|
اقتباس:
|
اكيد ان حنا نقدر نصبراكثر واكثر نقدر نصبرر ونصبر ع الاكتئاب وعلى طوايفه يااارب لك الحمد ياااارب لك الحمد : ) لازم نحاول ونجاهد مع انفسنا ونشغل انفسنا باشياء تقوينا : )
|
و الله ما أدري يا بنت
رحت الباطنيه و عطوني أدوية القولون و لا فادت الحين على النيكسوم و لا فاد أكيد البطن فيه أم الطوام |
عندنا إسمنت شكلي بأترس البطن بإسمنت عشان أسكر فجواته :)
|
إهداء لبدر الهذال صحيح هو أقفى سهيل لكن أملنا إن الله أحيانا بسهيل الجاي
أربعين سهيل لشاعر المليون محمد بن فطيس ومن أداء صوت آل مره ناصر الطويل https://www.youtube.com/watch?v=c-Gg9kuGQ-o |
اقتباس:
اقتباس:
متى عيني بليل الياس لذيذ النوم يهناها و من يقول يسلم علي بن حمري مهوب بسيط |
اقتباس:
اشرب قسط هندي بترتاااااح معدتك بإذن الله خذ من العطار قسط هندي و أطلبه منه أعواد قسط هندي افضل أعواد علشان ما يكون مغشوش .. و كسرة قطع صغيرة ثم في الطاحونة .. و قبل تنام خذ ملعقة صغيرة و اخلطها مع زبادي و ملعقة صغيرة قشر رمان مطحون .. و كلهم .. و نام .. و نفس الشيء في الصباح على الريق .. و بترتااااح إن شاء الله .. و خطاك السوء يا اخوي .. اجر و عافية إن شاء الله |
|
|
|
خذ بدلتي وبريهتي للمناعيـــر
سلم عليهم قلهم يفصلوونــــي وتبــلغ القايد تـحية وتقديـــــر وعلى طابور الصبح لايحتروني ماقصدي اتركهم دشاره وتقصير لكــن نسيم الليل هيض شجوني حب القنص والبر وملاعب الطير وخــــــوة رجال بالوفاء يعرفوني بأرض خلا قفرن ماجاها مداوير بكــر سقـاهـا وبل غر المزوني وخوياك دوم ماتحسب المخاسير وخــويهم يجلــون عنه الحزونى لطيب بوجيه النشاما تعابيــــــر بالطيب انا اذكرهم وهم يذكروني هذا هواي ورغبيتي يا هل الخير وعــن شف بالي بس لاتعذلوني وأن كان مني يا هل العرف تقصير انـــا ادمـــي يخطي لكن مايخوني خــذ بدلتـــي وبريهتـــي للمناعيـر سلــــم عليهــــم قلهم يفصلووني |
ياعطاشا عطاشا والموارد بعيدة
والثريا حداها سهيل يم المغيب واليا غابت من يضمن قلبي إنه تعيدة قلبي اللي تولع ردى حظ او نصيب ويل قلبي تراها في هواها تبيدة اتركتني وقلبي بالهوى مستصيب طال مشوار حبك والليالي عنيدة جف غصن المحبة عقب ماهو رطيب يا عطاشا عطشكم في صخور ٍ جليدة مالها ماطر ٍ هامي ولا به سريب جف فيها عذي الحب وقطع وريدة يا عطاشا حذاري من بعيد ٍ قريب من رمى سهم حب ٍ في عيون ٍ صديدة يقضي باقي حياته بالمحبة غريب من طلع عالي ٍ يلقى رياض ٍ مديدة ومن وطى في مطامنها فأمره غريب |
|
أنتي صادقة يا كوين و الله طرت لي فكرة أنا لا زال عندي القسط الهندي و أسف منه ربع ملعقه عند النوم مع الصمغ العربي
بس تصدقين فكرتي هذي إني آخذ قسط هندي أعواد و لا أطحنه أكسره تكسير بس و عند النوم آخذ منه كسره و أشربه كذا أحسن عشان طعمه و ريحته لا تلوعني و أتركه عاد خلي بطني هو يتفاهم مع هذي الكسرات وده يطحنها و الا ما وده بكيفه :) تحسين الفكرة حلوة :) |
تسلمين كوين الملكة ربي يجزاك خير
أبو حميد إدعس يا شنب دربك خضر من رمى سهم حب ٍ في عيون ٍ صديدة يقضي باقي حياته بالمحبة غريب من طلع اقتباس:
ومن وطى في مطامنها فأمره غريب حبيبي تقول من طلع عالي يلقى رياض مديده ههههههههه وين يالأخو :) أحس إسمي معروف مشكلة و الله حتى انهم يقولون من عدى على راس عالي رجم طويل يدهله كل قرناس #EF إسمي أبغيره وش رايك |
أستآذنكم بغير إسمي
إلى حجير |
حتى انا بغير اسمي
|
اقتباس:
حنا نبغى علاج .. مو خراب بيوت 😆😁 أدري فيه القسط ريحته مخيسه .. علشان كذا قلت لك حطة مع زبادي .. أجر و عافيه يا ابو نجلاء |
في الزمن ما شي يوجعني.. ............غير حلم صعب تحقيقه
|
لعنبوا هم يوردك مستشفى المهابيل ...................ولعنبوا هما يوردك الذل والاهانة الا الكرامة توقف دونها يدين المطاليق..................اما عشنا بكرامة ولا موت الشجاعة وش رايكم اصلح شاعر |
يسعد مساكم يا أحباب...
|
القسط الهندي اكتم نفسك والهمه مع كوب ماء ولا تتطعم فيه وان شا الله ما تجي ريحه..
|
عالي الغالي دمك شربات ههههه يا رب يسعدك..
|
|
من الي قال إنا الجنكة تقوي الذاكرة والتركيز !!!
أنا أساسا قضية استخلاص بعض العناصر والمواد من العشبة ماني مرتاح لها جربتها اليوم وأدري استعجلت بالحكم عليها بس يا حسافة الفلوس إلي دفعتها فيها أنا أظن تناولت جرعة كبيرة 100 ملجم دفعة واحدة المشكلة إذا جابت نتيجة عكسية معك تشويش وتناحة |
ههههههههه أبو أمل بالسرعة ذي تبي تتحسن الذاكرة من أول حبه! تحتاج شهرين الى ثلاث من الاستخدام المتواصل.بعدين مفروض ما بديت بجرعة 100 مباشرة خصوصا اذا كنت تستخدمها اول مرة فيه جرع 30 و 40 و 60.
|
أبو أمل فيه اعشاب ممكن تتناولها كعشب خام بلا مشاكل مثل البابونج المليسا البردقوش لكن فيه اعشاب اخرى معقدة لازم تكون الجرعة معايرة بدقة زي الجنكة لو اخذتها عشبة خام انت ما تعرف مقدار المادة الفعالة كم ممكن تاخذ زيادة ولها مخاطرها اذا زادت مثل النزف . هذا هو اهمية استخراج المادة الفعالة ومعايرتها بدقة..
|
فيه اعشاب قوية ولها قدرة علاجية تعتمد على المادة الفعالة انا ما افضل مطلقا تناولها خام مثل الجنكة الجنسنج افضل شيء تناولها حبوب بحيث تكون المادة الفعالة معايرة بدقة..
|
أهلا أخوي أبو علي
للأمانة تجربتي سيئة مع الجنكة وأضرتني أنا الآن أنتظر انتهاء مفعولها أقدر رأيك وأحترمه أخي أبو علي أنا أفضل أن أتناولها كأعشاب كاملة لأن ربما بقية المواد المكونة للعشبة قد يكون لها دور في العلاج أو أنها تقلل من عرض سيء لمادة أخرى في العشبة أنا أؤمن بمبدأ التوازن الذي خلقه رب العالمين لو أخذت 2 جرام من العشبة وفورتها ما أظن راح تتعدى المادة الفعالة الأساسية فيها 10 ملجم بينما أنا أخذت نوع منه القرص الواحد يحتوي على 24 ملجم من المادة الفعالة فرق كبير ربما أعيد استخدامها بعد أن أقسمها إلى نصفين مرة أخرى |
اعذرني ما قرأت ردك الأول
|
أبو علي لا تعطيني مفعول من أول يوم أو يومين أو أسبوع مستعد أنتظر وأنا هذا الي كنت حاطه براسي على أساس إني بجربها شهرين ثم أحكم عليها
لكن أهم شيء لا تضرني نتروبين كثير مدحه هنا لكن تجربتي معه سيئة جدا ومن أسوأ الأدوية التي جربتها ما أدري هل جسمي يتفاعل مع الأدوية بشكل مغاير الشيء المتأكد منه إني تناولت كمية كبيرة من الجنكة |
اشتريت شبه مطحونة و سدر وملح خشن .. احس نفسيتي تعبت مرة من الاكتئاب ~فيس يبكي
|
أبوعلي أنا أخذت الجنكة ليس للذاكرة والتركيز لأني كنت متوقع أنها لن تفيدني لكن أخذتها لتحسين الدافعية
|
لمياء ما علي قلبك شر ان شاء الله شدة وتزول واصلي برنامج الرقية وان شاء الله يفتح الله عليك بالشفا العاجل
|
من كنوز الجنة
الكنز الأول عن عبادة رضي الله عنه قال : قال رسول الله صل الله عليه وسلم : من استغفر للمؤمنين والمؤمنات كتب الله له بكل مؤمن ومؤمنة حسنة الكنز الثاني عن ابن مسعود قال رضي الله عنه: قال رسول الله صل الله عليه وسلم : لقيت إبراهيم ليلة أسري بي فقال : يا محمد أقرئ أمتك مني السلام وأخبرهم أن الجنة طيبة التربة عذبة الماء وأنها قيعان وأن غراسها سبحان الله والحمد الله ولا إله إلا الله والله أكبر " رواه الترمذي " الكنز الثالث عن أبي هريرة رضي الله عنه قال : قال رسول الله صل الله عليه وسلم : كلمتان خفيفتان على اللسان ثقيلتان في الميزان ، حبيبتان إلى الرحمن : سبحان الله وبحمده ، سبحان الله العظيم |
اقتباس:
أنا أفكر نبيع البيت وننتقل شكلها عين قوية وما نفع معها رقية ولا دواء أول ما أخرج منه أحس براحة وأول ما أجي ناحيته أشعر بخنقة حسبي الله ونعم الوكيل |
اقتباس:
|
السلام عليكم
اسعد الله مساءاتكم جميعا بكل خير و يارب تكونون دوم في خير و الى خير ابا امل انتبه تغلي الاعشاب ، الاعشاب لا تغلى اللي يغلى البذور و السيقان الاعشاب تنقع في ماء حار مغلي مدة ربع ساعة ثم تصفى و تشرب |
ما السبب يا أختي عيون متفائلة ؟
أنا في الحقيقة أنقعها في ماء حار لمدة 5 أو 10 دقايق ثم أشربها لكن لسان الثور كنت أغليه |
نعم الأعشاب يعني الأوراق لا تغلى والبذور تغلى نصيحة من الدكتور أمير صالح
|
| الساعة الآن 06:53 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا