نفساني - زواج السعوديه من غير السعودي ( الأجنبي ).

طيب انتي كيف قدمتي معاملتك عن طريق المحافظه والا كيف؟؟؟
غريبه انك مانتي عارفه وين معاملتك وماسويتي التحاليل والاشياء الثانيه
بس دامها تتحرك الحمدلله اصبري عليها كم يوم ويجيكي مسج انه تحولت للشرطه اول ماتتحول روحي خذي طلباتهم وكمليها والله يعينك عليهم

آآآمين يا راقية، يعيننا جميعاً ويوفقنا لخيرنا،
وأنا قدمتها عن طريق الوزارة ..

لون آلسمآ

10-05-2014 03:50 PM

اقتباس:

المشاركة الأصلية كتبت بواسطة فراشة الزهور (المشاركة 961837)

السلام عليكم
قمت بتقديم معاملة الزواج عن طريق موقع محافظة جدة

وبعد ثلاثة ايام وصلني مسج بان المعاملة تحولت الى شرطة جدة برقم ....
بعدها قام خطيبي بمتابعة المعاملة واخذ الطلبات والاجراءات اللازمة
قام بعمل البصمات .. وقمنا بعمل الفحص الطبي
بعد تجهيز الاوراق اللازمة كاملة .. قام بتقديمها قبل شهرين ونصف الى شرطة جدة..

وبعد شهرين ونصف بالتمام تم تحويلها أخيرا الى محافظة جدة ..
احيلت الى وحدة الزواج - ثم ادارة الحقوق باجراء (للتأشير) - ثم الى مركز الاتصالات الادارية بإجراء (موقعة)

بعد ذلك صدرت الى شرطة جدة برقم ......

سؤالي: أليس من المفترض الى تحول المعاملة الى امارة مكة وليس الى شرطة جدة؟؟ ومن ثم تصدر الى المحكمة؟؟؟

أرجو الرد علي في أقرب وقت

يا أهلا وسهلا ( فراشة الزهور ) وعليكم السلام والرحمة والإكرام
باذن الله أمورك ماشية تمام وموافقتك قربت، ما عندي علم بموضوع التحويلات والإجراءات
لكن في ردود سابقة حصلت لهم نفس الحركة، إن شا الله تلاقي أحد الأعضاء يفيدك أكتر،
وبذن الله تكون خير والله يتممها عليكم ويوفقكم ويوفقنا جميعاً يا رب ..

فراشة الزهور

10-05-2014 03:53 PM

اقتباس:

المشاركة الأصلية كتبت بواسطة لون آلسمآ (المشاركة 961840)

تسلمي يا قلبي الله يسمع منك يارب ويوفقنا ويسهل امورنا جميعا يارب

كوكيتا

10-05-2014 05:35 PM

اقتباس:

المشاركة الأصلية كتبت بواسطة فراشة الزهور (المشاركة 961837)

حبيبي فراشة اهلا فيكي و حبيت اقولك كل معاملة تختلف في طريقة سيرها بس انتي اوكي معاملتك ماشية الحمد لله مسالة وقت و راح تتصدر للمحكمة الله يوفقنا و اياكي

لون آلسمآ

10-05-2014 06:45 PM

اقتباس:

المشاركة الأصلية كتبت بواسطة لون آلسمآ (المشاركة 961479)

يا جماعة الخير، أحتاج رقم مديرية العاصمة - مكة - حي النسيم ؟
الله يسعدكم ما لقيت أحد ينزلني وأحتاج أتواصل معاهم أشوف الوضع ..
*
ولو أحد يعرف رقم سواق ابن حلال ينزلني مكة حسب مشاويري الله يكرمكم اعطوني اياه !

الحمدلله عرفت أوصل للرقم ، دا رقم مديرية العاصمة المقدسة - مكة - حي النسيم
0125277914
أو :
0125277908
==
بس فاضل موضوع السواق،
الله يرضيكم لو تعرفوا أحد ثقه ممكن ينزلني ويطلعني بالمشوار ؟

فراشة الزهور

10-05-2014 07:57 PM

اقتباس:

المشاركة الأصلية كتبت بواسطة لون آلسمآ (المشاركة 961851)

عزيزتي اذا حبيتي ممكن تتواصلي معايا على الخاص اعطيكي ارقام سواقين يطلعوكي بالمشوار
الله يوفقك يارب

فراشة الزهور

10-05-2014 08:07 PM

اقتباس:

المشاركة الأصلية كتبت بواسطة كوكيتا (المشاركة 957532)

يارب تسهل امري و تسهل على كل واحد بالمنتدى و نفرح و يتمم امورنا على خير ..
لسه انا اوراقي بالشرطة جدة و بانتظر حتى نهاية رجب علشان اراجعهم
عندي استفسار ياريت تفيدوني '''''
دحين انا خطيبي اللي هو الطرف السعودي قدم كل اﻻوراق من النت عن طريق محافظة جدة و راحت المعاملة للشرطة محافظة جدة و عملنا الفحص بعد ما تنتهي من الشرطة وين تروح المعاملة و ايش المراحل الباقيه علما ان الخاطب السعودي من الرياض و انا من جدة ؟؟؟
هل يشترط تعريف الراتب للخطيب تصديقها من الغرفة التجارية ﻻن اﻻمارة ما قالت شئ لما قدم هو تعريف الراتب و ما كان مصدق و مشيت المعاملة ...
جزاكم الله خيرا افيدوني

عزيزتي كوكيتا حابة انصحك انو تراجعو الشرطة لحدت مايصدرو الاوراق للمحافظة مرة تانية
لأنو مابيرسلو الاوراق الا قبل الموعد اللي اعطوكي هو بيومين.. زي ماصار معايا

قرأت وحدة كانت كاتبة انهم اعطوهم موعد بعد شهرين ونصف.. بس صارو يراجعوهم كل يوم .. لحدت ماصدروها بعد اسبوعين للمحافظة
بالنسبة لتعريف الراتب لعملي كان شرط انو يكون مصدق من الغرفة التجارية عشان يقبلوها

الله ييسر لك يارب

فراشة الزهور

10-05-2014 08:11 PM

اقتباس:

المشاركة الأصلية كتبت بواسطة كوكيتا (المشاركة 961849)

ان شاء الله يارب الله يسمع منك.. بس تعبت من القلق والتوتر اللي انا فيه.. كل شوية تطلع ورقة ناقصة .. جلست 3 شهور عشان اكمل اوراقي واقدم المعاملة
الله ييسرها ويفرجها ان شاء الله في اقرب وقت

لون آلسمآ

10-05-2014 09:17 PM

اقتباس:

المشاركة الأصلية كتبت بواسطة فراشة الزهور (المشاركة 961865)

عزيزتي اذا حبيتي ممكن تتواصلي معايا على الخاص اعطيكي ارقام سواقين يطلعوكي بالمشوار
الله يوفقك يارب

الله يرضيكي ويفرج همك وهمنا يا رب،
ما قدرت أرسل على الخاص عشان عدد المشاركات للأسف،
إذا ممكن تبعتيهم على إيميلي : على الهوت ميل،
وقولي لي ربي يسعدك أية اتعاملتي معاه وارتحتي بتعاملوا ..

لون آلسمآ

10-05-2014 11:41 PM

أحد يقلي الضبط الجنائي ايش موقعه من الإعراب ؟؟؟
يعني ايش بعد الضبط الجنائي ؟
ايش عملهم بالنسبة للمعاملة ؟

* لـولـيـتـا *

11-05-2014 12:31 AM

الضبط الجنائي يمكن يشوفوا اذا خطيبك عامل لاسمح الله جنايه او عقوبه قبل كذا
مدري مو متاكده ترا

لون آلسمآ

11-05-2014 12:48 AM

اقتباس:

المشاركة الأصلية كتبت بواسطة لحظه تفائل (المشاركة 961947)

الضبط الجنائي يمكن يشوفوا اذا خطيبك عامل لاسمح الله جنايه او عقوبه قبل كذا
مدري مو متاكده ترا

حبيبة ألبي ربي يرضي روحكـ ويفرحكـ،
يب صحيح دا الأرجح ..
واللي عندو فكرة أكتر يا ليت يفيدني،
وايش الخطوة اللي بعد الضبط الجنائي ؟

مخطوبه

11-05-2014 05:42 AM

ياحلوين مين يعرف واسطة قويه

لون آلسمآ

11-05-2014 06:11 AM

اقتباس:

المشاركة الأصلية كتبت بواسطة مخطوبه (المشاركة 961982)

ياحلوين مين يعرف واسطة قويه

(^__^) والله يا أختي ( مخطوبه ) يتهيألي يعني لو واحد فينا عندو واسطة بس
من غير قوية ما كان شفتيه بالموضوع هنا متشحطط يسأل ويستفسر !
الله يوفقك ويوفقنا ويسخر لحياتك وحياتنا أجمعين أخير وأحب عبادهـ إليه ..
وإن شا الله تلاقي إجابة تفيدك من أحد الأعضاء ||

مخطوبه

11-05-2014 06:39 AM

اقتباس:

المشاركة الأصلية كتبت بواسطة لون آلسمآ (المشاركة 961983)

انا عارفه حبيبي صح كلامك

بس انا تعبت تقريبا دي المره السابعه اقدم توصل الين اوراق التحليل بعدين يرجعوها و على دا الحال

الساعة الآن 05:54 PM

صفحة 463 من 2211

463

عرض 40 مشاركات من هذا الموضوع لكل صفحة

Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا