|
صادق رسوم لاني مهما سويت لها من اكسسوارات شعر و سلاسل و اساور تعلقت بوعد الفستان
مشكلة الحياكة غير الخياطة لانها تاخذ وقت و يبي لها مزاج تظل ترص الغرزة جنب الغرزة ، الاف الغرز عشان تحيك الاكمام فقط ، كيف اجل قطعة كاملة الخياطة فقط قماش و يقص لا ياخذ وقت و لا جهد ، و هذا تخصص الوالدة ربي يحفظها تتسلى على مكينتها |
لميا ما لي نفس بالأكل
صحيت و سويت لي قهوة و كثرت العويدي أبغى أصحصح لكن عقلي لا زال مقفل |
اما الطبخ صراحة يبي له مزاج ، بالنسبة لي ما اقدر اخليه هواية او باب رزق مثلا
لابد يسبقها رغبة سبحان الله و لكنه عند بعض النساء و حتى الرجال ماشاء الله تبارك الله كيف تلقاهم يتفننون و ينتعشون بمجرد دخولهم باب المطبخ انا بالعكس اشرد عنه و عن الزيوت عشان ما ودي أسمن ، لدرجة اتعمد اتجنب الاجتماعات بسببه لاني بصراحة ما اقاوم الاكل اللذيذ |
الله يسعدكم جميعا 🙂
|
أنا كنت من الناس لما أكون في قمة الغضب والبكاء أحب آكل وآكل بشكل شره ومن هنا تعب معي القولون وصرت مأ أقدر آكل إلا القليل
وما عرفت أنه فيه مرض إسمه الشره المرضي إلا بعد ما تدمر الجهاز الهضمي عندي وصار لا يتحمل أي شيء |
و إياك الله يسعدكم 🙂
|
صامدة لو جلست فترة تتجنبين الزيوت و المقليات يبي يرتاح الجهاز الهضمي و تتشافين بإذن الله
مرت علي فترة كان عندي ارتجاع بالمريء تعبت ما تركت علاج و بعدها جلست قريب السنة مبعدة عن الدهون بعد تام و الحمدلله ارتحت و الف سلامة عليك |
اقتباس:
|
اقتباس:
إذا لازلت ربحان |
هونها و تهون يا بو حميد
|
|
نصيحه محب أسمعوا المقطع السابق و دققوا فيه راح تستخلصون منه الكثير من الدروس و العبر
فقط حاول / حاولي تستنتجون نتائج نهائيه تفيدكم |
دمعة شقا و أحوالنا ماهي أحوال
الفرحة اللي كنت أبيها نستني واقف على باب الفرج كلي آمال https://www.youtube.com/watch?v=hfUpuWqVkBs |
يا صاحبي ما فادنا كثر الأحلام
و اللي بخاطرنا عجزنا نقوله أسوء شعور هو الإحساس بعدم الشعور |
|
تصدقون
جاني شعور ان ودي الحين إنني بالبر و نايم :( |
اقتباس:
سمعت قهوة ..احضرك قهوة تغير المزاج في لحظات الراعي الرسمي للقهوة بريس ههههههههههههه بالتوفيق اخي العزيز |
ياربي تسهل الامر وتزين ألاحوال = ترانا بلا رحمتك هلكا ومتهاوين
ولا عندنا غيرك ليا صك جال(ن) جال = ضعوف ألاوادم ياقوي فيك متقوين أبي رحمتك حي وفي القبر وألاهوال = نهار الحساب مشيب الرضع الولدين لنا حقوق وعلينا حقوق وماحط يشال = زمان يخلي ضاحكينه من الباكين ماينزل به الراحل ويرحل به النزال = ومواعيدنا واجالنا كل شي بحين فياحظ من طابت فعايله والاعمال = وياشين حظ أللي لاوحده ولا ثنتين هبوب الزمان وكنته والبراد اشكال = تقلب به الدنيا واهلها على الجنبين ولا اصعب على الصاحيين من كثرة الجهال = ولا اقسى على الجهال من سطوة الصاحيين عسى الله يصيب مدور الشر بالسلال = وعسانا لاظلام ولاحن بمظلومين ولانطرد المقفي ولانكره الاقبال = ولانخطي اليا صار مانقبل المخطين لو انهم تناسوا فعلنا مانقص مثقال = من اللي تناسوا جعلهم دايم(ن) ناسيين ولا تذكرونا غير في حزة الانكال = ليا اشتدت الازمة وخالط صفا الماء طين نطب الخطر والخوف والموت طب هبال = تقول اننا بمقابل الموت مسترين بنفنى وتفنى عيالنا بس لانزال = عزاز النفوس اللي على حقنا عيين على الراس كوفيه ومن فوقها دسمال = ومن فوق دسمالي عقال(ن) يميل يمين ولو ماتحوش ايماننا مال مانهتال = لو الوقت عاري وجه عشناه مستورين ابو خمسة لاقل من قيمة ابو ريال = فبو نصف يقدر يقتل احلام بو قرشين مايوجعك يالسائل سوا جفوة السؤال = ليا صرت تقضي دين ظهرك بمثله دين ولا فيه بيت(ن) سالم(ن) من بعض الاشكال = وهدامته قله وبنايته كثرين لنا ماضي وحاظر مانبكي على الاطلال = مايبكي على الاطلال ياكود محرومين لهم ماضي(ن) حلوى لكن حاظر(ن) بطال = وذولا عرب موتى ولو عادهم حيين تقل العوايد يوم تتعاقب الاجيال = وسلوم الرجال الاوله تتعب التاليين ولو نبكي اللي راح ياويل حالي وال = بعد روحوا شيباننا الزحل الوافين موصيننا بالصدق في القول والافعال = وفي جمعة تهتاب من قوها الطمعين غدينا شتات وحن عيال(ن) على رجال = رخصنا والاجناب اصبحوا عندنا غاليين نحب الجمل والحمل ونعذرب الجمال = وهو اللي يقود الزمل من وين اليا لين من اول يوم إن القل والمال ماينطال = قبل شركة الكهرب تنور بيوت الطين يوم ان الرفيق اغلى من الروح والمنزال = ويوم ان الرفيق ان غاب نفقده فقد(ن) شين وذالحين الاخ يقاطع اخوه حيل وحال = ولو حسته الايام ولا غراب البين اخوي ابن ابوي ان كان مايردع العيال = اليا عال فيني رحت به في ( سند الاثنين ) ابيعه كذا واشرب ورا بيعته فنجال = وانا دون عمري قبل يولد الى ذالحين جروح العرب تبرى وجرح الاخو قتال = وجرح العرب واحد وجرح الاخو جرحين ولو يبتلى والله ماخليه لين يهال = علي القبر ولا أنتصر له من الغاويين يقولون جيبك اكبر اخوانك العقال = وانا اقول وقفة الاخ تسوى كنوز الصين عطاني الزمن كل شي إلا مره واطفال = عسى الله يكمل زينتي في الحياة امين لاتحزن ولا تزعل تماسك وهد البال = ترى العاقل اللي يحسب حساب وقته زين رفيقك تحمل له ثلاث لاشك ثقال = لكن رابعته افطن لها واخذ حق ودين والاولاد وهبه لاعمام(ن) ولا بخوال = عسى الله يصلح ماعطانا من الجنسين ياكم بنت هامل جا ولدها بطل الابطال = وكم بنت شيخ(ن) جا ولدها قصير ايدين زكاة العوال معاكستها زكاة المال = لاطاب إلك واحد فدفن عوالك الباقيين |
|
اقتباس:
الله يسعدك يالبريس البرنس ما أحلاها بوقت العشي وقت ميلة الشمس للغياب و ترتشف قهوة من يد سنافيه سنافيه و سنافي :: نشميه و نشمي راعي طيب و العلم الزين مشاركاتك شبيهه بالقهوة تماما d3 |
قصيدة جزلة يا بو حميد تسوى الذهب صدق من قال و من البيان لسحرا
أنشهد غدينا شتات وحن عيال(ن) على رجال = رخصنا والاجناب اصبحوا عندنا غاليين نحب الجمل والحمل ونعذرب الجمال = وهو اللي يقود الزمل من وين اليا لين أنشهد من اول يوم إن القل والمال ماينطال = قبل شركة الكهرب تنور بيوت الطين يوم ان الرفيق اغلى من الروح والمنزال = ويوم ان الرفيق ان غاب نفقده فقد(ن) شين القل = الفقر ولو يبتلى والله ماخليه لين يهال = علي القبر ولا أنتصر له من الغاويين يقولون جيبك اكبر اخوانك العقال = وانا اقول وقفة الاخ تسوى كنوز الصين يآلله عطاني الزمن كل شي إلا مره واطفال = عسى الله يكمل زينتي في الحياة امين لاتحزن ولا تزعل تماسك وهد البال = ترى العاقل اللي يحسب حساب وقته زين الله يزوجنا سريعا سريعا و يرزقنا بالودود الولود و إياك يا بو حميد والاولاد وهبه لاعمام(ن) ولا بخوال = عسى الله يصلح ماعطانا من الجنسين ياكم بنت هامل جا ولدها بطل الابطال = وكم بنت شيخ(ن) جا ولدها قصير ايدين زكاة العوال معاكستها زكاة المال = لاطاب إلك واحد فدفن عوالك الباقيين الله يصلحلنا المال و الذرية :) قصيدة و لا أروع صح لسان من قالها و من شقلها :) أبيض وجه |
تسلم عااااااااااالي على التفصيل علي بن حمري قصائدة جزلة وعلى الجرح
|
|
الله على الجمس لولا وارد الستين ... ياليت مابدلو روده وسكانه
ياليت شالو مقصاته مع الجنبين ... خلوه سسته على الدنقل كما اخوانه ربحان يامن شراء من اربعه وستين ... ما يشتكي نفضة البطناج ربانة الله واكبر على من ضبط التيمين ... وزن بلوفه وبَرينقه وذرعانه لولا السلنسر وسيع ودبته مترين ... كان انفجر من لهيب النار شكمانه بين السلندر وبين الهيتله وجهين ... أطرنبة الماي تقلب بين قمصانه اما الشنابر مع البستن بوزنبين ... على الكرنكات في بوشات مليانه اكويل والديلكو مايحرق ابليتين ... اسلاك في الكوب وافهم حق ميزانه واحد وخمسه وثلاثه وسته قبل اثنين ... الاربعه حطها في آخر الخانه الدينما والكتاوت شغلها تموين ... بتريه للسلك والليتات بطرانه السير والمروحه في وسط الكاور تلحين ... تشبه ربابة ابومحمود والحانه باور استيرنق في السكان له بيبين ... يعجبك تصفير سفتي بلف خزانه اما الغماره بلاسلكي بكشافين ... طبلون ورشه عليه اسمه وعنوانه ق |
على كف القدر نمشي ولا ندري عن المكتوب
عبارة كنت أرددها صدق من صاغ معناها مشينا دون لا ندري وشربـنا من بـلاهـا كـوب وهـذي حال الـدنـيـا رمـتـنـا مـا رمـيـنـاهـا تضحكنا تبكـيـنـا تـمـشـيـنـا على المـطـلوب على كف القـدر نـمـشـي دروب ما رميناها من الكاسب من الخاسر من الفايز من المغلوب مع الأيام تـحـصـدنـا وحـنـا ما حصـدنـاهـا وأنا واحد من الآلاف أعيش بعالمي مرعوب أحس الأرض مهزوزة من أدناها لا أقصاها نظرت الناس من حولي وكم بالناس هو منكوب حوادث هزه الوجـدان أجـل بالعـيـن شفناها ألا يا عـمـري الفاني ألا يا حـقـي الـمـسـلـوب متى عـيـنـي بليل الياس لـذيـذ النوم يهـنـاها متى يحـالفـنـي الحظ ويصحح وضعـي المـقـلـوب يعـدل قسـوة الأيام وغلطة ما ارتـكـبـنـاهـا |
|
|
على كثر العيون اللي ضحكتلي مابجت لي عين
بجيت ولا لقيت لدمعتي عين تواسيني صرخت ولا لقيت لصرختي منهو يمد ايدين تصوبي سهوم الموت مره والف تخطيني انا وحظي رجعنا كل منا خالي الكفين على كيف الدهر من وين مايمشي يوديني ذبحني جرحي اللي ثار بي وادمى من الصوبين بلاني وين اولي به لعب في حسبت سنيني خطاي اني وفيت وماعرفت العب على الحبلين خطاي اني اذا حبيت احب بكل مافيــــني نعم باقي من عيوني لعيونك الف دين ودين لو اجمعها جروح الناس قلبي مايكفيني ابد ما اتبعه جذاب والله وصاحب البالين وشلي اذكره بالخير منك لجل تهديني انا تدري ربــي ماخلقني اتبع المقفين وربي لو رجعت بكلمتي لا اقطع شراييني |
الحمد لله على كل حال ولاحول ولا قوة إلا بالله
ترى ماهو اسم اليوم وماذا كان أمس وأين أنا غدا لا أعرف لها جوابا سوى أني لازلت في الدنيا أم أنه مجرد حلم سأصحى منه وينتهي لا أدري لا أدري لا أدري ماذا أريد أن اقول |
اقتباس:
|
اقتباس:
القهوة في وقت الضحية اي بين التاسعة والعاشرة صباحا لا تقاوم .. هذه التعليقات برعاية القهوة بريس هههههههههههههههههه بالتوفيق دائما ... |
اقتباس:
|
أيها المكتئبون تمعنوا في قول الله
قال الله جل وعلا ( لاتقنطو ) وقال يعقوب لأولاده ( لاتيأسو ) وقال يوسف لأخيه ( لاتبتئس ) وقال شعيب لنبينا موسى ( لاتخف ) وقال نبينا محمد صل الله عليه وسلم لأبو بكرٍ الصديق ( لا تحزن ) الشفاء قريب ثقوا بالله و أحسنوا الظن به ولا تتبعوا خطوات الشيطان فيضلكم عن سبيل الله . |
الله الذي يرى نمله في ليلٍ مُظلم
وعلى صخرةٍ سوداء ويرزقها أتظنهُ ينسَاك ، وأنت في هذا الحال ؟ ! |
كفو كفو يا بدر لله درك
أسأل الله للجميع الشفاء و العافية و الأجر و المثوبة كل شي بهداية الله تلقى إنسان مطمئن و هو عنده كل أبو المصايب و الدواهي تلقى إنسان عكس ذلك تماما متسخط و متذمر و هو عنده كم من مصيبة و داهية و كلها خفايف حتى لو تساوت في الشخصين مصايبهم و دواهيم لكن فرق إنسان راضي بقضاء الله و قدره و إنسان مهوب راضي بتاتا البته كلها في هداية الله للعقول و الفهوم الله يجملنا بعقولنا و إياكم |
إمش يا بو رمش هههههه يا بو حميد خلها على الله ليتني سواق لبنات المدارث :)
كنت سواق لأولاد المدارس الله على ذيك الأيام ثلاث سنين عدن كنها ثواني لا تزيد المواجع خلني قد نسيت |
الصمله يلد تسوي الهوايل
المقطع الكامل لسرقة شاص في معارض النسيم بالرياض https://www.youtube.com/watch?v=H6MwUYb6I-w&spfreload=5 |
( الإكتئاب )
يتسرّبُ من عقولنا إلى أجسادنا ثم يتكاثر فيتجمّع عند مدخل الحنجره يمنعُنا من التنفس و الحديث يقتلُ أحلامنا ويقتُلنا ببطئ فلا يُبقِي لنا غيرَ الدعاء . |
لولا الإكتئاب ما عرفنا الله
لك الحمد يا رب على قضائك و قدرك حلوه و مره يا عيال أدعوا لي غصبت نفسي ع الغدا بعدها راح كل شيء بالترجيع وش إستفدنا :( |
اقتباس:
|
| الساعة الآن 07:54 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا