|
كل اللي متحطم وزعلان من اللي يصير معاه ترا رب العالمين يشوف حاجات احنا ما ندري فيها صدقوني كل اللي يحصل لكم خيره من ربنا وانا من تجربتي صدقوني مريت بضروف كانت قاسيه تخص موضوع خطيبي ومشاكل وفكرت اموت نفسي وبالاخير استسلمت ووكلت امري لربي وبعد فتره كل المشاكل اختفت والموضوع تم الحمدلله وانخطبنا لان الله بذاك الوقت ما كان كاتب لنا لان لكل انسان وقت
وكلو امركم لله والحمدلله علئ كل حال ياليت اقدر اساعدكم لان من جد كلامكم وجع قلبي |
اقتباس:
والله من جد بعد ماكان الزواج حاجه حلوة في عيننا ونتمناها سار حاجه اول مااسمعها يضيق صدري ويجيني الاكتئاب استغفر الله والحمدلله |
اقتباس:
معاكي حق بكلامك احنا اذا كبرنا يقولو عننا خلاص فاتنا القطار والرجال كل ما كبر قالو كوييس عمرو كبير ومو طايش وكمان دحين اغلب الرجال يدورو صغار واحنا كبرنا ما عاد ننفع بس عادي كل شي من ربنا واحنا راضيين الحمدلله |
اقتباس:
ولمن خلاص اتيسرت الامور ومشيت المعامله من تحاليل و و و رجعتلي الفرحة تاني انا واهلي والكل وفغمضة عيين ترجع المعامله وتحفظ |
اقتباس:
بس انا واحد من الناس اللي اتمنى زوجتي تكون اكثر من 25 سنه وترا في الاخير النصيب اللي كاتبه ربي حيصير مافي احد احسن من احد وكلنا بناخذ نصيبنا وكلنا نعاني من موضوع المعاملات الله يكتب لي ولكم الخير ويسهل امر معاملاتنا ويتمملنا على خير |
اقتباس:
هذا اللي نقصدو |
اقتباس:
مين بيأخذ وحده فوق 30 بسبب شروطهم اللي مالها اي مبرر وبالنهايه كل واحد ماياخذ الا نصيبه في هذي الدنيا والله كريم |
اقتباس:
كنت مقبل للحياة بكل حماس و رغبة و طموح ابي اتزوج و استقر لي 3 سنين و يوم حصلت بنت الحلال الي قلبي ارتاح لها و ارتحت لاهلها و ارتاحوا لي و حسيت انهم أهلي جوا ب أنظمتهم العقيمة الي ما انزل الله بها من سلطان وقفوا حالي و قلبوا الدنيا سواد في عيني والله والله صار الي يقابلني من اهلي و لا اصحابي و لا زملائي يجيب لي سيرة الزواج اني أكش و اتضايق و تتعب نفسيتي و تضيق الدنيا بعيني ربي يفرجها علينا أجمعين |
اللهم امين ❤️
|
اقتباس:
لي 4 سنوات في عملي و كنت مثال للانضباط و الالتزام مديري مبسوط مني كان و تقييمي كان طيب و دورات و دلع من يوم بدأ معايا هذا الموضوع صرت كل اسبوع اسبوعين لازم اجازة اروح اراجع و اجري في جدة و في مكة من شرطة الي إمارة و من امارة الي مستشفي و مشاوير لها اول مالها آخر مديري يقولي انت اتغيرت منت زي زمان و صار بالقوة يعطيني اجازة و لا استئذان و في الاخير بعد هذا كله بكل برود و اهمال يقولك اتغيرت الشروط حسبي الله و نعم الوكيل حسبي الله و نعم الوكيل |
ولمن تشتكي لاحد يسويلك فاهم يقولك منك اول واحد ولا اخر واحد تفاسخ خطوبتك
طيب صح انا معاكم بس اللي بتقولو عنهم دول بيفاسخو بعد مشاكل ووجع راس يعني يفاسخو وهما مبسوطين لانهم افتكو من المشاكل لكن اللي زي وضعنا تفاسخ غصبن عنها وعن خطيبها او خطيبتو ويفاسخ وهو ناااار تكويه في صدرو ودموعو تجف من البكاء انا كنت مخطوبه لواحد سعودي وكنت تانيه جامعه وفجاءة قبل عقد القران اتذكر انو هو بيسافر يكمل دراستو برا فيبغى وحده اكبر مني عشان تطلع تدرس معاه واتصل ابوه ع بابا بكل برود قالو مافي نصيب وكل شي قسمة ونصيب وفعلا سمعنا بعدها خطب وطلع برا وهو الان متزوج وعايش برا مع زوجتو وانا مااتخطبت بعدها الا لهذا الاجنبي اللي مولود هنا اصلا وعايش طول عمرو هنا لان امه سعوديه وبعد خطوبة واجراءات سنة تترفض لكن الحمدلله ع كل حال الله يقويني ع الصدمتين ويعوضني عنها ووييسر امري وامركم ويبدل حالنا الا احسن حال |
اقتباس:
اذا كان ذا الشي اللي يبغوه بشروطهم اللي حاطينها |
ايش فيكم. انا كنت زيكم ازعل في كل خطوبه
بس بعدين اقول معليش ربي بيعوضني لاني انخطبت 5 مرات والاجنبي 6 كنت انخطب وانا من عمر 27 وكلهم كانو كبار بالسن كنت اجلس يومين اسبوع زعلانه لاني ماكون انا السبب في الرفض والله يسامحهم اللي كانو السبب بس سبحان الله ربي عوضني في هذا اللي مدري متى ربي يجمعني فيه على خير لان فيه الصفات اللي ابغاها واكثر وحسيت ربي عوضني لاني انظلمت في حياتي ومع هذا سكتت وصبرت والله يعوض صبري وصبركم خير |
اقتباس:
عشان كدا بتقولي كدا طيب انا ماقدمت استنثاء ولا شي ومررره نغسي اقدم استثناء عشان يرجعلي الامل زيكم وبعدين مدام 90% من المعاملات ماشية بعد الله على الاستثناءات وكدا ليش ماترجع الشروط القديمه وخلاص الله ييسر لي ولكم وللجميع |
اقتباس:
اما اذا اخذت 20 يوم واكثر فمعناه خييير لذلك انا خايفه ماابغى افتح موقع الوزاره اخاف غيرت مجراها ويجيني اكتئاب تقريبا المعامله لازم تاخذ بالداخليه من شهرين لثلاث لذا اقل معناه يافيه نقص يارفض والله يرزقنا ويرحمنا مع قرب دخول رمضان ياااارب |
| الساعة الآن 04:18 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا