و صباحكم خير و سعادة صليت و دعيت لكم انه ربي يفرج لنا كلنا و يتمم لنا فرحتنا ياااارب يا كريم

نفس الانيميا اللي مع خطيبي صراحه كانت صدمه له ولي لمن طلعت التحاليل
عشت ايام صعبه مرررره لان اول مره احس ان الدنيا اسودت بوجهي
وتسكرت بوجهي كل الابواب كانت ايام صعبه اعوذبالله
اخذنا احنا التقرير منهم بعد طلوع الروح وراح خطيبب الشرطه قالت لازم تكون معاكم التحاليل
وتحاليلنا عند المستشفى الزفت مو راضين يعطوناهيا ماني عارفه ليش يعقدوها
كلها ورقتين ايش فيها لو اخذنا يعني نسوي غلط والا جنايه ماني عارفه لكن ماقول غير حسبي الله عليهم
الله ينتقم لي منهم. ويعقد الله امر كل واحد صعبها علينا وكان بيده يساعدنا

الاستثناء ماينقبل ياخوي الا بواسطه. او انك تدخل على الامير او الوكيل
والحمدلله انت دخلت. ونقول ان شاء الله تجيك موافقه قريب يااارب

الديوان حبيبتي عم طريق واسطه وصل لسكرتير الملك وبعدها اتصلو وقالوا عينو خير
جلسنا اسبوعين وشوي الا جانا اتصال ثاني يقولوا سجلو بموقع تواصل وقدمو شكوى
قدمنا شكوى جلسنا كم يوم وجانا رقم القيد وامس بلغونا برساله ان معاملتنا راحت للداخليه
وانها في اتصالات ديوان الوزاره والله يستر من الجاي ويبشرني انا وانتم ونرتاااااااح

صباحكم سعيد?
اللهم إن في حسن تدبيرك ما يغنينا عن الحيل
وفي كرمك ماهو فوق الأمل
وفي حلمك مايسد الخلل
وفي عفوك مايمحو الزلل
فاللهم تولنا بولايتك وأكرمنا بكرمك وعاملنا بحلمك واعف عنا بعفوك وفرجها علينا من عندك..آمين . . آمين . . آمين . .

ماتعتبر موافقه حبيتي كلنا اول ماقدمنا في الاماره قبلو اوراقنا وحولوها للشرطه وانتي عاد تكملي الباقب وترجع من الشرطه للاماره
ومن الاماره للداخليه وتجلس المعامله اذا كل شي اوكي اقل حد 3 الى 6 شهوروتصدر لك موافقه
مستحيل خلال اسبوعين تجيك موافقه خصوصا انتي وخطيبك عمركم حسب النظام الجديد ممنووع
بس انتم كملوها عااادي يمكن ربي يوفقكم وتجي موافقتكم بدون تعقيد زي حالاتنا

يوووه الله يعينك ايش هالحوسه
بس مين اللي رفض تغيريه لموظفه وقال لك خليكي ربة منزل؟

على العموم لاتصعبيها على نفسك هونيها وتهون وتاكدي بكره تنحل
واشوفك تجين تبشرينا تقولين واخيررررا طلعت موافقتنا يااااارب وتنبسطي
وتنسي كل هالتعب اصلا لنا اجر فيه

ربي يطمنكم كلكم ونسمع منكم أخبار حلوة ان شاء الله

حبيبتي فعلا البرنت للبنت السعوديه انا الشرطه كانت من ضمن شروطها البرنت اللي من الاحوال عشان يشوفوا
انتي من اللي ممنوع زواجهم من ناحيه الوظيفه او لا

البصمات اعتقد بعد ماتكملو طلباتكم في الشرطه وتسلمونهم الاوراق اللي طلبوها
يخلو الطرف الاجنبي يبصم. يمكن يشوفوا اذا له سوابق او لا

لكن انا من حظي ماقدرنا نسوي هالاشياء لان مامعنا اوراق تحالينا21e1s1q

صباح الهناء والسرور وتسلمين على الدعوه الحلوه مع هالصباح ربي يفرجها علينا يارب
ويرحمنا من هالتعب اللي ماله داعي لان احنا مانطلب الا الحلال

اللهم امين الله يسمعنا الاخبار الحلوه مع قرب شهر الخير والرحمه يااارب

صباح التفاؤل و صبآح السعادهه ♡

ي ناس معاملتي مرااا ماااااراحت الشرطه نهائي
لييييششش تتوقعو مامرت على الشرطه ..

لعلمك ترا التحاليل لمن تكون فيها مشكلة ما يعطوكي هيا و يحفظوها في ملف المعاملة
هذا الي حصل معاي لمن المختبر الإقليمي ارسلوا التحاليل للشرطة و لمن وصلت للشرطة شافها العسكري و قال لي خلاص
تنحفظ معاملتك بسبب التحاليل ولا رضي يعطيني اوراق التحليل و حفظت مع المعاملة كاملة
و لعلمك كمان ترا هذا الكلام كله في معاملتي الاولي الي قدمتها في جدة
معاملتي الثانية الي قدمتها في مكة عديت فيها كل شي حتي التحاليل طلعت سليمة و لمن راحت الإمارة
رفضوها بسبب شرط العمر الجديد 30 سنة و ما فوق للطرف السعودي و الاستثناء الي دخلت علي الوكيل و قدمته
كان استثناء للعمر ماهو استثناء للتحاليل
لانه بصراحة الي استنجته و خمنته انه نسبة الاستثناء في موضوع التحاليل
نسبة انها تنقبل ضعيفة جدا جدا جدا جدا لانهم هم يبغوا الزلة عشان يوقفوا معاملات الناس و هم تحاليلهم و رواتبهم و أعمارهم
وفق الشروط فما بالك لمن تكون فيه مشكلة في التحاليل هذا الي اشوفه و الله يوفقك و يوفقنا و يوفق جميع المسلمين
الحمد لله علي كل حال انا قدمت اول معاملة في جدة و انردت بسبب التحاليل قدمت استثناء لأمير محافظة جدة رد لي روح قدم للداخلية
رحت قدمت للداخلية و راحت الرياض و رجعت بالرفض و قعدت اجهز ملف المعاملة الثانية حق مكة و وقتها سبحان الله قدم خالي في جدة
راح خلص اموره و حلل و كل شي تمام اعطوه موعد بعد شهرين و قبل الموعد ب أسبوع جاته رسالة راجع المحكمة
انا اجري لي 8 شهور الحين و خالي قدم و خلص و رايح المحكمة الحين في 3 شهور
سبحان الله العظيم ارزاق و تساهيل من ربنا
ترا قلت لكم موضوع خالي لحاجة في نفسي و ان شا الله انكم تفهموها

هل فيه مده محدده من يوم صدور الموافقه والتحويل للمحكمه ويوم العقد ؟؟
عشان ناوي اتأخر في العقد حق شهرين من وقت صدور الموافقه

لأني سمعت انه المده المتاحه شهر والا سيتم اعادة المعامله من جديد .


افيدووووني

ما عندي علم والله
بس ما شا الله طلعت موافقتك خلاص

اعتقد م تعيدي من جديد ﻻن الموافقه معاك
ماله داعي ان تاخذي موافقه جديده
اذا كان التحاليل م تعيديها اﻻ اذا عدا 6 شهور
كيف يعيدولك معامله كامله ماعدا عليها شهرين ..

و شكرا قرقر واجد انا .. يفيدوكك اﻻخوات واﻻخوان