراً عن المقارنات

انت انسان مختلف، لما تقارن وتندب حظك بينك وبين نفسك او هنا في المنتدى انت تتعب نفسك اكثر وأكثر

افكارك واضحة وقلتها بصوت عالي ومبرراتك ايضا واضحة ف ليش الزعل ؟

بالنسبة لعمري الي احس فيه احس اني في الثمانينات اما الفعلي فهو بداية العشرينات مثل ماخمنت !

فعلا سارة هذا الكلام الصح الواحد لازم يعيش وضعه على كل حال ويوقف مسلسل الافكار المتواصلة اللعينة ما فايه فايدة من كثرة التفكير الا الجنون

مع في كل كلمة والحياة لا تتوقع هي تسير ولازم علينا نسايرها كيف ما كان مجبرا اخاك لا بطل

انتي قلت جملة حلوة في احدى المشاركات انه يجب ان توقف تتعايش مع مرضك وترضى فيه

المهم لدي ان الظهر والعصر غاب وراح بعد ما نكد علي كل اليوم ان شاء الله الليلة تكون اخف من عصريتها

بنت الظبي 04-12-2013 05:15 PM

صح كلام ساهر النهار

ممكن تتغير حياتك بس انت تفتكر انه حالك بيظل مثل ماهو او ممكن يكون أسوأ لأنه مابتكون لوحدك ولكن حد معاك


انت ماتعلم الغيب، يمكن كلامك يكون صحيح

ويمكن لا

افضل شي تستخير باستمرار ، عقب بتعرف

نفسك اذا ناوي تتزوج أو ماتتزوج ..

الله ايسر أمورك

بنت الظبي 04-12-2013 05:18 PM

اقتباس:

المشاركة الأصلية كتبت بواسطة شفيق (المشاركة 918898)
ههههههههههههه الله يسعد قلبك اخوي ساهر بس لا تعطينا مخالفه وحنا سالمين

لو باليد حيله ما كان قصرت لو بس عشان افرح الوالدة

لكن تلك القيود متى تنكسر باذن الله سوف اقدم على الزواج اما حاليا لا والف لا

لا اريد ان اعيش انسانة برئية واطفال ما لهم ذنب بحياة تعيسة

اما قصت الشيب هههههههه لا تخاف شايب من يوم صغرى عمري 32 سنة والله اني ماني مصدق كيف راح العمر بكرة نقول 42 الايام طايره سقى الله ايام الطيش والتطنيش سقى الله ايام كانت هبال وين صرت وكيف وصلت الله المستعان

سقى الله ايام الدمام والرجة في الهاف مون

سقى الله ايام الثمامة والمخيمات

سقى الله ايام الكورة

سقى الله ايام يوم كان المخب في مية طاير من الفرح فيها

سقى الله ايام مقاهي الرياض ورجه الشباب

عايش في حلم وانتظر سراب

اللي تزوج
واللي يدرس برع
واللي هاجر
واللي ....
لكن ولا واحد منهم يسأل عنك او باقي معاك ؟!

محمد البدراني 04-12-2013 05:36 PM

هلا والله ما بقى احد مرات الوم ربعي ومرات اقول انا السبب يعني قطعتهم

ما عدا واحد يلاحق فيني ملاحق كل ما اتهرب منه لازم يلاقيني الله يسعده

كان كل يوم يدق علي واذا ما رديت اتصل على الوالدة وقال تراني ما اني رايح من عند الباب الا لم يطلع لو اجلس للفجر لذلك اضطر اطلع له وفعلا يجلس بالساعات يرن بهه الجرس لازم اطلع له خلاص شوي ويطب من السور

تزوج وعنده عبدالله الحين ومع ذلك ما قطعني وكل يوم او يومين يتصل نتلاقى نروح مطعم او نلف بالسيارة او يقلط عندي في البيت

لكن ممكن العيب فينى


لكن هذه كلمة اعجبتني جدا لسارة

سبيل المواساة :

لست الوحيد الذي تعاني يامنتظر كثير ناس تعبانة مثلك وانا واحده من هالناس !

مافي حل لازم تستسلم لواقعك وتتعايش مع تعبك لاتنتظر الفرحة او المعجزة توقف عن الانتظار عشان ترتاح

ساهر النهار 04-12-2013 05:43 PM

اقتباس:

المشاركة الأصلية كتبت بواسطة شفيق (المشاركة 918898)
ههههههههههههه الله يسعد قلبك اخوي ساهر بس لا تعطينا مخالفه وحنا سالمين

لو باليد حيله ما كان قصرت لو بس عشان افرح الوالدة

لكن تلك القيود متى تنكسر باذن الله سوف اقدم على الزواج اما حاليا لا والف لا

لا اريد ان اعيش انسانة برئية واطفال ما لهم ذنب بحياة تعيسة

اما قصت الشيب هههههههه لا تخاف شايب من يوم صغرى عمري 32 سنة والله اني ماني مصدق كيف راح العمر بكرة نقول 42 الايام طايره سقى الله ايام الطيش والتطنيش سقى الله ايام كانت هبال وين صرت وكيف وصلت الله المستعان

سقى الله ايام الدمام والرجة في الهاف مون

سقى الله ايام الثمامة والمخيمات

سقى الله ايام الكورة

سقى الله ايام يوم كان المخب في مية طاير من الفرح فيها

سقى الله ايام مقاهي الرياض ورجه الشباب

عايش في حلم وانتظر سراب

ماشاء الله الله يبارك لك في عمرك يارب في طاعته الله يسعد جميع أيامك

أخاف تكبر شوي و تسير زي عبد القوي اللي في مسلسل القاصرات هههههههههه ترى يا محمد ماعندي الا فلاش المخالفة لاصقة لاصقة بس لأجل عين تكرم مدينة

تمام عليك هاف مون و مقاهي أعطيك لايك ههههههه بس الثمامة ماحبيتها

شف يامحمد الله أعطى كل واحد فينا إمكانيات
انت ماشاء الله عليك مستمر في شغلك وكلامك هذا صدر من واحد ما اتوقع انه يعيش احد في ظلم
اكذب عليك اذا ما كنت افكر نفس فكرك مشترك بس الفارق بيني و بينك 6 سنوات شوف بنت الحلال والأهل اللي يقدروك وأتوقع 80٪ حياتك بتغير لانه المراه مكملة للرجل وجعلنا بينهم مودة ورحمة وبعدها نحن مابنشوفك ههههههه
لا تخاف أبدا عمرك مناسب للجواز ونفسيتك بتغير خاصة انك بتفضفض لوحدة تحبك و تحبها وأعيد ابحث عن الشريك المناسب

توكل على الله

ساهر النهار 04-12-2013 05:48 PM

اقتباس:

المشاركة الأصلية كتبت بواسطة بنت الظبي (المشاركة 918904)
اللي تزوج
واللي يدرس برع
واللي هاجر
واللي ....
لكن ولا واحد منهم يسأل عنك او باقي معاك ؟!

كل واحد ملتهي في حياته فعلا وهذا ما نشعر به

هناك من يتصل فعلا لكن المشكلة فينا نحن لا نرد

محمد البدراني 04-12-2013 05:54 PM

اقتباس:

المشاركة الأصلية كتبت بواسطة ساهر النهار (المشاركة 918912)
ماشاء الله الله يبارك لك في عمرك يارب في طاعته الله يسعد جميع أيامك

أخاف تكبر شوي و تسير زي عبد القوي اللي في مسلسل القاصرات هههههههههه ترى يا محمد ماعندي الا فلاش المخالفة لاصقة لاصقة بس لأجل عين تكرم مدينة

تمام عليك هاف مون و مقاهي أعطيك لايك ههههههه بس الثمامة ماحبيتها

شف يامحمد الله أعطى كل واحد فينا إمكانيات
انت ماشاء الله عليك مستمر في شغلك وكلامك هذا صدر من واحد ما اتوقع انه يعيش احد في ظلم
اكذب عليك اذا ما كنت افكر نفس فكرك مشترك بس الفارق بيني و بينك 6 سنوات شوف بنت الحلال والأهل اللي يقدروك وأتوقع 80٪ حياتك بتغير لانه المراه مكملة للرجل وجعلنا بينهم مودة ورحمة وبعدها نحن مابنشوفك ههههههه
لا تخاف أبدا عمرك مناسب للجواز ونفسيتك بتغير خاصة انك بتفضفض لوحدة تحبك و تحبها وأعيد ابحث عن الشريك المناسب

توكل على الله

الله يسعدك اخوي ساهر
ان شاء الله تتحسن الامور

اهم شي اني لقيت اخواني واخواتي في هذا المنتدي احبه ويفهمون علي بعد ان كنت وحيد تصدق ان خايف يجي يوم ويقفل المنتدي واجلس لوحدي الحين اسولف مع الناس الطيبة

اما الثمامة اخي انت ماتعرف الثمامة قبل اخوي كانت الثمامة لا تتدخلها عوائل واذا دخلت كان بمثابة الانتحار لها كان ما فيه الشالهيات ولا فيها الا مقهى واحد الا جنب كودو

كانت كلها شباب رجبه وهبال ورقص وجلسات طرب وسهر حتى الفجر والله اتذكر مرة جيتك زااحف على خشتي راكب دباب واهجول في نص الشارع الا وجه طبع في الشارع من قوي الطيحة واللله ان يدي اليسر الثوب مشقق والدم قلب الثوب احمر قام واحد من الربع ربط على يدي وحط قهوة على الجرح وكملنا السهره شوي وهبال

بنت الظبي 04-12-2013 06:30 PM

شفيق + ساهر النهار

تصدقون وهذا اللي اعانيه انا حالياً

بعد مامرضت، قمت اتهرب من صديقاتي

بس ماظن هذا هو الحل

هم معايه على الواتس اب يشاركون وانا نادر

ما أرد عليهم، الغلط فينا

نظن بالتجاهل بنشفى !

او انه مانبغي نكون ثقال عليهم ...!

الهروب مب حل يا جماعه، أقولها لنفسي قبلكم

والحمدلله يا شفيق عندك صديق يسأل عنك

فيه الخير والبركه، عسى ربي يشفي الجميع

محمد البدراني 04-12-2013 07:44 PM

هلا بنت الظبي الحمدالله على كل حال

بالنسبة لصديقي نعم لازلت احفظ له المعروف انه لم يتركني وحيد كان وفي في زمن قل فيه الاوفياء

مع ذلك اقدر اكون علاقات جديدة يعني مثل

قبل اسبوعين مريت واحد من زملاء العمل ورحنا شرينا حط سمر ومعنا عدة الشاهي والقهوة ودقينا على الباقي واجتمعنا سهرنا من الساعة 8 الى 3 في الليل شبت ضو وقهوة وشاهي وفطاير وسوالف

وقبل هالطلع مرني واحد من زملائي في العمل جلسنا في بيت الشعر سمرنا وسوالف ثم رحنا مطعم هندي وكان الجو عندنا مطر

اقدر اكون علاقات بسرعة ولكن انسحب منها بنفس السرعة

ساهر النهار 04-12-2013 09:21 PM

اقتباس:

المشاركة الأصلية كتبت بواسطة شفيق (المشاركة 918917)
الله يسعدك اخوي ساهر
ان شاء الله تتحسن الامور

اهم شي اني لقيت اخواني واخواتي في هذا المنتدي احبه ويفهمون علي بعد ان كنت وحيد تصدق ان خايف يجي يوم ويقفل المنتدي واجلس لوحدي الحين اسولف مع الناس الطيبة

اما الثمامة اخي انت ماتعرف الثمامة قبل اخوي كانت الثمامة لا تتدخلها عوائل واذا دخلت كان بمثابة الانتحار لها كان ما فيه الشالهيات ولا فيها الا مقهى واحد الا جنب كودو

كانت كلها شباب رجبه وهبال ورقص وجلسات طرب وسهر حتى الفجر والله اتذكر مرة جيتك زااحف على خشتي راكب دباب واهجول في نص الشارع الا وجه طبع في الشارع من قوي الطيحة واللله ان يدي اليسر الثوب مشقق والدم قلب الثوب احمر قام واحد من الربع ربط على يدي وحط قهوة على الجرح وكملنا السهره شوي وهبال

الله يديمها يارب ولا تقلق منتدى غيره منتدى << اذا توقفت عن الكتابة اعرف اني انطردت ههههههههههه

ماشاء الله عليك راعي طلعات وسوابق ههههههههه

حبيب قلبي يامحمد ونحن إخوانك

ساهر النهار 04-12-2013 09:26 PM

اقتباس:

المشاركة الأصلية كتبت بواسطة بنت الظبي (المشاركة 918933)
شفيق + ساهر النهار

تصدقون وهذا اللي اعانيه انا حالياً

بعد مامرضت، قمت اتهرب من صديقاتي

بس ماظن هذا هو الحل

هم معايه على الواتس اب يشاركون وانا نادر

ما أرد عليهم، الغلط فينا

نظن بالتجاهل بنشفى !

او انه مانبغي نكون ثقال عليهم ...!

الهروب مب حل يا جماعه، أقولها لنفسي قبلكم

والحمدلله يا شفيق عندك صديق يسأل عنك

فيه الخير والبركه، عسى ربي يشفي الجميع

صدقني هي تكون النفسية مقفلة لكن ماتوقع هروب هي عدم الرغبة
بالفعل أصدقائي يتصلو ويدقو لكن لا رغبة لدي وبالفعل لم اصارح احد ولم اقل له اني أعاني من الاكتئاب
بس اللي يعجبك واحد من أصدقائي مارد عليه ويرجع يدق واليوم اللي بعده اللين يتعدل المزاج أكلمه هذا الشخص اقدره و أعزه

محمد البدراني 04-12-2013 09:59 PM

http://www.youtube.com/watch?v=HGy4H3hPWqY

محمد البدراني 04-12-2013 10:07 PM

http://www.youtube.com/watch?v=Ud1eLpGsDfE

سارون 04-12-2013 10:17 PM

نعيماً المعرف الجديد يامحمد


الساعة الآن 06:23 AM

Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا