تسلمون كلكم الحمدلله زال التعب عقبال ماينزاح الهم وتفرج لي ولكم يارب
نسخ الخيال انا متفائله ومتطمنه ومرتاحه ولله الحمد
ودعواتي بالليل لي ولكم ولكل مهموم ومهمومه ربي يفرج عني وعنكم يارب

أنا عندي سؤال إذا ممكن ؟!
أغلب معاملاتكم بدأتوها من المحافظة !
طب أنا بدأتها من الداخلية - جدة لأني مبتعثة ورفضت أمارة مكة إنها تسجل اسمي في السيستم !
ووقفت البعثة مؤقتاً عشان أنزل أشوف ورقي وحالياً خرج الورق من الداخلية للأمارة - قسم الوافدين!!!
ليييييش الوافدين ؟؟؟ يا ليت أحد يفيدني الله يسعدكم ..
خطيبي سوري الجنسية - مقيم بالامارات
وأنا ما عديت لا على شرطة ولا تحليل ولا شيء ..
المفروض ايش استنى او ايش الخطوة الجاية اللي أعملها ..

حمدالله على سلامتك ( لحظة تفاؤل ) طهور إن شا الله،
وعقبال فرحة قلبك وقلبنا يا رب ..

الله يسلمك لون السما الف شكر لك
بالنسبه لوضعك والله موعارفه ايش ممكن تعملين
ان شاء الله يجي احد يفيدك

شكراً ( لحظة تفاؤل ) على ردك الكريم،
والله يفرجها ع الجميع ..

من جد كل شوي لهم كلاام الله يسهلها عليكم
ان شاء الله تتحول عالمحكمة بس حبيت اسال كم عمرك ؟

الحمدلله عرفت إن معاملتي نزلت للامارة شكلها ح تبدأ بنفس خطواتكم !
المفروض ح اعرف يوم الأحد، إن شا الله خير والله يسهلها ..

معاملتي وصلت اﻻماره من الداخليه مكتوب عليها ع موقع اﻻماره الجهة دوائر حكوميه احد يعرف ايش يعني دوائر حكوميه

لا والله ما عندي فكرهـ !
إن شا الله خير وتلقي أحد يفيدكـ ..

انا قدمت المعاملة من اسبوعين و خطيبي امريكي من اصل اردني و مولود في السعودية و لين دحين لما ادخل على الموقع مكتوب تحت الاجراء في ادارة الأحوال الشخصية-الحقوق الخاصة
ايش يعني ؟ مع العلم اني قدمتها في الداخلية على طول

ما عندي علم يا شذى انا لسه باقي اوراقي ما وصلت و جالسة بالشرطة ان شاء تﻻقي احد يفيدك في المنتدى. .. يارب تسهل امورنا

شكرا حبيبتي
امين يارب

( شذى ) انتي نفس حالتي تقريباً، بعد أسبوعين انكتبت الحالة : مغلق !
وجلست أسبوعين أتابعها بآخر رقم صادر على موقع الوزارة وألاقيها مكتوبة تحت الإجراء - قسم الوافدين
ولما اتصلت بعد أسبوعين على إدارة شئون الوافدين قالي لها أسبوعين في الامارة شوفيها هناك !!!!!
إن شا الله بكرا أتصل وأشوف وضعها ..
انتي لا تنسيها زيي كدا كتير كل شوي اتصلي واسألي،
الله يوفقنا جميعاً ويسهلها ..